Tíminn - 27.11.1986, Qupperneq 8

8 Tíminn
Tíminn
MÁLSVARIFRJÁLSLYNDIS, SAMVINNU OG FÉLAGSHYGGJU
Útgefandi: Framsóknarflokkurinn og
Framsóknarfélögin í Reykjavík
Framkvæmdastjóri
Ritstjóri:
Aðstoðarritstjóri:
Fréttastjórar:
Auglýsingastjóri:
Kristinn Finnbogason
NíelsÁrni Lund
OddurÓlafsson
Birgir Guðmundsson
EggertSkúlason
SteingrímurGíslason
Skrifstofur: Síðumúli 15, Reykjavík. Sími: 686300. Auglýsingasími:
18300. Kvöldsímar: Áskrift og dreifing 686300, ritstjórn 686392 og
686495, tæknideild 686538. Setning og umbrot: Tæknideild Tímans.
Prentun: Blaðaprent h.f. Kvöldsímar: 686387 og 686306
Verð í lausasölu 50.- kr. og 60.- kr. um helgar. Áskrift 500.-
Með ábyrgð og festu
í næstu kosningum verður tekist á um stefnur flokka.
Enda þótt sumum kunni að finnast lítill munur á
íslenskum stjórnmálaflokkum og sé af þeim sökum
sama um hverjir fari með völd, er staðreyndin önnur.
Af þeim ástæðum er rétt af kjósendum að fylgjast vel
með störfum stjórnmálaflokkanna, - þau segja meira en
orðaflaumur foringja þeirra.
Framsóknarflokkurinn gengur óhræddur til kosninga.
Stefna hans er skýr til allra málaflokka og verk hans í
núverandi ríkisstjórn sýna að hún skilar árangri.
Efnahagsmálin heyra undir forsætisráðherra og í
þeim málaflokki hafa orðið meiri umskipti til hins betra
en nokkur þorði að vona.
Þegar ríkisstjórnin tók við völdum var ástand efna-
hagsmála í slíkum ólestri að formaður Alþýðubanda-
lagsins, Svavar Gestsson vildi setja neyðarlög. Hvorki
hann né heldur Jón Baldvin Hannibalsson, formaður
Alþýðuflokksins treystu sér til að taka þátt í stjórnar-
samstarfi vegna þessa ástands og er rétt að minna á þá
staðreynd nú þegar báðir þykjast vera færir um að
stjórna.
Vegna þeirra umskipta til hins betra sem átt hafa sér
stað í stjórnartíð Steingríms Hermannssonar, ganga
framsóknarmenn óhræddir til kosninga.
Þeir trúa því að þjóðin meti þann mikla árangur sem
náðst hefur og kvíða ekki dómi kjósenda.
Rétt er að minna á nokkur atriði þessu til staðfesting-
ar: Pegar ríkisstjórnin tók við völdum var verðbólgan
um 130%. Nú er hún um 10% og er það minni verðbólga
en hér hefur verið í 15 ár.
Ríkisstjórnin tók við vaxandi skuldasöfnun erlendis.
Nú fara skuldir og greiðslubyrði minnkandi sem hlutfall
af þjóðarframleiðslu.
Ríkisstjórnin tók við minnkandi kaupmætti. í lok
þessa árs mun kaupmáttur ráðstöfunartekna að meðal-
tali verða meiri en nokkru sinni fyrr. Sparnaður er meiri
en hann hefur verið í 14 ár og þar með hefur verið rennt
stoðum undir framsækna atvinnuuppbyggingu. At-
vinnuleysi er ekkert.
Á þessi atriði bentu framsóknarmenn á Reykjanesi í
ítarlegri stjórnmálaályktun.
í henni segir einnig:
„Þessi umskipti, undir forystu Framsóknarflokksins,
liggja nú fyrir sem óyggjandi staðreyndir, og munu, með
hverjum mánuði verða kjósendum æ betur ljós.
Þessi umskipti, í átt til stöðugleika og heilbrigðara
efnahagslífs, munu gera þjóðinni kleift, að ganga á ný,
með bjartsýni og þó forsjálni, á braut framfara og
velferðar.“
í komandi kosningum veðrur tekist á um hvort áfram
veðrur unnið af ábyrgð og festu undir sjtórn Framsókn-
arflokksins, eða hvort sá árangur sem náðst hefur
verður gerður að engu í höndum hentistefnumanna.
Það má ekki gerast.
Fimmtudagur 27. nóvember 1986
GARRI
l!!IIIil!iíi!lililíiliili
Að færa fréttatíma.
Mikil og hörð barátta stendur nú
yfir, niilli Ingu Jónu Þóröardóttur,
formanns útvarpsráðs og Ingva
lirafns Jónssonar, frcttastjóra
sjónvarpsins.
Deila þeirra snýst utn hvenær
eigi að sjónvarpa fréttum.
í D.V. var skýrt frá þessu rifrildi,
og óvíst er hvert framhaldið
verður.
Lítum á frétt D.V.:
„ Okkur laust saman. Þetta rar
átakafundur og stóð i fjórar
klukkustundir, “ sagði Ingvi Hrafn
Jónsson, fréttastjóri ríkissjón-
varpsins, um fund erhann átti með
formanni útvarpsráðs, Ingu Jónu
Þórðardóttur, í gær.
„Ég gerði Ingu Jónu það Ijóst að
ég sætti mig ekki við flutning á
fréttatímanum aftur til klukkan
átta vegna þcss að með því erum
við einfaldlega að færa Stöð 2
áhorfendur á silfurfati. Niður-
stöður skoðanakannana hafa sýnt
að við bókstattega jörðum Stöð 2
þegar að fréttum kemur. Ég veit að
ég er bestur en ég vil líka vera
fyrstur, “ sagði Ingvi Hrafn.
í samtölum við DV hefur Ingvi
Hrafn ásakað Ingu Jónu um að
fara offarí í baráttu sinni fyrir því
að ttytja fréttatíma sjónvarps aftur
til klukkan átta og líkt því við
hermdarverk gagnvart hagsmun-
um ríkisútvarpsins. Er ummæli
Ingva Hrafns voru borin undir
Ingu Jónu í gær boðaði hún frétta-
stjórann á sinn fund og þar laust
þeim saman.
„Niðurstaða þessa fundar varð
hins vegar sú að stefnt verður að
þvíað bæta við nýjum fréttatímum
klukkan 1S og 22.30 auk fréttatím-
ans klukkan 20. Þá ræddum við
einnig þann möguleika að koma
fram tækjum í útsendingarsal
þannig að hægt yrði að senda
Inga Jóna Þórðardóttir. Ræður
hún?...
fréttir út fyrirvaralaust ef nauðsyn
krefði, “ sagði Ingvi Hrafn.
Já verða fréttir áfram kl. 19:30,
flytjast þær til kl. 20:00 á nýjan
leik? Verða þær fluttar fram til
klukkan 18:00 og endursýndar síð-
an aftur scint um kvöldið? Eða
verður þeim sjónvarpað allan sól-
arhringinn. Þá hugmynd styður
Garri enda hefur það sýnt sig að
fréttir sjónvarpsins eru langvin-
sælasta efni þess.
Allt frá upphafi sjónvarpsins
hcfur fréttatíminn hafist kl.20:00 á
kvöldin og hefur sá tími verið
þaðan í frá einn af viðmiðunar-
punktum íslendinga hvað sólar-
hringnum líður.
Þessi tími hefur hcntað okkur
vel. Frá því íslendingar fóru að
borða kvöldmat eins og gerist og
gengur hjá siðmcnntuðum
þjóðum, hefur sú athöfn hafíst
nákvæmlega kl. 19:00 nema hjá
einstaka sérvitringum sem lært
hafa aðra siði erlendis.
Strax og klukkuslætti útvarpsins
Ingvi Hrafn Jónsson ... eða hann?
lýkur fá menn sér á diskana, hús-
bóndinn segir börnum að þcgja og
síðan er matast í rólegheitum með-
an sagt er frá stríði, nauðungarupp-
boðum og stjórnarslitum eða öðru
álíka. Sagt er að til séu þau heimili
þar sem illa gengur að láta börnin
hætta að tala einmitt á þessum
tíma en Garri fullyrðir að þannig
sé það ekki á hans hcimili - nema
stundum.
Þá er til að taka að kvöldmat
lýkur og er þá klukkan að verða
hálf átta. Þá er eftir að taka til af
borðum, vaska upp og hella upp á
könnuna. Þegar þessu er lokið
passar alveg upp á mínútu að koma
sér fyrir í sætinu og byrja á horfa á
fréttirnar í sjónvarpinu, það er að
segja ef þær byrja klukkan átta.
Af framansögðu eru Ijóst hvaða
skoðun Garri hefur á fréttatíma
sjónvarpsins. Hann vill einnig láta
það koma fram að honum er bjart-
anlega sama hvenær fréttatímar
Stöðvar 2 eru því á þær horfir hann
ekki.
Garri.
VÍTTOG BREITT
RUGL OG AFRUGL
Samkeppnin milli hljóð- og sjón-
varpsstöðva er farin að taka á sig
kunnuglegar myndir. Hún er nátt-
úrlega heilbrigð eins og vera ber,
og eins og allir vita er frjáls sam-
keppni forsenda góðrar þjónustu
og kemur fyrst og fremst neytand-
anum til góða.
Þegar nýju samkeppnisútvarps-
lögin voru sett var Ríkisútvarpið
ekki seint á sér að hefja samkeppn-
ina. Þar sem við engan var að
keppa á þeim tíma hóf útvarpið
samkeppnina við sjálft sig. Skarpt
kynslóðabil var búið til og ungl-
ingarás var sett á laggirnar þar sem
auglýsingar voru spilaðar og
sungnar.
Nú kvað þetta rásargrey orðið
úrelt og farlama og að því komið
að geispa golunni, enda önnur
samkeppni fengin. Ný útvarpsstöð
er rekin við hlið þeirrar gömlu og
takmarkaðar auglýsingar dreifast á
fleiri aðila.
Ekki hefur orðið vart teljandi
glímuskjálfta á milli hljóðvarp-
anna, enda láta þau hvort annað í
friði og útvarpa st'num fréttum og
öðrum dagskrárliðum án afskipta
hvort af öðru.
Klögumálin ganga á víxl
Samkeppni sjónvarpsstöðvanna
er með allt öðrum blæ. I þær sex
vikur sem Stöð 2 hefur starfað,
ýmist rugluð eða afrugluð, hefur
allt verið í hers höndum. Klögu-
málin um óheiðarlega samkeppnis-
hætti ganga á vtxl, fréttatímar eru 1
á rúllandi ferð fram og til baka og
fréttastjóri ríkissjónvarpsins og
formaður útvarpsráðs senda hvor
öðrum tóninn svo undir glymur í
öllu fjölmiðlaveldinu.
Menn vilja ekki aðeins vera
bestir heldur einnig fyrstir. Þegar
metnaðarfullir kappar eigast við
hlýtur eitthvað að láta undan i svo
hatrammri brýnu.
Fyrir áhorfendur
eða starfsfólk?
Engum afruglara verður við
komið til að forða áhorfendum
undan fréttatímastríðinu. Ríkisút-
Ánægjustund við gangsetningu Stöðvar 2.
varpið hefur gert Félagsvísip.da-
stofnun út til að komast að vilja
neytenda um hvenær þeir kjósa að
glápa á fréttaútsendingar. En þaö
sem hentar meirihluta glápenda
kemur ekki endilega saman við
sjónarmið þeirra sem eru og vilja
vera bestir og fyrstir.
Það fer að verða álitamál hvort
verið er að reka umfangsmikla
rafeindafjölmiðlun fyrir starfsfólk-
ið eða fyrir þá sem heita á að verið
sé að skemmta og upplýsa.
Engum ætti að þurfa að koma á
óvart að auglýsingaframboð er
ekki ótakmarkað í fjölmenninu á
íslandi. Ríkisútvarpið er nú farið
að óttast um sinn hag á þeim
vettvangi og auglýsa línurit um
dreifikerfið, sem á að sanna hvílík-
ur búhnykkur það er að auglýsa í
ríkisfjölmiðlunum miðað við
einkaframtaksstöðvarnar.
Það er eins og við manninn mælt
að eigendur einkaframtaksins
segja allt fals og lygi um auglýsinga-
mátt Ríkisútvarpsins og enn hefur
■síðasta orðið ekki verið sagt í því
deilumáli.
Forstjórar auglýsingastofanna
segjast vera í miklum vanda því þá
vanti nauðsynlegar upplýsingar um
hlustun og gláp og vita lítið um
áhrifamátt þeirra auglýsinga, sem
þeir koma á framfæri og aðrir
borga fyrir. Þama vantar enn einn
afruglara.
Upplýsingamiðlunin er orðin
margföld að umfangi miðað við
það sem áður var en sannast sagna
bætist lítið við af eiginlegum upp-
lýsingum. Sömu auglýsingarnar
dreifast a fleiri útvarpsstöðvar og
fréttaflutningurinn er mikið til hinn
sami.
En það er þó altént munur fyrir
þá fréttaþyrstustu að geta hlustað
og horft á fréttir í hálfan annan
tíma samfleytt. Hægt er að hlusta
á fréttir hljóðvarpa kl 19.00, ríkis-
sjónvarpið sendir þessa dagana út
fréttir milli kl. 19.30 og 20.00 og þá
tekur einkasjónvarpið við. Þá er
maður búinn að fá allt það merk-
asta sem skeð hefur þann daginn
þrisvar sínum og horfa á sömu
fréttamyndirnar tvisvar.
Samkeppnin á samkvæmt bók-
inni að virka örfandi á þá sem taka
þátt í henni og hvetja til dáða.
Formúlan segir einnig að sú sama
samkeppni komi neytendum fyrst
og fremst til góða með betri og
ódýrari þjónustu, að blessuðu val-
frelsinu ógleymdu.
Keppnin um að vera bestur og
fyrstur mun halda áfram og þjón-
ustan við almenning verða slík að
hann mun verða þeirri stund fegn-
astur að fá að vera í friði fyrir
margendurteknu upplýsingaflæði,
sama í hvaða röð það birtist.
OÓ