Tíminn - 14.04.1987, Blaðsíða 15

Þriðjudagur 14. apríl 1987.
^■■minning 111
Tíminn 15
Guðmundur
Sveinsson
Nú er skarð fyrir skildi. Guð-
mundur Sveinsson frá Góustöðum
hefur hætt afskiptum af málefnum
ísfirðinga, eftir langan og farsælan
starfsferil. Það var ekki margt sem
honum var óviðkomandi og hann lét
verkin tala. Og þótt hann kveddi
okkur ekki, samferðamenn sína,
áður en hann hélt til fyrirheitna
landsins, þá munu vörðurnar, sem
hann hlóð í heimabyggð sinni,
standa um ókomin ár og minna
okkur á hann. Félagsmál og framfar-
ir í krafti hugsjóna og samtakamátt-
ar gætu hafa verið einkunnarorð
hans. Hann var sérstakur maður,
sem margir munu minnast. Útför
hans fer fram í ísafjarðarkirkju í
dag.
Guðmundur Sveinsson var fæddur
9. apríl árið 1913 og varð því 74 ára
daginn sem hann lést, á Landakots-
spítala í Reykjavík. Hann var mikill
samvinnumaður og framsóknarmað-
ur og hafði m.a. ætlað sér að vera
kominn heim af spítalanum fyrir
kosningarnar 25. apríl n.k., til að
leggja flokksmönnum sfnum lið. En
nú kemur hann til með að vekja
athygli með fjarveru sinni og við
söknum hans mjög.
Það yrði of langt mál að fjalla um
þau fjölmörgu viðfangsefni, sem Guð-
mundur tók sér fyrir hendur um
ævina, enda skortir mig þekkingu til
slíks. Ég mun hér minnast hans sem
bæjarfulltrúa í bæjarstjórn ísafjarð-
ar, enda áttum við á þeim vettvangi
langt og ánægjulegt samstarf.
í bæjarstjórnarkosningum 31.
janúar 1954 var Guttormur Sigur-
björnsson, skattstjóri, kjörinn
bæjarfulltrúi Framsóknarflokksins.
Á lista framsóknarmanna var margt
ágætra manna og þar á meðal Guð-
mundur Sveinsson. Guðmundur sat
fyrsta fund sinn í bæjarstjórninni 5.
desember árið 1956 og var frá þeim
tíma, meira og minna, viðloðandi
bæjarstjórnina á ísafirði. Hann var
samt ekki kjörinn aðalfulltrúi fyrr en
árið 1974, enda virtist það honum
ekki metnaðarmál að standa í sviðs-
ljósinu. Frá 1974 til ársins 1986 var
hann þó í eldlínu ísfirskra bæjarmála
og komst ekki hjá því að sviðsljósin
beindust að honum. Árið 1982 var
Guðmundur kjörinn formaður
bæjarráðs og árið 1984 varð hann
forseti bæjarstjórnar. Báðum þess-
um störfum gegndi Guðmundur með
mikilli prýði og af sérstakri sam-
viskusemi.
Atvinnumálin voru Guðmundi
Sveinssyni ávallt efst í huga, enda
hafði hann kynnst atvinnuleysi og
hörmungum þess. Hann var því
ávallt vakandi fyrir nýjum möguleik-
um á sviði atvinnulífsins og greiddi
götu þeirra, sem feta vildu ótroðnar
slóðir á því sviði. Ég minnist samtala
okkar um atvinnumálin þar sem
hann ræddi framfarir á sviði útgerðar
ogfiskvinnslu, rafeindaiðnað, tækni-
nýjungar í netagerð, loðdýrarækt og
fiskeldi, svo dæmi séu tekin. Augu
hans leiftruðu og það var ljóst, að
hugur fylgdi máli. Hann skynjaði
nauðsyn þess að atvinnulífið stæði
með blóma. Jafnframt var hann
harður málsvari undirstöðugrein-
anna, sem tilvera íslendinga byggð-
ist á að hans dómi, landbúnaðar og
sjávarútvegs. Þessar greinar voru
grunnurinn að sjálfstæði þjóðarinnar
og því bar mönnum að standa vörð
um þær.
En það var fleira, sem Guðmund-
ur Sveinsson lét sig varða. Hann var
málsvari aldraðra og æskufólks.
Þannig vann hann um árabil að
framfaramálum aldraðra og var m.a.
í byggingarnefnd Hlífar, íbúða aldr-
aðra. Heilbrigðismálin voru honum
jafnan hugleikin og er miður að
honum auðnast ekki að sjá nýja
sjúkrahúsið tekið formlega í notkun.
Ög þá eru það æskulýðsmálin.
frá Góustöðum
Ég var vanur að brosa nú í seinni
tíð, þegar Guðmundur lýsti því með
sannfæringarkrafti að þetta verkefn-
ið eða hitt þyrftum við að leysa með
sjálfboðavinnu. Ef fjöldinn hefði
hugsað eins og Guðmundur, talað
eins og hann og ekki látið sitja við
orðin tóm, þá hefði ekki verið ástæða
til að brosa. En því miður eru
breyttir tímar, frá því að Guðmund-
ur beitti sér fyrir uppbyggingu skíða-
aðstöðunnar á Seljalandsdal. Selja-
landsdalurinn verður um aldur og
ævi tengdur nafni hans, svo mjög
fórnaði hann tíma sínum og kröftum
fyrir það viðfangsefni og hvatti aðra
til dáða. Nú er Dalurinn paradís
skíðamanna, með skíðaskála,
lyftum, troðurum og öðrum tækjum,
sem nútíminn krefst. Það var þó
ljóst, að Guðmundur taldi þörf á
frekari uppbyggingu á Dalnum og er
því hér með komið á framfæri.
Eitt síðasta afrekið á sviði
æskulýðsmála, sem Guðmundi
auðnaðist að ná fram, var æskulýðs-
miðstöð í l.O.G.T. húsinu á ísafirði.
Hann hafði barist fyrir þvf að þetta
hús fengist til slíkrar starfsemi og
hann var vissulega glaður þegar
„Sponsið" var opnað við hátíðlega
athöfn.
Guðmundur Sveinsson*ar maður
víðlesin, átti gott bókasafn og þyrsti
eftir fróðleik. Hann hugði til fortíðar
og vildi varðveita fornar minjar.
Hann sat í húsfriðunarnefnd Isa-
fjarðar, sem hefur það verkefni að
varðveita og endurbæta gömlu húsin
í Neðstakaupstað. Elsta húsið þar er
frá árinu 1734 og er elsta hús á
íslandi, að því er ég best veit. Það
var Guðmundi mikil ánægja að sýna
gestum gömlu húsin og segja sögu
þeirra, sérstaklega erlendum
gestum, sem hann tók á móti í nafni
bæjarstjórnar ísafjarðar.
Hann var líka duglegur við að afla
fjár til viðgerðar á húsunum og nú
síðast sagði hann mér, að Halldór
Ásgrímsson, sjávarútvegsráðherra,
hefði lofað sér einni milljón úr sjóði,
sem ráðuneytið hefur yfir að ráða,
til uppsetningar sjóminjasafns í
Turnhúsinu. „Já, hann kemur með
milljón, hann Halldór, þegar hann
heldur fundinn í Hnífsdal,“ sagði
hann og hló við. Slíkur var áhuginn
og krafturinn. Sögufélag ísfirðinga
átti líka hug hans, hann var þar í
stjórn og mælti fyrir fjárveitingum í
bæjarstjórninni til að kosta útgáfu
Sögu ísafjarðar. Nú eru komin út
tvö bindi, sem allir aðstandendur
ritsins geta verið stoltir af.
Þá var það skógræktin. Guðmund-
ur hafði trú á skógrækt á íslandi og
sat í stjórn Skógræktarfélags ísa-
fjarðar. um árabil. Hann taldi þörf á
að hugsa betur um Simsons garðinn
í Tungudal og vildi láta byggja þar
lítið hús í líkingu við það sem var á
tímum Simsons. Hann ætlaði reynd-
ar sjálfur að byggja þetta hús, en
verður nú að treysta því að aðrir
haldi á hamrinum fyrir hann.
Norrænu vinabæjartengslin voru
Guðmundi Sveinssyni stórt áhuga-
mál alla tíð. Hann hafði unun af því
að rækta þessi tengsl við vinabæi
okkar ísfirðinga í Noregi, Dan-
mörku, Svíþjóð og Finnlandi. Og nú
sfðar í Færeyjum og Grænlandi.
Færeyingar og Grænlendingar
stóðu afskaplega nærri hjarta hans.
Hann hafði sérstakar taugar til þess-
ara næstu nágranna okkar í austri og
vestri og vildi sýna þeim vináttu og
sóma. Til marks um þetta má nefna,
að þegar hingað komu fulltrúar frá
Skála í Færeyjum fyrir tveimur
árum, sótti Guðmundur þá til Seyð-
isfjarðar og fylgdi þeim hingað til
ísafjarðar og hafði sérstaka ánægju
af að sýna þeim landið á leiðinni
hingað vestur. Hann hafði miklar
mætur á Færeyingum og taldi okkur
geta margt af þeim lært á fjölmörg-
um sviðum.
Þá voru Grænlendingar ekki síður
ofarlega í huga hans. Hann átti
stærsta þáttinn í því að koma á
vinabæjatengslum við Nanortalik á
suðurodda Grænlands. Hann fór
þangað og kynntist hinum erfiðu
aðstæðum. Og þegar heim kom
hugsaði hann mikið um, á hvern veg
við ísfirðingar og íslendingar al-
mennt gætum aðstoðað Grænlend-
inga í ýmsum málum. Og því var
fylgt eftir. Fyrir hans tilstilli kom til
ísafjarðar hópur ungmenna, til að
afla sér þekkingar á sviði fiskveiða,
fiskvinnslu og þjónustugreina við
sjávarútveginn. Á meðan á dvöl
þessara ungmenna stóð var Guð-
mundur nánast faðir þeirra og
móðir. Hann leysti úr hvers konar
vanda og lagði sig allan fram um að
grænlensku ungmennin mættu læra
sem flest, gagnlegt og gott af okkur
íslendingum. Ég minnist kvöldverð-
ar, sem Guðmundur hélt Grænlend-
ingunum, áður en þeir héldu heim.
Það fór ekki milli mála, hvern hug
þessir vinir okkar í vestri báru til
„gamla mannsins". Við sögðum oft
í gamni, að hann væri grænlenskur
konsúll og honum virtist líka það
vel. Hann brást reiður við, þegar
íslensk stjórnvöld settu bann við því
að grænlensk skip mættu athafna sig
í íslenskum höfnum s.l. haust, taldi
það lítilmannlegt og ekki til þess
fallið að efla skilning á milli þjóð-
anna. Hann var heill í sínum skoðun-
um.
Ég hef hér reynt að draga fram
nokkra þætti, sem varpa ljósi á störf
Guðmundar Sveinssonar frá Góu-
stöðum í bæjarstjórn ísafjarðar.
Þættirnir eru stuttir og fáir og gefa
aðeins innsýn í einn kafla af mörgum
í lífi hans. Með Guðmundi Sveins-
syni er genginn einn mætasti ísfirð-
ingur okkar tíma, sannur og heiðar-
legur, en umfram allt mannlegur.
Einn af félögum ungmennahreyfing-
arinnar, sem ávallt var hugsjónum
sínum trúr en jafnframt móttækileg-
ur fyrir nýjum straumum, er efla
mættu íslenskt mannlíf. Það er skarð
fyrir skildi, því hann og við höfðum
ætlað okkur að vinna áfram saman
að ýmsum velferðarmálum ísfirð-
inga.
Ég votta eiginkonu Guðmundar
Sveinssonar, Bjarneyju Ólafsdóttur,
börnum hans og öðrum ástvinum
samúð, um leið og ég þakka honum
samfylgdina sem var Iærdómsrík og
mannbætandi.
Magnús Reynir Guðmundsson,
bæjarritari.
Siw örtáar
sekúndur
á iiM~ ' öíy"is
skyni
yujJFBHW,
|||f Kosningaskrifstofur
M” Framsóknarflokksins
Reykjavík
Flokksskrifstofan; Nóatúni 21, sími 91-
24480.
Framkvæmdastjóri Sigurður Geirdal.
Kjördæmisskrifstofan; Nóatúni 21, sími
91-689275, 91-689680, 91-689681, 91-
689685. Skrifstofan er opin frá 10.00-
22.00 virka daga og 13.00-18.00 um
helgar. Kosningastjóri er Eiríkur Valsson,
símí 689275. Sigrún Sturludóttir i sama síma.
IBreiðholt, Þarabakka 3. Simar 77920 og 77942. Starfsm. Ólafur A.
'Jónsson Opið kl. 17.00-22.00 og 14.00-18.00 um helgar.
Reykjanes
Kjördæmisskrifstofan; Hamraborg 5,
Kópavogi, sími 91-41590. Kosningastjóri,
Hermann Sveinbjörnsson.
Kópavogur; Hamraborg 5, símar: 91-
40225 og 40226. Opið hús öll þriðjudags-
kvöld.
Kosningastióri: Sigurjón Valdimarsson.
Hafnarfjörour; Hverfisgata 25, sími í
91-
51819 og 54714, opin frá 14:00-19:00.
Kosningastjóri: Ragnheiður Sveinbjörnsdóttir.
Seltjarnarnes; Eiðistorgi 17, sími 611730 og 611731. Opið kl.
16:00-18:00. Kosningastjóri: Ágúst Jónsson.
Svæðisskrifstofa Suðurnesja; Austurgata 26, Keflavík, sími: 92-1070
og 92-4572. Opin virka daga kl. 14:20-22:00. og um helgar kl.
14:00-18:00. Kosningastjóri: Óskar Guðjónsson.
Garðabær; Goðatún 2, sími 91-46000, opin frá kl. 17:00.
Kosningastjóri: Ólöf Úlfarsdóttir.
Mosfellssveit; Ás við Vesturlandsveg. Opið virka daga kl. 17:00-20:00,
laugard. 10:00-17:00 og sunnud. 13:00-17:00. Sími 666056.
Kosningastjóri: Bragi B. Steingrímsson.
Vesturland
Borgarnes; Brákarbraut 1, sími 93-7633-
7568.
Opin virka daga kl. 10.00-19.00.
Kosningastj.: Sigrún D. Eliasd.
Akranes; Sunnubraut 21. Opin virka
daga kl. 13.00-19.00 og 20.30-22.00.
Sími 93-2050 og 93-3192. Kosninga-
stjóri er Valgeir Guðmundsson
Vestfiröir
ísafjörður; Hafnerstræti 8, sími
94-3690
Opin virka daga kl. 10:00 - 18:00
Kosningastjóri: Geir Sigurösson
< Siglufjöröur; Aðalgata 14,
Jónasson.
Norðurland vestra
Kjördæmisskrifstofan; Suðurgötu 3,
Sauðárkróki, sími 95-5374. Opin virka
daga kl. 13:00-17:00. Kosningastjóri: Stef-
án Logi Haraldsson.
Blönduós; Hótel Blönduós, sími 95-4094.
Opin virka daga kl. 16:00-18:00. Kosn-
ingastjóri: Valdimar Guðmannsson.
Hvammstangi; Hvammstangabraut 35.'
Sími 95-1733. Kosningastjóri: Helgi Ólafss.
sími 96-71932. Kosningastjóri: Guðmundur’
Norðurland eystra
Akureyri; Hafnarstræti 90 sími 96-21180.
Opin virka daga kl. 9:00-22:00 og um
helgar kl. 14:00-18:00.
Kosningastjóri: Sigurður Haraldsson.
Húsavík; kosningastjóri er Sigurgeir Aðal-
geirsson. Opin laugardaga kl. 13:00-16:00
og mánudaga og miðvikudaga frá kl.
17:00-19:00.
Austurland
Egilsstaðir; Lyngás 1, simi 97-1584.
Opin virka daga kl. 9:00-17:00.
Kosningastjóri: Skúli Oddsson.
Höfn; Skólabrú 1, simi 81415. Opin alla virka
daga frá kl. 20-22 og frá kl. 16-19 alla aðra daga
nema föstudaginn langa og páskadag. Þá daga
verður skrifstofan lokuð.
Seyðisfjörður; Austurvegi 5, Simi 2444, opin á
kvöldin. Kosningastjórar: Jóhann Hansson,
Björn Ólafsson.
Suðurland
Selfoss; Eyrarvegur 15, sími 99-2547 og
99-2221.
Opin alla daga kl. 8.00-19.00 og á kvöldin.
Kosningastjóri: Kristján Einarsson.
Hvolsvöllur; Hvolsvegi 32, sími 99-8711.
Kosningastjóri Erlingur Ólafsson. Opið
kvöld og helgar.
Vík; KS Hótel, Víkurbraut 24a, sími 99-
7405. Kosningastjóri Málfríður Eggerts-
dóttir. Opið kvöld og helgar.
Vestmannaeyjar; Framsóknarhúsinu,
Kirkjuvegi 19, sími 98-2331. Opið frá kl. 16 til kl. 19 og kvöld og helgar.
Þorlákshöfn, Unubakka 10-12 sími 99-3930. Opið kl.’l 0-11 og á kvöldin