Tíminn - 04.08.1982, Blaðsíða 11
MIÐVIKUDAGUR 4. ÁGÚST 1982
MIÐVIKUDAGUR 4. ÁGÚST 1982
rtnmtn
Þjóðhöfðingjar íslands og Danmerkur, þær Vigdís Finnbogadóttir forseti og Margrét drottning koma um borð í dönsku
mungssnekkjuna „Dannebrog", en þar hefur Vigdís Finnbogadóttir aðsetur meðan á Grænlandsheimsókn hennar stendur.
(Tímamynd FRI)
■ Margrét Danadrottning er hér á leið til afhjúpunar minnismerkisins um Eirík rauða, ásamt Henrik prins og konungssonunum,
Friðrik og Jóakim. (Tímamynd FRI)
■ Minisvarðinn ura Eirík rauða afhjúpaður í Bröttuhh'ð. Skjöldinn á þessum varða gerði einn fremsti ríthöfundur Grænlendinga, Hans Lynge. Var það nafni
Eiríks rauða, Eiríkur rauði Fredriksen, sem afhjúpaði minnismerkið. (Tímamynd FRI)
10___________
fréttafrásögn
Frá fréttamanni Tímans f Narssassuaq þar sem þúsund ára hátíðahöld Grænlendinga standa yfir
Kristján Eldjárn á fornum slóðum í Bröttuhlíð.
(Tímamynd FRI).
Frá Friðrik Indriðasyni, fréttaritara
Tímans í Narssassuaq á Grænlandi.
■ Óhætt mun að segja að veðurguðirn-
ir hafi skartað sína besta í Bröttuhlíð á
Grænlandi, er hátíðahöldin vegna þús-
und ára afmælis komu Eiríks rauða til
landsins voru haldin þar.
Glitrandi sólskin og blíða var er hinir
tignu gesti komu til Bröttuhlíðar, þeirra
á meðal Vigdís Finnbogadóttir, forseti
íslands, Margrét Danadrottning og
Hinrik prins ásamt sonum þeirra, Ólafur
Noregskonungur og Sonja prinsessa og
L. Schreyer, landstjóri Kanada.
„Mér þykir ákaflega gaman að vera
komin hingað. Ég hef heimsótt Græn-
land oft áður, þá sem leiðsögumaður um
firðina hér, og Grænland hefur aldrei
brugðist vonum mínum,“ sagði Vigdís
Finnbogadóttir, í samtali við Tímann í
Bröttuhlíð í gær.
„Skipulagningin vegna hátíðahald-
anna er til einstakrar fyrirmyndar og það
er stórt átak hjá fámennri þjóð að safna
til sín hundruðum gesta vegna þeirra.
Þessi hátíðahöld eru yfirlýsing um að
það er einlæg ósk suður-Grænlendinga
að þeir teljist til hóps norrænna þjóða,
eins og raunar hefur komið fram í máli
þeirra.“
Eitt af skipum danska flotans flutti
hina tignu gesti frá Narssassuaq, þar sem
þeir dvelja til Bröttuhlíðar í gærmorg-
un, en síðan var haldin guðsþjónusta
undir berum himni, þar sem séra
Magnús Larsen predikaði.
Eftir guðsþjónustuna voru fornminjar
skoðaðar og gengið um rústir þeirra
húsa sem grafnar hafa verið upp. Að því
loknu var afhjúpað minnismerki um
Eirík rauða í Bröttuhlíð, en sá sem það
gjörði var nafni fornkappans, Eiríkur
rauði Fredriksen. Minnismerki þetta er
koparplata sem fest er á stein og sýnir
hún framhluta langskips með manni um
borð, - Eiríki rauða. Minnismerkið er
eftir Hans Lynge, einn þekktasta
rithöfund þeirra Grænlendinga.
Eftir hádegið var svo fjárbóndinn
Hans Christian Motsfeldt sóttur heim og
síðan var haldið til Narssassuaq á ný, en
um kvöldið var kvöldverður í boði
Narsaq-bæjar, en Narssassuaq heyrir
undir þann bæ.
Margir íslendingar eru meðal boðs-
gesta hér vegna hátíðahaldanna. Þeirra
á meðal er Kristján Eldjám, fornleifa-
fræðingur og fyrmm forseti íslands.
„Það þykir nær víst að þetta sé sú
Brattahlíð, sem Eiríkur rauði kom fyrst
til á Grænlandi og byggði bú sitt á,“
sagði Kristján Eldjárn í stuttu spjalli við
Tímann. „Ártalið fer einnig mjög nærri
lagi. Að minnsta kosti segir Ari fróði
það að Eiríkur hafi siglt hingað fimmtán
árum fyrir kristnitöku á íslandi.“
Nú eru nákvæmlega 20 ár frá því
Kristján Eldjárn kom til Grænlands
síðast, en hann tók þátt í uppgreftri
fornminjanna í Bröttuhlíð á sínum tíma.
„Hjarta hans sló hratt
„Hjarta hans sló hratt
er hann nálgaðist staðinn.
Að lokum hið góða land
- ekki draumur, heldur vemleiki.
Eiríkur sjálfur var rauður
en gmnnur tilveru hans
var hinn græni litur
sem hin góða mold laðar fram
og er hömnd sumarsins.“
Svo segir m.a. í kvæði því sem sungið
var þegar minnisvarðinn um Eirík rauða
var afhjúpaður, en kvæði þetta hafði
Hendrik Lund, bæjarstjóri í Juliane-
haab samið sérstaklega vegna hátíðar-
haldanna og var það sungið við
athöfnina.
Hendrik Lund hefur unnið mikið starf
við skipulagningu hátíðahaldanna og í
ræðu við hátíðarkvöldverð sem haldinn
var á mánudagskvöldið í flugskýlinu á
flugvellinum í Narssassuaq, sagði hann
meðal annars að Grænland væri nú á leið
til meira sjálfstæðis en áður. Þróunin í
þá átt hefði þó ekki verið sársaukalaus.
„Sporin og þó sérstaklega sárin minna
okkur daglega á það að frjálsræðið og
sjálfstæðið verður að kaupa dýru verði,“
sagði Lund.
Veðurguðirnir voru ekki eins blíðir á
mánudag þegar Vigdís Finnbogadóttir
kom hingað til Narsassuaq með flugvél
frá SAS. All mikið rok var á
flugvellinum þegar hún lenti, en á móti
henni tóku Margrét Danadrottning og
Henrik prins, auk Agnete Nielsen og
Henrik Lund.
í dag munu hinir tignu gestir
heimsækja Narsaq og skoða þar minja-
safnið, sjúkrahúsið, heimili aldraðra,
barnaheimili, Malene Lund safnið og
skinnafyrirtækið Eskimo-Pels. Seinna
um kvöldið verður svo móttaka á hinum
kanadíska ísbrjót sem hér liggur úti á
firðinum og L. Schreyer býr á meðan
hann dvelst hér.