Fréttablaðið - 08.09.2008, Blaðsíða 38
22 8. september 2008 MÁNUDAGUR
„Þetta er algjört æði og ég hlakka mikið til,“ segir Andrea Jónsdótt-
ir útvarpskona sem mun fara á tónleika poppdrottningarinnar
Madonnu í París 21. september næstkomandi, en Andrea verður
annar leiðsögumaður ferðarinnar ásamt Ólafi Páli Gunnarssyni,
betur þekktum sem Óla Palla á Rás 2. Þau munu halda út ásamt
fríðum hópi Íslendinga á vegum Icelandair, en nú þegar er orðið
uppselt í ferðina. Tónleikarnir eru partur af Sticky & Sweet Tour
söngkonunnar sem fagnaði nýverið 50 ára afmæli sínu.
„Mér fannst hún eins og hver önnur ljóska í poppinu þegar hún
byrjaði fyrst, en svo sá maður hvað í henni bjó. Hún leggur óhemju
mikið á sig og það skilar sér,“ útskýrir Andrea sem sér vikulega um
Popppressuna á Rás 2, á milli þess sem hún plötusnúðast og les
einstaka próförk, en áður starfaði hún sem prófarkalesari á Þjóðvilj-
anum um árabil.
Andrea segist halda mikið upp á Madonnu, en ekki hafa búist við
að fara á tónleika með söngkonunni í bráð. „Ég var ekki búin að sjá
fyrir mér að það yrði fyrr en kannski þegar hún yrði sextug og ég
sjötug,“ segir Andrea og hlær, en tíu ára aldursmunur er á
henni og Madonnu.
„Hún er svona ein
af fáum mjög
frægum
einstaklingum
sem ég hefði
áhuga á að
hitta,“ segir
Andrea að
lokum. - ag
folk@frettabladid.is
> ÞJÓFUR KIRSTEN DUNST
DÆMDUR
Þjófurinn sem braust inn í hótelherbergi
Kirsten Dunst hefur verið dæmd-
ur í fjögurra og hálfs árs fangelsi.
Maðurinn, sem nefnist Jarrod
Beinerman, braust inn í hótel-
svítu leikkonunnar í ágúst 2007
og lét greipar sópa. Beinerman
lagði hald á peninga, mynda-
vélar, iPod, veski og seðlaveski í
svítu Dunst, en hann mun hafa
verið undir áhrifum eiturlyfja
þegar atvikið átti sér stað.
Nýlega kom út Age of Conan sem er
fjölspilunar-hlutverkaleikur í anda
World of Warcraft. Sögusvið leiks-
ins er í sverð- og sandalaheimi sem
bandaríski rithöfundurinn Robert
E. Howard skrifaði um á fyrri hluta
síðustu aldar.
Möguleikarnir sem spilarinn
hefur í leiknum eru áberandi strax,
hvernig hægt er að breyta persón-
unni eftir þínum stíl allt frá að spila
sem vöðvatröll í líkingu við Schwarz-
enegger eða sem falleg kona.
Eins og vaninn er í MMO-leikjum
er takmarkið að hækka sig í þrep-
um, eignast betri vopn og brynju,
eignast sem mestan pening og auð-
vitað fækka verulega óþokkunum.
Það sem gerir Age of Conan frá-
brugðinn öðrum leikjum í sama
bransa er hvernig hann höndlar
byrjunarþrepin í leiknum, þú spilar
hálferðan einmenningsleik í byrjun
og spilar svo í gegnum sögu sem
mun fleygja þér inn í heildarsögu-
heim leiksins þegar henni er lokið.
Bardagakerfi leiksins er aðeins
öðruvísi en í öðrum leikjum; í stað
þess að smella á músina og horfa á
persónuna þína berjast hálf sjálf-
virkt er nauðsynlegt að ýta reglu-
lega á takkana. Hægt er að gera
mismunandi aðgerðir eftir því
hvaða bragð er notað og leiðir það
stundum til mjög blóðugra endaloka
fyrir andstæðing þinn.
MMO-leikir hafa þann kost og
galla að þeir eru í raun aldrei klárað-
ir, það er ávallt nýtt efni að koma út
fyrir þá í formi frís aukaefnis eða
aukapakka sem koma reglulega út
þannig að leikurinn er ávallt að
ganga í gegnum breytingar. Á móti
kemur að leikirnir innihalda oft leið-
indavillur og sumar sem geta haft
slæm áhrif á leikinn og skemmt spil-
unina. AOC hefur átt við viss vanda-
mál en framleiðandi leiksins hefur
unnið vel að því að laga það versta.
Það ber kannski að nefna það sér-
staklega að AOC er með mjög mikl-
ar vélbúnaðarkröfur og lætur flest-
ar tölvur finna vel fyrir því. Því er
mælt með að fólk skoði vélbúnaðar-
kröfurnar á kassanum vel áður en
leikurinn er verslaður.
Age of Conan er skemmtilegur
leikur sem kemur með nokkrar
nýjar hugmyndir á borðið fyrir spil-
endur og eitthvað sem ætti að geta
dregið fólk frá World of Warcraft,
og miðað við hvernig hefur gengið í
byrjun hefur það tekist ágætlega.
Yfir ein milljón notenda hefur tekið
stökkið inn í ævintýraheim Roberts
E. Howard hingað til, sem er reynd-
ar enn talsvert frá yfir tíu milljón-
unum sem WOW hefur, en þetta
kallast samt mjög gott. Hann er eins
og margir MMO-leikir háður viss-
um göllum og villum, sem eiga von-
andi bara eftir að lagast með tíman-
um.
Sveinn A. Gunnarsson
Blóðug endalok andstæðinga
TÖLVULEIKIR
Age of Conan: Hyborian
Adventures
PC
PEGI-merkingar: 18+ Leikurinn inni-
heldur atriði sem geta valdið óhug.
Upplýsingar um PEGI-merkingar má
finna á www.saft.is
★★★
Ekki fullkominn leikur en góð
skemmtun.
ILLMENNI Tom
Cruise mun að öllum
líkindum ljá illmenni
rödd sína í næstu
Shrek-mynd.
NORDICPHOTOS/GETTY
Tom Cruise mun að öllum
líkindum ljá illmenni rödd sína í
myndinni Shrek Goes Fourth,
sem frumsýnd verður árið 2010.
Það verður í fyrsta skipti sem
hann fer
með hlut-
verk í
teiknimynd,
en ástæðan
fyrir því að
hann langar
nú til að
spreyta sig
mun vera
aðdáun
dótturinnar
Suri á
slíkum
myndum.
„Tom vill
gera mynd
sem börnin
hans geta horft á,“ segir
heimildarmaður. „Suri er mikill
aðdáandi allra Disney-mynd-
anna og Tom heldur að henni
myndi finnast það æðislegt ef
rödd hans væri notuð fyrir
vonda kallinn í myndinni.“
Í Shrek
fyrir Suri
Setja á upp rokkóperuna
!Hero í vor. „Hero er kristi-
leg rokkópera sem ferðaðist
um Bandaríkin á árunum
2002-2004 og er í raun
bara guðspjallið, líf Jesú
seinustu tvö árin. Þarna
eru dægurlög og rapp,
eiginlega allur skal-
inn,“ segir Rakel
Brynjólfsdóttir,
annar listrænna
stjórnenda sýning-
arinnar, en með henni
er Jóhann Axel Schram.
„Við hjá KFUM og
KFUK erum búin að ganga
með þennan draum í ár. En
við erum komin með sýning-
arleyfi og ætlum núna að
kýla á þetta. Við stefnum á
að sýningar hefjist í lok
febrúar, byrjun mars.“
Kynningarkvöld verður á
mánudaginn. „Við munum
kynna óperuna og útskýra
áheyrendaprufurnar. Við
viljum fá alla, ekki bara fólk
úr kirkjum. Við viljum gera
þetta eins „pro“ og hægt
er.“
!Hero gerist í Brooklyn, í
heimi glundroða og haturs
þar sem I.C.O.N. hefur
útrýmt nær öllum trúar-
brögðum. Inn í þennan heim
fæðist !Hero og kennir fólki
að trúa á kærleikann og guð.
Þetta fer illa í I.C.O.N. sem
leggur á ráðin að drepa hann.
Rakel segir söngleikinn
!Hero ekki líkan Jesus Christ
Superstar. „!Hero er ofboðs-
lega biblíulega rétt. Það er
ekki verið að túlka neitt.
!Hero er ein af fáum biblíu-
aðlögunum sem virkar í
nútímasamhengi.“
Kynningin fer fram á
Holtavegi 28 og hefst klukk-
an átta. Frekari upplýsingar
má finna á myspace.com/
heroiceland. - kbs
Setja upp kristilega rokkóperu
Andrea fer að sjá
poppdrottninguna
UPPSELT Á MAD-
ONNU Andrea
mun fara ásamt
Óla Palla á Rás
2 og fríðum
hópi Íslend-
inga á vegum
Icelandair að
sjá Madonnu
á tónleikum
21. september
næstkomandi.
DRAUMURINN AÐ RÆTAST Rakel
og Jóhann Axel hafa gengið með
drauminn um !Hero í ár.
FRÉTTABLAÐIÐ/VALLI
Sirkus Agora hefur komið
sér fyrir við Smáralind
eftir að hafa ferðast um
landið. Fyrsta sýningin var
á föstudagskvöld og féll
frammistaða sirkusfólksins
gestum vel í geð.
Það var frábær stemning í sirk-
us tjaldinu við Smáralind á föstu-
dagskvöld. Óhætt er þó að fullyrða
að yngsta kynslóðin hafi skemmt
sér best. Sirkusinn verður við
Smáralind fram á fimmtudags-
kvöld en fer þá á Selfoss og Egils-
staði. Miða er hægt að kaupa á
midi.is.
Stórkostlegur sirkus
LIÐAMÓTALAUS Þessi stúlka heillaði unga sem aldna með fimi sinni.
FRÉTTABLAÐIÐ/STEFÁN
Rauði boltinn vakti vitanlega furðu hjá
unga fólkinu.
Einlæg gleði skín úr andliti þessa
drengs.
Gestir göptu í forundran þegar þessi
sirkusdama sveif um loftin.
Hattamaðurinn lék listir sínar. Krakkarnir skýldu sér þegar vatnsbyssum
var miðað á þá.