Tíminn - 27.11.1986, Síða 14
14 Tíminn
Fimmtudagur 27. nóvember 1986
BÆKUR
illlllllllliliw
Blekkinga-
vefur
eftir Phyllis A. Whitney
Komin er út ný bók í íslenskri
þýðingu eftir ástar- og
spennusagnahöfundinn Phillis A.
Whitney.
Nefnist hún Blekkingavefur og
er þrettánda bók höfundar sem
kemur út á íslensku.
Efni bókarinnar er á þá leið að
ung stúlka fær boð frá föður sínum,
sem er frægur rithöfundur, um að
hann þarfnist hjálpar hennar. Hún
hefur ekki séð föður sinn síðan hún
var bam að aldri og er á báðum
áttum, en afræður þó að fara til
hans. Þar kynnist hún hálfsystrum
sínum sem höfðu ekki hugmynd
um að hún væri til. Dularfuliir
atburðir gerast, leyndardómar
fortíðarinnar magnast...
Blekkingavefur er í senn
rómantísk og afar spennandi bók.
Bókaútgáfan Iðunn gefur út.
Magnea Matthíasdóttir þýddi.
Ný spennusaga
eftir Duncan Kyle
Háskaför
Hörpuútgáfan á Akranesi hefur
sent frá sér spennubókina
Háskaför eftir Duncan Kyle, sem
skrifaði bókina „í gildru á
Grænlandsjökli" og fleiri slíkar
bækur sem komið hafa út hjá
Hörpuútgáfunni og eru nú
ófáanlegar.
Bankastarfsmaður, sem er
fyrrverandi hermaður, kemst yfir
upplýsingar um afar verðmæta
rúbína, sem faldir vom í
frumskógum Borneo. Hann
ákveður að leggja upp í
lifshættulega ferð og freista þess
að finna rúbínana. Það kemur
fljótt á daginn að fleiri aðilar
virðast hafa sömu áform í huga og
reyna að myrða hann.
„Flóðbylgjan gnæfði yfir okkur
og þeytti bátnum hátt í loft... Ég
var að drukknun kominn og
kúgaðist þegar vatnið sogaðist
niður í lungun. í örvæntingu tókst
mér að smeygja úlnliðnum i lykkju
á linunni. Það var það síðasta sem
ég mundi."
„Ég lét mig síga af greininni og
hélt um kaðalinn báðum höndum.
Sársaukinn var óþolandi,
núningurinn brenndi vaxborna
dúkinn í lófunum og litaði hann
blóði mínu. Ég reyndi að hægja
ferðina og við það varð sársaukinn
enn kvalafyllri. Hve langt var
eftir...?“
„Dakotavélin virtist hggja
þarna eins og á dýnu ofan á
trjákrónunum. Ég fór inn um
opnar dyrnar. Beinagrind sat í
ólum í sæti
aðstoðarflugmannsins,
hauskúpan hallaðist aftur á bak
með glotti miklu... Égvar kominní
eigin líkkistu með beinagrind að
félaga.. En þama lá
tundurskeytið. Mér tókst að losa
síðasta fleyginn og tundurskeytið
rann af stað, tuttugu feta
sprengja sem ekkert fengi
stöðvað..."
Háskaför er spennubók af bestu
gerð. Duncan Kyle kann
sannarlega að halda lesandanum,
við efnið. Látlaus samfehdur hraði
frá fyrstu til síðustu blaðsíðu.
„Harðsvíruð og æsheg
atburðarás." - DaUy Telegraph
„Frábær bók, hvergi dauður
punktur. “ — DaUy MaU
„Duncan Kyle er einn af
meisturunum. “ — DaUy
Telegraph.
Háskaför er 194 bls. Þýðandi er
Hersteinn Pálsson. Prentun og
bókband er unnið í Prentverki
Akraness hf. Káputeikning er eftir
Kristján Jóhannsson.
RAÚNHF.lÐi'R
;
1
;;
|
;;
Gestur — íslenskur fróðleikur,
gamall og nýr.
í þriðja sinn heUsar Gestur
lesendum sínum. í þessu bindi er
að finna meira af áður óprentuðu
efni en í hinum fyrri. Hér er
reynslusaga bóndakonu af
Ströndum sem segir frá örðugri
lífsbaráttu. Annar höfundur birtir
minningu um smalahund og segir
frá dulrænni reynslu við
húskveðju. Umsjónarmaður
ritsins rekur sögu Gísla
Magnússonar Hólabiskups og
þrekvirki hans við hin erfiðustu
skilyrði. Þá eru frásagnir af
minnisverðum mönnum,
utangarðsfólki í Reykjavík á síðari
hluta nítjándu aldar og
þingskörungum þjóðarinnar á
sama tíma. Margt fleira efni er í
bókinni. Það sem áður hefur birst
á prenti er flestum ókunnugt um
enda efnið grafið af torgætum
ritum og blöðum og má með sanni
segja að Gils Guðmundsson, sem
tók bókina saman, sé manna
fundvísastur á gott frásagnarefni
af þessu tagi.
Gestur er í senn fræðandi
ritsafn og góð sagnaskemmtun,
vitnisburður um alþýðlega
frásagnarlist sem lifað hefur með
þjóðinni.
SHEIIiV KITZINGER
Nefnist hún Glennur og
glappaskot.
íbókarbyrjunsegirsvo: „Ágætu
lesendur! Þið eruð með sögulega
bók í höndunum. Starfsfólk
teiknimyndasagnadeildarinnar
beitti samanlagðri orku sinni og
hæfileikum til að fá herra Franquin,
teiknarann snjalla til að heimila
endurútgáfu á nokkrum blaðsíðum
úr tímaritinu Sval frá árinu 1957. En
á þeim blöðum börðu menn
náunga nokkum augum hið fyrsta
sinn.... Við bjóðum ykkur nú að hta
á þessar gömlu teikningar (sem
ekki hafa áður komið út í
bókarformi) og eram þess fullviss
að Franquin bregst ykkur ekki
frekar en fyrri daginn - og ekki
heldur hugarfóstrið hans
ógleymanlega. “
Hér er þvi um sögulega útgáfu á
Viggó viðutan að ræða, sem
aðdáendur hans munu taka fegins
höndum. Höfundur er Franquin.
Bjami Fr. Karisson þýddi. Bókin er
prentuð í Belgíu.
Efþú
bara vissir
Dóra í dag
eftir Ragnheiði Jónsdóttur
Dóra í dag er áttunda og síðasta
bókin í nýrri útgáfu Iðunnar á
sagnaflokki rithöfundarins
góðkunna, Ragnheiðar
Jónsdóttur, um Dóru og vini
hennar og er sagan hér sögð frá
sjónarhóli Dóru.
Bókin er algjörlega sjálfstæð að
efni og frásögn. Dóra og Kári koma
heim frá Englandi að loknu námi
og virðast eiga glæsta framtíð fyrir
sér á listabrautinni. En ýmsar
blikur virðast þó á lofti. Þótt Kári
hafi náð heilsu að nýju, er eins og
eitthvað hvíli þungt á honum og
Dóru finnst hann fara á bak við
sig. En hennar er líka freistað með
einstæðu tilboði um ævintýraferð
á framandi slóðir.
Bækurnar um Dóru og vini
hennar eru sígildar og njóta
stöðugra vinsælda, enda var
Ragnheiður Jónsdóttir meðal
listfengustu rithöfunda á sinni tíð.
Bókaútgáfan Iðunn gefur út.
Ragnheiður Gestsdóttir gerði
kápumynd.
Gestur III
Safnrit um
þjóðlegan fróðleik
Komið er út hjá Iðunni safnritið
Konan, kyn-
reynsla kvenna
Komin er út ný bók hjá Iðunni
sem nefnist Konan, kynreynsla
kvenna. Höfundur hennar er
Sheila Kitzinger..
Flestar bækur sem skrifaðar
hafa verið um kynlíf kvenna fjalla
um konur, en byggja ekki á
reynslu kvennanna sjálfra.
Höfundur þessarar bókar hefur
hins vegar vísvitandi upprætt
allar þær hugmyndir um kynlíf
kvenna og tilfinningar sem ekki
koma heim við beina reynslu
þeirra. - Út frá þeirri skoðun að
kynlíf sé í ríkum mæli háð flestu
því sem fyrir kemur í lífinu er hér
fjallað um ýmsa tilfinningalega og
líkamlega þætti þess frá unga
aldri til efri ára.
Bókaútgáfan Iðunn gefur út.
Þýðendur bókarinnar eru:
Álfheiður Kjartansdóttir,
Guðsteinn Þengilsson, læknir,
Áskell Kárason, sálfræðingur.
GJJENNUR OG-
GLAPPASKOT
Viggó viðutan
Ný teiknimyndasaga
Út er komin ný teiknimyndasaga
i flokknum um Viggó viðutan.
ný unglingabók eftir
Helgu Ágústsdóttur
Komin er út ný bók eftir höfund
metsölubókarinnar Ekki kjafta
frá, Helgu Ágústsdóttur.
Nýja bókin nefnist Ef þú bara
vissir og fjallar um lifið og
tilveruna frá sjónarhóli
unglingsstúlkunnar Sigrúnar,
sem á ýmislegt sameiginlegt með
jafnöldrum sínum: Það er ekki
sérstaklega gaman að eiga
foreldra sem eru tímaskekkja, og
litið fjör þegar vinirnir eru byrjaðir
með einhverjum og hafa engan
tíma lengur.
Ætli það auðveldi ekki tilveruna
að fara í vinnu til Mallorca? Lendir
maður þá í tómri vitleysu...
Söguhetjan í Ef þú bara vissir
stígur aftur fótum á gamla
föðurlandið eftir viðburðaríkt
sumar við Miðjarðarhaf, sumar
sem fór öðruvísi en nokkurn óraði
fyrir.
Bókaútgáfan Iðunn gefur út.
ERLIN8 POULSEN
LAUSNAR
GJALDIÐ
Ný bók eftir
Erling Poulsen
Lausnargjaldið
Út er komin hjá Hörpuútgáfunni
á Akranesi ástarsagan
Lausnargjaldið eftir danska
rithöfundinn Erling Poulsen.
Þetta er 11. bókin í bókaflokknum
Rauðu ástarsögurnar.
Kit Tanning var 19 ára
hjúkrunarnemi, sem bjó með
föður sínum. Kvöld nokkurt þegar
hún var nýsofnuð á heimih þeirra,
vaknaði hún við hvell frá
skammbyssuskoti. Síðan heyrði
hú veika rödd, sem kallaðiáhjálp.
Hún flýtti sér í þá átt sem hljóðið
kom úr. Þar lá ungur maður á
blautri jörðinni. Blóð streymdi úr
sári á höfði hans. Hvað hafði
komið fyrir?
Útvarpið lýsti eftir Curd Stiig
barón 21 árs, sem var ákærður
fyrir hryðjuverk. Einnig var sagt
frárániáráðherrasyni, Rolf Lou 10
ára og lausnargjaldi sem
mannræningjarnir kröfðust.
Hvaða samband var á milli
þessarra atburða? Hvar var
ráðherrasonurinn ungi, falinn?
Hin unga Kit Tanning var á
svipstundu komin í hringiðu
dularfullra atburða, þar sem
hryðjuverkahópur lék lausum
hala. Aftur og aftur sá hún fyrir sér
fallegt andlit unga mannsins með
blikandi blá augu undir gullnu
hári. Hver var hann? Vegir
ástarinnar liggja í margar áttir og
eru stundum þymum stráðir. Það
fékk Kit svo sannarlega að reyna.
Lausnargjaldið er 167 bls.
Þýðandi er Skúli Jensson. Prentun
og bókband: Prentverk Akraness
hf.
m ívcstxcciicr(\
Cu
Úr snöru
fuglarans
Lokabindi uppvaxtarsögu
Jakobs Jóhannessonar
Út er komin hjá Máli og
menningu bókin Úr snöru
fuglarans eftir Sigurð A.
Magnússon. Er hún lokabindið í
uppvaxtarsögu Jakobs
Jóhannessonar; fyrri bindi
bókaflokksins eru Undir
kalstjörnu, Möskvar
morgundagsins, Jakobsglíman
og Skilningstréð.
Jakob hefur nú lokið
stúdentsprófi; hann er altekinn
frelsiskennd og haldinn
hamslausri útþrá: „Mér virtust
alhr vegir vera færir, en framtíðin
var óráðin afþví ég vissi ekki gerla
hvað gera skyldi við nýfengið
frelsi. “ Hér segir af fyrstu
utanlandsför Jakobs, þátttöku
hans í kristOegu starfi og innri
baráttu vegna freistinga
ástarinnar. Einkum eru það kynni
af finnskri stúlku sem hafa
djúpstæð áhrif á Jakob, og verður
sérstæð ástarsaga þeirra rauður
þráður bókarinnar. Líkt og í fyrri
bókum uppvaxtarsögunnar
fléttar höfundur saman
þroskasögu ungs manns og
myndir úr sögu þjóðar; á þessum
árum í kringum 1950 ræðst líka
framtíð hins unga lýðveldis.
Úr snöru fuglarans er 294 bls.
að stærð og unnin að öllu leyti í
Prentsmiðjunni Odda hf., Teikn
gerði kápu.