Tíminn - 27.11.1986, Síða 15

Fimmtudagur 27. nóvember 1986
Ný bók um Grænland eftir
franska landkönnuðinn
Louis Rey í þýðingu Sig-
rúnar Laxdal.
Grænland
Kristalsheimur
Út er komin bók um Grænland
eftir franska landkönnuðinn Louis
Rey sem marg sinnis hefur verið
hér á landi, síðast í haust á
ráðstefnu náttúrufræðinga. Var
þá haft viðtal við hann í
sjónvarpinu.
Um bókina segir í káputexta:
„ Grænland, eylandið mikla sem
íslendingar bættu við
heimsbyggðina, hefur reyndar
ávallt síðan Eiríkur rauði leit það
fyrst utan af hafi verið heimshluti
leyndardómanna og er það enn.
Það laðaði til sín sægarpa,
trúboða, kaupmenn og hermenn,
og margir þeirra áttu aldrei
afturkvæmt. Og það hefur í
aldaraðir verið óskaland hinna
sérstæðu inúíta sem einir manna
virðast ekki hafa bliknað
andspænis hinni mikilúðlegu
náttúru.
Enn varðveitir hin grænlenska
þjóð að einhverju marki menningu
feðra sinna, en er um leið komin
algerlega á vald hinnar vestrænu
menningar. Hverju breytir það?
Víðkunnur franskur
landkönnuður, Louis Rey, fjallar
um þetta kristalsríki
norðurhjarans, sögu þess, náttúru
og íbúa, sem hann hefur kynnt sér
rækilega bæði af heimildum
víðsvegar að, sumum óþekktum
til þessa, og af athugunum sem
hann hefur sjálfur gert á ferðum
sínum um landið. Hann lýsir því
hvernig þessi ásjóna norðursins
brýst smám saman fram úr þoku
goðsagnanna og hann lyftir
hulunni af mörgum leyndardómi
sem hvilt hefur yfir þessu landi."
Bókin veitir geysimikinn
fróðleik um grannann í vestri,
bæði fyrr og nú. í henni eru margar
myndir, bæði svart-hvítar og í lit.
Prentvinnu og bókband hefur
Prentsmiðjan Oddi annast.
Útgefandi er Almenna
bókafélagið.
Saman í hring
eftir Guðrúnu Helgadóttir
Komin er út ný bók eftir
Guðrúnu Helgadóttur rithöfund
og alþingismann. Guðrún er
lesendum íslenskra barnabóka
löngu góðkunn og er þetta tíunda
bók hennar. Nefnist hún Saman í
hring og er sjálfstætt framhald
bókarinnar Sitji guðs englar, sem
út kom fyrir þremur árum.
Við endurnýjum hér kynnin af
fjölskyldunni í þeirri sögu og
fylgjumst með næstelstu
systurinni, Lóu-Lóu, og öllum
hinum krökkunum í amstri, gleði
og sorg á umrótatímum, reynslu
þeirra og upplifun af umhverfi
sínu, lífsbaráttu og furðuheimi
fullorðinna!
Rík kímnigáfa og næmur
skilningur höfundar á
viðfangsefni sínu nýtur sín hér til
fulls.
Bókin er gefin út hjá
Bókaútgáfunni Iðunni. Sigrún
Eldjám gerði myndirnar.
Bók um
Sigurjón
Listasafn Sigurjóns Ólafssonar
hefur gefið út árbók safnsins
1986. Þessi fyrsta árbók er helguð
minningu listamannsins, og
meðal efnis má nefna greinar eftir
nokkra vini Sigurjóns erlendis,
frumort kvæði eftir dönsku
skáldin Hans Molbjerg og
Susanne Lyngborg við nokkrar
myndir Sigurjóns og annarra
íslenskra listamanna og grein eftir
danska listfræðinginn Peter
Eriksen um hinar umdeildu
myndir Sigurjóns á
Ráðhústorginu í Vejle á Jótlandi.
Enn fremur er skýrsla um
byggingarframkvæmdir safnsins
og starfsemi þess á árinu 1985
ásamt ársreikningum og nöfnum
stuðningsmanna.
Bókin, sem er 84 blaðsíður, er á
íslensku og dönsku og hana prýðir
fjöldi ljósmynda. Hún fæst hjá
safninu á Laugarnesi og
bókaforlagið Svart á hvítu annast
dreifingu í bókabúðir.
Ný ævintýrabók frá Namiu
Sigling
dagfara
eftir C.S. Lewis
Almenna bókafélagið hefur
sent frá sér nýja barna- og
unglingabók eftir C.S. Lewis,
þriðju bókina í ævintýraflokki
hans frá Narníu. Þýðandi er
Kristín R. Thorlacius og
myndirnar eftir Pauline Baynes.
Hér er Játvarði og Lúsíu enn á
Tíminn 15
ný stefnt inn í töfralandið Narníu,
í þetta sinn fara þau þangað í
gegnum mynd af skipinu Dagfara.
Með þeim er í för dálítið
leiðinlegur frændi þeirra, Elfráður
Skúti.
Börnin hitta Kaspían
konungsson á skipinu sem er
ásamt fríðu föruneyti á siglingu
austur á bóginn í leit að sjö vinum
sínum sem hafa horfið. Þau finna
og kanna ókunn lönd og lenda í
ýmsum vanda, ekki síst Elfráður.
Sú reynsla sem börnin verða fyrir
hefur á þau mikil áhrif, og þegar
þau sigla heim eftir að hafa komist
austur undir heimsenda eru þau
breytt fólk, að minnsta kosti
Elfráður Skúti.
Bókin er 259 bls. með mörgum
myndum. Prentverk Akraness
hefur annast prentvinnu og
bókband.
Sven Nordqvíst
Hænsna-
þjófurinn
eftir Sven Nordqvist
Hænsnaþjófurinn er
bráðskemmtileg barnabók prýdd
fjölda mynda eftir höfundinn Sven
Nordqvist. Þetta er önnur bókin
sem kemur út á íslensku eftir
hann og segir frá þeim Pétri og
Brandi kettinum hans.
Dag nokkurn kemur nágranni
þeirra í heimsókn og segist ætla á
refaveiðar. Hvað finnst Pétri og
Brandi um það? Hvernig fara þeir
að því að bjarga bæði refnum og
hænsnunum?
Bókaútgáfan Iðunn gefur út.
Þorsteinn frá Hamri þýddi.
Valli og
snæálfarnir
Út er komið íslenska
söngævintýrið Valli og
Snæálfarnir eftir Gylfa Ægisson.
Ævintýrið gerist í Snæfellsjökli á
Snæfellsnesi og gerast þar
dularfullir atburðir sem Valli og
hundurinn hans Kobbi, lenda í
með vinum sínum Snæálfunum.
Fjöldi ungra leikara kemur fram á
plötunni ásamt hundinum Kobba,
Gylfa Ægissyni, og síðast en ekki
síst Hemma Gunn sem er
sögumaður og auðvitað
jökulhress að vanda. Allur
hljóðfæraleikur er í höndum Gylfa
Ægissonar sem einnig samdi
lögin og textana og sá um
upptöku og útsetningar auk þess
sem hann myndskreytti albúmið
að framan. Platan er í steríó og fór
upptakan fram á þessu ári, í
Stúdíó Stjörnu Grænukinn 7,
Hafnarfirði.
Útgefandi plötunnar er Stúdíó
Stjaman, dreifing Fálkinn hf.
PR OFKJOR
ÁSTU RAGNHEÐI
í Annað Sætið
Ásta Ragnheiður
Jóhannesdóttir er
landsþekkt fyrir farscel
störf að fjölmiðlun og
ferðamólum.
Fylkjum okkur um Ástu
Ragnheiði í 2. sœti í
prófkjöri Framsóknar-
manna í Reykjavík
29.-30. nóvember.
Stuðningsmenn.
FRAMSÓKNARFLOKKSINS
Skoðanakönnun á Vestfjörðum
Skoðanakönnun um röðun á framboðslista framsóknarmanna í
Vestfjarðarkjördæmi fyrir næstu alþingiskosningar fer fram dagana 6.
og 7. desember 1986.
Eftirtaldir hafa gefið kost á sér í skoðanakönnunina:
Ólafur Þ. Þórðarson,
Pétur Bjarnason,
Sigurður Viggósson,
Sveinn Bernódusson,
Þórunn Guðmundsdóttir.
Egill H. Gíslason,
Guðmundur Hagalínsson,
Gunnlaugur Finnsson,
Heiðar Guðbrandsson,
Jón Gústi Jónsson,
Magdalena Sigurðardóttir,
Skoðanakönnunin er opin öllum heimilisföstum Vestfirðingum sem
eru fæddir fyrir 1. janúar 1972 (það er verða 16 ára á kosningaári) og
lýsa yfir því að þeir styðji stefnu Framsóknarflokksins og séu ekki
félagar í öðrum stjórnmálaflokki.
Utankjörstaðaatkvæðagreiðsla fer fram frá 25. nóvember nk. hjá
forsvarsmönnum Framsóknarfélaganna í hverju sveitarfélagi sem
annast framkvæmd skoðanakönnunarinnar. Einnig á skrifstofu flokks-
ins að Rauðarárstíg 18 Reykjavík.
Kjörstaðir verða opnir kjördagana í flestum sveitarfélögunum og
auglýstir nánar á hverjum stað. Allar nánari upplýsingar gefur
formaður kjörstjórnar Sigurgeir Magnússon Patreksfirði í símum
1113 og 1320.
Kjörstjórn.
PRÓFKJÖR í REYKJAVÍK
UTANKJÖRFUNDARKOSNING
Utankjörfundarkosning vegna prófkjörs Framsóknarflokksins í
Reykjavík, vegna komandi alþingiskosninga fer fram dagana 21 .-28.
nóvember á skrifstofu flokksins að Rauðarárstíg 18, kl. 13-15.
Kjörstjórn.
PRÓFKJÖR I REYKJAVÍK
Prófkjör Framsóknarflokksins í Reykjavík, vegna komandi alþingis-
kosninga fer fram á skrifstofu flokksins að Rauðarárstíg 18 laugardag
29. nóvember, kl. 11-21 og sunnudag 30. nóvember kl. 10-16.
Kjörstjórn.
Aðalfundur
Félags ungra framsóknarmanna á Akranesi verður haldinn í Fram-
sóknarhúsinu að Sunnubraut kl. 20.00 mánudaginn 1. des. Venjuleg
aðalfundarstörf.
Stjórnin.
Borgnesingar nærsveitir
Spilum félagsvist í samkomuhúsinu í Borgarnesi föstudaginn 28.
nóvember kl. 20.30.
Allir velkomnir.
Framsóknarfélag Borgarness
Drögum vel úr ferð
við blindhæðir og brýr.
GÓÐA FERÐ!
aUMFERÐAR
RÁD