Fréttablaðið - 20.02.2008, Blaðsíða 14
MARKAÐURINN 20. FEBRÚAR 2008 MIÐVIKUDAGUR14
F Y R S T O G S Í Ð A S T
F R Í S T U N D I N
„Það var engu líkara en að við
hefðum skrifað veðurspána, sól
á daginn og snjókoma á nótt-
unni. Nýr snjór og fjöllin æv-
intýralegt leiksvæði dag eftir
dag“ segir Böðvar Þórisson,
framkvæmdastjóri í Sjóvá.
Böðvar og fjölskylda hans,
Hrefna Sigfinnsdóttir, Sigfinn-
ur 9 ára, Kristín 7 ára og Ingunn
2 ára, eru útivistarfólk og sækja
mikið í Alpana, eru nú nýkom-
in heim frá Laax sem er í sviss-
nesku Ölpunum. Þar eru að-
stæður sérlega góðar fyrir fólk
sem vill fjölbreytta möguleika;
flottar troðnar brekkur, stökk-
pallar og aðrar lausnir fyrir
snjóbrettaiðkun sem og ósnert,
ótroðin fjöllin sem bjóða upp á
skemmtilegt utanbrautar rennsli
fyrir skíði og snjóbretti.
„Við vorum tíu saman, tvær
fjölskyldur með þrjú börn
hvort,“ segir Böðvar og bend-
ir á að þetta sé frábært fjöl-
skyldusport fyrir alla aldurs-
hópa. „Þetta verður miklu
skemmtilegra fyrir alla þegar
fjölgar í hópnum. Krakkahóp-
arnir voru tveir hjá okkur núna,
brettahópur og skíðaprinsess-
ur,“ segir hann og hlær. Yngsta
barn þeirra hjóna er tveggja
ára og skellti á sig plastskíðum
inni á hóteli á kvöldin en hafði
einnig mikið gaman af því að
leika sér í snjónum á daginn.
„Hún er orðin spennt og byrjar
að renna sér næsta vetur.“
Laax er einn helsti snjóbretta-
staður Evrópu í dag, að sögn
Böðvars. „Þar er mikið verið
að horfa til þeirra þarfa sem
eru í snjóbrettunum og dregur
það mikinn fjölda iðkenda inn
á svæðið. Laax leggur einnig
mikið upp úr því að bjóða upp
á ótroðnar leiðir og heilu fjöl-
lin eru ekkert troðin en þó skil-
greindar leiðir þannig að maður
á ekki að villast. Mikið er lagt
upp úr öryggi á sama tíma
þannig að allt sé þetta stundað
með réttum búnaði og við rétt-
ar aðstæður.
Sigfinnur, níu ára, hefur verið
á snjóbretti síðustu fjögur árin
og farinn að gera ótrúlega hluti
á brettinu. „Maður klórar sér
bara í hausnum þegar hann svíf-
ur í loftinu og fer í hringi,“ segir
Böðvar. En allt er þetta gert
með hjálm á höfði og brynju á
bakinu, það er lykil atriði. „Ég
hef stundað snjóbrett jafnt sem
skíði síðustu ár, en Sigfinnur er
orðinn miklu betri en ég jafnt
í stökkvum sem og við rennsli
í braut og mjöll,“ segir hann.
„Oft er talað um það að þeir
sem stundi svona íþróttir séu
áhættusæknir, en ég er ekki
sammála. Maður er vel varinn
og fer um fjöllin af yfirveg-
un og hugsun, “ segir Böðvar.
„Ég er alltaf hræddastur í bíl
á Suðurlandsveginum. Maður
stýrir sjálfur skíðunum og snjó-
bretti en ræður ekki því sem
fram fer í bíl sem kemur á móti
manni ,“ segir hann.
Böðvar segir heilmikla upp-
byggingu hafa átt sér stað fyrir
útivistarfólk í Ölpunum síðustu
ár og mörg svæðanna séu nú
einnig opin á sumrin. „Við sækj-
um mest í skíðasvæðin í Sviss,
Ítalíu og Austurríki á veturna
en hjólreiðasvæðin Frakklands-
megin á sumrin.“
Böðvar segir Alpana frábæra.
Fjölskyldan komi þangað reglu-
lega og kunni hvergi betur við
sig. „Ég fer einnig reglulega
í Alpana með félögum mínum
og þá sérstaklega í hjólreiða-
ferðir. Les Gets í Frakklandi er
þá oftast áfangastaðurinn. Pass-
portes du Soleil er að verða ein-
hver þekktasta fjallaþraut hjól-
reiðanna í Evrópu og afgreidd á
hverju ári. Ísland hefur einnig
upp á magnaðar hjólaleiðir að
bjóða, en það er eins og krem
á köku að fara í Alpana,“ segir
Böðvar. - jab
BÖÐVAR OG BÖRNIN Böðvar og fjölskylda hans fer reglulega í Alpana og kann hvergi
betur við sig. Hann er hér í miðið ásamt börnum sínum tveimur og vinkonu þeirra, sem
er efst á myndinni. MYND/ÚR EINKASAFNI
Alparnir fyrir allar árstíðir
7.00 Vaknaði og ræsti konu og börn. Sinnti morgunverkunum, sem
aðallega felast í því að gefa yngri börnunum súrmjólk og Cheerios.
8.30 - 9.15 Mætti á reglulegan fund með fjárstýringu Icebank þar
sem farið var yfir stöðu markaða.
9.15 - 10.00 Þessi stund fór í undirbúning fyrir fundi dagsins og í að
svara tölvupóstum.
10.00 - 11.30 Fundur með formanni bankaráðs til undirbúnings
bankaráðsfundar á morgun [þriðjudaginn 19. febrúar].
11.30 - 12.00 Fundur með mannauðsstjóra Icebank þar sem lagðar
voru línur fyrir stefnumótunardag bankans.
12.00 - 12.45 Hádegisverður með viðskiptavini.
12.45 - 13.30 Fundur með ráðgjafa vegna stefnumótunar.
13.30 -14.00 Fundur með lögfræðingi bankans vegna ýmissa úti-
standandi mála.
14.00 - 15.00 Fundur í öryggisnefnd bankans.
15.00 - 15.30 Frágangur mála fyrir fyrrnefndan bankaráðsfund.
15.30 - 16.30 Símtöl til viðskiptavina og fleira þess háttar.
16.30 -17.00 Fundur vegna ársskýrslu.
17.00 - 18.00 Tölvupóstur og önnur skriffinnska (hver fann eiginlega
upp tölvupóstinn??).
18.00 Fer heim að sinna börnum og matargerð þar sem mánudagar
eru leikfimidagar hjá frúnni. Kvöldið fer síðan í lestur og leiðrétt-
ingar á ársskýrslutexta samhliða heimilisstörfum.
D A G U R Í L Í F I …
Agnars Hanssonar, bankastjóra Icebank
Í DAGSINS ÖNN Agnar Hansson, bankastjóri Icebank, fer yfir málin með ritara sínum.
Agnar deilir með lesendum Markaðarins yfirliti yfir dagsins amstur fyrsta dag vikunnar,
mánudaginn 18. febrúar. MARKAÐURINN/GVA
Við sækjum mest í skíðasvæðin í Sviss, Ítalíu og Austurríki á veturna en hjól-
reiðasvæðin Frakklandsmegin á sumrin ... Ísland hefur einnig upp á magnaðar
hjólaleiðir að bjóða, en það er eins og krem á köku að fara í Alpana.
ÚTSÝNI TIL LEIGU
Kringlunni 4–12 | 103 Reykjavík www.landicproperty.isLandic Property er eitt stærsta fasteignafélag
á Norðurlöndum og sérhæfir sig í útleigu
fasteigna til langs tíma.
LÁGMÚLI 9
Um er að ræða tvær hæðir. Annars vegar innréttað rými á 6. hæð sem er 338 m2 og hins
vegar 7. hæð sem er nýbygging ofan á húsið, alls 286 m2. Útsýni einstakt frá báðum hæðum.
Mjög góð staðsetning. Hægt er að leigja rýmin saman eða í sitt hvoru lagi.
Til útleigu frá og með 15. mars nk. Teikningar er að finna á www.landicproperty.is.
LAUGAVEGUR 26
Um er að ræða 5. hæð sem er nýbygging ofan á húsið, alls 332 m2. Þetta er einstakt rými
með gluggahliðum til norðurs og suðurs. Svalir allan hringinn og frábært útsýni.
Til útleigu frá og með 15. mars nk. Teikningar er að finna á www.landicproperty.is.
Nánari upplýsingar fást hjá Ingu Rut Jónsdóttur í s. 575 9010 eða á irj@landicproperty.is.