Tíminn - 27.07.1982, Blaðsíða 7

NAS VALKOSTUR
ALLRAHAfiUB
Söluskrífstofa, Lágmúla 7,
Sími84477
ÞRIÐJUDAGUR 27. JÚLÍ 1982
Bretar geta búizt við
f leiri hermdarverkum
IRA lætur að sér kveða í London
■ Riddaralið drottningar á leið um Hyde Park
■ MÁNUDAGINN 19. þ.m. kom
brezki írlandsmálaráðherrann, James
Prior, í heimsókn til Bandaríkjanna.
Áður en hann hóf ferð sína, áttu
bandarískir blaðamenn viðtal við hann
og lét hann sæmilega af þeim árangri,
sem hefði náðst í málefnum Ulsters eða
Norður-írlands síðan hann tók við
stjórninni þar í september á síðastliðnu
ári.
Þegar Prior tók við embættinu, stóðu
enn yfir hungurverkföll fanga í Maze-
fangelsinu illræmda. Eftir að Prior hafði
heimsótt fangelsið tókst honum að leysa
deiluna, sem hafði valdið hungurverk-
föllunum. Fangarnir hættu verkföllun-
um, þegar fallizt var á ýmsar af
réttindakröfum þeirra.
Prior gat máli sínu til sönnunar nefnt
tölur, sem virðast sýna nokkurn árang-
ur. Fyrstu sex mánuði ársins 1982 höfðu
36 menn verið drepnir í Ulster af
pólitískum ástæðum, en á sama tíma
árið 1981 var sambærileg tala 101.
Síðast en ekki sízt tíundaði svo Prior
það, að brezka þingið var nýlega búið
að samþykkja lög um stofnun ráðgef-
andi þings í Ulster, en það væri spor í
þá átt að Ulsterbúar tækju heimamál sín
í eigin hendur, eins og var fyrir réttum
10 árum, þegar brezka stjórnin tók
stjórnina í Norður-írlandi í sínar hendur
sökum vaxandi hryðjuverka þar, og
afnam jafnframt heimastjórnina, sem
hafði verið þar í nær aldarhelming.
Hið nýja þing á fyrst og fremst að vera
ráðgefandi. Hins vegar er fyrirhugað að
völd þess verði síðar aukin. Prior taldi
að mál Ulsters yrðu ekki leyst nema í
áföngum. Stórt skref gæti aðeins gert illt
verra.
Hið nýja þing verður skipað 78
fulltrúum. Kosningar til þess eiga að fara
fram 20. október næstkomandi.
Tilgangurinn með för Priors til
Bandaríkjanna var öðrum þræði að
kynna írum þar fyrirætlanir hans
varðandi mál Ulsters og afla stuðnings
þeirra, en bandarískir írar láta sig þessi
mál verulega skipta.
Hinum þræðinum var það tilgangur-
inn með ferðalagi Priors að fá bandarísk
fyrirtæki til að fjárfesta í Ulster og draga
þannig úr atvinnuleysinu þar. Atvinnu-
leysi er mun meira í Ulster en annars
staðar á Bretlandseyjum eða 19.7%.
PRIOR var ekki búinn að dvelja
nema einn dag í Bandaríkjunum, þegar
honum bárust mikil ótíðindi.
Að morgni þriðjudagsins (20. júlí)
var riddaralið drottningar (Queen’s
Household Cavalry) að vanda á leið til
Buckinghamhallar um Hyde Park,
stærsta almenningsgarð Lundúna. Ailt í
Þórarinn Þórarinsson,
ritstjóri, skrifar
■ James Prior
einu kvað við mikil sprenging. Spreng-
ingin var svo öflug að þrír riddarar létust
strax af völdum hennar, en 22 menn
særðust og var þar ýmist um að ræða
riddara eða óbreytta borgara. Margir
hestar drápust strax eða særðust svo
mikið, að þeir voru tafarlaust skotnir.
Tveimur klukkustundum síðar gerðist
svipaður atburður í öðrum þekktasta
almenningsgarði Lundúna, Regent
Park. Þar var lúðrasveit úr frægri brezkri
herdeild, Royal Green Jackets, að leika
fyrir áheyrendur. Þegar minnst varði,
kvað við mikil sprenging af völdum
sprengju, sem hafði verið komið fyrir
undir hljómsveitarpallinum. Sex hljóm-
sveitarmenn, sem allir tilheyrðu her-
deildinni, létust strax af völdum hennar,
en 28 særðust meira og minna hættulega.
Þess má geta, að umrædd herdeild
hefur undanfarið dvalizt í Ulster og voru
hljómsveitarmennirnir, sem fórust, ný-
lega komnir þaðan.
Strax eftir að fregnir fóru að berast af
sprengingunum birti írski lýðveldisher-
inn, IRA, sem er bannaður leynifélags-
skapur, yfirlýsingu um, að hann bæri
ábyrgð á þeim. Með þeim hefði hann
verið að mótmæla yfirráðum og kúgun
Breta í Ulster, sem væru ósamrýmanleg
lögum og mannréttindayfirlýsingu Sam-
einuðu þjóðanna.
IRA kvað sig hafa neyðzt til að grípa
til þessara aðgerða, því að Bretar
hlustuðu ekki á annað en sprengingar.
Hermdarverk þessi hafa verið for-
dæmd vítt um lönd, meðal annars af
stjórn írlands.
í Bretlandi er verulega óttazt, að IRA
muni hér eftir aðallega grípa til
hermdarverka í Englandi í stað þess, að
áður hefur þeim einkum verið beitt í
Ulster.
Það ber vott um þennan ugg Breta,
að þegar riddarasveit drottningar reið til
Buckinghamhallar daginn eftir (21.
júlí), var hún undir lögregluvernd. Það
er talið fátítt, að hermenn séu verndaðir
á þann hátt.
ÞÓTT brezk stjórnarvöld segi, að
þessir atburðir muni ekki hafa nein áhrif
á fyrirætlanir þeirra í sambandi við
Ulstermálið, þykir eigi að síður líklegt,
að þeir dragi pólitískan dilk á eftir sér.
Þannig var flokkur katólskra í Ulster
ekki búinn að ákveða, hvort hann tæki
þátt í þingkosningunum, sem eru
fyrirhugaðar í Ulster 20. október.
Dráttur þessi stafaði af því, að
flokkurinn taldi hlut katólskra fyrir borð
borinn. Sennilegt þykir, að umræddir
atburðir geri það ekki fýsilegra frá
sjónarmiði flokksins að taka þátt í
kosningunum.
Sprengingarnar í Hyde Park og
Regent Park þykja sýna, að IRA lifir
enn góðu lífi, þrátt fyrir bann bæði
brezku stjórnarinnar og írsku stjórnar-
innar. Reynslan bendir ótvírætt til þess,
að IRA hafi góðan jarðveg meðan
brezkur her dvelst í Ulster. Þess gæta
leiðtogar IRA hins vegar ekki, að Bretar
eru líka þráir og vilja ekki láta líta
þannig út, að skæruliðar hreki þá frá
Ulster.
Þess vegna er það spurning, hvort
IRA er ekki að framlengja dvöl brezka
hersinsí Ulstermeð hermdarverkunum.
Leiðtogar IRA svara á þá leið, að
Bretar láti alltaf að lokum undan, þótt
þeir þráist í lengstu lög. Þannig hafi
Begin hrakið þá frá Palestínu.
Rafdeild
JL-hússins
auglýsir:
Nýkomin
þýsk útiljós,
eldhúsljós
og Ijósakrónur.
Ath.:
Deildin er
á 2. hæð
í J.L.-húsinu.
Ótrúlega hagstæðir
greiðsluskilmálar á
flestum vöruflokkum.
Allt niður í 20% út-
borgun og lánstími allt
að 9 mánuðum.
Opið í öllum deildum:
mánud.-
miðvikud. 9—18,
fimmtud. 9—20,
föstud. 9—22

Jón Loftsson hf.
Hringbraut 121
Rafdeild
Sími 10600
Frá stjórn
Verkamannabústaða á Egilsstöðum
Stjórn Verkamannabústaða á Egilsstöðum
auglýsir eftir kaupendum að tveim 3ja herb.
og tveim 4ra herb. íbúðum í parhúsum við
Miðgarð 7, A og B og Miðgarð 5, A og B, sem
verða tilbúnar til afhendingar um mánaða-
mótin júlí og ágúst 1983.
Stjórn Verkamannabústaða Egilsstöðum.