Tíminn - 03.06.1987, Blaðsíða 2
2 Tíminn
Miðvikudagur 3. júní 1987
Tjón í refabúum vegna yfirflugs orrustuþotna:
Skaðabótamál í
gangi í tvö ár
- því herinn samþykkir ekki tjónamat
Skaöabótamál vegna tjóns er
varð í refabúi vegna yfirílugs
bandarískrar orrustuþotu, hefur
nú verið í gangi í tvö ár án þess að
sættir hafi náðst. Herinn hefur
ekki viljað viðurkenna mat það er
gert var á tjóninu, en hefur þó
viðurkennt að hafa valdið tjóni.
Ef refalæöur verða fyrir al varleg-
um truflunum í kringum gottím-
ann, þá ýmist gjóta þær yrðlingum
sínum fyrir tímann eöa drepa ný-
gotin afkvæmi í æsingi sínum,
Nokkuð hefur borið á því að
tjón hafi orðið í refabúum vegna
hávaða af völdum orrustuþotna
bandaríska hcrsins. Nú síðasta
laugardag varð til dæmis töíuvert
tjón af þessum völdum á tvcimur
búum í Lundarreykjadal.
Yfirleitt hafa samningar náðst
milli refabænda og skaðabóta-
nefndar er fjallar um skaðabótamál
á hcndur hernum á Keflavíkurflug-
velli. En í fyrrgreindu tilfelli hefur
skaðabótanefndin ekki fallist á mat
sérfræðinga á tjóni því cr orrustu-
þota'olli, en þar var um milljóna-
tjón að ræða. Varð viðkomandi
bóndi að bregða búi og situr nú
uppi með stórskuldir vegna refabús
síns. Eru nú jafnvel líkur fyrir að
málið komi fyrir dómstóla og yrði
þar um prófmál að ræða.
Þess má geta að hernaðaryfir-
völd á Keflavíkurflugvelli hafa
undir höndum kort sem sýna stað-
setningu íslenskra refabúa og er
þeim fullkunnugt um hve við-
kvæmar refalæðurnar eru um got-
tímann.
-HM
Hannes Hlífar tapaði í fyrstu umferð:
Teflt til klukkan
f imm um nóttina
- Fyrsta opna skákmótið á íslandi
Önnur umferð opna skákmótsins
sem haldið er á hótel Valaskjálf á
Egilsstöðum hófst klukkan 19.00 í
gærkvöld. Fyrsta umferð fór fram
kvöldið áður og mættu 56 skákmcnn
til leiks, en 60 höfðu skráð sig. Af
þeim 56 sem tefla á mótinu eru 15
útlendingar. Þetta er fyrsta opna
skákmótið á íslandi og er öll aðstaða
og skipulagning rómuð af skák-
mönnum.
„Mjór er niikils vísir," sagði Ottó
Jónsson, einn umsjónarmanna
mótsins, í samtali við Tímann í
gærkvöld. Hann hafði ekki gengið til
náða kvöldið áður fyrr en klukkan
að ganga fimm um nóttina, því að þá
lauk síðustu skákunum. Vegnaóvið-
ráðanlegra tafa var nokkrum skák-
um frcstað frarn eftir kvöldi, svo
skákmenn fengju tíma til að mæta á
keppnisstað úr Reykjavík. „Við
reynum að gera þetta eins vel og við
getum. Ferðaskrifstofa Austurlands
hefur verið okkur innan handar með
skoðunarferðir um svæðið og uppi-
hald gesta.“
Tveir alþjóðlegir meistarar tefla á
mótinu, Tékkinn Béla Pereny og
Sævar Bjarnason. Ásamt Pereny er
Anna Gulko með flest stig þátttak-
enda á mótinu. Hún vann Jón Árna
Jónsson frá Akureyri í fyrstu
umferð. Dan Hansson og Gylfi Þór-
hallsson gerðu jafntefli en Hannes
Hlífar Stefánsson laut í lægra haldi
fyrir Pálma Péturssyni frá Akureyri.
Sú skák var skemmtilega tefld af
Pálma og unnin á fáum leikjum, skv.
Ottó.
Talsverður straumur af áhorfend-
unr sótti fyrstu umferð og var búist
við fleirum í gærkvöld.
Þj
Lúövík 13. konungur koníakanna:
Flaskan á
50 þúsund
Koníakið dýra og góða. Bókin sem fylgir með sést fremst á myndinni. Krystalstappinn sem notaður er eftir
að innsiglið er rofíð liggur ofan á bóléinni. Ertu tilbúinn að borga 50 þúsund kr. fyrir slíkan grip?
Tímamynd Pjetur
Koníak er einn af þeim hlutum sem
flest okkar tengja munaði eða ein-
hverskonar hátíðabrigðum. Remy
Martin framleiðir koníak sem geng-
ur undir nafninu Lúðvík 13. Hægt er
að panta flöskuna í gengum ÁTVR
og kostar hún komin í hendur neyt-
enda um 50 þúsund krónur, sam-
kvæmt upplýsingum sem Tíminn
fékk hjá umboðsfyrirtæki Remy
Martin hér á íslandi.
Eitt veitingahús á íslandi býður
gestum sínum upp á koníakið. Einn
sjúss, er minnsta eining sem hægt er
að kaupa og kostar hann fjögur
þúsund krónur tæpar. Flaskan, inni-
haldið og umbúðirnar er allt gert af
hinum mesta hagleik.
Flaskan er gerð úr Baccarat kryst-
al og handskorið skraut, einnig úr
krystal prýðir hana. Hver flaska er
merkt og fylgir henni krystalstappi til
notkunar eftir að innsiglið hefur
verið rofið. Krystalstappinn hefur
sama númer og flaskan og er hver
Dúndur
rýmingarsala
og ÆT skór.
Nýja línan fyrir sumarið.
Allar gerðir -10% - 20% afsláttur
Ódýra hornið: Allir skór 500.- kr. -
Það borgar sig að koma í Síðumúlann - og gera góð skókaup
Leðurfatnaður fyrir dömur og herra.
10 — 15% afsláttur - staðgreitt.
Opnum bráðlega að Laugavegi 97.
(Áður Töskuhúsið)
SKÐMAGASÍN
SÍÐUMÚLA 23, SÍMI 84131
tappi og flaska hönnuð saman og
slípuð, svo tryggt sé að flaskan sé
loftþétt. Formið á flöskunni er kennt
við svokallaðan Möltukross, en það
er riddarakross frá því á 16. öld. Það
er tilviljun að slík lögun var ákveðin
á flöskunni, og kom þar til að
fulltrúar Remy leituðu að góðri
lögun og fundu þá flösku sem þessa
að útliti og eftir það hefur Lúðvík
13. verið tappað á svona flöskur,
eins og myndin sýnir.
Kassinn utan um flöskuna er fóðr-
aður að innan og fylgir með honum
bók, þar sem handskrifað er númer
flöskunnar. í bókinni getur að líta
ágrip af sögu Remy Martin og hvern-
ig koníak verður til.
Innihaldið er það sem allt snýst
urn. Þegar að því er komið verða
menn heldur ekki sviknir. Unr er að
ræða 55 til 75 ára gamlt koníak.
Ylmurinn er indæll og bragðið eftir
því.
Aðspurðir sögðu sölumenn hjá
Karli K. Karlssyni, sem hefur umboð
fyrir Remy að talsvert væri um
pantanir á Lúðvík og væru það oft
sömu mennirnir. „Þetta er konungur
koníakanna." sögðu sölumennirnir
og greina mátti virðingartón í rödd-
inni. -ES
Lufthansa
í íslands-
flugi
Þýska flugfélagið Lufthansa
hefur nú hafið beint áætlunarflug
til íslands fyrst erlendra flugfé-
laga. Fyrsta ferð Lufthansa var á
sunnudag og var góðvinur ís-
lenskra sjónvarpsglápenda,
Derrick, með í förinni auk for-
stjóra Lufthansa í Evrópu og
almennra áætlunarfarþega.
Lufthansa mun fljúga frá
Múnchen og Dússeldorf í Þýska-
landi hvern sunnudag yfir sumar-
ntánuðina, en líkur eru á að
ferðum fjölgi þegar frá líður og
jafnvel verði komið á heilsársá-
ætlun.