Fréttablaðið - 27.10.2008, Blaðsíða 8
8 27. október 2008 MÁNUDAGUR
Nytjamarkaður Kristniboðssambandsins
Grensásvegi 7, 2. hæð
Tilboðsvika – 20 % afsláttur
Vikuna 27. október til 1. nóvember.
Frábært tækifæri til að gera góð kaup á bæði nýjum og notuðum
hlutum. Nýkomin silkisjöl og bindi frá Kína, hálsfestar, hand-
unnin tækifæriskort og fl eira frá Keníu og silfurkrossar, diskamottur
og ilmolíur frá Eþíópíu. Kristilegar bækur og geisladiskar og margt fl eira
til jólagjafa. Mikið úrval af notuðum vörum, húsbúnaður, skrautmunir,
gardínur, lampar, töskur, bækur, vídeóspólur, spil, púsl, föt, leikföng,
jóladót og fl eira og fl eira.
Sjón er sögu ríkari
Verið velkomin í heimsókn!
Opið virka daga frá 12-17 og fyrsta laugardag í mánuði kl. 11-14.
Á sama tíma er tekið á móti vörum ef einhver vill gefa.
Sími 533 4900
Basarinn
MENNING Áhugahópur um verndun
útvarpshússins á Vatnsendahæð
vill að þar verði safn útvarpstækja
allt frá bernsku útvarps á Íslandi.
„Slíkt safn er til og er af
mörgum talið einstakt í veröld-
inni,“ segir um málið í fundargerð
skipulagsnefndar Kópavogs.
Nefndin telur tillögu áhugahóps-
ins áhugaverða og segir hana
munu verða tekna til frekari
umfjöllunar við yfirstandandi
endurskoðun aðalskipulags
Kópavogs. Einnig kom fram á
fundinum að unnt væri að
varðveita möstur úr eik á Vatns-
enda og var ákveðið að huga að
því sömuleiðis. - gar
Áhugahópur biður húsi griða:
Útvarpssafn á
Vatnsendahæð
ÚTVÖRP Einstakt safn útvarpstækja er
sagt vera til á Íslandi.
UMHVERFISMÁL „Ástand Varmár er
betra en menn þorðu að vona,“
segir Pétur Þór Ármann, fram-
kvæmdastjóri Stangaveiðifélags
Reykjavíkur. Öll stangveiði lá
niðri í Varmá í sumar vegna
klórslyssins mikla sem varð í
fyrrahaust þegar klór lak frá
sundlauginni í Hveragerði.
Tilraunaveiði hófst síðan í
byrjun september og stóð fram til
20. október. „Veiðimálastofnun á
eftir að fara yfir veiðibækurnar en
ég get þó sagt að það var talsvert
líf um alla á,“ segir Pétur Þór. - gar
Tilraunir eftir klórslysið:
Haustveiði gekk
vonum framar
UMHVERFISSLYS Klórleki drap mestallt
kvikt í neðri hluta Varmár.
DÓMSMÁL Rúmlega þrítugur
maður hefur verið ákærður af
ríkissaksóknara fyrir sérstaklega
hættulega líkamsárás og ólögleg-
an vopnaburð á almannafæri.
Hann sló mann í andlitið fyrir
utan skemmtistað í Hafnarfirði
og skar hann síðan vinstra megin
í andlitið með stálhníf. Maðurinn
fékk meðal annars heilahristing
og stóran skurð sem sauma þurfti
saman með átján sporum.
Auk þess sem krafist er
refsingar yfir árásarmanninum
fer fórnarlambið fram á ríflega
250 þúsund króna skaðabætur. - jss
Mjög hættuleg líkamsárás:
Skar í andlit
með stálhníf
NEYTENDUR „Fyrst týna þau peningunum mínum og
svo á ég að borga fyrir að þau finni þá aftur,“ segir
Adam Zygmunt sem þurfti að greiða Glitni 750
krónur fyrir að leita peninga hans sem bankinn
týndi. „Ég keypti evrur fyrir 375 þúsund krónur og
lét millifæra til Póllands þann 7. október. Peningarn-
ir hafa ekki skilað sér. Ég hef farið nokkrum sinnum
í bankann til að ýta á eftir þessu. Nú síðast var ég
rukkaður um 750 krónur fyrir leitina.“
Samkvæmt upplýsingum frá Glitni borga
viðskiptavinir þessa sömu upphæð ef þeir hafa
sjálfir gefið rangar upplýsingar, til að mynda um
reikningsnúmer. Mistök hafi að öllum líkindum
valdið því að Adam þurfti að borga fyrir þjónustuna.
Fjölmargir eru enn í þeirri stöðu að peningar
þeirra eru týndir í kerfinu. Þann 7. október milli-
færði landi Adams og félagi, Tadeusz Mic, einnig
peninga til Póllands. Sömu sögu er að segja af þeirri
millifærslu. Sjöundi október er sami dagur og
tilkynnt var að Fjármálaeftirlitið hefði tekið Glitni
yfir.
Eiginkona Adams og börnin hans tvö búa í
Póllandi. Konan hans er heimavinnandi og fjöl-
skyldan því háð tekjum hans. Adam flytur aftur
heim til þeirra eftir helgi, peningalaus, eftir tæplega
þriggja ára dvöl á Íslandi. - hhs
ÓSÁTTIR Adam Zygmunt og Tadeusz Mic millifærðu báðir pen-
inga til Póllands 7. október. Þeir hafa ekki skilað sér.
FRÉTTABLAÐIÐ / ARNÞÓR
Adam Zygmunt þurfti að borga Glitni fyrir að leita peninga sem bankinn týndi:
750 krónur fyrir að finna féð
TYRKLAND, AP Hæstiréttur
Tyrklands segist engar vísbend-
ingar hafa fundið um að Réttlæt-
is- og þróunarflokkurinn, hinn
íslamski stjórnarflokkur landsins,
hafi með beitingu ofbeldis reynt
að ná fram breytingum á hinni
veraldlegu stjórnskipan landins.
Hins vegar hafi tilraunir stjórn-
arflokksins til að afnema bann við
notkun höfuðklúta í háskólum
ótvírætt brotið gegn hinni
veraldlegu stjórnskipan.
Þetta kemur fram í rökstuðn-
ingi dómstólsins, sem birtur var í
gær, fyrir dómsúrskurði frá í júlí
þar sem fallið var frá því að
banna starfsemi flokksins. - gb
Hæstiréttur Tyrklands:
Stjórnarflokkur
ekki brotlegur
ÍSRAEL, AP Tzipi Livni, leiðtogi Kad-
ima-flokksins í Ísrael, gaf frá sér í
gær tilraunir til að mynda stjórn,
sem þýðir að efnt verður til kosn-
inga innan örfárra mánaða.
Ljóst þykir að lítið verður gert í
samningaviðræðum við Palestínu-
menn fyrr en eftir kosningar. Auk
þess eru líkur til þess að Benjamin
Netanyahu, leiðtogi stjórnarand-
stöðuflokksins Likud, verði sigur-
vegari kosninganna og verði því
forsætisráðherra á ný. Hann hefur
staðið harður á móti því að Ísrael-
ar gefi eftir í deilum við Palestínu-
menn.
Livni, sem hefur verið utanrík-
isráðherra í stjórn Ehuds Olmert,
hefur reynt að mynda nýja stjórn
eftir að Olmert sagði af sér vegna
spillingarmála.
Samstarfsflokkar Olmerts hafa
notað þessi umskipti til að reyna
að ná fram fleiri málum af stefnu-
skrám sínum í nýrri stjórn Livni.
Hún sagðist hafa viljað koma til
móts við flokkana, en sumar kröf-
urnar hafi verið óviðráðanlegar.
„Þegar ljóst var orðið að allir
flokkarnir væru að notfæra sér
tækifærið til að gera kröfur sem
eru bæði efnahagslega og pólitískt
ótækar, þá ákvað ég að hætta við
og fara í kosningar,“ sagði hún.
Dalia Itzak, forseti ísraelska
þjóðþingsins, reyndi í gær að gera
úrslitatilraun til að bjarga stjórn-
armyndunarviðræðunum, en sú
tilraun varð árangurslaus. - gb
Livni hefur gefist upp á stjórnarmyndunartilraunum í Ísrael:
Kosningar í byrjun næsta árs
TZIPI LIVNI Alger biðstaða verður líklega
í öllum viðræðum við Palestínumenn
þar til eftir kosningar. FRÉTTABLAÐIÐ/AP
1 Við hvaða stjórnmálaflokka
hefur fylgi aukist samkvæmt
niðurstöðum skoðanakönnunar
Fréttablaðsins?
2 Hvern gagnrýndi söngkonan
Emilíana Torrini í viðtali við
breska blaðið Sun um helgina?
3 Á móti hverjum lék kvenna-
landslið Íslands sinn fyrri leik í
umspili um laust sæti í úrslita-
keppni EM í gær?
SJÁ SVÖR Á SÍÐU 26
ÚKRAÍNA Alþjóðagjaldeyrissjóður-
inn skýrði í gær frá því að
Úkraína fengi 16,5 milljarða dala
lán úr sjóðnum til að tryggja
stöðugleika í efnahag og fjár-
málum landsins.
Þetta er nærri átta sinnum
hærri upphæð en Ísland fær að
láni frá sjóðnum, samkvæmt því
sem tilkynnt var um á föstudag.
Stjórn sjóðsins á þó enn eftir að
samþykkja lánið til Úkraínu, rétt
eins og íslenska lánið.
Sjóðurinn hefur úr meira en
200 milljörðum dala að ráða til
lánveitinga til að styrkja efnahag
ríkja sem nú eiga í vanda. - gb
Alþjóðagjaldeyrissjóðurinn:
Veitir Úkraínu
neyðarlán
BANDARÍKIN, AP John McCain, for-
setaefni bandaríska Repúblikana-
flokksins, segist enn gera sér
vonir um að sigra í kosningunum,
sem haldnar verða eftir aðeins
átta daga.
„Það verður mjög mjótt á mun-
unum, og ég tel að ég beri sigur úr
býtum,“ sagði hann í sjónvarps-
þætti í gær.
Hann á þó ansi langt í land til að
ná upp forskoti Obama. Sam-
kvæmt skoðanakönnunum hefur
Obama þegar nánast tryggt sér
þau 270 atkvæði á kjörmanna-
þinginu sem þarf til að sigra, en
McCain er býsna langt frá því
marki.
Barátta McCains beinist nú að
því að halda meirihluta í þeim
ríkjum, þar sem repúblikanar
hafa samkvæmt skoðanakönnun-
um nauman meirihluta. Demó-
kratinn Barack Obama einbeitir
sér hins vegar að því að snúa á
sitt band fleiri ríkjum, sem venju-
lega hafa stutt frambjóðendur
repúblikana.
Sarah Palin, varaforsetaefni
McCains, hefur með ýmsum
uppákomum þótt skemma fyrir
honum kosningabaráttuna frekar
en að hjálpa til. McCain vísaði þó
slíku á bug og sagðist treysta
henni fullkomlega: „Ég er ekki að
verja hana. Ég hrósa henni. Hún
er nákvæmlega það sem þarf í
Washington,“ sagði McCain í gær.
Hann vísaði einnig á bug gagn-
rýni á það hve miklum fjármun-
um Repúblikanaflokkurinn hefur
varið til fatakaupa handa Palin:
„Hún lifir sparsömu lífi. Hún og
fjölskylda hennar eru ekki auðug,“
sagði hann, og bætti því við að
þriðjungur þessa fjár verði end-
urgreiddur, en afgangurinn af föt-
unum verði gefinn til góðgerða-
starfsemi.
Báðir frambjóðendurnir voru
með kosningafundi í Albuquerque
í Nýju-Mexíkó á laugardaginn. Á
fund McCains mættu 1.500 manns
en til Obama 45 þúsund manns.
Íbúar þar eru margir af suður-
amerískum ættum, og bendir
aðsóknin til þess að fylgi Obama
meðal þess hóps sé að styrkjast,
sem gæti einnig styrkt stöðu hans
í bæði Nevada og Colorado.
Dagblaðið New York Times
lýsti á laugardaginn stuðningi
sínum við Obama, sagði hann hafa
staðið sig vel í langri og strangri
kosningabaráttu.
Fleiri bandarísk dagblöð hafa
verið að lýsa yfir stuðningi við
ýmist Obama eða McCain, en sér-
staka athygli vakti að stærsta
dagblaðið í Alaska, þar sem Sarah
Palin er ríkisstjóri, lýsti yfir
stuðningi við Obama.
gudsteinn@frettabladid.is
McCain segist enn
bjartsýnn á sigur
Sigur Baracks Obama virðist nánast í höfn í forsetakosningunum í næstu viku.
John McCain reynir þó að bera sig vel og berst af kappi. Stærsta dagblaðið í
Alaska, ríki Söruh Palin, lýsti um helgina yfir stuðningi við Obama.
ÖNNUM KAFINN FRAMBJÓÐANDI John McCain á kosningafundi í Iowa í gær.
FRÉTTABLAÐIÐ/AP
Forsetakosningar
2008
VEISTU SVARIÐ?