Fréttablaðið - 30.07.2008, Blaðsíða 14
MARKAÐURINN 30. JÚLÍ 2008 MIÐVIKUDAGUR14
F Y R S T O G S Í Ð A S T
Guðný Helga Herbertsdóttir
skrifar
Ekkert lát hefur verið á sölu veiðileyfa þrátt fyrir
slæm tíðindi úr efnahagslífinu undanfarið. Veiði-
leyfissalar segja ástæðuna fyrir því vera að flest
veiðileyfin voru seld á síðasta ári áður en að fór að
kreppa að. „Ég reikna ekki með samdrættinum fyrr
en á næsta ári. Maður finnur samt greinilega að það
eru færri sem bíða á kantinum eftir veiðileyfi núna
en í fyrra“ segir Haraldur Eiríksson, markaðsstjóri
Stangveiðifélags Reykjavíkur. Hann segir jafnframt
að nú sé að nást jafnvægi á framboði og eftirspurn
en undanfarin ár hafi markaðurinn einkennst af um-
frameftirspurn og verið mikill seljendamarkaður.
Þröstur Elliðason hjá Streng og Stefán Sigurðsson
hjá Laxá segjast
hafa fundið fyrir
að lægð hafi
komið í markað-
inn rétt eftir ára-
mót. „Það er hins
vegar að veiðast
svo rosalega vel
núna að við erum
að ná að selja upp
veiðileyfin sem
við áttum eftir,“
segir Stefán.
Haraldur gerir
ráð fyrir að
minnkandi inn-
lendri eftirspurn
verði mætt með
erlendum við-
skiptum. „Það
er einkar hag-
kvæmt fyrir út-
lendinga að
veiða á Íslandi
núna, dýrustu
vikuveiðileyf-
in fyrir útlend-
inga hafa lækk-
að um 25 prósent
vegna veikingu
íslensku krón-
unnar.“ Aðspurður hvort minnkandi eftirspurn verði
mögulega mætt með verðlækkunum á næsta ári
segir Haraldur: „Svigrúm okkar er í raun ekkert.
Allir samningar eru vísitölutryggðir. Ég geri ráð
fyrir að okkar verð verði það sama á næsta ári.“ GUÐMUNDUR fer yfir verkefni dagsins með samstarfsfélaga sínum. FRÉTTABLAÐIÐ/ARNÞÓR
„Það hefur oft verið hent gaman að því að ég hafi
alltof mörg áhugamál og má til sanns vegar færa.
Lífið er bara svo skemmtilegt,“ segir Steinþór
Skúlason, forstjóri Sláturfélags Suðurlands.
Svifflug nýtur forgangs hjá Steinþóri yfir sum-
arið og hefur gert þau 30 ár sem hann hefur stund-
að það.
„Íslenskt sumar býður hins vegar ekki upp á
marga góða daga til langflugs. En í sumar hef ég
náð að fljúga tvö virkilega góð flug sem eru þau
lengstu í hitauppstreymi hér á landi. Annað 370 km
langt og hitt 437 km. Á Íslandsmótinu í byrjun júlí
kom hins vegar ungur svifflugmaður, Daníel Stef-
ánsson, og rassskellti mig rækilega og vann verð-
skuldað og setti mig í annað sæti,“ segir Steinþór.
Steinþór segir að veðrið í sumar hafi verið frá-
bært til útilegu og sundferða en minna til flugs.
„Það gerðist að flugin enduðu á túnum bænda hér
og þar sem var mjög gagnlegt til að kynna sér það
nýjasta í heyskapartækni,“ segir hann og hlær.
Hann segir að svifflugsvertíðin standi frá byrj-
un maí til loka október. Svifflug er að sögn Stein-
þórs ódýrt sem flugsport og kostar heldur minna
en golf að honum sýnist. „Það er því ekki kostn-
aðurinn sem stoppar ef menn hafa áhuga á annað
borð,“ segir hann.
Eftirminnilegasta atvik Steinþórs í flugi varð
fyrir allnokkrum árum er hann fyrir asnaskap
magalenti í óbyggðum á Mosfellsheiði og gekk frá
því óskaddaður og vélin heil. „Það voru a.m.k. tveir
englar sem héldu undir vængina hjá mér í þeirri
lendingu,“ segir Steinþór.
Spurður um önnur áhugamál segist Steinþór lesa
heilmikið af bókum um andleg og innri mál og seg-
ist duglegur að rækta sinn innri mann. „Margt af
þessu hefur mjög hagnýt not í hinum harða heimi
viðskiptanna,“ segir hann.
Auk þess segir Steinþór það mjög gefandi að
spila „old boys“-fótbolta með Stjörnunni og byggja
aðra upp með því að leyfa þeim að vinna. „Mark-
mið sumarsins er verðugt -að vera ekki sá lélegasti
í hópnum,“ segir hann að lokum.
Hinn hljóði heimur
Steinþór Skúlason, forstjóri Sláturfélags Suðurlands, stundar svifflug yfir sumarið og hefur gert það undanfarin 30 ár.
SVIFIÐ UM HÁLOFTIN Lent í lok keppnisdags á Hellu. AÐSENDMYND/EGGERT NORÐDAL
F R Í S T U N D I N
6.30 Vakna og renni út í Kór – H10 líkamsræktarstöð sem er í um 3
mínútna fjarlægð frá heimili mínu. Fer í gegnum ferlið að klæða mig
og fyrstu 5 mínúturnar á hlaupabrettinu ennþá með hálflokuð augun.
„Verðlauna“ mig eftir góða æfingu með einum prótín-shake.
7.45 Kem við heima hjá mér og hleypi Mæju, konunni minni, í vinn-
una. Hún sá um að taka á móti börnunum (Írisi Maríu og Guðjóni
Aroni) úr rúminu en þar sem þau eru í sumarfríi er frekar líbó morg-
unstemning á heimilinu þennan morguninn.
8.00 Fæ mér sterkt og gott kaffi og les í gegnum Morgunblaðið og
geri mig kláran fyrir daginn. Aðstæður í fjármálaheiminum kölluðu á
annan kaffibolla en ég læt þennan eina duga í bili.
8.25 Legg af stað í vinnuna um leið og barnapían mætir á svæðið.
Hennar bíður viðburðaríkur dagur við að hafa ofan af fyrir krökk-
unum sem nýta sumarfríið sitt ekki í að slappa af eins við fullorðna
fólkið myndum kjósa.
8.45 Mættur í vinnuna og fer strax á morgunfund í bankanum. Á
hverjum morgni hittast starfsmenn og fara yfir það helsta sem gerst
hafði daginn áður og leggja á ráðin fyrir komandi dag.
9.30 Sestur inn í miðlunarherbergi og fer yfir tölvupóstinn. Markaðir
víða komnir vel af stað og nú hefst hinn hefðbundni dagur í miðluninni
þar sem við leggjum á ráðin með okkar viðskiptavinum. Mikið er að
gerast á verðbréfamörkuðum víða um heiminn svo að mörgu er að
hyggja.
12.00 Óli Bjarki er búinn að plana ferð á Pítuna í næsta húsi. Ég næ
að koma mér undan þeirri ferð og fer þess í stað inn í mötuneyti og
fæ mér gufusoðinn fisk og grænmeti.
12.30 Forstöðumannafundur. Hér hittast forstöðumenn í bankanum
undir forystu Styrmis framkvæmdastjóra og fara yfir stöðu ein-
stakra deilda. Niðurstaða fundarins var ánægjuleg.
14.30 Fundur með viðskiptavini.
17.00 Komið að hinu vikulega golfi með félögum mínum Ásgeiri
Baldurs og Ívari Sigurjóns. „Business as usual“ þar; vann mér inn
tvær rauðvínsflöskur í þetta skiptið og enn og aftur fer Ívar í burtu
með bronsverðlaunin í farteskinu.
19.30 Kem heim. Konan mín búin að undirbúa ljómandi fína máltíð
með „hjálp“ barnanna. Sitjum saman fjölskyldan úti á svölum og njót-
um veðursins á meðan við borðum góðan mat.
20.30 Tek að mér að koma börnunum í ró. Eftir að búið er að bursta
tennur og þvo sér kem ég þessu verkefni reyndar snilldarlega yfir á
Pétur Pan sem er vinsæli gaurinn þessa dagana hjá krökkunum.
22.00 Krakkarnir greinilega að taka sumarfríið alla leið og enn í
fullu fjöri. Þeim er skutlað inn í rúm og eru sofnuð innan tíu mínútna.
22.30 Setið fyrir framan sjónvarpið og þvotturinn brotinn saman.
Þreytan eftir daginn farin að segja til sín.
23.30 Dríf mig í rúmið og er sofnaður áður en langt um líður …
D A G U R Í L Í F I . . .
Guðmundar Karls Guðmundssonar, forstöðumanns hjá MP fjárfestingabanka
Dýrustu ár landsins
LANGÁ Á MÝRUM er í 10. sæti listans yfir dýrustu ár landsins. FRÉTTABLAÐIÐ/GVA
LAXÁ Í KJÓS Stöngin í Laxá í Kjós kostar 148.000 kr. Áin er í 11.
sæti yfir dýrustu ár landsins. FRÉTTABLAÐIÐ/GVA
Listinn miðast við verð á stöng. Ekki er
tekið tillit til hversu margar stangir eru
í umferð, aðstöðu, gistingar eða matar.
Miðast verðið eingöngu við uppgefið
verð hjá veiðisölum.
1. Laxá á Ásum – 250.000 kr.
2. Hofsá – 230.000 kr.*
3. Haffjarðará – 200.000 kr.
4. Þverá/Kjarrá – 180.000 kr.
5. Selá í Vopnafirði – 170.000 kr.
6. Víðidalsá – 160.000 kr.
7. Miðfjarðará – 160.000 kr.
8. Norðurá – 155.000 kr.
9. Grímsá – 150.000 kr.
10. Langá á Mýrum – 149.000 kr.
* Þetta verð kom fram í samtali við
veiðimann sem nýlega hefur veitt í
Hofsá, en Stangveiðifélag Hofsár vildi
ekki staðfesta það.
D Ý R U S T U Á R N A R