Tíminn - 19.05.1987, Blaðsíða 3
Þriðjudagur 19. maí 1987
Tíminn 3
__ Samþykkt þingflokks Borgaraflokksins:
Framsókn, Sjálfstæðisflokk
og Borgara saman i stjóm
- og Steingrím áfram sem forsætisráðherra. Berum ekki kala til Sjálfstæðisflokks,
segir Albert Guðmundsson
Borgaraflokkurinn breytti í gær
fyrri afstöðu sinni um, að þar sem
flokkurinn væri ungur og þyrfti að
byggja sig upp bæri honum að vera
í stjórnarandstöðu á þcssu kjör-
tímabili. Samkvæmt sérstakri sam-
þykkt þingflokksins sem gerð var í
gær vill Borgaraflokkurinn nú að
umboð sömu ríkisstjórnar og var á
síðasta kjörtímabili verði endur-
nýjað með stuðningi Borgara-
flokksíns undir forsæti Steingrfms
Hermannssonar. Albert Guð-
mundsson formaður Borgara-
flokksins sagði í samtali við Tím-
ann í gær að borgaraflokksfólk
mæti stöðuna nú þannig að það
væri vilji mikils meirihluta almenn-
ings að sama stjórn sæti áfram og
þeir vildu stuðla að því að svo gæti
orðið. „Við berum engan kaia til
Sjálfstæðísflokksins eða einstakl-
inga innan hans og sjáum ekkert
því til fyrirstöðu að starfa með
honum. Við erum opnir fyrir þvt
stjómarsamstarfi sem fólkið í iand-
inu virðist helst vilja,“ sagði Albert
Guðmundsson.
Ályktun þingflokks Borgara-
flokksins hljóðar í heild svona:
“Fundur haldinn í þingflokki Borg-
araflokksins 18. maí 1987 ásamt
varaþingmönnum flokksins og
trúnaðarmönnum, samþykkir að
falla frá fyrri samþykktum sömu
aðila um að Borgaraflokkurinn
stefni að því að vera í stjórnarand-
stöðu þegar Alþingi hefur starf-
semi sfna á komandi kjörtímabili
og lýsir sig reiðubúinn til að styðja
að sú stjórn sem sat við vöíd á
síðasta kjörtímabili starfi áfram
undir forystu Framsóknarflokksins
með þátttöku Sjálfstæðisflokksins
og Borgaraflokksins. Með þcssari
nýju afstöðu sinni vill Borgara-
flokkurinn stuðla að því að mögu-
leikar til stjórnarmyndunar aukist
og að land og þjóð fái hið fyrsta
ríkisstjórn með endurnýjuðu urn-
boði. Með ofangrcint í huga lýsir
Borgaraflokkurinn sig reiðubúinn
til að taka þátt í viðræðum um
hugsanlegt málefnasamkomulag
þessara flokka þegar í stað.“ -BG
Varmalandsfundur miðstjórnar
Alþýðubandalagsins:
HRBNSAD
ÍSUMAR?
- nefnd fari yfir málefni, starfsemi og starfssveit
flokksins, segir Svavar Gestsson
„I>að var farið yfir stöðu flokks-
ins eftir þessar kosningar og leitað
skýringa á kosningaúrslitunum og
stöðu flokksins í dag. Ákveðið var
að setja á legg nefnd með fulltrúum
kjördæmisráðanna á öllu landinu
og á hún að fara yfir alla þætti,
þ.e.a.s. málefni, starfsemi og
starfssveit flokksins," sagði Svavar
Gestsson, formaður Alþýðubanda-
lagsins en nú urn helgina var mið-
stjórnarfundur flokksins haldinn
að Varmalandi í Borgarfirði. Á-
kveðið var að að halda tvo aðra
miðstjórnarfundi fyrir landsfund,
annan í júní og hinn í september.
„Fundurinn tók ákvarðanir um
þessa hluti og ég veit ekki hversu
ánægðir menn voru út af fyrir sig,
en það var tekin ákvörðun um að
taka á þessum málum og að flokk-
urinn gerði upp sín mál með skýrari
hætti en hann hefur gert að undan-
förnu,“ sagði Svavar.
Aðspurður hvort það hafi ekki
verið ætlunin að miðstjórnarfund-
urinn tæki skýra afstöðu varðandi
stjórnarþátttöku flokksins, kvað
Svavar nei við. „Það var aldrei
ætlunin. Það var auðvitað rætt um
stjórnarþátttöku og við erum til-
búin að taka þátt í ríkisstjórn ef við
náum fram einhverjum af þeim
áherslum sem við höfum sem
flokkur. En þingflokkurinn og
framkvæmdastjórnin eru látin um
að ráða fram úr þeim málum. Nú
er það aðalatriðið að flokks-
mennirnir sjálfir fái tækifæri til að
tj á sig um málin og koma fram með
sínar tillögur og ábendingar," sagði
Svavar.
Aðspurður um stöðu sína sem
formanns flokksins, sagði Svavar
að þar hefði engin breyting orðið á
og engar kröfur þar að lútandi
komið fram -phh
Húsgagnaiðnaður:
íslensk húsgögn á
Bandaríkjamarkaði
AXIS semur um sölu umtalsverðs magns í kjölfar
sýningar í Kaupmannahöfn
í kjölfar húsgagnasýningarinnar
Scandinavian Furniture Fair sem
haldin var í Kaupmannahöfn fyrir
skömmu samdi ÁXIS um umtals-
verða sölu íslenskra húsgagna á
Bandaríkjamarkað, enda vöktu hús-
gögn AXIS mikla athygli.
Þennan árangur telja forráða-
menn AXIS fyrst og fremst mega
rekja til vörugæða, hugvitsámlegrar
hönnunar og ýtarlegrar markaðs-
starfsemi og telja þeir að hér hafi
tekist að sýna fram á að íslensk
húsgögn séu fyllilega samkeppnisfær
og eigi framtíð fyrir sér á erlendum
mörkuðum.
Þetta er í fimmta sinn sem AXIS
tekur þátt í sýningu þessari. Fyrir-
tækið lagði megináherslu á Maxis
línuna sem eru húsgögn ætluð börn-
um og ungu fólki, en sú lína var
kynnt á sýningunni á síðasta ári og
hefur síðan verið þróuð áfram og
bætt við nýjum húsgögnum.
Þess má geta að stórverslunin
Harrods í London er einn þekktasti
Myndasíða úr vörulista Harrods
stórverslunarinnar sem sýnir íslensku
Maxis húsgögnin frá AXIS.
kaupandi Maxis húsgagnanna og
hefur verslunin nýlega gefið út vöru-
lista urn húsbúnað sem dreift er um
allan heim. Þar gefur m.a. að líta
húsgögn frá AXIS.
Svavar Gestsson fundar með Þorsteini Pálssyni
Alþýðubandalag fer
ekki í nýsköpunina
- ekkert breyst, segir Svavar Gestsson
„Þetta var þriggja tíma fundur,
þar sem farið var farið yfir mörg svið
og það kom auðvitað í ljós sem
engum þarf að koma á óvart, að það
er verulegur ágreiningur á milli þess-
ara flokka í flestum málum. Það
hefur ekkert nýtt gerst hvað varðar
hugsanlega stjórnarþátttöku Al-
þýðubandalagsins með Sjálfstæðis-
flokki," sagði Svavar Gestsson, for-
maður Alþýðubandalagsins í samtali
við Tímann í gær, eftir að fundi
þeirra Þorsteins Pálssonar, for-
manns Sjálfstæðisflokksins lauk.
Má minna á ummæli Svavars t'
Þjóðviljanum sl. laugardag, þar sem
hann segir nei við nýsköpunarstjórn,
nema að Sjálfstæðisflokkurinn
“komi með einhver bitastæð tíðindi
í íslenskum stjórnmálum." Það virð-
ist Ijóst að Þorsteinn hafi ekki borið
Svavari nein slík tíðindi á fundinum
í gær.
Sagði Svavar að Þorsteinn hafi
farið fram á að umræðuefni fundar-
ins yrðu ekki rædd í smáatriðum
opinberlega að svo stöddu, en það
yrði gerð grein fyrir því síðar á
hvaða mál áhersla hafi verið lögð á.
-phh
BÆNDUR - ÚTGERÐARMENN -
FISKSALAR - IÐNAÐARMENN
IMIS5AN 1200 PICKUP
er trúlega bíllinn sem hentar ykkur -
Þœgilegur vinnuþjarkur á frábœru verði -
Kr. 350.000,-
Til sýnis ásamt öðrum bílum okkar
í sýningarsalnum v/Rauðagerði
iH
v(f1957-1987^);
% 30 í
% ára Jy
Bílasýning laugardag og sunnudag kl. 14.00- 17.00
Verið velkomin - Alltaf heitt á könnunni
INGVAR HELGASON HF
Sýningarsíilurinn R.iudngerði, simi 33560.