Fréttablaðið - 09.07.2008, Blaðsíða 2

MARKAÐURINN 9. JÚLÍ 2008 MIÐVIKUDAGUR2
F R É T T I R
G E N G I S Þ R Ó U N
Vika Frá ára mót um
Alfesca -3,0% 2,0%
Atorka -4,7% -38,3%
Bakkavör -9,5% -54,5%
Exista -5,3% -63,9%
Glitnir 1,3% -28,9%
Eimskipafélagið 0,0% -58,8%
Icelandair 0,9% -39,8%
Kaupþing -1,7% -14,8%
Landsbankinn 1,1% -34,4%
Marel -2,3% -13,3%
SPRON 1,2% -63,1%
Straumur -1,1% -34,8%
Teymi -1,5% -66,7%
Össur -3,9% -8,8%
*Miðað við lokagengi í Kauphöll á mánudag.
„Þetta er að byrja og ég reikna
með því að við förum í þetta á fullu
með haustinu,“ segir Guðfinna
Harpa Árnadóttir, hjá Búnaðar-
sambandi Austurlands. Bænda-
samtökin ætla að veita bændum
í verulegum fjárhagsvanda ráð-
gjöf. Þau segja að rekstrarskilyrði
í landbúnaði hafi versnað veru-
lega undanfarin misseri. Skrif-
stofuþjónusta Vesturlands sér um
ráðgjöfina en tengiliðir eru hjá
búnaðarsamböndum um allt land.
Guðfinna segir að hljóðið sé þungt
í sumum, en það sé ekki algilt. Til
standi að senda bændum tölvupóst
og fréttabréf innan tíðar. - ikh
Bændur í vanda
fá aðstoð
Aðeins þrír hluthafar af um 54
þúsundum í Gift eiga meira en
eitt prósent. Þetta staðfestir
Kristinn Hallgrímsson, formaður
skilanefndar Eignarhaldsfélags-
ins Samvinnutrygginga.
Þessir þrír hluthafar eru Sam-
vinnusjóðurinn, sem mun eiga
meira en þriðjung, Samband ís-
lenskra samvinnufélaga sem á
um eða yfir tíu prósenta hlut,
eftir því sem næst verður kom-
ist, og Kaupfélag Eyfirðinga
(KEA) sem á um prósent. Allir
aðrir hluthafar munu eiga innan
við prósent.
Hlutabréfið í Gift er fjórir
milljarðar króna að nafnvirði
Kristinn segist gera ráð fyrir
að hlutur deilda Sambandsins,
sem skipst hafa til ýmissa fyrir-
tækja, verði færður undir kenni-
tölu Sambandsins. Samskip er
meðal fyrirtækja sem stofnað
var upp úr Sambandsdeild.
Kaupfélögin verði einnig í hópi
stórra hluthafa, en sem fyrr segir
ná önnur en KEA ekki prósenti.
Kristinn segist ekkert vilja spá
um hvenær skilanefndin ljúki
störfum. Nú séu sumarfrí hafin.
Fjárfestingafélagið Gift var
stofnað upp úr Eignarhaldsfé-
laginu Samvinnutryggingum.
Réttindi til eignar í Gift eiga
þeir sem tryggðu hjá Samvinnu-
tryggingum, með ýmsum skil-
yrðum. Réttindi þeirra sem fall-
ið hafa frá eða hætt að tryggja
hafa runnið í Samvinnusjóðinn.
Hann er sjálfseignarstofnun, en
stórnarformaður hans er Finnur
Ingólfsson. Helstu eignir Giftar
eru hlutir í Icelandair, Exista og
Kaupþingi. - ikh
Þrír eiga meira en
eitt prósent í Gift
VÉL ICELANDAIR Á FLUGI Ein helsta
eign Giftar er ráðandi hlutur í Icelandair.
Stærsti hluthafinn í Gift verður Samvinnu-
sjóðurinn en þangað hafa runnið réttindi
þeirra sem fallið hafa frá. Sjóðurinn hefur
verið kallaður „Sjóður hinna dauðu“.
„Það er einfaldlega erfitt að
gera sér grein fyrir stöðu hlut-
hafanna,“ sagði Petya Koeva,
formaður sendinefndar Alþjóða-
gjaldeyrissjóðsins, hér á landi
á föstudag þegar hún var spurð
um stöðu íslensku bankanna.
Koeva segir meðal annars að
bankageirinn hér á landi standi
andspænis verulegum áhættu-
þáttum, þrátt fyrir aðgerðir
sínar til að takast á við óróa
á markaði. Meðal áhættuþátta
telur hún vera mikla endurfjár-
mögnunarþörf næstu tvö árin
og erfiðleika við að afla viðun-
andi lausafjár á mörkuðum. Ör
stækkun bankanna gæti reynt
á áhættustjórnun og innra eft-
irlit bankanna. Þá sé fyrir hendi
útlána- og markaðsáhætta sem
tengist stórum einstökum lán-
takendum, einkum eignarhalds-
félögum, auk lána til tengdra
aðila, gjaldmiðlaáhættu og mik-
illi skuldsetningu einkafyrir-
tækja.
Þá nefnir Koeva einnig að
áhættuþættir séu í tengslum við
flókið eignarhald banka, meint
veruleg lán til tengdra aðila og
óvissu um fjárhagslegan styrk
hluthafa bankanna. - ikh
Veruleg áhætta bankanna
PETYA KOEVA Formaður sendinefndar
Alþjóðagjaldeyrissjóðsins segir óvissu
um fjárhagslegan styrk hluthafa íslensku
bankanna. MARKAÐURINN/ARNÞÓR
Úrvalsvísitalan hefur fallið um 52 prósent á einu
ári. Til samanburðar hefur danska C20 vísital-
an fallið um 21 prósent og sú sænska um 36. Fjall-
að er um samanburð milli landa í danska blaðinu
Börsen.
Niðursveiflu íslensku bankanna er þar um kennt
þar sem hlutabréf í Kaupþingi, Glitni og Lands-
bankanum hafa fallið um 42 prósent, 50 prósent
og 44 prósent. Ísland er aftur á móti ekki eyland í
lækkun hlutabréfaverðs þessar vikurnar því fjár-
málavísitalan S&P 500 Financial og evrópska fjár-
málavísitalan DOW Jones EURO Stoxx Banks hafa
t.a.m. lækkað umfram úrvalsvísitöluna. Ingólfur
Bender, forstöðumaður greiningardeildar Glitnis,
segir að eini raunhæfi samanburðurinn sé að not-
ast við fjármálavísitölur til þess að bera saman við
úrvalsvísitöluna þar sem fjármálafyrirtæki séu í
miklum meirihluta af þeim félögum sem mynda
vísitöluna. Fjármálavísitölur hafi almennt lækkað
mikið og séu í samræmi við úrvalsvísitöluna. - ghh
Úrvalsvísitalan ekki verst á Íslandi
MARKAÐURINN/VALLI
Landsbankinn fer líklega á hausinn og munu þeir
Hollendingar sem lagt hafa peninga sína inn Ic-
esave-reikning bankans líklega aldrei sjá þá
aftur. Þessi orð lét Bert Heemskerk, banka-
stjóri Rabobank, eins stærsta banka Hol-
lands, falla í umræðuþætti í ríkissjónvarp-
inu þar í landi í vikunni.
Hann líkti Landsbankanum við tyrkneska
banka, sem njóta ekki trausts í Hollandi.
Sigurjón Þ. Árnason, bankastjóri Lands-
bankans, sagðist í samtali við
Markaðinn í gær ekki skilja
hvað Heemskerk gengi til með
orðum sínum. Pláss sé fyrir alla á markaðnum.
Hann teldi þó að Heemskerk væri að tala um
litlu bankana sem hefðu að undanförnu komið
sterkir inn á innlánamarkaðinn í Hollandi og
ógni ef til vill stöðu Rabobank.
Heemskerk hefur verið harðlega gagn-
rýndur fyrir orð sín heima fyrir og segja
sérfræðingar að hann sé hræddur við þá
samkeppni sem framundan sé á markaði. - ss
Bankastjóri hollenska bankans
Rabobank úthúðar Landsbankanum
Fjármálaeftirlitið bíður enn
gagna að utan til að geta haldið
áfram rannsókn sinni á meintum
árásum vogunarsjóða á íslenskt
hagkerfi.
Jónas Fr. Jónsson, forstjóri
Fjármálaeftirlitsins, sagði í lok
mars, að rannsókn á atlögu að
hagkerfinu væri hafin. Kanna
þyrfti hvort erlendir aðilar hefðu
með kerfisbundnum hætti komið
af stað neikvæðum og röngum
orðrómi um íslenska banka og
fjármálalífið hér.
Eftir því sem Markaðurinn
kemst næst, er enn beðið gagna
að utan, svo rannsóknin megi
halda áfram, en þau munu meðal
annars vera í höndum systur-
stofnana Fjármálaeftirlitsins.
Tíðindalaust á
austurvígstöðvunum
Ingimar Karl Helgason
skrifar
„Þetta er ekkert gullæði. Þetta er langtímafjár-
festing, en ég neita því ekki að það er mikið verk
að vinna,“ segir Ólafur Jóhann Ólafsson, athafna-
maður, um fjárfestingu sína í Geysi Green Energy
(GGE).
Ólafur Jóhann og Wolfenson & Co., félag sem
James Wolfenson, fyrrverandi forstjóri Alþjóða-
bankans stofnaði, hafa keypt samtals sjö prósenta
hlut í GGE. Ólafur Jóhann á þrjú, Wolfenson fjög-
ur. Ólafur Jóhann verður stjórnarformaður félags-
ins, en ásamt honum situr Adam Wolfenson í stjórn.
„Það skýrist af samkomulagi hluthafa og er ef til
vill merki um vilja hinna til að fá okkur um borð,“
segir Ólafur Jóhann.
Fram kemur í fréttatilkynningu frá GGE að Ól-
afur Jóhann og Wolfenson hafi lagt tvo milljarða
króna til félagsins. Eigið fé þess hafi undanfarnar
vikur verið aukið um samtals fimm millarða. Þá hafi
hlutafé verið aukið um ríflega fjóra milljarða króna.
Frekari fjármögnun sé í undirbúningi.
„Það er góður efniviður í þessu fyrirtæki,“ segir
Ólafur Jóhann. „Þarna er reynt fólk sem hefur
unnið við þetta um langt skeið. Svo eru þarna góðar
eignir,“ segir Ólafur Jóhann og vísar þar til Jarðbor-
ana, Hitaveitu Suðurnesja og fleiri, auk verkefna í
Þýskalandi, Kína og í Bandaríkjunum.
Ólafur Jóhann ítrekar að kaupin í GGE séu lang-
tímafjárfesting. „Við þurfum að gefa okkur nokk-
ur ár í að byggja þetta upp eins og við viljum. Verð-
mætin verða ekki til á einni nóttu. Við erum með
mjög stífar áætlanir sem við fylgjum eftir.“
Ólafur Jóhann segist hafa fjármagnað kaupin á
hlutnum með lánsfé og eigin fé. „Þetta er hefðbund-
in blanda,“ segir hann og bætir því við að ekki sé
auðvelt að afla lánsfjár nú um stundir. „Ég hef ann-
ars litlar áhyggjur af því að okkur takist ekki að
fjármagna félagið. Við höfum þegar lokið ákveðnum
kafla í því. Það sem er mikilvægast er að við náum
að bora á réttum stöðum og ná upp megavöttum.“
Ólafur Jóhann segist hafa fylgst með GGE um
langt skeið. „Ég hef mikið velt fyrir mér áhrifum
orku á umhverfið og ástand orkumála. Íslendingar
hafa hér ákveðin tækifæri.“
Atorka er enn stærsti hluthafinn í GGE, á tæp 40
prósent. Litlu minna eiga Glitnir og fleiri. Mann-
vit á tæp níu prósent og Ólafur Jóhann og Wolfen-
son sjö.
Ekkert gullæði í GGE
Ólafur Jóhann Ólafsson og Wolfenson & Co, sem fyrrverandi
bankastjóri Alþjóðabankans stofnaði, hafa eignast sjö prósenta hlut
í Geysi Green Energy. Þeir greiða tvo milljarða króna fyrir hlutinn.
MIKIÐ VERK FRAMUNDAN Ásgeir Margeirsson, forstjóri GGE, Adam Wolfenson og Ólafur Jóhann Ólafsson. Ólafur Jóhann tók við sem
stjórnarformaður GGE að loknum hluthafafundi í gær. Hann og Wolfenson eiga samanlagt sjö prósenta hlut í félaginu.
MYND/HILMAR BRAGI BÁRÐARSON
BERT HEEMSKERK Bankastjóri Rabobank segir
Icesave-reikning Landsbankans ótraustan.
Sérfræðingar segja hann hræðast sam-
keppni. MARKAÐURINN/AFP