Tíminn - 04.02.1984, Blaðsíða 1
Sidumúla 15—Póstholf 370Reykjavík—Ritstjórn86300—Augiýsingar 18300— Afgreidsla og áskrift 86300 - Kvötdsunar 86387 og 86306
Vandamál í fasteignavidskiptum ef vextir lækka niður fyrir 20%:
HÆGT AD KREFJAST OLOGLEGRA
VAXTA AF EFTIRSTÖDVUM ÍBÚDA?
■ Komi enn til vaxtalækkunar
nú í febrúarmánuði eða fljótlega
eins og ýmsir búast við mun af
því leiða vandamál, sem er við-
skipta- og lögfræðilegs eðlis,
hvernig fara skuli með skulda-
bréf sem algeng eru í fasteigna-
viðskiptum, þ.e. bréf með 20%
vöxtum, sem tíðkast hafa á eftir-
stöðvum undanfarin ár.
Hæstu lögleyfðu vextir nema
nú 21%. Fari þeir t.d. niður í
16% væru 20% vextir orðnir
ólöglegir. Að sögn Dans V.S.
Wiiums, stjórnarmanns í Félagi
fasteignasala mundu þeir eftir
slíka vaxtalækkun ekki ganga
frá nýjum fasteignasamningum
þar sem miðað væri við hærri
vexti en hæstu lögleyfðu, þannig
að hinir enn algengustu eftir-
stöðvavextir mundu þá lækka
sjálfkrafa í samningum sem
gerðir væru eftir það. Vandinn
skapast hins vegar varðandi
samninga sem gerðir voru á
síðasta ári, en ekki er enn húið
að ganga frá skuldabréfum vegna
þeirra. Verður löglegt að gefa út
skuldabréf með hærri vöxtum en
hæstu lögleyfðu? - og verður
bönkum stætt á því að innheimta
hærri vexti en hæstu lögleyfðu
vcxti? Síðari spurningin á raunar
einnig við um skuldabréf sem
þcgar hafa verið gefin út. Um
þessi atriði sagði Dan lögfræð-
ingá ekki á einu máli, en sjálfsagt
komi til kasta bankanna að ráða
fram úr þeim.
-HEI
Akureyrarlög-
reglan í kasti
við ölvaða öku-
menn:
Fjórir ölvaðir
piltar veltu
bifreið sinni
■ Lögreglan á Akureyri
þurfti tvisvar að hafa afskipti
af ölvuðum ökumönnum í
gærmorgun. í fyrra tilfellimi
var um bílveltu r mót:
við Krossa á Árskógsströnd ao
ræða. Lögreglan á Dalvík fékk
tilkynningu um óh rpið kl.
5.10 og þegar hún kom á staðinn
voru fjórir piltar vid bílinn,
allir ölvaðir en ómeiddir. Pilt-
arnir þrættu ullir fyrir að hafa
ekið bflnum og voru þeir þá
fluttir til Akureyrar þar sem
fangageymslur Dalvíkurlög-
reglunnar rúma ekki þetta
marga. Við yfirheyrslur játaði
einn pilturinn síðan að hafa
ckið bílnum.
Seinna um morguninn varð
lögreglan á Akureyri vör við
grunsamlegan bíl rétt utan við
bæinn. I bifreiðinni voru tveir
unglingar sem reyndust báðir
vera ölvaðir. gsh
■ Fjölmargir árekstrar hafa orðið í Reykjavík undanfarið vegna slæmra akstursskilyrða: bæði eru götur hálar og útsýni takmarkað vegna hárra snjóruðninga. Sá alvarlegasti til
þessa varð á mótum Miklubrautar og Grensásvegar aðfaranótt föstudags. Þessar myndir voru teknar á slysstað. l ímamyndir Sverrir
Þrennt var flutt slasað á Slysadeildina
■ Harður árekstur varð á
mótum Miklubrautar og Grens-
ásvegarkl. 1.30aðfaranóttföstu-
dags. Ökumaður annars bílsins
og tvær stúlkur sem voru farþeg-
ar í bílunum voru flutt á Slysa-
deild og mun önnur stúlkan hafa
mjaðmagrindarbrotnað en hin
sluppu að mestu við meiðsl.
Tildrög árekstrarins voru þau
að annar bíllinn, sem er af
Volvo-gerð, kom norður Grens-
ásveg. Gul Ijós blikkuðu á gatna-
mótunum en þar sem útsýni er
takmarkað vegna snjóskafla ók
ökumaðurinn hægt inn á gatna-
mótin, og ber að hann hafi verið
stöðvaður, þegar Fíatbíll, sem
ekið var vestur Miklubraut, lenti
á honum. Bera höggið og hemla-
för þess merki að Fíatinn hafi
verið á allmikilli ferð. Bílarnir
eru báðir mikið skemmdir eftir
áreksturinn.
Kapphlaupið um hlutabréf ríkisins í Eimskip
BARST TILBOÐ SIÓVÁ
EFTIR AÐ TILBOÐS-
FRESTURINN RANN ÚT?
Fjármálaráðherra yfirheyrður af
lögreglunni:
ÓSKAR EFTIR
AÐ ÞINGHELGI
FALLI NIÐUR
— svo hundamálið fái eðlilega af
greiðslu
■ Svo kann að fara að ríkið
bjóði á nýjan leik út hlutabréf sín
í Eimskipafélagi íslands, þar sem
fleiri tilboð eru nú komin fram í
dagsljósið en upplýst var þann 1.
febrúar, þegar frestur til að skila
tilboðum rann út, en Sjóvá hefur
nú boðið í bréf ríkisins, og telur
fjármálaráðherra Albert Guð-
mundsson, að tilboð Sjóva sé
hagstæðasta tilboðið.
Fjármálaráðherra segir í sam-
tali við Tímann að tilboð Sjóvá
hafi borist honum áður en frest-
urinn rann út, þ.e. þann 31.
janúar, en samt sem áður ræddi
hann að eins tvö tilboð í bréfinu í
samtali við Tímann þann 1. þessa
mánaðar og í fréttaviðtali í út-
varpi sama dag. Fjármálaráð-
herra segir í samtali við Tímann
í dag að hann hafi einfaldlega
gleymt þessu þriðja tilboði er
hann ræddi við blaðamann, en
hann greinir jafnframt frá því,
að ef menn telji að einhver
maðkur leynist í mysunni, hvað
varðar það, hvernig staðið var
að þessu útboði, þá mundi hann
hafa öllum tilboðunum, og bjóða
bréfin út á nýjan leik. -AB
Sjá viðtal við fjármálaráð-
herra bls. 3.
■ Lögreglumaður sótti Albert
Guðmundsson, fjármálaráð-
herra heim á skrifstofu hans í
fjármálaráöuneytinu í gærmorg-
un, tók af honum skýrslu og birti
honum kæru Rafns Jónssonar
fréttamanns útvarps, vegna
hundahalds hér í Reykjavík.
„Það er rétt,“ sagði Albert
Guðmundsson, fjármálaráð-
herra í samtali við Tímann í gær,
„að hingað kom lögreglumaður í
morgun og tók af mér skýrslu og
lét mig hafa kæruna. Ég bauð
honum, til þess að málið gæti
fengið eðlilega meðferð, að hve-
nær sem eftir því yrði óskað, þá
myndi ég óska eftir því við
Alþingi að þinghelgi yrði felld
niður." Albert sagðist hafa boðið
þetta, til þess að málið gæti
fengið eðlilega afgreiðslu, og
þyrfti ekki að tefjast, vegna þess
að hann væri þingmaður. -AB