Fréttablaðið - 30.07.2008, Blaðsíða 11

MARKAÐURINN 11MIÐVIKUDAGUR 30. JÚLÍ 2008
S K O Ð U N
S A G A N Á B A K V I Ð . . . B J Ö R G Ó L F T H O R B J Ö R G Ó L F S S O N
Ríkasti maður Íslands fer ekki heldur varhluta af lækkunum
Björgólfur Thor trónir á toppi
lista yfir ríkustu Íslendingana í
úttekt sem Markaðurinn gerði
fyrir skemmstu. Eignir hans eru
metnar á 230 milljarða. Þrátt
fyrir að flestar eignir hans séu
óskráðar hefur hann ekki farið
varhluta af hinni miklu lækkun
sem hefur verið á hlutabréfa-
mörkuðum undanfarið. Á lista
sem Forbes birti í mars síðast-
liðnum voru eignir Björgólfs
metnar á 267 milljarða. Frá þeim
tíma hefur til að mynda hlutur
hans í Landsbankanum lækkað
um 10 milljarða og hluturinn í
Straumi um 4.
Björgólfur Thor tók fram-
haldsskólapróf frá Verslunar-
skóla Íslands en þaðan lá leið
hans í viðskiptafræði við Leon-
ard N. Stern School of Business
í New York. Hann útskrifaðist
þaðan árið 1991 og skömmu síðar
lá leið hans til Rússlands til að
setja á fót gosdrykkjaverksmiðj-
una ásamt föður sínum, Björgólfi
Guðmundssyni, og samstarfs-
félaga þeirra feðga, Magnúsi
Þorsteinssyni. Gosverksmiðjan
var síðar seld til Pepsi í Póllandi
og bjórverksmiðjan Bravo stofn-
uð í framhaldinu. Bravo fram-
leiddi bjórinn Botchkarov sem
sló í gegn í Rússlandi. Hún var
seld til Heineken í febrúar árið
2002 fyrir ríflega 300.000 millj-
ónir dollara. Ágóða þeirrar sölu
hefur hann nýtt til fjárfestinga á
Íslandi og í Austur-Evrópu. Fyrir
hafði Samson, fjárfestingar-
fyrirtæki Björgólfs, keypt hlut
í Balkanpharma og Pharmaco.
Í lok árs 2002 keypti Samson
45% hlut í Landsbanka Íslands.
Samson keypti einnig Delta og
sameinaði það Pharmaco og úr
varð Actavis. Aðrar fjárfestingar
Björgólfs Thors hafa m.a. verið
í Eimskipafélagi Íslands, BTC
búlgarska símanum, E1Bank,
Straumi – Burðarás og síma-
fyrirtækinu Novator í Búlgaríu.
Einnig á hann fasteignir í Rúm-
eníu, Skandinavíu, Spáni, Tyrk-
landi og víða í Austur-Evrópu.
Björgólfur er fæddur 19. mars
1967. Hann er í sambúð með
Kristínu Ólafsdóttur og
eiga þau einn son.
BJÖRGÓLFUR THOR Á samkvæmt
úttekt Markaðarins 230 milljarða
íslenskra króna.
FR
ÉTTA
B
LA
Ð
IÐ
/VILH
ELM
Þetta er nú meira letilífið þessa
dagana. Rétt að maður nenni að
dröslast á fætur til að kíkja á af-
komufundina. En ætli sé nú ekki
samt rétt að fylgjast með.
Gott hjá Landsbankanum að
vera vel fyrir hádegi með kynn-
inguna sína, svona áður en hita-
stigið nær hæstu hæðum. Og
gaman að því hvað menn eru
brattir þar með innlánsreikn-
ingana sína í útlöndum. Alltaf
gaman þegar gengur vel. Sér-
staklega þegar á móti blæs.
Annars mættu menn nú alveg
fara að spila með þegar fjárfest-
ar vilja gera góða hluti. Ég fór
um daginn í ónefndan banka og
spurði hvort þeir vildu ekki lána
mér smáslummu. Við ætluðum
félagarnir að kaupa smábissness
sem okkur leist vel á og ætluð-
um að gera þetta vel, bara með
helming að láni. Litlar 150 kúlur.
Í bankanum voru menn aldeilis
til í að aðstoða. Sjálfsagt mál að
lána þetta í þrjú ár með 23 pró-
senta vöxtum. Ég hló nú bara.
Í næsta banka fóru þeir reynd-
ar undir 20 prósentin með vext-
ina og buðu mér endurskoðun
að ári. Mér fannst það alveg
jafnfyndið. Ekki er nú samt víst
að þeim sé öllum hlátur í hug
sem þurfa að sækja fjármögnun
á þessum kjörum. Annars sýna
þessar aðstæður nú hvað banka-
bransinn er skemmtilegur bís-
ness. Þó að menn þurfi kannski
eitthvað að afskrifa þá aukast
hinu megin þóknanatekjur frá
þeim bæjum sem þurfa á „fjár-
hagslegri endurskipulagningu“
að halda.
Já, nú er gott að vera ekki í
miklum spreng að kaupa, eða
taka lán. Maður heldur bara
áfram að slaka á meðan menn
vilja ekki taka þátt í góðum
verkefnum. Peningamarkaðirn-
ir sjá til þess að manni líður ekk-
ert illa á meðan. Þessi lántaka
bíður því betri tíma.
Spurning samt hvort ekki fer
að koma að því að fjármálastofn-
anir hér heima noti eitthvað af
þessum peningum til útlána sem
þeir eru að sækja í þessum inn-
lánsreikningum sínum.
Svo fer nú tækifærunum
líka að fjölga. Kannski þarf
maður bara að vera stórtæk-
ari í fyrirtækjakaupunum. Að
minnsta kosti nógu stórtækur
til að vekja áhuga banka öðrum
hvorum megin Atlantsála. Best
að hafa augun hjá sér um leið
og maður nýtur sumarblíðunnar.
Þá er heldur ekki algalið að hafa
lausan tíma til að trimma af sér í
ræktinni grillkjötið og bjórinn.
S P Á K A U P M A Ð U R I N N
Lánið slegið
af í sólinni
EINA VIÐSKIPTABLAÐIÐ SEM ÞÚ ÞARFT
Með Fréttablaðinu alla miðvikudaga Í hádeginu kl 12:12 á Stöð 2 Markaðurinn á Vísi alla daga
VIÐSKIPTAFRÉTTIR
ALLA DAGA VIKUNNAR
Fáðu ferskar
íþróttafréttir á
hverjum morgni
Fréttablaðið stendur vaktina á hverju kvöldi – líka á laugardögum.
Þannig færum við þér nýjustu úrslitin og staðgóða umfjöllun á
morgunverðarborðið hvern einasta morgun.*
*Sunnudagsútgáfa Morgunblaðsins er prentuð á laugardegi áður en íþróttaúrslit
dagsins liggja fyrir og 24 stundir koma hvorki út á sunnudögum né mánudögum. Auk
þess fara 24 stundir í prentun aðra daga áður en íþróttaleikjum kvöldsins er lokið.
Fréttablaðið er eina dagblaðið sem færir þér ferskar íþróttafréttir alla morgna
vikunnar, líka á sunnudögum.
Allt sem þú þarft – alla daga
F
í
t
o
n
/
S
Í
A