Tíminn - 14.04.1987, Blaðsíða 4

4 Tíminn
Þriðjudagur 14. apríl 1987.
Matvæla- og næringarráðgjöfin:
Nýtt fyrirtæki
í gæðaeftirliti
- úttekt á búnaði, þrifum og umgengni
Matvæla- og næringarráðgjöfin cr
fyrirtæki sem sérhæfir sig í að veita
þeim aðilum sem standa að matvæla-
framleiðslu og matvælainnflutningi
þjónustu og ráðgjöf. Þetta felur
m.a. í sér að skipuleggja og koma á
fót gæðaeftirliti með framleiðslu,
sölu og dreifingu matvæla. Gæðaeft-
irlit felur m.a. í sér úttekt á búnaði,
þrifum vlnnslurása, persónulegu
hreinlæti starfsfólks og almennri um-
gengni í matvælafyrirtækjum. í lok
slíkrar úttektar er skrifuð nákvæm
skýrsla til forráðamanna fyrirtækj-
anna er þessi atriði varðar. Auk
þessa eru gerðar tillögur um skipu-
lagningu innra og ytra gæðaeftirlits.
Fyrirtækið mun standa fyrir nám-
skeiðum fyrir starfsfólk og forráða-
menn fyrirtækja, sem hafa það að
markmiði að auka þekkingu þessara
aðila á atriðum cr varða hollustu,
hreinlæti og gæði við meðhöndlun
og framlciðslu matvæla.
Fyrirtækið getur veitt upplýsingar
um þau lög og reglugerðir er gilda
hér á landi og erlendis um fram-
leiðslu, dreifingu og sölu matvæla.
Með stofnun þessa fyrirtækis vonast
aðstandendur til þess að geta veitt
fyrirtækjum sérfræðiþjónustu án
þess að hljótist mikill kostnaður,
sem óhjákvæmilega á sér stað við
fastráðningu sérhæfðra aðila.
Eigendur fyrirtækisins, þau Gunn-
ar Kristinsson og Soffía Vala Trygg-
Gunnar Kristinsson, framkvæmda-
stjóri Matvæla- og næringarráðgjaf-
arinnar.
vadóttir, bæði matvælafræðingar,
hafa mikla reynslu í matvælaeftirliti,
matvælarannsóknum og matvæla-
ráðgjöf. Menntun þeirra er m.a. á
sviði matvæiagerlafræði, matvæla-
efnafræði, næringarfræði, heilbrigð-
iseftirlits og fiskeldis.
Aðsetur fyrirtækisins er að Fiska-
kvísl 26, og fastur viðtalstími er á
núðvikudögum og föstudögum milli
13 og 16 í síma 673035.
-SÓL
lceland Review:
Þjóðsöguráþrem-
ur tungumálum
Iceland Review hefur gefið út
úrval íslenskra þjóðsagna á ensku,
þýsku og frönsku. Sögunum er skipt
í kafla samkvæmt eðli og efni sagn-
anna eftir því hvort sögurnar fjalla
um álfa, drauga, tröll eða galdra-
menn.
í hverjum kafla er um tugur
frásagna eða rúmlega fjörutíu þjóð-
sögur alls í bókinni. Sögurnar eru
myndskreyttar af Kjartani Guðjóns-
syni listmálara.
Hverri útgáfu fylgir inngangur
þýðenda og aftast eru skýringar á
ýmsum séríslenskum fyrirbærum.
Sögurnar í ensku útgáfunni eru
valdar og þýddar af hjónunum May
og Hallberg Hallmundsson, Dr. Hu-
bert Seelow valdi og þýddi sögurnar
í þýsku útgáfunni og prófessor Régis
Boyer þýddi úrval sitt fyrir frönsku
útgáfuna. Þýðendurnir telja að með
sögunum gefist útlendingum óvenju-
legt tækifæri til þess að fá innsýn í
íslenskt þjóðlíf fyrr á öldum.
Bækurnar fást í bókabúðum og
kosta 490 krónur. ABS
Ferðamálaráð íslands:
Þakkir til forsetans
Ferðamálaráðstefnan ’87 var hald-
in á vegum Ferðamálaráðs íslands á
Hótel Sögu í lok síðasta mánaðar.
upphafi ráðstefnunnar fluttu for-
menn stjórnmálaflokkanna ávörp og
lýstu stefnu viðkomandi flokks varð-
andi uppbyggingu ferðaþjónustu á
íslandi. í máli þeirra kom fram að
atvinnugreinin nýtur vaxandi skiln-
ings stjórnmálamanna og muni á
næstu árum verða einn þýðingar-
mesti atvinnuvegur þjóðarinnar.
í lok ráðstefnunnar var Markúsi
Erni Antonssyni, útvarpsstjóra fyrir
hönd Ríkisútvarpsins, afhenturFjöl-
miðlabikar Ferðamálaráðs fyrir árið
1986. Hlaut það verðlaunin fyrir
mikla og góða umfjöllun í sjónvarpi
og hljóðvarpi um ferðamál.
Ráðstefnan samþykkti að senda
forseta íslands, frú Vigdísi Finn-
bogadóttur, sérstakar þakkir fyrir
hennar ómetanlegu störf að kynn-
ingu íslands erlendis. þj
Við kynningu á nýráðnum framkvæmdastjóra Hjálparstofnunar kirkjunnar. Frá vinstri: Sr. Þorbjörn
Hl. Arnason, Sigríður Guðmundsdóttir, hjúkrunarfræðingur og framkvæindastjóri og Haraldur
Ölafsson. (Tímamynd: Bjami).
Nýr framkvæmdastjóri Hjálparstofnunarinnar:
Páskasöfnun til handa
300 munaðarleysingjum
Biður þjóðina um brautargengi á ný
Hjálparstofnun kirkjunnar er nú
að hefja störf að nýju, eftir áfall
hennar. í kjölfar þess urðu stjórn-
arbreytingar og einnig reglubreyt-
ingar, sem gera ráð fyrir mjög
miklu eftirliti og upplýsingastreymi
um störf stofnunarinnar. „Við
verðum sem opin bók,“ sagði sr.
Þorbjörn Hlynur Árnason, einn
nýkjörinna stjórnarmanna hennar.
Allt starfslið sagði upp störfum,
svo ráða mætti að nýju í stöðurnar,
- allt til að berja í trúnaðarbresti
milli Hjálparstofnunarinnar og
þjóðarinnar. Fyrir nokkru var Sig-
ríður Guðmundsdóttir, hjúkrun-
arfræðingur, ráðinn framkvæmda-
stjóri. Hún hefur starfað að mál-
efnum stofnunarinnar í þróunar-
löndunum og veit hvar skórinn
kreppir. „Hún hefur starfað úti á
akrinum, svo maður taki hátíðlega
til orða,“ sagði Haraldur Ólafsson,
stjórnarmaður. „Sigríður gerir sér
grein fyrir þýðingu Hjálparstofn-
unar kirkjunnar og veit hvar neyð-
in er mest. Hún hefur vit á að koma
til aðstoðar þar sem þess er veru-
lega þörf.“
Stefna stofnunarinnar nú er að
söfnunarfé renni beint til hjálpar-
starfsins, eins og unnt er, en minnst
til reksturs. Fyrsta verkefni
hennar, þegar hún tekur aftur til
starfa, sagði Sigríður, er Páska-
söfnunin, sem fram fer í samvinnu
við presta og söfnuði um allt land.
Þessi söfnun hefst fyrst á Akranesi
í dag með því að prestur, ferming-
arbörn hans og Lionsfélagar ganga
í hús og safna fé, til uppbyggingar
munaðarleysingjahælis fyrir tæp
300 börn í Eþíópíu, sem fjárstoð
frá íslandi bjargaði frá hungurb-
ana. „Hjálparstofnunin hefur gert
skuldbindingu við Eþíópiu sem við
viljum standa við. Við lofuðum að
styðja bygginguna með 9 milljón-
um króna. Við höfum ekki sent
nema 1,5 milljónir," sagði sr. Sól-
veig Lára Guðmundsdóttir, vara-
maður í stjórn.
Sr. Þorbjörn Hlynur sagði: „Við
verðum að standa við skuldbind-
ingar okkar. Þegar hin íslenska
þjóð getur glaðst yfir björgun
mannslífs, vegur líf 300 munaðar-
lausra barna í Eþíópiu þungt með
sama miði. Þetta er það sem við
viljum benda á.
Tekjustofnar stofnunarinnar eru
mjög ótryggir. Við biðjum þjóðina
um brautargengi á ný. Við erum að
byrja á nýjan leik.“ þj.
3 af 4 forkólfum nýju útvarpsstöðvarinnar sem enn hefur ekki hlotið nafn. Þetta eru að sjálfsögðu þeir Gunnlaugur
Helgason, sem sést hér í beinni útsendingu frá Lækjartorgi, Þorgeir Ástvaldsson, og svo loksins einn eigandi sem
ekki kemur til með að láta mjög mikið í sér heyra í útvarpinu, en þó, maður á aldrci að segja aldrei. Enginn annar
en Ólafur Laufdal, hér í hópi annarra stjarna.
Nýja útvarpsstöðin:
Verdur hún með
hefðbundnu sniði?
Hin nýja útvarpsstöð sem Hljóð-
varp stendur á bak við, mun hefja
útsendingar sínar í lok maímánaðar.
Eins og alþjóð veit eru það þeir
Ólafur Laufdal, Jón Axel Olafsson,
Gunnlaugur Helgason og Þorgeir
Ástvaldsson sem eru eigendur þess-
arar nýju stöðvar.
Að sögn Gunnlaugs Helgasonar,
eins eiganda og starfsmanns
Hljóðvarps, sóttu hátt í 300 manns
um starf við stöðina, ýmist um stöðu
dagskrárgerðarfólks, fréttamanna,
tæknimanna og fleiri störf sem fylgja
útvarpsstöð. Það eitt að 300 manns
sæki um þegar stöðin auglýsti aðeins
1 sinni, segir sitt um áhuga íslend-
inga á að starfa við fjölmiðla. Gunn-
laugur sagði ennfremur, að 10 - 20
manns kæmu til með að starfa að
dagskránni þegar hún tæki til starfa.
Starfsfólkið yrði ráðið í þessum
mánuði og þar með hefði starfsfólkið
heilan mánuð til að undirbúa sig
fyrir útsendingar.
Samkeppni er í gangi um nafn á
nýju útvarpsstöðinni, og nú þegar
hafa borist fjölmargar tillögur sem
allar eru teknar til athugunar. í
verðlaun fyrir verðlaunanafnið er
helgarferð fyrir 2 til London og það
eru eigendur og ráðgjafar Hljóð-
varps sem koma til með að velja
nafnið. Stöðinni hefur verið úthlutað
senditíðni, en það kemur ekki í ljós
strax hver hún verður.
Styrkur stöðvarinnar verður ekki
lítill, a.m.k. ekki minni en gengurog
gerist hjá RUV og öðrum útvarps-
stöðvum.
Það er hægt að segja um þessa
verðandi útvarpsstöð að hún kemur
til með að boða nýja stefnu í útvarps-
málum íslendinga. Nýr tónn verður
gefinn. Ráða Rás 2 og Bylgjan við
það? Það verður að koma í ljós.
-SÓL