Tíminn - 17.09.1982, Blaðsíða 9
FOsni>A<;i;R n. september ma.
íþróttir
Fátt um
óvænt úrslit
■ Evrópumótin í knattspymu vom
í fullum gangi í fyrrakvöld um álfuna
þvcra og endilanga. I keppni meist-
araliða var fátt um óvænt úrslit og
fara nokkur þeirra hér á eftir.
Aston Villa-Besiktas ...... 3-2
Dundalk-Liverpool ........ 1-4
Celtic-Ajax ............... 2-2
Hvidovre-Juventus.......... 1-4
Standard Liege-Raba ETO . . 5-0
Lið Aston Villa leiö fyrir fram-
komu áhorfcnda á sídasta Evrópu-
leik sínum í Brussel og urðu að leika
á velli án áhorfenda. Þeir komust i
3-0, en andstæðingum þeirra frá
Tvrklandi tókst að skora tvö mörk.
Evrópukcppni bikarhafa:
Coleraine-Tottenham........ 0-3
Swansea-Sliema Eanders .... 12-0
Aberdeen-Dinamo Tirana ... 1-0
Torpedo Moskva-Bayern ... 1-1
Gautaborg-Ujpest Dos/.a ... 1-1
Dinamo Dresden-D 93......... 3-2
Barcelona-Appolon Limassol . 8-0
Mesta athygli vekur stórsigur
Swansea á Möltuliðinu Sliema. Þeir
skoruðu 12 mörk, þannig að líklegast
komast þeir í aðra umferð.
UEFA-keppnin:
Manchester United-Valencia . 0-0
AS Roma-Ipswich............. 3-0
Dortmund-Rangers............ 0-0
Carl Zeiss Jena-Bordeaux ... 3-1
Stal Mielec-Lokeren........ 1-1
Dundee Utd.-PSV............ 1-1
Kaiserslautera-Trabzonspor . . 3-0
Anderlecht-Kuopia PaHoseura 3-0
MikH harka var í leik Manchester
United og Valencia og var það
einkum af hálfu Spánverjanna, sem
telja sig án efa hafa gott veganesti í
seinni letkinn sem leikinn verður á
Spáni. Greinilegt er að Rómverjam-
ir hafa haft góð tök á liði Ipswich,
sem má muna sinn fífil fegurri.
Þannig má eiginlega segja, að
flestir leikimir hafl farið eins og
vænta mátti og fátt verð um verulega
óvæntar uppákomur.
■ Þorbergur Aðalsteinsson er hér í kröppum dansi gegn vörn Víkings í Ieik í 1. deild í fyrra. Nú er komið að 1. deildar-
keppninni í handknattleik með nýju sniði.
íslandsmótið í
handknattleik
hefst í kvöld með keppni í 2. deitd
■ íslandsmótið í handknattleik
hefst í kvöld með keppni í 2. deild
karla. Leikið verður að Varmá og þar
mætast Afturelding og HK og í
Vestmannaeyjum leika Þór Vestmanna-
eyjum og Haukar. Báðir þessir leikir
hefjast klukkan 20.00.
Miklar breytingar hafa verið gerðar
á fyrirkomulagi mótsins. Fyrst verða
leiknar 14 umferðir í 1. og 2. deild,
en þau 4 lið sem verða efst í þeirri
keppni leika síðan innbyrðis og þau
fjögur neðstu einnig. Efri hópurinn
tekur ekki með sér stigin úr 14 leikja
keppninni, en það gera hins vegar
liðin úr neðri helmingnum. Sama
fyrirkomulag verður á 2. deild, nema
hvað þar taka öll liðin með sér stigin
úr 14 leikja keppninni.
Það lið sem verður efst í fyrri
hlutanum öðlast rétt til þátttöku í
Evrópukeppni. Þessir hópar fjögurra
liða munu leika innbyrðis fjórar umferð-
ir og það lið sem sigrar hlýtur íslands-
meistaratitilinn í handknattleik.
Keppnin í 1. deild hefst síðan á
miðvikudag, en þá eiga Stjarnan og
FH að leika, en ekki liggur ljóst fyrir
ennþá hvar sá leikur fer fram, vegna
þess að íþróttaráð Hafnarfjarðar ákvað
á fundi sínum fyrir skömmu að
neita Stjörnunni um leyfi til að leika
heimaleiki sína sem ekki verða leiknir
á sunnudögum í íþróttahúsinu í Hafnar-
firði. Stjórn HSÍ og ÍSÍ hafa sent
Hafnftrðingum áskoron þess efnis að
hliðrað verði til fyrir Garðbæingunum,
en svar hefur ekki borist við þeirri
málaleitan.'
Liðin í 1. deildinni hafa undirbúið
sig af miklu kappi og vænta má
harðrar keppni í handboltanum í
vetur. Landsliðið mun hafa ærinn
starfa og verða leiknir mjög margir
landsleikir og meðal annars tekið þátt
í B-heimsmeistarakeppni í Hollandi.
sh
5400 leidbeinendur
■ 56. íþróttaþing ÍSÍ var haldið 4. og
5. september í Reykjavík. Um 130
fulltrúar sóttu þingið víðsvegar af
landinu. Meðal gesta við þingsetninguna
voro Gísli Halldórsson, heiðursforseti
ÍSÍ, Albert Guðmundsson, forseti borg-
arstjórnar Reykjavíkur, Reynir Karls-
son, íþróttafulltrúi ríkisins og Árni
Guðmundsson, skólastjóri íþróttakenn-
araskóla íslands.
íþróttaþing var sett af Sveini Björns-
syni, forseta ÍSÍ, og í upphafi ræðu
sinnar minntist hann starfa Þorsteins
Einarssonar, fyrrv. íþróttafulltrúa ríkis-
ins, en hann lét af störfum á sl. ári. Fór
Sveinn miklum viðurkenningarorðum
um störf Þorsteins að uppbyggingu
íþróttamannvirkja og að íþróttamálum
yfirleitt. Síðan bauð Sveinn sérstaklega
velkominn hinn nýskipaða íþróttafull-
trúa ríkisins, Reyni G. Karlsson. Sveinn
minntist síðan látinna forystumanna
íþróttahreyfingarinnar, sem látist höfðu
frá síðasta íþróttaþingi.
f setningarræðu Sveins Björnssonar,
forseta ÍSI, kom m.a. fram, að á árinu
1981 voru iðkendur íþrótta innan
íþróttahreyfingarinnar rúmlega 77.000
og við ýmiss konar leiðbeinendastörf
5.400 manns. Þá gat hann þess, að á
þessu ári mætti gera ráð fyrir að
heildarkostnaður við rekstur íþrótta-
hreyfingarinnar yrði nærri 70 milljónum
króna. Ræddi hann síðan um gildi
íþrótta, líkamsræktar og útivistar og
nauðsyn þess að glæða betur áhuga
almennings á slíku.
Mörg mál lágu fyrir íþróttaþingi og
voro gerðar ýmsar ályktanir og sam-
þykktir og má þar nefna:
Þingið fagnaði því, að nú eru hafnar
framkvæmdir við ný íþróttamannvirki
við íþróttakennaraskólann á Laugar-
vatni og færði Alþingi sérstakar þakkir
fyrir. Skoraði þingið á fjárveitinganefnd
Alþingis að samþykkja að byggja
fyrirhugað íþróttahús í fullri stærð í
einum áfanga.
fþróttaþing hvatti til áframhaldandi
uppbyggingu fræðslustarfs á vegum
íþróttahreyfingarinnar innan marka
þess skipulags sem mótað hefur verið á
undanförnum árom.
íþróttaþing skoraði á öll aðildarfélög
ÍSÍ að auka sem mest hlutdeild sína í
sölu á getraunamiðum til þess að auka
tekjur sínar og efla með því í-
þróttastarfsemina í landinu.
íþróttaþing fagnaði auknum áhuga
almennings á líkamsrækt og útiveru og
skoraði á öll ungmenna- og íþróttafélög
að beita sér fyrir auknu kynningarstarfi
og fræðslu um almenningsíþróttir. Þá
beindi þingið þeim tilmælum til sveitar-
stjórna að greiða fyrir slíku starfi með
því að vcita meira fé til uppbyggingar
íþróttamannvirkja.
íþróttaþing beindi þeim tilmælum til
Norðurlandaráðs, að auknu fé verði
varið til íþróttalegra samskipta innan
Norðurlandanna, annars sé hætta á að
leitað verði til annarra landa í þessum
efnum.
Lögð var fram fjárhagsáætlun ÍSÍ fyrir
næsta starfsár og eru niðurstöðutölur
hennar 7.287.000 krónur.
{ stjórn ÍSÍ fyrir næstu tvö árin voru
kjörnir einróma: Sveinn Björnsson,
forseti, Hannes Þ. Sigurðsson, Alfreð
Þorsteinsson, Þórður Þorkelsson og Jón
Ármann Héðinsson.
Tvær konur voru heiðraðar á þinginu
fyrir mikil störf í þágu íþróttahrcyfingar-
innar, þær Sigríður Lúthersdóttir og
Svana Jörgensdóttir og hlutu þær
gullmerki ÍSÍ.
Urslit
i
■ Þrír leikir fóru fram á Reykja-
víkurmótinu í handknattleik í gær-
kvöldi. Tveimur þeirra var lokið
þegar blaðið fór í prentun og urðu
úrslit sem hér segir:
Valur - Fram.................16:16
Víkingur - KR................19:22
Síðasta leiknum sem fram fór á
þriðjudagskvöld lauk með jafntefli
13 - 13, en það var ÍR og Fylkir sem
þar áttust við. sh.
Mikkelsen óhress
■ Leif Mikkelsen er landsliðsþjálfari
og einvaldur danska landsliðsins í
handknattleik. En hann ræður ekki
alveg einn. Þegar Mikkelsen valdi
landsliðshóp til æfinga valdi hann fjóra
markverði, þar á meðal Ole Nörskov
sem leikur með AGF. Þegar menn fengu
tilkynningar þess efnis var Nörskov
aldrei send tilkynning. Einhver aðili í
kerfinu hjá danska handknattleikssam-
bandinu kom í veg fyrir það. En hvers
vegna?
Ástæðan gæti verið sú, að Nörskov
neitar að leika í skóm af þeirri tegund
sem danska handknattleikssambandið
hefur gert samning við. Nörskov fékk
ekki að leika með landsliðinu í síðustu
heimsmeistarakcppni af þessari ástæðu
og þess vegna kærði hann afgreiðslu
málsins og æðsti íþróttadómstóll Dan-
merkur hefur lýst því yfir að hann megi
leika í hvaða búningi sem hann óskar.
En það nægir ekki. Og Leif Mikkelsen
er ekki ánægður með gang mála og hefur
lýst því yfir að þolinmæði hans séu
takmörk sett. En þetta sama átti sér stað
með pólska hástökkvarann Jacek Ws-
zola sem sigraði á Ólympíuleikunum í
Moskvu. Hann var rekinn úr pólska
frjálsíþróttalandsliðinu fyrir að keppa í
skóm af annarri gerð en pólska
frjálsíþróttasambandið hafði samið við.
Það má segj a að víða sé pottur brotinn.
sh
Molar
Marteinn
hættir ekki
■ Marteinn Geirsson fyrirliði
Framliðsins í knattspyrnu gaf út þá
yflrlýsingu fyrr í sumar, að þetta
keppnistímabil sem nú er á enda yrði
hið síðasta sem hann léki knatt-
spyrnu í meistaraflokki. Eftirað Ijóst
varð, að lið Fram féll í 2. deild tók
Marteinn þá ákvörðun að leika með
liðinu næsta sumar og reyna þannig
aö skilja við það í 1. dcild. Og þó
víst sé, að Framliðið geti unnið sig
upp strax næsta haust, verða þeir þó
áreiöanlega að hafa töluvert fyrir því.
Reykjavíkur-
mót í
körfubolta
■ Keppnistímabil körfuknattleiks-
manna hefst með Reykjavíkurmót-
inu á morgun. Lcikið verður í
Iþróttahúsi Hagaskóla og hefjast
lcikir bæði á morgun og á sunnudag
klukkan 14.00. Á morgun leika
Valur og ÍS og síðan Fram og KR,
en á sunnudag leika Stúdentarog KR
fyrst og síðan ÍR og Valur. Reykja
víkurmótið í kvcnnaflokki hefst um
næstu helgi.
Handbolta-
menn standa
í ströngu
■ Reykjavíkurmótinu í handknatt-
leik verður fram haldið um helgina.
Á morgun leika klnkkan 14.00 Valur
og ÍR, þvínæst Fylkir og Fram og
loks Ármann gegn Víkmgi. Síðasti
leikdagur í riðlakeppninni er á
sunnudag, en þá keppa í B-riðli
Fylkir og Valur og ÍR gegn Fram, en
í A-riðli leika hins vegar KR og
Þróttur. Þá hefst fyrsti leikurinn
klukkan 14.00.
Leikið verður til úrslita, milli
tveggja efstu liða úr hvoram riðli og
fer sú keppni fram á mánudag,
þriðjudag og fimmtudag. Á laugar-
dag verður svo fyrsti leikurinn í 1.
deild í Laugardalshöll.
Mác Wilkins
kemur til
íslands
■ Bandaríkjamaðurinn Mac Wilk-
ins kemur nú um helgina til íslands
og mun hann keppa hér á tveimur
mótum. Hann er einn fremsti
kringlukastari heims og hefur oft
keppt hér á landi. Hann mun keppa
bæði á mánudag og þriðjudag, fyrri
daginn á móti sem FRÍ efnir til en á
þriðjudag á kastmóti ÍR. Hann hefur
í hyggju að setja nýtt heimsmet og
vonandi verður kappanum að þeirri
ósk sinni. Góðar líkur eru á að
honum takist það, haldist svipað
veðurlag og verið hefur í Reykjavík
að undanförnu.
Giles er stjóri
■ Johnny Giles heitir fram-
kvæmdastjóri írska félagsins sem
Fram leikur gegn í Evrópukeppni
bikarhufa á miðvikudag á Laugar-
dalsvelli. Giles er vel þekktur bæði
sem fyrrverandi leikmaður með
Leeds og einnig sem írskur landsliðs-
maður. Hann hefur náð mjög góðum
árangri sem framkvæmdastjóri og
hefur hann meðal annars stýrt írska
landsliðinu. Hann er nýkominn til
írlands eftir starf í Vesturheimi og
stýrði hann þar Vancouver White-
caps og var nýlega valinn þjálfari
ársins í amerísku deildinni. Það
verður spennandi að sjá hvernig
Fram vegnar gegn liði hans Sham-
rock Rovers, en íslcnskum liðum
hefur oft gengið vel gegn liðum frá
írlandi.