Fréttablaðið - 28.12.2008, Blaðsíða 2

2 28. desember 2008 SUNNUDAGUR
R Á Ð A M E N N Þ J Ó Ð A R I N N A R
Kveðjum árið með nýju
Stjórnmálatertunni!
Rólegt hjá lögreglunni
Rólegt hefur verið hjá lögreglunni
á höfuðborgarsvæðinu síðan á
föstudag. Færri voru í miðbænum
aðfaranótt laugardags en við var
búist. Brotist var inn í gám, vinnuskúr,
nokkra bíla, rakarastofu og veitinga-
stað. Lítilræði var stolið.
LÖGREGLUFRÉTTIR
NORÐURLÖND Lettland fær 1.300
milljarða króna í erlend lán til að
bjarga landinu úr efnahagskrepp-
unni. Norrænu
þjóðirnar, að
Íslendingum
undanskildum,
lána Lettum
jafnvirði 319
milljarða
íslenskra króna,
að sögn norskra
fjölmiðla, eða
sömu upphæð
og þær lánuðu
Íslendingum.
Danir, Finnar, Norðmenn og
Svíar hafa unnið þétt saman að
björgun Lettlands og með sama
hætti og að björgun Íslands. Þetta
hefur norska blaðið Address-
avisen eftir Kristin Halvorsen,
fjármálaráðherra Noregs.
ESB lánar Lettum mest, eða
meira en 530 milljarða króna. Þá
veitir Alþjóðagjaldeyrissjóðurinn
lán að fjárhæð um 320 milljarða
króna. - ghs
Norrænu þjóðirnar:
Lána Lettum
sömu upphæð
og Íslandi
KRISTIN
HALVORSEN
Fjárlög á skjön við AGS
Úkraínska þingið hefur samþykkt
fjárlög sem stangast á við skilyrði
Alþjóðagjaldeyrissjóðsins vegna láns
til Úkraínu. Þingmenn segja að óraun-
hæfar væntingar séu um hagvöxt á
næsta ári. Aðstoðarmaður forseta
Úkraínu segir að semja verði við
Alþjóðagjaldeyrissjóðinn upp á nýtt.
ÚKRAÍNA
VINNUMARKAÐUR Kjararáð ákvað á
fundi sínum í gærmorgun að lækka
laun ráðherra og þingmanna um 7,5
til 15 prósent. Mánaðarlaun forsæt-
is ráðherra lækka mest, eða um tæp-
lega 15 prósent, og má búast við að
laun borgarstjóra, Hönnu Birnu
Kristjánsdóttur, lækki jafnmikið
þar sem laun og launakjör borgar-
stjóra á að taka mið af launum for-
sætisráðherra. Lækkunin tekur
gildi frá og með næstu mánaða-
mótum og gildir ákvörðunin út
næsta ár.
Mánaðarlaun Geirs H. Haarde
forsætisráðherra verða 933.679
krónur að meðtöldu þingfararkaupi.
Mánaðarlaun annarra ráðherra
verða 858.568 krónur að meðtöldu
þingfararkaupi. Þingfararkaup
verður 533.800 krónur á mánuði en
var áður 562.020
krónur á mán-
uði.
Í tilkynningu
frá kjararáði
kemur fram að
kjararáð ákveð-
ur aðeins hluta
af launum þing-
manna þar sem
Alþingi tekur
sjálft ákvarðan-
ir um álag á þingfararkaup auk
þingfararkostnaðar. Þannig fái
þingmenn ýmsan starfstengdan
kostnað greiddan, til dæmis hús-
næðiskostnað, og því geti kjararáð
ekki uppfyllt þann tilgang laga að
þeir þingmenn sem hæstu launin
hafi lækki hlutfallslega meira en
aðrir þingmenn.
Kjararáð vísar til þess að upplýs-
ingar um launalækkanir æðstu
stjórnenda fyrirtækja á almennum
vinnumarkaði séu nú farnar að
koma fram. Mest hafi laun stjórn-
enda fjármálastofnana lækkað en
lækkun hafi einnig orðið í öðrum
greinum. Búast megi við að fram-
hald verði á því. Þá hafi launavísi-
tala lækkað milli mánaða en ekki
hafi enn verið samið um launalækk-
un ríkisstarfsmanna. - ghs
Kjararáð hefur ákveðið að lækka laun stjórnmálamanna um 7,5 til 15 prósent:
Forsætisráðherra með milljón
GEIR HAARDE
Jónmundur, er Seltjarnarnes
lánlaus bær?
„Já, hann er fullkomlega lánlaus en
samt leikur lánið við okkur.“
Seltjarnarnesbær hefur ekki tekið lán í
tíu ár. Jónmundur Guðmarsson er bæjar-
stjóri á Seltjarnarnesi.
SAMFÉLAGSMÁL Gunnar Guðmunds-
son, eldri borgari sem býr í íbúð
Hrafnistu við Hraunvang í Hafn-
arfirði, greiðir 175 þúsund krónur
fyrir þriggja herbergja íbúð.
Leigan hefur hækkað um þrjátíu
þúsund krónur á einu ári.
Þegar Gunnar flutti inn fyrir
rúmum fjórum árum var leigan
um 130 þúsund krónur. Hann íhug-
ar nú að minnka við sig eða jafn-
vel að kaupa sér íbúð. „Verðið
hækkar hjá okkur á meðan það fer
lækkandi annars staðar. Ef ég
myndi kaupa íbúð þyrfti ég að
greiða um 120 þúsund krónur á
mánuði í afborganir.“
Hann segir þó ekki víst að hann
láti af flutningum verða, enda
myndi hann sakna Hrafnistu. Þar
hafi hann aðgang að góðri þjón-
ustu og ekki síst afbragðs útsýni.
„Leigan hjá okkur fylgir neyslu-
verðsvísitölu og öll okkar lán eru
tengd henni,“ segir Ásgeir Ingva-
son, framkvæmdastjóri hjá
Naustavör, dótturfélagi Sjómanna-
dagsráðs og eiganda íbúðanna.
Ásgeir segir heimild í samning-
um til að hækka leiguna enn frek-
ar, meðal annars vegna hækkunar
fasteignagjalda og trygginga. „Við
höfum aldrei beitt þessum ákvæð-
um heldur tekið á okkur margar
milljónir sjálf vegna þessa.“
Hann segir ekki hjá því komist
að hækka leigu íbúðanna í sam-
ræmi við hækkun á vísitölu
neysluverðs. „Lánin okkar hafa
hækkað um einhver hundruð
milljóna. Við þurftum að fjár-
magna okkar byggingar í gegnum
Íbúðalánasjóð og tókum lán til
fimmtíu ára. Við verðum sjálf að
geta staðið í skilum. En við þurf-
um að losna við verðbólgudraug-
inn. Auðvitað verðum við númer
eitt tvö og þrjú að búa við stöðugt
verðlag.“
Hann segir leitast við að halda
töxtum í lágmarki og einnig verði
á þeirri þjónustu sem fólkið kaup-
ir af Hrafnistu. Hann telur fólk
almennt ánægð með þjónustuna.
Það segi sína sögu að þær 88 íbúð-
ir sem félagið á, í Reykjavík og
Hafnarfirði, séu allar fullar. Ekki
hafi verið laus íbúð í að minnsta
kosti þrjú ár.
Sveitarfélögin hafa ekki komið
til móts við félagið, að sögn
Ásgeirs. „Við óskuðum eftir því á
sínum tíma við Hafnarfjarðarbæ
að hlífa okkur við fasteignaskött-
um. Við höfum engan skilning
fengið þar, ekki króna hefur verið
gefin eftir.“
holmfridur@frettabladid.is
Borgar 175 þúsund
fyrir íbúð á Hrafnistu
Leiga níræðs manns á Hrafnistu við Hraunvang í Hafnarfirði hefur hækkað
um tugi þúsunda á árinu sem er að líða. Verðbólgudraugnum að kenna, segir
framkvæmdastjóri Naustavarar, móðurfélags Hrafnistu og eiganda íbúðanna.
LEIGUÍBÚÐIR VIÐ HRAFNISTU Leiguverð íbúða fyrir sextíu ára og eldri, sem Hrafnista
leigir út, hefur hækkað um tugi þúsunda á árinu. FRÉTTABLAÐIÐ/GVA
HEILBRIGÐISMÁL Hinir árlegu Stórtónleikar til
styrktar Styrktarfélagi krabbameinssjúkra barna
voru haldnir í Háskólabíói í gær. Í hléi var afhentur
styrkur að fjárhæð 2,5 milljónir króna. Einar
Bárðarson, einn af forsprökkum tónleikanna, segir
að alls hafi safnast 27 milljónir í gegnum árin.
Uppselt var á tónleikana í ár tíunda árið í röð en
heiðursgestir voru Ólafur Ragnar Grímsson, forseti
Íslands, Guðlaugur Þór Þórðarson heilbrigðisráð-
herra og Hanna Birna Kristjánsdóttir borgarstjóri.
Á tónleikunum komu fram Lay Low, Sálin hans
Jóns míns, Sprengjuhöllin, Helgi Björnsson, Bubbi
Morthens, Páll Óskar, Skítamórall, Ragga Gröndal,
Ingó Veðurguð, Stuðmenn, Friðrik Ómar og Regína
og Klaufarnir. Allir, sem komu að tónleikunum, gáfu
vinnu sína.
Árlega greinast tíu til tólf börn og unglingar, 18
ára og yngri, með krabbamein hér á landi. Markmið-
ið með stofnun Styrktarfélags krabbameinssjúkra
barna var meðal annars að styðja við bakið á þeim
og aðstandendum þeirra bæði fjárhagslega og
félagslega. Í upphafi hafði félagið takmarkað
bolmagn til framkvæmda en úr rættist með stórri
landssöfnun árið 1993 þegar stofnaður var neyðar-
sjóður sem meðlimir Styrktarfélagsins geta sótt um
fjárstyrk úr. - ghs
Góð stemning ríkti á tónleikum til styrktar krabbameinssjúkum börnum í gær:
Samtökin fengu veglegan styrk
STYRKURINN AFHENTUR Tónlistarmenn gáfu sem endranær
vinnu sína við tónleikana sem fóru fram fyrir fullu húsi. Alls
hafa tónleikarnir skilað samtökunum 27 milljónum í gegnum
árin. FRÉTTABLAÐIÐ/ARNÞÓR
LÖGREGLUMÁL Efnahagsbrotadeild
Ríkislögreglustjóra skoðar nú
millifærslur upp á samtals
hundrað milljarða króna frá
Kaupþingi á Íslandi inn á erlenda
bankareikninga. Grunur leikur á
að stjórnendur bankans hafi fært
vildarviðskiptavinum stórar
fjárhæðir á silfurfati. Þetta kom
fram í fréttum Stöðvar 2 í
gærkvöld.
Greint var jafnframt frá því að
efnahagsbrotadeild hefði borist
ábending þessa efnis fyrir um
hálfum mánuði. Um væri að ræða
millifærslur upp á hundrað
milljarða til annarra landa,
aðallega Lúxemborgar. - ghs
Efnahagsbrotadeild:
Rannsakar
millifærslur
STJÓRNMÁL Mótmælafundir voru
haldnir í Reykjavík og á Akureyri
í gær. Nokkur hundruð manns
komu saman á Austurvelli tólfta
laugardaginn í röð.
Á Akureyri tókust hátt í 80 manns
í hendur, mynduðu hring og
hugleiddu frið og samkennd í tíu
mínútur á Ráðhústorginu á
Akureyri í gær. Undanfarna
mánuði hefur hópur fólks hist
fyrir utan Samkomuhúsið og
gengið niður á Ráðhústorg undir
yfirskriftinni „Virkjum lýðræð-
ið“. - ghs
Mótmælafundir í gær:
Hugleiddu frið í
tíu mínútur
HUGLEIDDU Akureyringar og nærsveitar-
menn mynduðu hring og hugleiddu í tíu
mínútur á Ráðhústorginu í gær.
MYND/GUÐRÚN ÞÓRSDÓTTIR
HEILBRIGÐISMÁL 21 hross hefur nú
drepist vegna salmonellusýkingar
sem hefur geisað í stóði á
Kjalarnesi frá því í byrjun
vikunnar. Nokkur hross eru enn
þá fárveik og horfurnar ekki
góðar, að sögn Gunnars Arnar
Guðmundssonar dýralæknis.
„Við erum voða hrædd um að
hrossunum eigi eftir að fækka
eitthvað meira,“ segir Gunnar
Örn og telur að það skýrist á
næstu tveimur sólarhringum
„hvað lifir og hvað deyr“. Sýkt
hross segir hann að séu nú sex
talsins.
Hestarnir á Kjalarnesi voru
upphaflega 41 talsins. - ghs
Salmonellusýkingin:
Sex hross eru
enn fárveik
SPURNING DAGSINS