Fréttablaðið - 14.02.2009, Blaðsíða 24
24 14. febrúar 2009 LAUGARDAGUR
J
urtaapótekið á Laugavegi hefur átt
töluverðum vinsældum að fagna
en þar er að finna lyf Kolbrúnar
Björnsdóttur grasalæknis. Sterk-
ur og dásamlegur ilmur af jurtum
tekur á móti fólki þegar það gengur
inn í þennan ævintýralega heim af
alls kyns töflum, teblöndum, smyrsl-
um og vökvum sem er skapaður úr gnægtar-
brunni náttúrunnar. „Þegar ég var í mennta-
skóla var ég heilsufrík,“ útskýrir Kolbrún.
„Ég var mikið í íþróttum og spáði mikið í
mataræði. Ég las allt sem ég gat hendur á
fest um þessi mál. Á þessum tíma var ekki
mikið til um náttúrulækningar, en þá aðal-
lega bækur og blöð frá Náttúrulækningafé-
laginu. Ég réð mig í vinnu í Heilsuhúsinu
og vann í eldhúsinu á heilsuhælinu í Hvera-
gerði og fann að þetta var virkilega það sem
ég hafði áhuga á að gera í lífinu. Ég ákvað
að fara í einhvers konar nám tengt nátt-
úrulækningum, fyrst ætlaði ég að fara út
í hómópatíu í Þýskalandi en las svo viðtal
við konu sem hafði lært grasalækningar í
skóla í Bretlandi og ákvað að gera slíkt hið
sama. Ég var tuttugu og sex ára þegar ég
lauk námi í Bretlandi og þá var enga vinnu
að finna í þessum geira nema að skapa hana
sjálfur. Það var líka það sem ég gerði, ég
opnaði stofu og var svo heppin að fá mikla
kynningu um leið og ég byrjaði. Íslending-
ar reyndust mjög opnir fyrir þessari tegund
af lækningu.“
Að hjálpa líkamanum að hjálpa sér sjálfum
Kolbrún segir þær grasalækningar sem
hún lærði í Bretlandi vera mjög sérhæfð
fræði sem byggja ekki á gamalli heimspeki
eins og til dæmis Ayurveda-lækningar Ind-
lands eða grasalækningar Kínverja. „Þetta
eru í raun mjög læknisfræðilegar kenning-
ar og ég lærði sömu sjúkdómsgreiningar og
hefðbundnir læknar. Grasalækningar hafa
færst nær læknisfræðinni að ákveðnu leyti
þar sem reynt hefur verið að fá meiri viður-
kenningu fyrir fagið sem slíkt, en Bretland
er það land sem er lengst komið hvað varð-
ar grasalækningar og hómópatíu. En hverjir
eru kostirnir við grasalækningar? „Í mörg-
um tilfellum er hægt að koma í veg fyrir að
fólk þurfi að nota sterk lyf með því að nota
jurtalyf. Því miður er því þó oft þannig hátt-
að að fólk bíður svo lengi með að laga kvill-
ana að þeir grassera og þá er erfiðara að not-
ast við jurtalyf þar sem þau eru ekki nógu
sterk.“ Kolbrún segir að grasalækningar
hafi einstaklega góð áhrif á kvilla eins og
til dæmis gigt og ofnæmi. „Það eru marg-
ar jurtir sem eru bólgueyðandi, kvalastill-
andi og auka blóðflæði og þetta hefur allt
reynst afbragðsvel við gigt. Meltingarvanda-
mál eru einnig oft auðleyst með jurtum.“ Það
sem Kolbrún fæst hins vegar mest við í dag
er hreinsun, eða eins og hún orðar það, „til-
tekt“ í líkamanum. „Í okkar nútímasamfé-
lagi neytum við einfaldlega allt of mikils af
unnum vörum, aukaefnum, sykri, koffíni og
öðrum efnum sem setjast að í líkamanum og
gera hann þreyttan. Það verður mikið álag
á lifrina og orkuflæðið minnkar. Ég er þá
almennt að reyna að koma líkamanum í gang
til þess að hann eigi auðveldara með að verja
sig gegn sjúkdómum og kvillum.“
Megnið af jurtunum flytur Kolbrún inn
óunnar og býr til úr þeim lyf auk þess sem
hún tínir íslenskar jurtir. „Allt sem ég er
með í Jurtaapótekinu eru lyf sem ég bý
til sjálf.“ Á hillum er að sjá stærðarinnar
krukkur fylltar exótískum ginseng-rótum
og rauðum rósaknúppum auk kunnunglegra
jurta eins og blóðbergs og kamillublóma.
Aðspurð segist Kolbrún búa að fjölmörgum
sögum af fólki sem nær góðum bata með
grasalækningum. „Ég hef tekið um fimm
þúsund manns í viðtalstíma og margir hafa
náð mjög góðum árangri. En bati hefur fyrst
og fremst með vilja fólks og ætlun þeirra að
gera.
Fólk þarf til dæmis að breyta um lífsstíl
og mataræði auk þess að taka inn lyfin reglu-
lega. Þegar fólk kemur til mín í viðtal fæ ég
sjúkrasögu þess, lyfjasögu og matarsögu
og spyr einnig spurninga um lífsstíl þeirra.
Einnig er ég með lithimnulestur sem ég nota
mikið sem stuðning við sjúkdómsgreining-
ar, en þá les ég bæði hvítuna og lithimnuna.
Þetta hljómar kannski órökrétt fræði en ég
hef gert þetta í tólf ár og þau hafa ætíð stað-
fest grun minn um sjúkdóma.“
Aukin ásókn í svefn- og þunglyndislyf
Svefnleysi og þunglyndi eru því miður gjarn-
an fylgifiskar þeirra krepputíma sem eru að
skella á þjóðina og þeirra breytinga sem áttu
sér stað við bankahrunið síðastliðið haust.
„Ég hef orðið mjög vör við það að fólk hefur
komið mikið í Jurtaapótekið til þess að leita
ráða gegn svefnleysi,“ segir Kolbrún. „Við
erum með tilbúna blöndu sem heitir Nótt og
er dálítið sterk, og svo milda róandi blöndu
sem heitir Heiðrún. Einnig mælum við með
því að fólk taki inn malaða, óhitaða hafra í
hylkjum, þar sem hafrar hafa mjög góð áhrif
á svefn. Við erum líka með blöndu sem virk-
ar vel við vægu þunglyndi, jurtablöndu sem
örvar blóðflæði til heilans og gefur orku. Það
er gott að auka virkni lifrarinnar til þess að
sporna við þunglyndi því þegar starfsemi
lifrarinnar er hæg verður fólk oft miklu
þyngra.“ Kolbrún segist sjá áberandi mikla
vakningu meðal fólks í þjóðfélaginu um að
breyta lífsstílnum til batnaðar. „Mér finnst
fullt af fólki vera að vakna til vitundar um
að hugsa miklu betur um sjálft sig, bæði lík-
amlega og andlega. Fólk er núna verulega
tilbúið að láta til skarar skríða og breyta lífi
sínu. Þetta er væntanlega bara endurspegl-
un á því að svona miklar breytingar eru að
eiga sér stað í þjóðfélaginu.“ En ef fólk hefur
ekki efni á dýrari jurtameðferðum hvetur
Kolbrún eindregið til þess að það prófi að
tína og nota íslenskar jurtir sjálft, eins og
fjallagrös, birki og blóðberg. „Mín ósk er sú
að fólk læri á jurtir sjálft og noti þær meira
heima hjá sér, en það dregur úr þörfinni
fyrir sterk hefðbundin lyf síðar á ævinni.
Það væri æskilegt að fólk kynni að bregðast
við litlum kvillum áður en þeir verða stórir.
Draumur minn væri sá að fræðin á bak við
grasalækningar yrðu kennd í barnaskólum.
Hefðbundin lyf virka líka þannig að það er
ekki verið að takast á við vandann, heldur
að bæla niður einkennin. Jurtir hjálpa lík-
amanum til að komast í gang og hjálpa sér
sjálfum.“ Kolbrún segir að margir komi með
börn og ungbörn til sín enda sé gott að fyrir-
byggja langvarandi penisillín og lyfjanotkun
hjá þeim. Einnig hafa kvef- og flensublönd-
ur fyrir börn og fullorðna mælst vel fyrir
og gefið góðan árangur þegar ekkert annað
dugar. „En maður þarf sannarlega að hafa
fyrir því að halda góðri heilsu. Heilsan er
ekki ókeypis.“
KOLBRÚN GRASALÆKNIR „Draumur minn væri sá að fræðin á bak við grasalækningar yrðu kennd í barnaskólum.“ FRÉTTABLAÐIÐ/GVA
Heilsan er ekki ókeypis
Þegar breytingar eiga sér stað í þjóðfélaginu er fólk opnara fyrir því að gera breytingar á eigin lífi, segir Kolbrún Björnsdóttir
grasalæknir. Anna Margrét Björnsson fékk að skyggnast inn í heim jurtanna og heilnæm áhrif þeirra á mannfólkið.
➜ DEKRAÐU VIÐ LÍKAMA OG SÁL
Kolbrún heldur fyrirlestur hjá Manni lifandi
hinn 25. febrúar um náttúrulegt spa-dekur
sem hægt er að búa til í eldhúsinu heima.
„Í Jurtaapótekinu sel ég tals-
vert af líkamsvörum eins og
skrúbb og maska, krem og
olíur. Mig langar til þess
að kenna fólki hvernig það
getur búið til heima-spa
í eldhúsinu hjá sér með
því að nota hversdags-
lega hluti eins og gróft
sjávarsalt, hunang, te, avókadó, gúrkur, mjólk,
olíur og þara. Með því að gefa sjálfum þér
tíma í slíkt dekur ertu um leið að gefa sjálfum
þér gjöf sem er góð fyrir
líkama og sál. Slíkar með-
ferðir eru ekki einungis til
að fegra líkamann að
utan heldur fara öll
virku efnin inn í gegn-
um húðina og inn í
blóðstreymið og veita
aukna orku eða slök-
un, og draga eiturefni
úr líkamanum. Tíminn
sem þú gefur þér í slíkt
dekur færðu borgað margfalt til baka.“
Upplýsingar um fyrirlesturinn
er að finna á www.madurlifandi.is
Ég hef orðið
mjög vör við
það á þessum
síðustu mánuð-
um að fólk hef-
ur komið mikið
í Jurtaapótekið
til þess að leita
ráða gegn svefn-
leysi.
Á ÍSL
ENSK
RI FR
AMLE
IÐSL
U
30%
afsláttur af íslenskum rúmum
allt að
TILB
OÐ