Tíminn - 28.11.1986, Blaðsíða 5
Föstudagur 28. nóvember 1986
Tíminn 5
Spá um efnahagshorfur íslendinga áriö 1987:
Jón Helgason landbúnaðarráðherra:
Ríkisstjórnin mun
standa við sitt
- varðandi greiðslur til bænda fyrir afurðir sínar
búvörulögin segja til um
eins og
Utandagskrárumræður fóru fram
á Alþingi um yfirlýsingar afurðasal-
anna um að þær gætu ekki staðið við
samningsbundnar greiðslur til
bænda.
Málshefjandi, Hjörleifur Gutt-
ormsson (Abl.Au.) spurði landbún-
aðarráðherra hvað ríkisstjórnin
hefði gert og hvað hún hygðist gera
varðandi vandamál afurðastöðv-
anna, sem teldu sig ekki geta staðið
við lögbundnar greiðslur til bænda
vegna mjólkurafurða og kindkjöts í
næsta mánuði.
Afurðalánin fengjust ekki af-
greidd frá viðskiptabönkunum eins
og lofað hefði verið. Sagði Hjörleif-
ur að þetta væri skipulagi bankamála
að hluta að kenna, því ríkisbankarn-
ir gætu ekki staðið við sínar greiðslur
vegna samkeppnisaðstöðu, þar sem
einkabankarnir þyrftu ekki að sinna
slíkum málum.
Jón Helgason landbúnaðarráð-
herra sagði að menn rykju upp og
ræddu staðgreiðslulánin og skil ríkis-
stjórnarinnar á hverju hausti, en
engu að síður hefði ríkisstjórnin
ávallt staðið við sínar skuldbinding-
ar.
Viðskiptaráðherra og landbúnaðar-
ráðherra hefði verið falið að leysa
þetta mál nú og óskað hefði verið
eftir að viðskiptabankarnir framfylg-
du bókun ríkisstjórnarinnar frá í
mars 1985. Viðskiptaráðherra
mundi sjá um að málinu yrði
framfylgt.
Egill Jónsson (S.Au.) sagði ekki
vera meiri drátt á þessum málum en
venjulega og gagnrýndi tillitsleysi og
vanmat Hjörleifs Guttormssonar á
framleiðsluréttindum bænda í þessu
landi.
Davíð Aðalsteinsson (F.Ve.)
hvatti ríkisstjórnina til að standa sig
í þessu máli, því brýnt væri að hagur
afurðasalanna væri í lagi. Nauðsyn-
legt væri að tryggja fjölbreytta bú-
vöruframleiðslu og aukna markaðs-
sókn og því yrði að binda enda á
fjársvelti afurðastöðvanna.
Jón Kristjánsson (F.Au.) sagði að
bændum hefði með búvörulögunum
verið tryggt grundvallarverð fyrir
framleiðslu sína við afhendingu og
við það bæri að standa þó ljóst væri
áð sérstakrar lánafyrirgreiðslu væri
þörf í því sambandi. Trygging stað-
greiðslu hefði verið forsenda stuðn-
ings síns við búvörulögin og treysti
hann því að málið yrði leyst. í sama
streng tók Davíð Aðalsteinsson í
sinni ræðu.
Friðjón Þórðarson (S.Ve.) sagði
að meginskýringin á vöntun fjár frá
viðskiptabönkunum væri breyttar og
minni niðurgreiðslur, en bankarnir
afgreiddu nú 6% lægri upphæð af
óniðurgreiddu afurðaverði og teldu
sig þar með standa við sínar skuld-
bindingar, sem miðuðust við 74% af
niðurgreiddu afurðaverði.
Málshefjandi sagðist vjsnta þess
að innistæða væri fyrir orðum land-
búnaðarráðherra og sagði jafnframt
að niðurgreiðslubreytingin tengdi
fjármálaráðherra viðdæmið. Banka-
kerfið stæði ekki við sinn hlut vegna
aðgerða ríkisstjórnarinnar í banka-
málum.
1 lok umræðunnar sagði Jón
Helgason landbúnaðarráðherra að
ekki kæmi annað til greina en að
bókun ríkisstjórnarinnar um afurða-
lánin frá í mars 1985 gengi fram og
við hana yrði staðið.
ÞÆÓ
Þorsteinn Pálsson
spáir 5% verðbólgu
og vill dreifa kjarasamningum sem mest yfir árið
Stjórnunarfélag íslands efndi til sýndi einnig að þjóðarbúskapur
spástefnu um þróun og horfur í
efnahagsmálum fyrir árið 1987 í
gær.
í upphafi spástefnunnar spáði
Þorsteinn Páísson fjármálaráð-
herra fyrir um þróun efnahagsmála
árið 1987.
Þorsteinn lagði áherslu á nokkur
meginmarkmið, svo sem hækkun
þjóðartekna um 3% vegna aukins
hagvaxtar, aukinn jöfnuð í við-
skiptum við önnur lönd gegn því
að þjóðarútgjöld fari ekki fram úr
2% milli áranna ’86 og ’87, næg
atvinna verði fyrir hendi og ekki
verði ofþensla á vinnumarkaði
ásamt stöðugu verðlagi sem hægt
væri að ná með heildaraðgerðum.
Ef þessum markmiðum yrði náð,
þá gæti verðbólgan farið niður
undir 5%. Þorsteinn sagði að
endurnýjun kjarasamninga nú og
kosningar á næsta ári væru nokkuð
stórir óvissuþættir og reynslan
Þorsteinn Pálsson
spástefnunni í gær.
ræðustól á
fslendinga getur breyst snögglega í
hag eða óhag eftir því sem ytri
skilyrði breytast. Hins vegar sá
Þorsteinn engin slík skilyrði á
næsta leiti.
Þorsteinn fjallaði meira um
kjarasamninga í ræðu sinni og
sagði um þá m.a. að draga þyrfti úr
miðstýringu samningagerðar og
dreifa samningum til þess að
minnka sveiflur í efnahagslífinu af
völdum þeirra. Þannig gætu fyrir-
tæki sem stæðu sig vel haft meiri
áhrif og möguleika í samkeppninni
um vinnuaflið. Þá sagði Þorsteinn
að nauðsynlegt væri að opna landið
meira fyrir erlendum fjárfesting-
um. Tekjuöflunarkerfi ríkisins
þyrfti að endurskipuleggja og væri
ixumvarp til tollalaga og frumvarp
til virðisaukaskatts auk fleiri
stjórnarfrumvarpa skref í þá átt.
Ragnar Árnason lektor greindi
frá áliti sínu á efnahagshorfum
fyrir árið 1987.
Hann gerði ráð fyrir töluvert
meiri verðbólgu á árinu 1987 held-
ur en Þorsteinn, eða á bilinu 11-
26%. Ragnar nefndi einnig upp-
gang sem orðið hefur í Reykjavík
á sama tíma og kreppa sé ríkjandi
nema í sjávarútvegi utan Reykja-
víkur.
Almennt spáði Ragnar styrkari
stöðu flestra gjaldmiðla, batnandi
viðskiptakjörum og yfirleitt batn-
andi stöðu atvinnuveganna á ís-
landi að landbúnaðinum undan-
teknum.
Þetta þakkaði hann m.a. aukinni
eftirspurn eftir íslenskum vörum
erlendis, lækkandi olíuverði og
batnandi viðskiptakjörum á síðasta
ári. ABS
Varaflugvöllur fyrir millilandaflug:
Kjördæmametingur
um staðsetningu
Þingmenn Norðurlands eystra vilja úttekt á
Akureyrarflugvelli sem varaflugvelli
Alþingi ályktar að fela ríkisstjórn-
inni að láta fara fram svo fljótt sem
kostur er rækilega úttekt á möguleik-
um þess að Akureyrarflugvöllur
þjóni sem varaflugvöllur fyrir milli-
landaflug Þetta er efni þingsályktun-
artillögu sem Steingrímur J. Sigfús-
son hefur flutt ásamt öðrum þing-
mönnum Norðurlands eystra.
í máli frummælanda kom fram að
•kannað yrði til þrautar og með tilliti
til nýjustu tækni hvort Akureyrar-
flugvöllur, sem fyrir er í fullum
rekstri, getur ekki þjónað þessu
hlutverki með litlum úrbótum. Taldi
hann margt mæla með Akuröyrar-
flugvelli til þessa hlutverks.
Sérstaklega taldi þingmaðurinn
það mæla með varaflugvelli á Akur-
eyri að slík starfsemi á Akureyrar-
flugvelli mundi aðeins valda óveru-
legri aukningu rekstrarkostnaðar.
Pálmi Jónsson (S.N.v.) sagði að
tillagan dræpi aðeins málinu á dreif
og efndi til kjördæmametings. Að-
flug og náttúrufarsskilyrði væru
meginatriðin í staðarvali og þar
hefði nefndarálit verið skýrt, að
Sauðárkrókur væri besti kosturinn.
„Ég ætla ekki að blanda mér í
kjördæmaslag um varaflugvöll en
undrar umræðu um varaflugvöll á
meðan hörmungarástand ríkir í mál-
efnum innanlandsflugsins" sagði Jón
Kristjánsson (F.Au.) Minnti Jón í
því sambandi á slæmt ástand flug-
vallarins á Egilsstöðum. Jafnhátt Ián
til að bæta aðstöður í innanlandsflugi
og Flugstöðin á Keflavíkurflugvelli
hefði fengið mundi breyta mörgu til
góðs.
Stefán Guðmundsson (F.N.v.)
undraði sig á þingsályktunartillög-
unni og sagði að þetta væri mál allra
íslendinga og því ekki efni
kjördæmatogstreitu. Flugtæknilega
og veðursfarlega væri Sauðárkrókur
besti kosturinn samkvæmt niður-
stöðu hæfra manna.
Hjörleifur Guttormsson
(Abl.Au.) vildi láta athuga fleiri
flugvelli, því „enginn Æðsti dómur
væri úti í þessu máli“. Með endur-
bótum á Egilsstaðaflugvelli mætti
gera hann eftirsóknarverðan í þessu
sambandi. Nærtækara væri að met-
ast um eitthvað annað en staðsetn-
ingu varaflugvallar. Væri ef til vill
ætlunin að sækja framkvæmdarfé í
slíkan flugvöll til NATO. Vitnaði
Hjörleifur til Þórarins Þórarinssonar
fyrrv. ritstjóra Tímans í því skyni og
sagðist reyndar hafa lesið skrif Þór-
arins í Tímanum sér til andlegrar
uppbyggingar á yngri árum.
Garðar Sigurðsson (Abl.N.e.) ef-
aðist um bráða nauðsyn þess að
byggja varaflugvöll, sem varla væri
notaður fyrir meira en 1-2 lendingar
á ári. Eðlilegt væri að varaflugvöllur
væri á dagskrá eftir nokkur ár. Sagði
Garðar, sem situr í Flugráði og stóð
að nefndaráliti um staðsetninu vara-
flugvallar, að öryggislega væri Akur-
eyri ekki besti kosturinn.
Frummælandi, Steingrímur J. Sig-
fússon sagði að öryggi væri aðeins
hluti málsins, aðalatriðið væri hins
vegar peningar og Akureyri væri
hagkvæmasti kosturinn. Þá hafnaði
þingmaðurinn því að hér væri um
kjördæmamál að ræða.
Stefán Guðmundsson tók aftur til
máls og sagði að í hans huga væri
verið að byggja varaflugvöll fyrst og
fremst öryggis vegna. ÞÆÓ
PÓST- OG SÍMAMÁLASTOFNUNIN
NordEx
norræn viðskiptasímaskrá
NORDEX er ný viðskiptasímaskrá, sem
símamálastjórnir Norðurlanda gefa út
sameiginlega.
I NORDEX verða allar nauðsynlegar
upplýsingar varðandi samskipti i síma og
farsíma, með telex og telefax við
útflytjendur á Norðurlöndum, ásamt
póstföngum þeirra.
NORDEX er því kjörinn vettvangur fyrir
útflutningsfyrirtæki til þess að kynna og
auglýsa starfsemi sína.
Gögn varðandi NORDEX 1987 hafa þegar
verið send flestum fyrirtækjum landsins.
Þau fásteinnig á póst- og símstöðvunum. Ef
þér óskið nánari upplýsinga hafið
vinsamlega samband með pósti eða í síma.
Pantanir þurfa að berast í síðasta lagi um
mánaðamótin nóvember-desember 1986.
NORDEX
SÍMASKRÁIN - AUGLÝSINGAR
PÓSTHÓLF 311 - 121 REYKJAVÍK
SÍMI 91-29140