Tíminn - 16.12.1982, Blaðsíða 14
14
FIMMTUDAGUR 16. DESEMBER 1982
■ „Jólin hafa oft verið mjög annasöm
hjá mér. Ég man til dæmis eftir því að
einu sinni skírði ég 29 börn og gaf saman
yfir 20 brúðhjón auk annarra verka, sem
fylgja prestsstarfinu á þessari miklu
hátíð. Þegar þetta var hafði ég enga
kirkju svo að flestar þessar athafnir fóru
fram í stofunni heima hjá mér, sem ég
reyndar kallaði kirkju.“
Þetta sagði séra Árelíus Níelsson, sem
lengst af var sóknarprestur í Háteigssókn
í Reykjavík, en lét af störfum fyrir
aldurssakir fyrir tæpum þremur árum,
þegar blaðamaður Tímans átti við hann
stutt spjall á dögunum.
- Jólahald á prestsheimili hlýtur um
margt að vera frábrugðið jólahaldi á
öðrum heimilum?
Það er víst alveg áreiðanlegt. Þótt
ótrúlegt megi virðst, þá komum við
hjónin börnunum okkar burtu frá
heimilinu á aðfangadagskvöld fyrstu
árin sem ég þjónaði í Háteigssókn. Það
var engan veginn hægt að sinna þeim
með öllu því sem gera þurfti. Konan
spilaði á orgel og sá um margt það sem
meðhjálparar gera í kirkjum og ég sá
um prestsverkin og ýmislegt annað, sem
til féll. Enda sagði dóttir mín við mig
ekki alls fvrir löngu að prestsstörfin
hefðutekiðokkur hjónin frá börnunum
á hátíðum. Þegar aðrir foreldrar voru
næstir sínum börnum þurftum við að
sinna öðru,“ sagði séra Árelíus.
- Hvað hefur þú haft fyrir stafni frá
því þú lést af embætti?
„Þótt ótrúlegt sé hef ég gegnt einum
þrem embættum frá því ég hætti í
Háteigssókn. Fyrst var ég fangaprestur
nokkra mánuði, þá sá ég um hælið á
Litla Hrauni, Hegningarhúsið við Skóla-
vörðustíg og Síðumúlafangelsið. Svo hef
ég gegnt störfum fyrir fríkirkjuprestinn
í Óháða söfnuðinum þrisvar sinnum á
þessum tíma, var þar í nokkra mánuði
í fyrravetur. Nú síðast hef ég gegnt starfi
fríkirkjuprests hér í Reykjavík, eða frá
því 1. október í haust þangað til nú fyrir
nokkrum dögum.“
Líkara fjósi en mannaíbúð
- í augnablikinu hefur þú engar
embættisskyldur?
„Ég held mér sé óhætt að segja að
þetta verði fyrstu jólin síðan um 1940
sem ég hef ekkert sérstakt fyrir stafni,
annað e*það að ég hef verið beðinn að
messa fyrir útigangsmenn vestur á
Granda, í húsi Slysavarnafélagsins á
aðfangadagskvöld, sem ég mun að öllum
líkindum taka að mér eins og undanfarin
jól, held ég megi segja."
- Þeim fækkar óðum sem geta kallast
útigangsmenn?
„Þeir hafa verið misjafnlega margir sem
sótt hafa þessar messur, en upp á
síðkastið hefur þeim fækkað ört. Það er
■ Séra Árelíus Níelsson við orgelið sem lengi var notað sem kirkjuorgel á heimili hans.
„Friðarþráin ein
kennir þessi Jól"
Rabbad vid séra Árelíus Níelsson
KAUPFELAG REYKJAVIKUR 0G NAGRENNIS
ÓSKUM
LANDSMÖNNUM ÖLLUM
GLEÐILEGRA JÓLA
OG
FARSÆLDAR Á KOMANDIÁRI