Tíminn - 28.07.1982, Blaðsíða 5
MIÐVIKUDAGUR 28. JÚLÍ 1982
fréttir
■ „Það gengur nú ekki mjög vel,
maður,“ sagði Karl Halldórsson bóndi í
Ey í Landeyjum, þegar Tíminn spurði
hann hvernig heyskapurinn og tilveran
gangi þar í sveit. „Það gengur mjög illa
hér,“ áréttaði hann. „Ég held að allir
séu byrjaðir að slá og flestir búnir að ná
einhverju smávegis inn.“
- Hvernig eru þau hey?
„Sumir byrjuðu dálítið snemma og
náðu strax nokkrum heyjum og ég held
að þau séu nokkuð sæmileg. En ég held
að það séu ekki góð hey, sem menn hafa
verið að sulla saman upp á síðkastið og
setja inn.“
- Hvað þá um votheysverkun?
„Jú, eitthvað er um hana, en það
hefur bara ekkert verið gott að heyja í
vothey hérna upp á síðkastið, því það
rignir svo mikið hérna. Það er búin að
vera mígandi rigning hér í dag, en er
heldur að minnka núna.“
- Hvað hafist þið að? Sitjið þið inni í
bæ og haldið að ykkur höndum?
„Já, það er aðallega setið inni í bæ og
hlustað á veðurfréttir, maður sleppir
þeim ekki. En það er alltaf sama helvítis
lægðarófétið og hæðir og sama veðrið.
Nei, ástandið er bara ískyggilegt, ef
ekki fer að lagast. Þetta veður skemmir
svo mikið, bæði það sem er laust og það
sem er enn fast það er að verða úr sér
sprottið."
- Hvað segja þeir veðurglöggu, sem
horfa til himins, eru ekki horfur á að
þetta fari að lagast?
■ Víða um landið er heyskapartíð með eindæmum slæm, svo varla kemur tugga í hlöðu, en í góða veðrinu fyrir austan
er sprettan svo slæm að heyfengur er sáralítill. Þess vegna er öllum bændum sjálfsagt gott að hirða vel um dreifarnar.
Heyskaparhorfurnar:
„ÞAÐ ER ALLTAF SAMA
HELVfTIS LÆGÐARÓFÉTH)
— segir Karl Halldórsson f Ey f Landeyjum
„Það held ég ekki. Ef hann styttir ekki
upp núna um verslunarmannahelgina,
þá lýst mér ekkert á það. Þá fer ég bara
að pakka saman og fer norður í land. “
- Til að heyja þar?
„Bara að skemmta mér, maður. Það
þýðir ekkert annað en að vera hress og
bera sig vel,“ sagði Karl í Ey.
„Einstök heyskapartíð, en
lítii spretta,“
„Hér hefur verið einstök heyskapar-
tíð,“ sagði Jón Bergsson á Ketilsstöðum
á Völlum, þegar við spurðum hann frétta-
Hann var þá spurður hvort menn væru
yfirleitt búnir að heyja á Austurlandi,
eða langt komnir.
„Ég segi það nú ekki, menn hafa farið
sér hægt vegna þess að sprettan er léleg,
vegna þurrkanna, held ég aðallega.
Sumarið hefur verið óskaplega þurrt
og þess vegna háð grassprettu. Hér er
varla hægt að segja að hafi komið dropi
úr lofti síðan í vor einhvern tíma, nema
það rigndi smávegis hér um mánaðamót-
in júní/júlí. Það er afskaplega lélegt, það
sem menn eru að slá núna, langt undir
meðallagi í heyfeng, en það eru auðvitað
óskaplega góð hey, sem er búið að ná.
Margir eru enn að bíða eftir að meira
spretti, en það er þó misjafnt, eins og
gengur.“
- Hvað er annars almennra tíðinda
hjá ykkur?
„Það er auðvitað helst góða veðrið,
hér hefur verið upp undir 30 stiga hiti í
marga daga og ferðamannastraumurinn
er mikill."
- Hafa bændur þarna austurfrá komið
sér upp einhverri ferðaþjónustu?
„Nei, það held ég ekki, hér eru ekki
komnir upp þessir svokölluðu ferða-
bændur."
- Er sprettan svo lítil þarna að horfi
til vandræða?
„Já, það segir sig sjálft, þegar áburður
hækkar um 60% og menn fá svo ekki
fullt eftir hann, þá eru það auðvitað
vandræði. Sumsstaðar er kalið í túnum,
sérstaklega hér á Út-Héraði, reyndar
eitthvað um allt Héraðið, og svo niðri á
Fjörðum. Þannig að við fáum ekki einu
sinni hey af öllu ræktuðu landi og lítið
af hinu,“ sagði Jón Bergsson á
Ketilsstöcum.
„Þurrkarnir hafa verið
stuttir hér um slóðir,“
„Heyskapurinn gengur svona frekar
hægt hérna,“ upplýsti Böðvar Jónsson
bóndi í Norðurhjáleigu í Álftaveri,
þegar Tíminn hringdi til hans að leita
tíðinda. „Hér eru til bændur, sem engu
heyi eru búnir að ná ennþá, en aðrir eru
búnir að ná dálitlu. Þó held ég að hér sé
skárra ástand hcldur en vestan við
Mýrdalssandinn, þar er það mjög slæmt,
eftir því sem mér heyrist á mönnum.“
- Hvemig er sprettan hjá ykkur?
„Sprettan er góð, hér er ágætis gras
orðið. Þurrkamir hafa verið stuttir hér
um slóðir, en nóg til þess að þeir sem
hafa góða súgþurrkun hafa getað náð
sæmilegum heyjum. Þetta hefur verið
mjög stopult, t.d. leit ágætlega út í
gærkvöldi, en í dag er komin rigning.
Hann er búinn að rigna síðan fyrir
hádegi.“
- Heyja bændur á þessu svæði ekki í
súrhey?
„Það er mjög lítið, ég veit ekki til að
neinn sé farinn til þess ennþá."
- Hvernig telja menn þarna að útlitið
sé?
„Það getur verið allt í lagi ennþá, ef
hann fer að birta til.“
- Er mikið hey flatt?
„Já, margir eiga mikið flatt hey, en
það hefur ekki hrakist neitt að ráði og
það getur bjargast ennþá."
- Er tíðin ekki verri en það að menn
geti verið við þetta að mestu?
„Það er nú lítið verið við, nema
þurrkur sé. Menn eru fljótir að slá og
fara í það, þegar þeir halda að von sé á
einhverri uppstyttu.“
- Hvaðeruðþiðaðgeraþessámilli?
„Það er nóg að gera. Sumir hafa verið
að ganga frá súgþurrkun í hlöður og
menn finna alltaf nóg að gera,“ sagði
Böðvar í Norðurhjálgigu.
„Bændur í Húnaþingi eru
ánægðir og bjartsýnir,“
„Ég held að heyskapur gangi bara
nokkuð vel á þessu svæði," sagði Ólafur
Valdimarsson bóndi á Uppsölum í
Miðfirði, þegar Tíminn spurði hann
tíðinda af heyskapnum. „Mér virðist
þetta yfirleitt vera komið nokkuð vel á
veg. Sprettan hefur verið þokkaleg og
það má segja að í síðustu viku og þessari
hafi verið góðir þurrkar.“
- Hafa bændur þá náð töluverðum
heyjum í hlöður?
„Já, nokkuð svona og það er ekki
annað að sjá en að það gangi vel. Ég er
töluvert meira en hálfnaður og held að
svo sé um flesta.“
- Hafa menn þá ekki tíma til að sinna
öðru en heyskapnum um þessar mundir?
„Nei, það er varla, þetta er
háannatíminn hjá þeim. Ég veit ekki
betur en bændur í Húnaþingi séu
almennt ánægðir og bjartsýnir. Ég er
það að minnsta kosti,“ sagði Ólafur á
Uppsölum.
„Hér stendur allt bölvan-
lega meö heyskapinn“
„Það eru nú allir byrjaðir að slá hér
um slóðir, en margir hafa enn ekki náð
inn heyi,“ sagði Skúli Kristjónsson
bóndi á Svignaskarði, þegar Tíminn
ræddi við hann um heyskap og horfur.
„Það gengur akkúrat ekkert ennþá.
Menn hafa auðvitað verið að reyna að
heyja eitthvað í vothey, en það var bara
svo blautt eftir rigningarnar og flóðin um
daginn að menn voru stoþp með allt.
Svo var það annað verra fyrir okkur
sem eigum land að Norðurá að þar gerði
svo mikið flóð að þar urðu miklar
skemmdir. Ég hef ekki fyrr séð svona
mikil flóð í ánni á þessum árstíma.
Vatnið flóði yfir mikil slæjulönd og bar
með sér mikinn leir, sem skemmdi
mikið.
Ég var búinn að bera á þetta land fyrir
um 70 þúsund krónur og það má segja
að það sé hálf ónýtt, að þessum
peningum hafi verið kastað undir vatn.
Hér er allsstaðar mjög mikið gras og
það er reyndar farið að spretta úr sér
víða. En ef bregður ekki til betri tíðar
núna fljótlega, þá er hér víða mjög
slæmt ástand.
Aftur á móti spratt fyrr hér fyrir
sunnan okkur, fyrir sunnan Skarðsheið-
ina, og þar gátu menn byrjað eitthvað
fyrr og náðu í þurrkglætu og sumir þeirra
eru kannski sæmilega á veg komnir. En
hér uppi í Borgarfirðinum er óverulegur
heyskapur ennþá."
„Það má segja að menn bíði bara eftir
þurrki og reyni að undirbúa sig undir að
taka á móti honum, en standi eiginlega
fastir og geti ekkert gert.“
- Eru bændur þá svartsýnir og argir í
skapi?
„Nei, það eru þeir ekki, þeir hafa nóg
að stússa við. Við erum hér að undirbúa
hestamót og ýmislegt annað. Sumir eru
að tala um Borgarfjarðargleði, sem
engin er, nema einhver auglýsing frá
Hauki Ingibergssyni. Bændur hafa
margir áhyggjur af þessu, þegar verið er
að auglýsa böll, en ekkert er gert til að
hafa ofan af fyrir fólkinu, ekki einu sinni
útveguð tjaldstæði. Við vitum ekkert
hvað þetta kallar yfir okkur.
Þetta stendur allt bölvanlega með
heyskapinn, en þú mátt hafa eftir mér
að það verður þurrkur um helgina, því
að hestamenn ætla að halda hér mót og
það hefur aldrei brugðist að hér er
þurrkur þegar það er,“ sagði. Skúli
Kristjónsson á Svignaskarði. sy
ÆVINTÝRAHEIMUR
BARNANNA
SENDUM í PÓSTKRÖFU.
ptaymobi!
LEIKFANGA VERSLUN
V. HALLVEIGARSTÍG 1 SÍMI26010