Tíminn - 29.10.1982, Blaðsíða 13

iA.'JU',!!.'
21
FÖSTUDAGUR 29. OKTÓBER 1982
skákfréttir
■ Brownc teflir á fyrsta borði fyrir
Bandaríkjamcnn.
■ Tékkneska sveitin er mjög sterk.
Hana skipa eintómir stórmeistarar með
Hort á fyrsta borði.
■ Guðmundur Sigurjónsson teflir á
fyrsta borði fyrir íslensku sveitina, en að
undanförnu hefur hann teflt mjög vel.
■ Telja verður sovésku sveitina, sem
Karpov heimsmeistari leiðir, sigur-
stranglegasta á mótinu.
■ Miles teflir á fyrsta borði fyrir sveit
Englands sem er mjög sterk að þessu
sinni.
Ungverjum verdur seint fullþakkað:
NÚ VERDA ÓLYMPÍUMÓHN
SPENNANDI A NÝJAN LEIK
Frá Illuga Jökulssyni í Luzern í
Sviss:
■ Enda þótt Sovétríkin séu auðvitað
sigurstranglegust á mótinu sem hefst hér
í Luzern á morgun þá verður þeim
áreiðanlega veitt hörð keppni. Nú eru
það ekki aðeins Ungverjar sem ógna
sovésku stórmeisturunum. Athyglin
beinist einnig að geysisterkri sveit
Bandaríkjanna, og þjóðir á borð við
Júgóslava, Englendinga og Tékka munu
eflaust blanda sér í baráttuna um efstu
sætin.
Eins og komið hefur fram hér í
blaðinu er sovéska sveitin skipuð þeim
Karpov, Kasparov, Belljavsky, Poluga-
evský, Tal og Júsupov. Þetta er afar
öflug sveit og blandaðri en áður. Aðeins
tveir þátttakendur, Tal og Polugaévsky,
koma úr gamla „lífverðinum“, þcir
Karpov og Belljavsky eru báðir af
millikynslóðinni í Sovétríkjunum og
Kasparov og Júisupov eru fremstir í
flokki fjölmargra ungra og efnilegra
skákmeistara sem Sovétmenn hafa
eignast á síðustu árum. Tveir nýliðar eru
í hópnum: Belljavsky og Júsupov.
Adorjan verður ekki með
Spurningin er sú hvort Ungverjar hafa
úthald til að veita Sovétmönnum
viðnám. Óvinátta þeirra Riblis og
Adorjans hefur aftur komið í veg fyrir
að hinn síðarnefndi tefli í ungversku
sveitinni, en hún er nú þannig skipuð:
Portisch, Ribli, Sax, Pinter, Csom og
Groszpeter. Groszpeter er nýliði og
veltur mikið á hvemig honum tekst til.
Hinir eru allir miklir skákmeistarar og
þekktir fyrir mikla keppnishörku.
Raunar er það svo að bandaríska
sveitin er ennþá sterkari en sú ungverska
ef miðað er við ELO-stig keppenda.
Browne teflir þar á fyrsta borði, Seira-
wan á öðru, Alburt á þriðja, Kavalek á
fjór.ða, en varamenn eru Karjan og
Christiansen. Bandaríkjamenn hafa
ekki átt svona sterka sveit á Olympíu-
móti í áraraðir og eru því til alls vísir.
Pað skal þó tekið fram að sumir
bandarísku stórmeistaranna eru mjög
mistækir, einkum þeir Browne og
Christiansen, en nái öll sveitin sér á strik
gæti hún veitt Sovétmönnum og Ung-
verjum mjög harða keppni.
Skrítin liðskipan Júgóslava
Júgóslavar munu og standa fyrir sínu
ef að líkum lætur, en lið þeirra er
reyndar mjög undarlega saman sett ef
þær upplýsingar sem hafa borist hingað
til Luzern eru réttar. í sveitinni eru
þessir, og ELO-stigin í svigum: Gligoric
(2530), Hulak (2495), Ivanovié (2510),
Kovacevic (2560), Ljuboievic (2615) og
Velimirovic (2495). Það má heita
furðulegt, ef rétt er, að Ljuboievic,
langsterkasti maðurinn þeirra, skipi
aðeins sæti fyrsta varamanns, og næst
stigahæsti stórmeistarinn Kovacevié, sé
á fjórða borði. Þetta skýrist væntanlega
þegar mótið hefst.
Þá er enska sveitin mjög sterk, en í
henni eru fjórir stórmeistarar og tveir
alþjóðlegir. Miles er á fyrsta borði, þá
Nunn, Spelman, Stean, jvlestel og
Chandler. Margir höfðu spáð því að
Englendingum ætti eftir að ganga illa að
raða niður í efstu sætin (enda eru Miles,
Nunn og Spelman mjög jafnir að
styrkleika um þessar mundir), en úr því
það hefur lukkast má vænta mikils af
þessari sveit þótt stöðugleikinn sé
vafasamur.
5 stórmeistarar frá
Tékkóslóvakíu
Þá verður tékkneska sveitin ábyggi-
lega mjög ofarlega. Hana skipa þeir
Hort, Smejkal, Ftacnik og Jansa, en
þeir eru allir stórmeistarar og þeir þrír
síðastncfndu hafa staðið sig býsna vel
undanfarið. Varamenn eru alþjóðlegu
meistararnir Lechtynsky og Meduna, en
á FIDE-þinginu hér verður Lechtynsky
útnefndur stórmeistari.
Af öðrum sterkum sveitum má nefna
þá búlgörsku en í henni eru stórmeist-
ararnir Trintov, og Radulov og alþjóða-
meistararnir Unkuov, Velekov, Potov
og Donchev. Búlgarar hafa sýnilega
ákveðið að yngja sveit sína upp og
margir stórmeistarar þeirra eru illa fjarri
góðu gamni, svo sem Ermenkov og
Stassov.
Þjóðverjar láta eflaust ad
sér kveða
Rúmenska sveitin er sömuleiðis all
sterk: Georgihiu, Suba, Ciociltea,
Stoica, Ghinda og Foisor; og Vestur-
Þjóðverjar láta eflaust að sér kveða:
Hubner, Unzicker, Tfleter, Lobron,
Hecht, og Kindermann. Hollendingar
hafa að sjálfsögðu Timman á fyrsta
borði og Zosonko á öðru, annars er sveit
þeirra skipuð þeim Ree, Van der Wiel,
Van der Sterren og Ligterink. Liberzon
teflir ekki fyrir fsraela að þessu sinni, en
Grúnfeld, Murai, Gutman, Birnboin,
Greenfeld og Kagan halda uppi heiðri
Gyðingalandsins. Hvorki Naidorf né
Panno tefla í argcntíska liðinu og er
Quinteros eini stórmeistarinn á þeim
*bænum. Á hinn bóginn má ncfna að
stórmeistarinn Adam Kuligovsky teflir
á þriðja borði fyrir Pólland, á eftir
Sznapik og Smith, en á undan Adamski,
Bielszyk og Sygulsky.
Kúbumenn, sem geta teflt fram allt að
fimm stórmeisturum, hafa enn ekki
tilkynnt liðskipan sína.
Sænska sveitin sterk á
pappírnum
Vert er. að vekja athygli á sænsku
sveitinni en á pappírnum er hún mjög
öflug og á sennilega eftir að berjast um
sæti meðal tíu efstu þjóðanna. í sveitinni
er að vísu aðeins einn formlegur
stórmeistari, Ulf Anderson sem vitan-
lega teflir á fyrsta borði, en alþjóða-
meistararnir fimm eru til alls vísir. Þeir
eru: Schússler, Karlson, Schneider,
Wedberg, Ornstein. Það kann að koma
á óvart að Schússlers skuli vera ofar en
Karlson, sent bæði erstigahærri oghefur
auk þess unnið sér inn stórmeistaratitil
sem verður stðfestur á FIDE-þinginu.
Sennilega vakir fyrir Svíum að Schússl-
er, sem er mjög öruggur skákmeistari og
tapar sjaldan, geri jafntefli við sterka
andstæðinga á öðru borði en Karlsson
reyni að sigra þá lægri.
Færeyingar með
Allar Norðurlandaþjóðirnar eiga að
sjálfsögðu lið á Ólympíumótinu, þar á
meðal Færeyingar sem varla verða þó til
stórræðanna. Larsen teflir að venju ekki
fyrir Dani, en í dönsku sveitinni eru
Kristiansen, Mortensen, Fedder, Öst-
Hansen og Fris-Nielsen, sem sé aðeins
fimm. Sá sjötti verður þó áreiðanlega
með hver sem hann verður. Sterkasti
maður Norðmanna er einnig'Jjarrver-
andi, Leif Ögaard, svo Helmers teflir á
fyrsta borði fyrir Noreg en annars cr
sveitin skipuð þeim Heim, Gulbrand-
sen, Agdestein, Bjerrke, og Hoen.
Finnar scnda Rantanen, Westerinen,
Maki, Binham. Yrjöla og Raaste.
Kortsnoj skrautfjöður
Svisslendinga
Hjá Svisslendingum er Kortsnoj á
fyrsta borði og verður gaman að sjá hvað
gerist ef Sovétríkin og Sviss lenda
saman. Annar sovéskur flóttamaður,
Igor Ivanov, teflir á fyrsta borði
Kanadantanna.
Eins og komið hefur fram er íslenska
Olympíusveitin skipuð þeim Guðmundi
Sigurjónssyni, Jóni L. Árnasyni, Helga
Ólafssyni, Margeiri Péturssyni, Jóni
Hjartarsyni og Ingvari Jóhannssyni. Þar
sem Guðmundur Sigurjónsson virðist í
ágætu formi um þessar mundir og yngri
mennirnir hafa allir öðlast aukna reynslu
frá því á Möltu fyrir tveimur árum væri
ckki vcrulcga óraunhæft að topp-
frammistaða liðsins skilaði fimmtánda
til tuttugasta sæti. Athuga ber þó, að
teflt er samkvæmt svissneska kcrfinu,
sem þýðir að ekki er mikið að marka
cndanlega röð, nema hvað varðar allra
efstu sætin. Umferðir eru 14 og lýkur
mótinu þann 15. nóvember.
Sovéska kvennasveitin
öruggur sigurvegari
Varla leikur vafi á hver muni bera
sigur úr býtum á Olympíumóti kvenna
sem haldið er jafnframt karlamótinu,
það er að segja sovéska sveitin, en hún
er langsterkust. Hana skipa Maja
Tjiburtanitse, heimsmeistari, Alex-
andria, Gaprindasvili og Joseliani.
Teljast verður fráleitt að nokkur fái
ógnað þessari sveit. ij/-Sjó.
Suðurland:
Nýtt fréttabladhefurgöngusína
■ „Okkur hefur fundist á það skorta
að fréttir af því sem er að gerast á
Suðurlandi birtist nokkursstaðar í blöð-
um, hvorki héraðs- eða dagblöðunum
þó vissulega gerist þar oft margt
fréttnæmt. Jafnframt hefur okkur þótt
allt of lítil umræða í gangi og jafnvel
engin um ýmis mál sem þó skipta miklu
máli fyrir fólkið á hverjum stað, t.d.
ýmsar afgreiðslur sveitarstjórna og
breytingar sem þær gera á ýmsum
áætlunum án þess að nokkur virðist um
það vita“, sögðu þeir Ólafur Th.
Ólafsson og Þorlákur H. Helgason, sem
eru að hefja útgáfu nýs blaðs á Selfossi
er þeir nefna: „Fréttablað - á Suður-
landi.“ Fyrsta tölublaðið sem er 12 síður
kváðu þeir væntanlegt í dag. Upphaf-
lega sögðust þeir hafa stefnt að einu
blaði í mánuði en allt útlit væri nú fyrir
að það komi út oftar.
Á Selfossi hafa lengi verið gefin út
blöðin Þjóðólfur og Suðurland auk
Dagskrár sem kemur út vikulega og
jafnvel fleiri blaða. Sýndist því kannski
einhverjum að það ætti að vera nægur
blaðakostur til viðbótar dagblöðunum.
„Fólk lítur á Þjóðólf og Suðurland
sem flokksblöð. Við þykjumst standa
utan þessara stjórnmálaflokka og viljum
gera tilraun til að opna almennari
umræðu um málin en gert er í hinum
blöðunum. Við reiknum t.d. með að
fólk fái birtar í þessu nýja blaði greinar
sem það fengi ekki - eða teldi sig ekki
fá - birtar í hinum blöðunum", sögðu
hinir nýju útgefendur.
Svæði það sem nýja „Fréttablaðið" á
að spanna er frá Hcrdísarvík austur að
Lómagnúp, að sögn útgefenda. Og
kváðust þeir að undanförnu hafa lagt
töluverða vinnu í að koma sér upp
fréttariturum sem víðast á þessu svæði.
Blaðið hyggjast þeir félagar fyrst og
fremst selja í lausasölu, bæði mcð
blaðsölubörnum í hverjum þéttbýlisstað
þá daga sem það kemur út og síðan í
sjoppum sem víðast á Suðurlandi.
-HEI