Tíminn - 23.03.1984, Síða 9
'm *' • \ e~4
FOSTUDAGUR 23. MARS 1984
BLAÐAUKI
HAFNARFJORÐUR
9
Deilur um billjard-
stofu í Hafnarf irði
— rætt við Þorgeir Haraldsson æskulýðsfulltrúa
■ Þorgeir Haraldsson er æskulýðsfull-
trúi í Hafnarfirði. Rætt var við hann um
ýmis mál sem tengjast því starfi.
- Það hafa borist fréttir af billjarðsal
sem standa deilur um. Hvernig standa
þau mál?
„Málið er enn óafgreitt frá hendi
bæjarstjórnar. En það kom til Æskuiýðs-
ráðs erindi frá Bæjarráði Hafnarfjarðar
í október þar sem var óskað eftir til-
lögum um breytingar á 41. grein lögreglu-
samþykktarinnar sem fjallar um þessi
mál, og því var skilað af sér í byrjun
janúar, og sú breyting var samþykkt.
Þetta var sent til dómsmálaráðuneytis-
ins, þar sem það liggur núna.“
- Um hvað snýst þetta mál?
„Það snýst um spilakassa. Nýir eigend-
ur keyptu staðinn, Snóker, og þá hafði
staðurinn leyfi til 1. janúar, til að reka
billjarðstofu fyrir 16 ára og eldri, en ekki
spilakassa. Þessir nýju eigendur settu
hinsvegar inn eina 13 spilakassa og ráku
þetta frameftir janúar og fram í febrúar,
fyrir unglinga langt undir aldri.Þá fóru að
koma kvartanir bæði frá kennurum og ein-
staklingum um að þarna væru of ungir
krakkar. Þá var þeim bent á að leyfið
gilti aðeins fyrir ofan 16 ára, og þeir fóru
að vinna eftir því. Þá í febrúar sendu
eigendurnir umsókn inn um að fá að
reka staðinn og hafa spilakassa. Þetta
leyfi hefur ekki verið afgreitt ennþá. Það
hefur verið unnið mikið í þessu, en
það sem aðallega er fjallað um núna er
hvort eigi að leyfa þeim að hafa þennan
fjölda af spilakössum, eða hvort eigi að
leyfa einn eða upp í þrjá kassa. Breyt-
ingatillagan sem ég talaði um áðan
/jallar um það að ekki skyldu settir upp
leiktækjasalir, eins og er f Reykjavík, og
sem slæm reynsla er af, heldur er leyft
að setja upp allt að þremur spilakössum
á hverjum stað.“
- Nú heyrðist af sniff-faraldri í Hafnar-
firði nýlega.
„Það sem ég þekki til var að þetta
gekk aðallega yfir sl. sumar og haust, og
ekki lengi fram eftir hausti. Krakkarnir
eru mikið úti við þetta, en gengur
ekki upp á veturna, eins og veður eru,
þannig að þetta deyr út á þeim tíma.
Og hefur alveg stoppað í vetur“.
- En kemur þá kannski næsta sumar?
„Það má alveg búast við því. Fyrir-
byggjandi ráðstafanir hafa einhver
áhrif.“
- En hvernig er aðstaða fyrir unglinga
í Hafnarfirði. Er einhver æskulýðsmið-
stöð?
„Já, það er það sem heitir Æskulýðs-
heimilið, gömul verbúð sem var gerð >
upp á sínum tíma. Vinnuskólinn braut
þar allt niður á sínum tíma og byggði
upp aftur, krakkarnir gerðu þetta að
mestum hluta sjálf, og það er orðið mjög
snyrtilegt og þokkaleg aðstaða, og í
rauninni allt til alls fyrir krakkana. Það
er mikil aukning í því starfi. Það hefur
ekki verið starfað mikið á þessu sviði,
því að allt tómstundastarf fer fram að
miklu leyti í skólunum. Við erum með
starf í öllum skólum og fólk þar í vinnu.
þannig að mest af klúbbastarfinu fer
fram þar. Æskulýðsheimilið er fyrir
opnari klúbba."
- Er mikið um hljómsveitir í Firðin-
um?
„Já við útvegum hljómsveitum að-
stöðu í plássi sem Vinnuskólinn hefur á
sumrin og þar eru fjórar hljómsveitir.
Svo eru fleiri í skólunum. Hljómsveitirn-
ar spila oft í skólunum og svo erum við
með árlega hljómsveitakynningu. Einnig
troða þær upp 17. júní og við öll
möguleg tækifæri. Þannig að það er
mjög mikið líf í því.“
- Það lítur-þá vei út með æskulýðsmál
í Hafnarfirði?
„Já, mér finnst vera stígandi í þessu.
Það er líka mikill áhugi á þessum málunt I
hí“ þcim sem ráða og veitir ekki af.“
Þorgeir Haraldsson æskulýðsfulltrúi
Tírnarnvnd GE
w
Tökum að okkur
allskonar
húsgagna-
og innréttinga-smíði.
Aðeins
vönduð vinna
Kraftaverkin
gerast skyndilega.
Hið
óframkvæmanlega
tekur
aðeins
lengri tíma
Helluhraun 14
220 Hafnarfirði
Sími50395
VIÐ LEIGJUM UT
JAPANSKA OG
FRANSKA BÍLA
SENDUM BÍLINN
SÍMI52007
BILALEIGAN
TRÖNUHRAUN11 SIMI52007