Tíminn - 23.07.1983, Page 5

fréttir
Um 350 tonn af fiski til Dalvíkur:
UNNIÐ VID lAUSFRVSTINGU
AnAN TlMA A SÚLARHRtNG
■ Tveir togarar Dalvíkinga, Björgúlfur
og Björgvin, lönduðu þar samtals um
350 tdfcr,dm af flski, mest grálúðu í
byrjun vikunnar. Teitur Gylfason, verk-
stjóri í frystihúsinu var spurður hvort
ekki væru erfiðleikar á ekki stærri stað
að taka við svo miklum afla í einu.
- Við verðum að reyna að leggjast öll
á eitt og ná sem mestu í gegn á hverjum
degi. I salnum er unnið í 10 tíma á dag,
eins og samningar gera ráð fyrir. Svo
erum við hér með lausfrysti sem við
látum ganga 18 tíma á sólarhring, þar
sem fólk vinnur á tveim vöktum,“ sagði
Teitur. f lausfrystinguna sagði hann fara
snyrt og roðrifin heil flök, sem seld séu
á Evrópumarkað, mest til Frakklands.
Teitur kvað hafa verið mikla vinnu á
Dalvík það sem af er’sumri. Mikið hafi
aflast af grálúðu bæði í júní og júlí. Allt
hafi verið gert til að bjarga hráefninu frá
skemmdum, m.a. töluvert um helgar-
vinnu í frystihúsinu. Verbúðir kvað
hann ekki vera á Dalvík svo vinnan
byggist á heimafólki. Yfir sumarið sé
mikið um skólafólk í vinnu í frystihús-
inu.
Teitur sagði að léttara hafi verið að fá
nægt fólk í vinnu nú í sumar en önnur
sumur að undanförnu. Spurður hvort
hann verði var við þann hugsunarhátt að
fiskvinna sé þrautalending ef ekki fáist
annað betra, kvaðst hann óneitanlega
töluvert verða vart við slíkt. Fólkið sem
vinni i frystihúsinu allt árið hafi þó
skilning á því að þetta sé alls engin
skítavinna og raunar ekki óþrifleg nema
að fólk sé óþrifalegt sjálft. En það sé
staðreynd að víðs vegar sárvanti fyrir-
tæki fólk í fiskvinnslu og marga staði þar
sem væri hægt að frysta mun meira ef
mannafli væri fyrir hendi og hins vegar
fjármagn til þess að stækka fyrirtækin ef
þess þyrfti.
- HEI
Okurlánamál Helgarpóstsins:
„FRÁLEITT AD
ÞEIR HAFI
MISNOTAD AD-
STÖDU SÍNA”
— segja feðgarnir sem
lögmennirnir áttu að hafa
sett á höfuðið
■ „Við hörmum þessi rugluðu og
ómaklegu skrif Helgarpóstsins, sem eru
okkur óviðkomandi og í fullkominni
óþökk okkar. Viðskipti okkar feðga við
þá Jón og Sigurð voru að öllu leyti með
eðlUegum hætti og algerlega er fráleitt
að halda því fram að þeir hafi haft af
okkur fé eða misnotað aðstöðu sína. Það
er sannarlega umhugsunarefni hvað fær
blaðamann til að semja slíkan róg,“
segir í bréfl frá feðgunum Böðvari
Bjamasyni og Böðvari Böðvarssyni, eig-
endum fyrirtækisins sem lögmennirnir
Sigurður Sigurjónsson og Jón Magnús-
son em sagðir hafa sett á hausinn með
okurlánsviðskiptum í Helgarpóstinum í
fyrradag og Tíminn sagði frá í gær.
Ennfremur segir að. fullyrðingar
Helgarpóstsins um þvinganir, undirboð
og hótanir séu úr lausu lofti gripnar.
Lögmennirnir hafi aldrei lánað fyrirtæk-
inu fé eða keypt af því víxla eða
verðbréf. „Eftir beiðni minni, Böðvars
Böðvarssonar, aðstoðaði Jón mig við
sölu víxla á þeim kjörum sem ég vildi fá
og taldi möguleg;" segir í bréfinu.
Þá segir að í blaðagreininni hafi ómak-
lega verið vegið að feðgunum sjálfum og
að hún sé til þess fallin að valda þeim
erfiðleikum. Og að blaðamaður Helgar-
póstsins hafi aldrei sett sig í samband við
þá feðga til að fá upplýsingar um málið.
Tímanum barst einnig bréf frá lög-
fræðingunum tveimur þar sem saga máls-
ins er rakin ítarlega. Niðurlag bréfsins er
svohljóðandi: „Sú blaðamennska, sem
birtist í grein Helgarpóstsins er gjörsam-
lega óafsakanleg. Þetta er ekki í fyrsta
skipti sem þetta blað birtir greinar sem
þessa. Um sannleiksgildi annarra slfkra
dæmum við ekki, en það er fráléit
blaðamennska að kynna sér ekki málin
áður en mergjuð níðskrif eru fest á blað.
Við höfum staðfestingu fyrir því að ekki
var haft samband við lögfræðing Böðvars
S. Bjamasonar s.f., Othar Örn Petersen
hdl. eða aðstandendur fyrirtækisins áður
en greinin var skrifuð. Ekki var haft
samband við okkur. Svona blaða-
mennska dæmir sig sjálf í raun, en þrátt
fyrir það getur hún valdið í tilvikum sem
þessu ærumissi, fjárhagslegu tjóni og
valdið erfiðleikum hjá ættingjum og
vinum þeirra, sem verða fyrir rógnum.
Oft vill brenna við þegar einstaklingar
fá á sig slíkar óvirðingar að þeim gangi
illa að hreinsa sig af þeim. Við munum
ekki láta hér Wð sitja og eitt er víst:
Helgarpósturinn skal standa ábyrgur
orða sinna.“ _ Sjó
Ragnhildur Helgadóttir
menntamálaráðherra skipar nefnd:
Gerir tillögur um aukin
tengsl skóla og atvinnu
■ Ragnhildur Helgadóttir, mennta-
málaráðherra hefur ákveðið að skipa
nefnd til þess að gera tiUögur um aukin
tengsl milli skóla og atvinnulífs.
í frétt frá menntamálaráðuneytinu í
tilefni þessarar ákvörðunar segir m.a.
„Nefndin fjalli um það hvernig breyta
þurfi skólamenntun þannig að hún búi
nemendur betur undir margs konar at-
vinnuþátttöku í þjóðfélagi nútímans.
Það verði sérstaklega kannað á hvern
hátt bein þátttaka í atvinnugreinum geti
orðið hluti náms, og á hinn bóginn hvort
skólinn geti miðlað atvinnuvegunum
fræðslu með beinni hætti en nú er.“
Segir síðar í fréttinni að nefndin eigi
að gera tillögur um atriði þar sem skjótra
aðgerða sé þörf, og um gagnlegar að-
gerðir án tilkostnaðar eða með litlum
tilkostnaði. Þá er gert ráð fyrir hugsan-
legri þátttöku atvinnulífsins í kostnaði
einhverra þeirra þátta er nefndin kynni
að leggja til.
Formaður þessarar nefndar verður dr.
Halldór Guðjónsson, kennslustjóri
Háskóla íslands. - AB
■ Sigrún og Sören einbeita sér að glergerðinni.
Sýning á glervörum í Gallerf Langbrók:
Gler f Bergvík
■ „Þema sýningarinnar að þessu sinni
verða karöfllur undir vín og snaffs og
þvíumlíkt“, sagði Sigrún Einarsdóttir,
glerlistamaður en hún ásamt Dananum,
Sören S. Larsen opna á laugardaginn
sýningu á glermunum í Gallerí
Langbrók. Er þetta fyrsta einkasýning
þeirra á íslandi og lýkur henni sunnudag-
inn 7. ágúst. Þau Sigrún og Sören hófu
glerblástur í Bergvík á Kjalamesi, fyrir
u.þ.b. ári síðan og reka þar verkstæði
sem er opið almenningi. Gler i Bergvík,
er nafnið á starfseminni.
„Við erum þau einu á landinu held ég
að ég megi fullyrða sem rekum svona
glerverkstæði þar sem blásið er gler eftir
öllum kúnstarinnar reglum", sagði
Sigrún. Tækin og áhöldin sem þau nota
við glergerðina smíðuðu þau sjálf úr
innfluttu efni. „Þó að karöfflurséu þema
þessarar sýningar þá búum við auðvitað
margt fleira til. Glös, vasa, skálar og
flöskur t.d. Glerið sem við notum er
rúðugler frá ÍSPAN í Kópavogi sem við
endurbræðum. Stefnan er að sýna einu
sinni á ári og þá verður hver sýning með
mismunandi þema.“, sagði Sigrún.
Þau Sigrún og Sören eru bæði útlærð
í sinni listgrein frá Skolen for Brugskunst
í Danmörku. Sören hefur verið um-
sjónakennari keramikdeildar Myndlista-
og handíðaskóla íslands frá árinu 1980.
Glervörurnar sem þau framleiða er
hægt að fá keyptar hjá íslenskum heimil-
isiðnaði og hjá Kristjáni Siggeirssyni og
í ýmsum smáverslunum úti á lands-
byggðinni.
-Jól.
■ Hér blæs Sören S. Larsen glerkúiu sem síðar varð hin fallegasta karaflla,