Tíminn - 27.07.1982, Blaðsíða 6

■ Líklegt er að margir af þeim golfurum í Borgamesi sem hér horfa á
snillinginn Jack Nicklaus með kylfuna taki þátt í „Ping open“ móti Golfklúbbs
Borgamess síðasta dag júlímánaðar. Mynd E.H.G.
Stærsta golfmót
sumarsins í
Borgarnesi 31. júlí
Borgarnes: „Stærsta golfmót okkar
Borgnesinga - sem við köllum „Ping
open“ verður haldið hér í Borgarnesi
laugardaginn 31. júlí n.k. Keppend-
ur verða fjölmargir og keppt verður
bæði með og án forgjafar", sagði
Magnús Thorvaldsson, einn af félög-
um Golfklúbbsins í Borgarnesi í
samtali við Tímann.
Magnús sagði þetta verða í 3. sinn
sem þessi mót eru haldin. Hin fyrri
hafi verið ákaflega skemmtileg og
tekist mjög vel. A síðasta mót hafi
komið um 80 manns, flestir úr
Reykjavík. En margir golfarar úr
Borgarnesi verða einnig meðal þátt-
takenda.
Öll verðlaunin á mótinu komu í
Borgarnes sama daginn og „Gull-
björninn", Jack Nicklaus heimsótti
Golfklúbbinn á dögunum. En verð-
launin eru frá Islensk/Ameríska
verslunarfélaginu og hafði forstjóri
þess, Best Hanson, þau með sér um
leið og hann brá sér í Borgarnes til
að hitta „Gullbjörninn". -HEI
Prestaskipti
í Glaumbæ
Mælifelli: Síra Gunnar Gíslason
prófastur í Glaumbæ, sem þjónað
hefur Glaumbæjarprestakalli allan
sinn prestsskap í 39 ár, kvaddi
söfnuði sína við guðsþjónustur á
kirkjunum í sl. viku. Sonur hans,
Gísli Gunnarsson guðfræðikandidat
predikaði, en hann sótti einn um
brauðið, er það var auglýst laust til
umsóknar fyrr í sumar, og mun
kosning fara fram innan skamms.
Jafnframt því, að síra Gunnar
lætur af prestsþjónustu í kallinu mun
Björn Ólafsson organisti á Krithóli
hætta organistastörfum á Víðimýri
en hann hefur stýrt kirkjusöng þar
hátt í 6. áratugi.
Fjöldi fólks sótti allar guðsþjónust-
urnar, er löng og góð þjónusta var
þökkuð, en ungu prestsefni vel
fagnað. -Á.S.
Styrkir úr
„Menningar-
sjóði vest-
firskrar aesku”
Vestfirðir/Reykjavík: Styrkur úr
„Menningarsjóði vestfirskrar æsku“
til vestfirskra ungmenna sem stunda
framhaldsnám, sem þau ekki geta
stundað í heimabyggð sinni, verður
veittur í sumar eins og undanfarin ár.
Forgang að þessum styrkveit-
ingum hafa: Ungmenni sem misst
hafa fyrirvinnu sína (föður eða
móður), einstæðar mæður, og að
öðru jöfnu Vestfirðingar búsettir á
Vestfjörðum (ísafirði, ísafjarðar-,
Stranda- og Barðstrandarsýslum).
Umsóknir um styrki úr sjóðnum
þurfa að berast fyrir lok júlímánað-
ar. Umsókn skal fylgja meðmæli frá
skólastjóra eða öðrum sem þekkir
umsækjanda, efni hans og aðstæður.
Skulu þær sendar til „Menningar-
sjóðs vestfirskrar æsku“ c/o Sigríður
Valdemarsdóttir, Hrafnseyri við
Arnarfjörð, pr. Bíldudalur. Á síð-
asta ári voru veittar 12.000 kr. til
þriggja ungmenna.
Sumarmót Is-
leifsreglunnar
í Skálholti
um helgina
Árnessýsla: ísleifsreglan, félag
áhugamanna um klassískan kirkju-
söng hefur nú starfað í tvö ár og
staðið að útgáfu tíða og messusöngs.
ísleifsreglan heldur nú sumarmót í
Skálholti helgina 16. til 18. júlí. Auk
tíða verða sungnar messur:
Á laugardeginum kl. 14, prestur
sr. Sigurður Sigurðarson, og á
sunnudeginum kl. 14, prestur sr.
Sigmar Torfason.
Sunnudagskvöldið verður um-
ræðufundur með dr. Einari Sigur-
björnssyni um nýja handbók kirkj-
unnar, en hann er formaður hand-
bókarnefndar. Einnig mun sr. Sig-
urður Pálsson, vígslubiskup kynna
nýútkomna bók sína um sögu og efni
messunnar.
Tvennir tónleikar verða í tengsl-
um við mótið. Kl. 21.00 á föstudags-
kvöldið syngur Ragnheiður Guð-
mundsdóttir, alt-söngkona við undir-
leik Helga Bragasonar Nisi dominin-
us eftir A. Vivaldi og á laugardegin-
um kl. 18.00 heldur Árni Arinbjarn-
arson orgeltónleika með verkum
eftir Weelinck, Busterhude og J.S.
Bach.
Öllum er frjáls aðgangur að því
sem fram fer á mótinu.
-STJAS/HEI
SJALFSMORÐ ERU
FÆST A ÍSLANDI
— hlutfallslega samanborið við hin Norðurlöndin
■ Hér á landi voru hlutfallslega framin
þrisvar sinnum færri sjálfsmorð en t.d. í
Danmörku, árið 1980.
Alls bundu 1.618 Danir sjálfir enda á
líf sitt það ár, að því er fram kemur í
skýrslu um samanburð ýmissa heil-
brigðismála á Norðurlöndum.
Hér á landi voru 24 sjálfsmorð og
dauðsföll vegna áverka af eigin sökum
árið 1980, eða 10,5 af hverjum 100.000
íbúum landsins. Var það lang lægsta
sjálfsmorðstíðni á öllum Norðurlönd-
unum á því ári. Samsvarandi tölur fyrir
hinar þjóðirnar voru: Danmörk 31,6
sjálfsmorð á hverja 100.000 íbúa,
Finnland 25,1 (1.200 sjálfsmorð), Sví-
þjóð 19,6 (1.610) og Noregur 12,4 (507).
- HEI
Afmælismót að
Ulfljótsvatni
— Skátar úr Reykjavík halda upp
á 70 ára afmæli sitt um
verslunarmannahelgina
■ Um verslunarmannahelgina standa
skátafélögin í Reykjavík fyrir afmælis-
móti að Ulfljótsvatni í tilefni þess að í
ár eru liðin 70 ár frá stofnun Skátafélags
Reykjavíkur, sem var jafnframt upphaf
skátastarfs á Islandi. Mótið verður sett
að kveldi næsta föstudags, en slitið upp
úr hádegi á frídegi verslunarmanna.
Lögð er áhersla á vandaða tvíþætta
dagskrá á mótinu. Annars vegar verða
almennar skátabúðir, en þar verða
samankomnir skátar hvaðanæva af
landinu, byggir þeirra dagskrá á flokka-
starfi. Hins vegar verða fjölskyldubúðir,
þar sem dagskrárliðir eru miðaðir við
sem flesta aldurshópa. Má þar t.d. nefna
gönguferðir um nágrennið, bátsferðir,
flugdrekagerð, refaveiðar o.fl.
Á sunnudagskvöldið verður sjálf
afmælishátíðin, þar sem kveiktur verður
varðeldur, skemmtiatriði sýnd að hætti
skáta, og haldin heljarmikil grillveisla á
eftir væntanlega með meðfylgjandi
dansiballi.
Mottó mótsins er „AUSTUR
AFTUR“. Þátttaka í fjölskyldubúðum
er öllum opin, mótsgjald þar er kr. 70
fyrir hvert tjald, auk kr. 20 fyrir hvern
einstakling 10 ára eða eldri. Börn innan
10 ára þurfa ekkert gjald að greiða.
Þegar hafa mörg skátafélög tilkynnt
þátttöku sína, en þau verða að gera það
með fyrirvara til Skátasambands
Reykjavíkur. Mótsgjald í skátabúðir er
kr. 180.
í dag eru starfandi tíu skátafélög í
Reykjavík, auk ýmissa sérfélaga, s.s.
Félag eldri kvenskáta, St. Georgs-gilda.
Stærsta verkefni skáta í Reykjavík að
undanförnu hefur verið bygging nýrrar
skátamiðstöðvar við Snorrabraut. Skáta-
búðin hefur þegar flutt í hið nýja
húsnæði, en Skátasamband Reykjavík-
ur, Bandalag íslenskra skáta, og Skáta-
félagið Landnemar munu flytja starf-
semi sína þangað með haustinu. - Kás.
Kristján
syngurá
Akureyri
■ Kristján Jóhannsson óperusöngvari
hefur nú gert víðreist um landið, og
hefur söngur hans vakið mikla hrifningu
áheyrenda. Píanóleikari hans er Guðrún
A. Kristinsdóttir. Um helgina 23.-25.
júlí söng hann fyrir Þingeyinga, bæði í
Hnitbjörgum og að Ýdölum.
Akureyringar og Eyfirðingar fá svo
tækifæri til að hlýða á Kristján í
íþróttaskemmunni á Akureyri, mið-
vikudaginn 28. júlí kl. 21. Forsala
aðgöngumiða stendur yfir í bókabúðinni
Huld. Tónleikaförinni lýkur í Vest-
mannaeyjum 1. ágúst. Vakin skal
sérstök athygli á þeim glæsilega frama
er Kristjáni hefur hlotnast á erlendri
grund með samningi um söng aðalhlut-
verks við „English National Opera“,
eina virtustu óperu heims. Tvímælalaust
■ Kristján Jóhannsson.
er þetta ein mesta vegsemd, sem
íslenskum tónlistarmanni hefur hlotnast
á síðari árum.
Á efnisskránni eru lög eftir: Bach,
Bizet, Verdi, Leoncavallo, Tosti, Card-
illo, Rossini, Donizetti, Árna Thor-
steinsson, Sigurð Þórðarson, Sigfús
Einarsson, Sigvalda Kaldalóns og Pál
ísólfsson.
Sala á grásleppuhrognakavíar
hjá Sölustofnun lagmetis:
Hefur fimmfaldast
á síðustu 2 árum
■ Sala á grásleppuhrognakavíar hefur
fimmfaldast á síðustu tveim árum, að
því er Sölustofnun lagmetis upplýsir, og
sala á niðursoðinni rækju hefur marg-
faldast á sama tíma, samkvæmt sömu
heimildum. Ennfremur hefur sala aukist
á reyktum síldarflökum, þorsklifur og
þorskhrognum. Aftur á móti hefur
dregist saman salan á gaffalbitum, frá
því í fyrra, en þá hafði orðið veruleg
aukning frá árinu áður.
í heild varð 34% söluaukning hjá
Sölustofnun lagmetis á fyrstu sex
mánuðum þessa árs, miðað við sömu
mánuði í fyrra.
Stærstu kaupendur eru Efnahags-
bandalagsríkin, Bandaríkin og Sovét-
ríkin. Gert er ráð fyrir frekari sölu-
aukningu á seinni hluta ársins til
Bandaríkjanna og Sovétríkjanna. SV
■ Bændurnir Gunnar Gunnarsson
Selfossi I og Bjami Sigurgeirsson
Selfossi II vitja umnet sin í Ölfusá,
en aflinn að þessu sinni var 16 laxar.
Lax-
veið-
in.góö
fOlf-
usá
— bæði í net
og á stöng
■ Bændurnir Gunnar Gunnars-
son Selfossi I og Bjarni Sigur-
geirsson Selfossi II hafa um
áraraðir stundað laxveiði í net í
Ölfusá, en þau hlunnindi fylgja
jörðinni. Þega- Tíminn kom á
staðinn voru þeir bændur að
draga inn netin og átti Gunnar í
hálfgerðum erfiðleikum að koma
þeim í bátinn.
Er lokið var við að koma
netunum í bátinn kom í Ijós að
aflinn var 16 vænir laxar. Þeir
vitja tvisvar á dag um netin sem
þeir leggja á tveimur stöðum í
ánni, en kvöldið áður hafði ekki
verið einn einasti fiskur í þessu
neti, og kvað Gunnar það vera
góðs viti.
Aðspurðir kváðu þeir veiðina
hafa verið góða það sem af væri
sumri, en veiði á stöng hefur
einnig verið nokkuð góð í Ölfusá
það sem af er, og til dæmis voru
dregnir á land um daginn 40 laxar
á tveimur döguni.