Tíminn - 15.06.1983, Blaðsíða 12

16
MIÐVIKUDAGUR 1S. JÚNÍ1983
heimilistíminn
Umsjón A.K.B.
Úr daglega lífinu:
Kátir krakkar
á smídavelli
■ Smíðavellir eru víða starfræktir í sumar og þar geta
krakkar veitt sköpunarþörf sinni útrás og smíðað sér litla
kofa, sem þau mála síðan í fallegum litum. Myndirnar
hér á síðunni tók ég nýlega á einum smíðavelli Reykjavík-
urborgar, við Hlíðaskóla. Þar voru nokkrir krakkar langt
komnir með að smíða sér kofa og þau voru greinilega
mjög áhugasöm við smíðarnar.
-AKB.
■ „Þetta eru réttu handtökin“ gæti hún verið að segja, stúlkan til vinstri á myndinni,
við vinkonu sína.
■ Þau eru mörg handtökin í kofasmíðinni.
■ Það getur verið gott að fá stóru strákana til að hjálpa sér.
■ Tveir vinir.
■ Reyksoðinn vatnasilungur er góður í salöt og ídýfur.
Reyksoðivin vatnasilungur:
markaðhér
■ Bráðlega mun koma á markað hér
reyksoðinn smásilungur. Smásilungur úr
íslenskum vötnum hefur lítið verið
nýttur hingað tii, en nú verður þar
breyting á og hyggjast bændur veiða
vatnasilunginn í nokkrum mæli og fyrir-
tækið Kjöt og Álegg í Kópavogi mun
reykja silunginn og pakka í neytenda-
umbúðir. Eigandi fyrirtækisins, Maríus
Blomsterberg, sagði, að vatnasilungur-
inn væri mjög góður og gæti komið í stað
túnfisks, t.d. í salöt og ídýfur. Vatna-
silungurinn væri ekki síðri en túnfiskur-
inn, sem væri fluttur inn niðursoðinn og
ákaflega misjafn að gæðum. Það væri
því ástæða fyrir fólk að veita vatnasil-
ungnum athygli, þegar hann kæmi á
markað, en það yrði fljótlega.
Reyksoðni silungurinn er unninn
þannig að fyrst er fiskurinn þveginn
saltaður, síðan skolaður og hengdur upp
á teina. Hann er svo settur inn í reykofn
í svokallaða Vemag reykingu og þar er
hann þurrkaður vcl, síðan er hleypt á
hann reyk af beyki og einiberjum. Þegar
fiskurinn er hæfilega reyktur, er hitinn
aukinn vcrulega til að fá gegnumsuðu.
Þá er fiskurinn tilbúinn.
Fyrirtækið Kjöt og Álegg hefur starfað
í fimm ár og framleiðir áleggspylsur,
grillpylsur og fleiri unnar kjötvörur, t.d.
pepperone, sem er sérstaklega framleidd
fyrir pizzuframleiðendur. Þar eru unnar
og reyktar kjötvörur og lax fyrir verslanir
og einkaaðila, að ógleymdum reyktum
rauðmaga, sem mörgum finnst herra-
mannsmatur.
■ Márius Blomsterberg,
Eldhúshomið
Rabarbarakaka
Deig:
4 dl. hveiti,
3/4 dl. sykur,
örlítið salt,
175 g smjör
1 egg og 1 eggjarauða
Fylling:
1/2 kg. rabarbari.
1 1/2 dl. sykur,
1 matsk. kartöflumjöl.
Krem:
3 eggjarauður,
2 matsk. flórsykur
safi úr 1/2 sítrónu
2 1/2 dl. þeytirjómi.
Rabarbarinn er skorinn í 1 cm
bita. Kartöflumjölið og sykurinn er
hrært saman við rabarbarabitana í
skál. Deigið er hnoðað saman, kælt í
ca. 1/2 klst, sett innan i pæform.
Stingið botninn með gaffli. Rabar-
barabitarnir eru settir í.
Afgangurinn af deiginu er settur í
strimla yfir kökuna og penslað með
eggjarauðu. Bakað við 200 gráðu
hita í 30 mínútur. Á meðan er
kremið búið til. Eggjarauður og
sykur er þeytt saman og sítrónusafinn
hrærður saman við. Síðan er þeyttum
rjóma blandað saman við. Geymt á
köldum stað, þar til borið er fram.
Súkkulaðiterta
100 g suðusúkkulaði,
75 g smjör,
2 dl sykur,
2 tsk. vanillusykur,
2egg.
2 1/2 dl hveiti,
1 tsk. lyftiduft,
1 dl kaffirjómi.
Fylling:
200 g marsipan,
1 eggjahvíta,
dökkt vínberjahlaup eða annað
berjahlaup
2 dl þeytirjómi,
1 tsk sykur
Bræðið súkkulaðið yfir gufu. Hafið
lok yfir. Hrærið síðan saman smjörið
og sykurinn. Bætið eggjunum í, einu
í einu og hrærið vel. Blandið síðan
samán við brædda súkkulaðið. Næst
er sett í hveiti og lyftiduft, kaffirjómi
og hrært saman. Deigið er sett í vel
smurt form raspi stráð og bakað í um
50 mínútur við 175 gráðu hita. Kakan
er síðan bleytt með sterku kaffi.
Þegar kakan er orðin köld er henni
skipt í tvo botna. Marsipanið er
hnoðað með eggjahvítu og gerð úr
því kaka á stærð við botnana. Mar-
sipanið er lagt á annan botninn og
berjahlaupið ofan á, síðan þeyttur
rjómi. Hinn tertubotninn lagður yfir
og skreytt með þeyttum rjóma og
súkkulaði.