Fréttablaðið - 27.10.2008, Blaðsíða 16

Hjá Föndurstofunni í Síðumúla
kennir ýmissa grasa en þar er
meðal annars boðið upp á námskeið
þar sem útbúa má skrautmuni og
nytjahluti.
„Kertanámskeiðin hafa verið
gífurlega vinsæl hjá okkur en
kertin eru tilvalin í jólapakkana,“
segir Geirþrúður Þorbjörnsdóttir
verslunareigandi. „Kertanám-
skeiðið hefur verið í gangi síðan í
vor en aðsóknin hefur aukist í
haust. Allur efniskostnaður er inni-
falinn og þá eru gerð tvö kerti. Ég
er aðallega að kenna að bræða
servíettu inn í vaxið til að fá fallega
mynd og svo er kertið skreytt með
alls konar límmiðum og dóti,“
útskýrir Geirþrúður áhugasöm.
Námskeiðið er ein kvöldstund og
kostar um þrjú þúsund krónur.
„Námskeiðin hafa vakið mikla
lukku og eru þátttakendur ánægðir
með það sem þeir búa til,“ segir
Geirþrúður sannfærandi.
Annað sniðugt námskeið sem
Föndurstofan býður upp á er í skart-
gripagerð. „Þá er hægt að vinna
skartgripi úr fjölbreyttu efni sem
fólk getur blandað að vild. Þá er
þetta fært upp á víra og síðan ræður
sköpunargleðin ferðinni,“ segir
Geirþrúður. Námskeiðið kostar
2.500 krónur en auk þess er greitt
fyrir efniskostnað sem er breyti-
legur eftir því hvað fólk velur sér
að gera. „Það er hægt að gera dýra
hluti en einnig er hægt að gera
þetta mjög ódýrt. Það fer allt eftir
smekk hvers og eins og efnisvali.
Ég er til dæmis með alls konar nátt-
úrusteina, ferskvatnsperlur og
fleira sem nota má í skartgripina.“
Auk þessa er Geirþrúður með
námskeið í kortagerð og selur allt
sem henni við kemur. Námskeiðin
eru alltaf í gangi og hafa öll verið
vinsæl. „Kertin og skartgripirnir
hafa verið hvað vinsælust en nú er
aðsóknin í kortagerðina að aukast
eins og oft er fyrir jól,“ segir Geir-
þrúður og bendir á að hægt sé að
skrá sig með því að hringja í búðina
eða hafa samband í gegnum heima-
síðuna www.fondurstofan.is. Í
versluninni má síðan finna allt til
föndurgerðar og er mikið úrval af
útsaumspökkum og fjölbreyttu
föndurefni. hrefna@frettabladid.is
Kertagerðin vinsælust
Á þessum síðustu og verstu tímum reyna margir að nýta hugmyndaflugið og sköpunargleðina til að
vinna í haginn fyrir heimilið. Ýmis námskeið eru í boði þar sem útbúa má fallegar gjafir og nytjahluti.
Geirþrúður hefur í mörgu að snúast við að kenna föndurnámskeið og hafa kerta-
gerðarnámskeiðin verið hvað vinsælust undanfarið. FRÉTTABLAÐIÐ/ARNÞÓR
PALLÍETTUR, perlur, pappír og glimmer má nota til
að búa til fallegt borðskraut fyrir veislur. Skemmtilegt
getur verið að merkja hverjum gesti sæti með smekk-
legu spjaldi og skreyta með einhverju dúlleríi.
Heimilisvarnarkerfi eru þarfaþing hverjum þeim sem ekki
vill þurfa að hafa áhyggjur af heimili sínu og eigum meðan
á fjarveru þaðan stendur.
Á síðustu árum orðið talsverð aukning á sölu á heimilisvarn-
arkerfum að sögn Þorsteins G. Hilmarssonar, markaðsstjóra
Securitas. „Þessi kerfi eru mjög vinsæl vara og skipta nú
þúsundum á heimilum landsmanna. Lífsmynstur fólks hefur
breyst á undanförnum árum og nú er fólk meira að heiman
en oft áður. Með áskrift að heimavarnarkerfi er fólk að
kaupa sér hugarró. Heimavörn Securitas er bæði innbrota-
og brunaviðvörunarkerfi,“ segir Þorsteinn. „Kerfið er tengt
við stjórnstöðina hjá okkur og er alltaf vaktað.“
Sjá www.securitas.is. - vþ
Hugarró á heimilinu
Þorsteinn G. Hilmarsson, markaðsstjóri Securitas, segir vinsældir heima-
varnarkerfa hafa aukist síðustu ár. FRÉTTABLAÐIÐ/GVA
Alla mmtudaga
Alla mmtudaga