Tíminn - 04.07.1986, Side 16

meÓVISA
FRAMARAR sigruöu Skagamenn með
þremur mörkum gegn einu í 1. deild íslands-
mótsins í knattspyrnu í gærkvöldi og hafa nú
tekið afgerandi forystu í keppninni. Leikurinn
var vel spilaður, sérstaklega af hálfu Framara
sem sýndu gott samspil og snjalla takta.
Guðmundur Torfason skoraði tvö mörk fyrir
heimaliðið, annað með vinstrifótarskoti svo
föstu að elstu menn muna vart annað. Guð-
mundur Steinsson skoraði þriðja mark Fram-
ara en Guðbjörn Tryggvason náði forystunni
fyrir Skagann á 9. mínútu.
Hafnarfjaröarbær og Starfsmannafélag Hafnarfjarðar:
Laun hækka um 8,6%
í kjölfar samninga
- Samningarnir gilda frá 1. febrúar
Bæjarráð Hafnarfjarðar og Starfs-
mannafélag Hafnarfjarðar hafa
komist að samkomulagi um nýjan
sérkjarasamning, sem innifelur
8,6% hækkun launa að meðaltali.
Þrír neðstu launaflokkarnir
hækka um sem svarar fimm launa-
flokkum, sem jafngildir 15% launa-
hækkun.
Þessir samningar gilda frá 1. febr-
úar sl. fram til áramóta og ná alls til
210 einstaklinga.
Þegar Tíminn ræddi við Ingvar
Viktorsson bæjarráðsfulltrúa í gær,
sagði hann að þessir samningar
hefðu gengið hratt fyrir sig, ekki
hefði tekið nema u.þ.b. viku að
komast að samkomulagi. Samning-
arnir hefðu verið komnir í kjara-
dóm, þar sem fyrri meirihluti hefði
boðið upp á 0,75% hækkun, en
Starfsmannafélagið gat ekki sætt sig
við það tilboð. Nú lægi hins vegar
ekki annað fyrir en að skrifa undir
samningana og yrði það gert á næsta
bæjarstjórnarfundi sem verður hald-
inn þriðjudaginn 8. júlí nk. Stjórn
Starfsmannafélagsins þyrfti ekki að
leggja samningana undir félagsfund.
Sagði Viktor þetta hæstu samn-
inga sem bæjarfélag hefði gert, ef frá
væri talið Bolungarvíkursamkomu-
lagið. Væru allirhlutaðeigandi aðilar
ánægðir með samningana, en þeir
munu kosta bæjarfélagið um 720.
þús. á mánuði.
Neðsti launaflokkur var áður 53
fl. og gaf 19.604 kr. í mánaðarlaun
ef viðkomandi var í fyrsta þrepi.
Þessi launaflokkur heitir nú 58. fl.
og gefur 22.727 kr. í mánaðarlaun.
Þeir sem voru í 56. fl. hækka um
fjóra launaflokka en flokkar 57 til 59
hækka um 3 launaflokka. Launa-
flokkar 60 til 68 hækka allir um tvo
launaflokka, en á laun þar fyrir ofan
kemur eins flokks hækkun. Alls eru
83 flokkar í þessu launakerfi
phh
Franskir feröamenn í hrakningum:
Fór 50 kílómetra
eftir hjálp
Festu bílinn í Fjórðungskvísl
Franskt par var sótt inn á hálend-
ið í gærdag af þyrlu Landhelgis-
gæslunnar. Fólkið sem er rétt yfir
tvítugu var orðið aðframkomið af
hrakningum.
Þau höfðu lagt upp frá Akureyri,
á bílaleigubíl af gerðinni Lada
sport, og héldu suður Sprengi-
sandsveg. Bíllinn festist í fyrra-
kvöld, þegar þau ætluðu sér yfir
Fjórðungskvísl rétt við skála Ferða-
félagsins Nýjabæ. Fóru þau þá
bæði í skálann. Karlmaðurinn á-
kvað að ganga og leita eftir hjálp.
Hann gekk til baka, norður.
Maðurinn hefur farið um fimm-
tíu kílómetra veg fótgangandi. Þá
hitti hann fyrir bíl frá Landsvirkj-
un. Kallað var á hjálp, með talstöð
Landsvirkjunarbílsins.
Þyrla Landhelgisgæslunnarflaug
eftir ferðalöngunum og náði fyrst í
manninn. Að sögn Hermanns Sig-
urðssonar flugmanns þyrlunnar var
maðurinn aðframkominn og gat
vart talað. Flogið var eftir stúlk-
unni, þar sem hún var enn í skála
Ferðafélagsins og væsti ekki um
hana, nema hvað andlegt ástand
hennar var ekki upp á hið besta.
„Hún var með tárin í augunum
þegar ég kom að henni í skálan-
um,“ sagði Kristján Þ. Jónsson
stýrimaður sem var um borð í
þyrlunni þegar farið var eftir fólk-
inu.
Bifreiðin var skilin eftir í ánni og
ætluðu menn frá bílaleigu Akur-
eyrar að fara f gær og ná henni
upp. Bíllinn var gangfær að sögn
þyrlumanna.
-ES
Vandi frystihúsanna:
Hjáiparaðgerðum
verður hraðað
- sem unnt er, varð niðurstaða ríkisstjórnarfundar
Vandi frystihúsanna var eitt
aðalmál ríkisstjórnarfundar í gær,
og var staða greinarinnar rædd ítar-
lega.
Niðurstaðan var sú að hfaðað yrði
eftir því sem unnt er ýmsum þeim
aðgerðum sem þegar eru í gangi.
Halldór Ásgrímsson sagði í sam-
tali við Tímann í gær að meðal
þeirra atriða sem ákveðið væri að
hraða væri sú fjárhagslega endur-
skipulagning á fjölntörgum illa
stöddum fyrirtækjum, sem nú er í
gangi hjá Byggðasjóði, viðskipta-
bönkum og Fiskveiðasjóði. Einnig
sagði hann að kannað yrði betur
gcngistap fiskvinnslunnar vegna
afurðalána frá árinu 1985, en athug-
un á því máli er þegar komin af stað
hjá stjórnvöldum og Seðlabanka.
Halldór sagði að það sem skipti
sköpum varðandi stöðu fiskvinnsl-
unnar í dag væri uppsafnaður vandi
frá fyrri árum og þar sem enginn
hagnaður væri á rekstrinum í dag
skapaðist ekki svigrúm til að greiða
upp í skuldir.
„Ríkisstjórnin er ákveðin í því að
halda þau verðlagsmörk sem sett
hafa verið. í því santbandi er mikil-
vægt að það svigrúm sem það skapar
nýtist fiskvinnslunni, en fari ekki í
margvíslegar kostnaðarhækkanir
hér innanlands, bæði til þjónustuað-
ila og annarra. Maður verður mjög
var við það, að þessir aðilar hafa
hækkað sínar gjaldskrár sem aftur
leiðir til hækkana á vísitölu, en á
sama tíma verður fiskvinnslan að
búa við skertar tekjur vegna þróunar
dollarans,“ sagði Halldór. Hann
benti jafnframt á að það hafi þó
orðið til nokkurrar bjargar, að af-
urðaverð hafi hækkað á erlendum
ntörkuðum, og að tekist hafi að selja
meira á Evrópumarkað, auk þess
sem saltfiskvinnsla gengur þokka-
lega og útgerðin vel.
-BG
Draugur á
Bessastöðum
- segir Vigdís Finnbogadóttir, forseti
Vigdfs Finnbogadóttir, forseti,
segir fá reimleika á Bessastöðum í
viðtali við erlenda fréttamenn. Seg-
íst' hún heyra til Appoloníu
Schwarzkopf,, „Hrafnhettu", er hún
gengur um stofur forsetabústaðar-
ins, en hún dó á átjándu öld, - úr
harmi, segir í erlendri grein.
Staldrar afturgangan oft við
framan við dyrnar að svefnherbergi
forsetans og býður Vigdís Appól-
óníu velkomna.
f greininni, en þýðing hennar
birtist í Helgar Tímanum, sem
borinn verður út á morgun, segir
frá álfum, huldufólki og draugum
á íslandi og þykir útlendum frétta-
mönnum undurhve víðtæk drauga-
trú er hér á landi. Er vegagerðinni
gerð skil, þar sem vegir bugðast
milli álfhóla og híbýla drauga og
jötna, en segir í greininni að áður
en skipuleggja megi vegi á íslandi
verði verkfræðingar að spyrja æðri
máttarvöld leyfis.
Sjá Helgar-Tímann á morgun.
Flugmanninum þakkað fyrir björgunina, þegar eftir að ferðamennirnir voru lentir í Reykjavík. Tímamynd Pétur
Vandræöi skapast á spítölum vegna uppsagna:
Meinatæknaraðfara
yfir í einkageirann
Mikil óánægja ríkir nú meðal
meinatækna á spítölum um launa-
kjör og hafa allir meinatæknar á
Borgarspítalanum sagt upp störfum.
Þær uppsagnir koma til framkvæmda
1. október í haust. Á Landspítalan-
um hafa 12 meinatæknar sagt upp
störfum og þar af eru 6 þegar hættir,
en á Landspítalanum eru tæplega 40
stöðugildi fyrir meinatækna á tveim-
ur rannsóknarstofum, í blóðmeina-
fræði og meinefnafræði.
„Uppsagnirnar hjá okkur eru ann-
ars eðlis en á Borgarspítalanum,
vegna þess að meinatæknar hjá okk-
ur hafa verið að segja upp jafnt og
þétt st'ðan um áramót. Ástæðurnar
sem gefnar eru upp í uppsögnum
þessum eru ekki eingöngu launa-
kjör, heldur þröng vinnuaðstaða á
báðum rannsóknarstofunum og
einnig aukin áhætta af Aids og
slíkum sjúkdómum. Meinatæknarn-
ir eru að ráða sig í vinnu hjá
einkageiranum sem getur boðið
hærri laun en við og þeir eru eftir-
sóttur vinnukraftur í efnaiðnaði og
tækniþjónustu ýmiss konar,“ sagði
Davíð Á Gunnarsson, forstjóri
Ríkisspítalanna.
Davíð sagði einnig að eitt mesta
áhyggjuefnið í þessu væri að um-
sóknir í Meinatæknaskólann eru svo
fáar, að Ijóst væri að nýir meina-
tæknar kæmu ekki í stað þeirra sem
hættu.
„Ástandið er hálf skringilegt,
vegna þess að nýlega voru samþykkt-
ir kjarasamningar fyrir meinatækna
sem meirihluti félagsmanna sam-
þykkti, en á sama tíma koma þeir og
segja upp og eru að fara annað,"
sagði Davíð. Aðspurður sagði hann
að á sumar deildir spítalans væri
mjög erfitt að fá hjúkrunarfræðinga
til starfa og kenndu þeir launakjör-
um sínum um. Það er nú ljóst að
loka þarf 5 deildum í sumar á
Landspítalanum og einnig þarf að
loka deildum á öðrum spítölum
vegna skorts á hjúkrunarfræðingum.