Tíminn - 07.10.1983, Blaðsíða 9

■ Þóra Einarsdóttir, formaður Indlandsvinafélagsins.
■ Haraldur Ólafsson varaþingmaður flutti erindi um Indland á fundinum.
FÖSTUDAGUR 7. OKTOBER 1983
á vettvangi dagsinsj
FUNDUR MEB „INDVERSKU YFIRBRAGH”
■ Þegar komið var í salinn að Rauðarárstíg 18 mánu
dagskvöldið 26. sept. mætti manni önnur angan en er
venjulega á fundum. Þarna blandaðist saman matarlykt
með austurlenskum keim, reykelsisilmur í lofti og
hugljúfír tónar indverskrar tónlistar bárust. Ljós voru
tempruð og kerti á hverju borði.
Félag framsóknarkvenna í Reykjavík
var með sinn fyrsta félagsfund á þessu
hausti, sem þær kölluðu með „indversku
yfirbragði". En félagskonur eru svo
heppnar að í félaginu er Þóra Einarsdótt-
ir, fyrrv. formaður Verndar og formaður
Indlandsvinafélagsins á íslandi. Þarsem
Indland er mikið til umræðu manna á
meðal núna vegna sýninga á stórmynd-
inni Gandhi, var ákveðið að fræðast
meira um Indland.
Þóra Einarsdóttir starfaði með Móður
Teresu á I ndlandi og sagði hún frá einum
degi úr starfi hennar. Lýsti hún m.a.
hugblænum yfir dagrenningunni þegar
störfin hefjast hljóðtega en markvisst.
Síðan flutti Haraldur Ólafsson, vara-
þingmaður, stórfróðlegt erindi um sögu
og menningu Indverja.
Þá var framreiddur indverskur matur
og var matarborðið mjög skemmtilega
skreytt og stórglæsilegt á að líta.
Eftir matinn sagði Þóra Einarsdóttir
okkur svo frá störfum sínum í fjallahér-
uðum Tamil-Nadu og kynnum af reglu-
bræðrum heilags Benedikts. Æðsti
bróðirinn er hinn þekkti Richard Bene-
dikt Keithauh, sem var einn af nánustu
samstarfsmönnum Gandhis og sá eini
sem er á lífi. Hann er formaður íslands-
vinafélagsins á Suður-lndlandi.
Þá höfðu félagskonur boðið til sín
þetta kvöld konum úr Björk, félagi
framsóknarkvcnna í Keflavík. Sigur-
björg Gísladóttir, formaður Bjarkar,
flutti ávarp og þakkaði fyrir ánægjulegan
fund, færði félagi framsóknarkvcnna í
Reykjavík mjög fallega þurrblóma-
skreytingu og var platti frá Keflavík mcð
í skreytingunni.
Sigrún Magnúsdóttir formaður þakk-
aði hjartanlega fyrir gjöfina og lýsti
ánægju sinni yfir að fá konurnar í
heimsókn.
Einnig var gestur þetta kvöld nýkjör-
inn formaður FUF (félags ungra fram-
sóknarmanna í Reykjavík), Viggó Jörg-
enson. Hann var boðinn sérstaklcga
velkominnogóskað velfarnaöar ístarfi.
Geta má þcss, að Félag framsóknar-
kvenna í Rcykjavík er búið að skipu-
leggja starf félagsins fram að áramótum.
Næsti fundur verður 17. október og er
hann helgaður skólamálum. Þann 14.
nóv. verður fundur þar scm scrstaklega
verða rædd lífeyrisréttindi kvenna og 12.
desember vcrður jóiafundur. Basar fé-
lagsins verður 3. descmber.
■ Móðir Teresa er löngu heimskunn fyrir mannúðarstörf sín í Kalkútta,
en með henni starfaði Þóra um hrið á Indlandi, og sagði hún félagskonum
frá einum degi í starfi Móður Teresu.
■ Mjög vel var mætt á þennan skemmtilega fund með indverska
yfirbragðinu. Tímamyndir — Árni Sæberg.
Þóra flutti félögum mikinn fróðleik á fundinum.