Tíminn - 30.12.1983, Side 2

2
bókalisti Tímans
mrssoN
GUÐRÚN helgaoottir
KOW
MinnisverO t íðindi 1971-1975
SÆ'
%
Jóhann Páll Valdimarsson, framkvæmdastjóri Iðunnar:
„gAttaður a þwí hve
NKHIRSTAÐAN ER GOD
■ . „Ég satt að segja var alveg gáttaður
á því hve niðurstaðan hjá okkur var
góð,“ sagði Jóhann Páll Valdimarsson,
framkvæmdastjóri Bókaforlagsins' Ið-
unn m.a. er Tíminn ræddi lítillega við
hann í gærkveldi um bóksöluna á
þessu ári, og það hvort mikill samdrátt-
ur hefði orðið í henni að hans mati, en
Iðunn átti flestar bækur á bóksölulista
Tímans að þessu sinni, fjórar talsins.
„Pessi niðurstaða var nokkuð sem
ekki svo mikið sem hvarflaði að mér,“
sagði Jóhann Páll, „því að í mínum
huga var aldrei spurning um annað en
það hversu mikill samdrátturinn yrði á
árinu, en ég horfði ekki á slíkar tölur.
Ég hef auðvitað heyrt frá bóksölum að
heildarbóksala hafi dregist saman, og
það verulega, en það er augljóslega
ekki á okkar kostnað og það kom mér
vægast sagt gríðarlega á óvart. Ég er
því óskaplega glaður með þessa út-
komu.“
Jóhann Páll sagði að Iðunn hefði á
þessu ári gefið út um 90 bókartitla, en
það væri örlítið minna en var í fyrra.
Hann sagði að forlagið hefði verið með
meira af stærri og dýrari verkum í ár
en í fyrra, þannig að þótt titlafjöldinn
væri talsvert minni en í fyrra, væri
samdrátturinn ekki að sama skapi. 1
heildina sagði Jóhann Páll þó að Iðunn
hefði verið með heldur minni útgáfu í
ár.
- AB
■ Komiði sæl
■ Öldin okkar
■ Helför á heimskautaslóðir
Landið þitt ísland
Eysteinn f eldlínu stjómmálanna
■ Bréf til Sólu
■ Tíminn birtir nú bóksölulistakönnun sína í
síðasta skipti á þessu ári, og er hér um könnun að
ræða, þar sem bóksalarnir 10, sem Tíminn hefur átt
samstarf við í þessari könnun, gefa upplýsingar um
það hvaða 10 bækur hafa selst best í allri jólabóksöl-
unni. Listarnir sem birst hafa undanfarnar vikur í
Tímanum um bóksöluna, hafa eins og kunnugt er
aðeins náð til sölunnar hverja viku fyrir sig, en hér
á eftir fer sem sagt heildarniðurstaðan. Eins og áður
hefur verið greint frá, þá fá bækurnar stig, eftir því
í hvaða sæti þær eru á listanum, þannig að bók sem
er í 1. sæti fær 10 stig, og síðan koll af kolli niður í
bókina í 10. sætinu, sem fær eitt stig. Bók sú sem
samanlagt hlýtur svo flest stig, þegar lögð eru saman
stigin frá öllum bóksölunum telst því, samkvæmt
þessari könnun Tímans vera söluhæsta bókin í
jólabókaflóðinu í ár, sem er að vísu með minna
móti, samkvæmt því sem bóksalarnir segja.
Verslanirnar 10 sém hafa aðstoðað Tímann við
gerð allra listanna, svo og þessa síðasta, eru
Hagkaup, Gríma í Garðabæ, Penninn í Hafnar-
stráeti, Bókabúð Braga í Lækjargötu, Bókabúð
Fossvogs, Bókhlaðan Glæsibæ, Bókabúð Jónasar á
Akureyri, Bókabúð Jónasar Tómassonar á ísafirði,
Aðalbúðin á Siglufirði og Bókabúð Grönfeldts í
Borgarnesi. Tíminn kann þeim bestu þakkir fyrir
aðstoðina.
- AB
SKRIFAÐ í SKYIN II
SðLUHÆSTA BÓKIN f ÁR
■ Engir nýjir bókatitlar eru á loka-
listanum, en röðin hefur breyst
nokkuð, og bækur sem höfðu dottið út
af lista, svo sem í síðustu könnun eða
fyrir tveimur vikum eru komnar á
listann á nýjan leik, þegar heildarút-
tektin er gerð. Skrifað í skýin II eftir
Jóhannes Snorrason flugstjóra er sölu-
hæsta bókin í ár, en fast á hæla henni
er Skæruliðarnir, spennubók eftir
Alistair Maclean, sem ávallt er í hópi
metsöluhöfunda hér á landi. Listinn
lítur annars svona út. Fyrir aftan titil
er birtur stigafjöldi og í sviga er hvar
bókin var í sæti á síðasta lista:
1. Skrifað í skýin II eftir Jóhannes
Snorrason, hann gefur bókina út sjálf-
ur og nefnir útgáfufyrirtæki sitt
Snæljós. 76 stig (3. sæti síðustu viku)
2. Skæruliðarnir eftir Alistair Maclc-
an. Iðunn gefur út. Hlaut 73 stig (2.
sæti í síðustu viku)
3. Bjarni Benediktsson, Greinar um
Bjarna. Ritstýring í höndum Ólafs
Egilssonar. AB gefur bókina út. Hlaut
50 stig. (6. stig í síðustu viku)
4. Sitji guðs englar eftir Guðrúnu
Helgadóttur. Iðunn gefur út. Hlaut 45
stig (4.-5. st. í síðustu viku)
5. Bréf til Sólu. Ástarbréf Þórbergs
Þórðarsonar. AB dreifir, en Guðbjörg
Steindórsdóttir/Þórbergsdóttir gefur
bókina út. Hlaut bókin 38 stig (1. sæti
í síðustu viku)
6. Komiði sæl. Vilhelm G. Kristins-
son ræðir við Sigurð Sigurðsson. Vaka
gefur bókina út. Hlaut 35 stig. (8. til 9.
sæti í síðustu viku)
7. Öldin okkar 1971 - 1975 Iðunn
gefur út. Hlaut 32 stig (7. sæti í síðustu
viku.
8. Helför á heimskautaslóðir eftir
Hammond Innes. Iðunn gefur út.
Hlaut bókin 30 stig (Var ekki á síðasta
lista)
9. Landið þitt ísland 4. bindi eftir
Steindór Steindórsson, Þorstein Jós-
epsson og Pál Líndal. Örn og Örlygur
gefa bókina út. Hlaut hún 29 stig. (10.
sæti í síðustu viku)
10. Eysteinn, í eldlínu stjórnmálanna.
Vilhjálmur Hjálmarsson skráði. Vaka
gefur bókina út. Hlaut bókin 28 stig.
(Var ekki á síðasta lista)
það sem einna athyglisverðast er við
þennan lista, fyrir utan þá staðreynd
að aðeins tvær þýddar bækur eru á
honum, er það hversu hátt bréfin hans
Þórbergs, Bréf til Sólu komast, því
bókin var ekki í sölu nema eins og 10
daga fyrir jól, og því er það hreint
ótrúleg sala á svo skömmum tíma, að
bréfin skuli vera fimmta söluhæsta
bókin á jólavertíðinni. Að öðru leyti
talar listinn fyrir sig sjálfur, og við sláum
botninn í bóksölulistakönnun Tímans
á þessu ári. - AB
LANDIÐ ÞITT
ISLAND
■ Skrifað í skýin
■ Sitji guðs englar
■ Skæruliðamir
■ Bjami Benediktsson