Tíminn - 03.11.1987, Blaðsíða 6

6 Tíminn
Þriöjudagur 3. nóvember 1987
^RARIK
RAFMAGNSVEITUR RÍKISINS
Rafmagnsveitur ríkisins óska eftir að ráða rafvirkja
við gæslu í Stjórnstöð byggðalínu að Rangárvöll-
um á Akureyri til tveggja ára. Viðkomandi þarf
helst að geta hafið störf 1. desember n.k.
Reynsla við rekstur rafveitukerfa er æskileg.
Upplýsingar um starfið veitir svæðisrafveitustjóri
Rafmagnsveitna ríkisins á Akureyri.
Umsóknir ásamt upplýsingum um menntun, aldur
og fyrri störf sendist svæðisrafveitustjóra á Akur-
eyri eða starfsmannastjóra í Reykjavík fyrir 15.
nóvember n.k.
Rafmagnsveitur ríkisins
Laugavegi 118,
105 Reykjavík
Refabændur - lífdýr
Til sölu góðar blárefslæður, sem eru tveggja ára.
Ennfremur höfum við gotkassa og læðubúr.
Upplýsingar í síma 10067
Blárefur h.f.
Bílarif Njarðvík
Er að rífa: Lancer ’81, Mazda 929 ’82, Honda
Accord '80, Honda Accord '85, Lada Canada '82,
Bronco 74, Daihatsu Charmant 79, Dodge Aspen
st. 79. BMW 320 ’80. Einnig varahlutir í flesta aðra
bíla. Sendum um allt land. S. 92-13106.
Bændur
Höfum til sölu fiskimjöl. Upplýsingar í síma
99-3170.
Njörður hf., Eyrarbakka
Sólvangur og heilsugæslustöð
Innanhússfrágangur
Tilboð óskast í innanhússfrágang nýbyggingar við Sólvang í Hafnar-
firði.
Um er að ræða um 2.060 m2 svæði í kjallara og á hæð og er það nú
tilbúið undir tréverk.
Verktaki skal ganga frá húsinu að innan að fullu.
Verkinu skal skila i tveimur áföngum, þeim fyrri heilsugæslustöðinni
skal aðfullu lokið 1. október 1988 en öllu verkinu 1. júlí 1989.
Útboðsgögn verða afhent til og með 13. nóv. 1987 á skrifstofu vorri
Borgartúni 7, Reykjavík gegn 10.000 kr. skilatryggingu.
Tilboð verða opnuð hjá Innkaupastofnun ríkisins þriðjudaginn 24.
nóvember 1987 kl. 11.00.
Um 200 manns sóttu afmælishóf Sögufélags Skagfirðinga,
Sögufélag Skagfirðinga:
Heldur upp á hálfrar
aldar óslitið starf
Um 200 manns sóttu 50 ára af-
mælishóf Sögufélags Skagfirðinga
sem haldið var í Safnahúsinu á
Sauðárkróki laugardaginn 24. okt.
s.l. Sögufélag Skagfirðinga mun vera
fyrsta héraðssögufélagið sem starfað
hefur óslitið. Á 50 ára starfstíma
félagsins hefur það gefið úr 40 bækur
sem allar fjalla um Skagafjörð og
Skagfirðinga. í tilefni af afmælinu
býður félagið 50% afslátt af öllum
fáanlegum bókum þess til næstu
áramóta. Á næsta ári mun Sögufé-
lagið gefa út bók eftir Jón Sigurðs-
son, sem einkum eru söguþættir af
ættfeðrum Jóns og ættmennum, en
1988 verða liðin 100 ár frá fæðingu
Jóns á Reynistað.
Forstöðumaður Safnahússins,
Hjalti Sigurðsson setti afmælishófið
og fól síðan séra Hjálmari Jónssyni
veislustjórn. í ávarpi Hjalta kom
fram að fræðaiðkun í Skagafirði
stæði á gömlum merg, allt frá Birni
lögréttumanni á Skarðsá, sem uppi
var 1574-1655, er skrifaði hina
þekktu Skarðsárannála. Á nítjándu
öldinni voru það Jón Espólín
sýslumaður og Gísli Konráðsson
sem báru höfuð og herðar yfir aðra
sagnaritara á íslandi. Jón Sigurðsson
alþingismaður á Reynistað var einn
af aðal hvatamönnum að stofnun
Sögufélagsins, lengi formaður þess
og sá maðurinn sem mest mótaði
störf þess og stefnu. Stofnfundur
félagsins var 16. apríl 1937.
Þjóðkunnur Skagfirðingur, Sig-
urjón Björnsson, prófessor, var aðal
ræðumaður kvöldsins. í lok ræðu
sinnar flutti Sigurjón kveðju frá
Jóhannesi Geir listmálara, þar sem
Jóhannes tilkynnir að í afmælisgjöf
muni hann færa félaginu útgáfu og
höfundarrétt að tveim olíumálverk-
um sem hann hefur gert af Öriygs-
staðabardaga. Einnig sendi Jóhann-
es Geir Sögufélaginu tíu innrömmuð
ljósrit af teikningum sem hann hefur
gert af Örlygsstaðabardaga.
Félagar úr Leikfélagi Sauðárkróks
fluttu efni úr útgáfubókum félagsins
við góðar undirtektir. Hinn góðk-
unni hagyrðingur, Andrés Valberg
fór með ljóð og stökur við mikla
kátínu. Að lokum lýsti stjórnarfor-
maður Sögufélagsins kjöri nýs heið-
ursfélaga, Páls Sigurðssonar fyrrum
kennara á Hólum, fyrir langt starf
fyrir félagið við ritstörf og heimilda-
söfnun fyrir Skagfirskar æviskrár og
fleira. - G.Ó.
Síldarmál:
Samið við
Japana um
100% aukningu
Samningar hafa nú tekist um
sölu á 2.500 tonnum af heilfrystri
síld til Japans og er þetta nákvæm-
lega 100% söluaukning frá því í
fyrra, en þá voru seld 1.250 tonn.
1 Frosti, fréttabréfi SH, segir
Helgi Þórhallsson sölustjóri, að í
dollurum talið sé verðið 9% hærra,
en vegna hækkunar hráefnisverðs
og launakostnaðar verði afkoman
verri. Vonast er til að Japanar
samþykki vinnslu í Vestmannaeyj-
um, ef hægt verði að koma síldinni
nógu ferskri í vinnslu þar.
Vinnsla er þegar hafin fyrir aust-
an. -SÓL
REYKJMJÍKURBORG
Stiuuvi
Baðvörður
Baðvörð vantar í Sundhöll Reykjavíkur-karlaböð.
Upplýsingar gefur forstöðumaður í síma 14059,
og á kvöldin í síma 681452.
Lokað í dag
Lokað verður í dag þriðjudaginn 3. nóvember
vegna jarðarfarar Hrólfs Halldórssonar fram-
kvæmdastjóra.
Bókaútgáfa Menningarsjóðs.
Félag náttúrufræðinga varar við niðurskurði:
Niðurskurður ekki
á faglegum grunni
Félag íslenskra náttúrufræðinga
hefur sent frá sér tilkynningu, þar
sem það varar við áformunt um
stórtækan niðurskurð á fjárveiting-
um til rannsókna, ráðgjafarþjónustu
og faglegs eftirlits í þágu undirstöðu-
atvinnugreina. Félagið vekur sér-
staka athygli í þessu sambandi á
verulega skerðingu útgjaldaliða fjár-
lagafrumvarpsins til Búnaðarfélags
íslands, Orkustofnunar og Rann-
sóknarstofnunar landbúnaðarins.
„Ljóst er að framkomin niður-
skurðaráform eru ekki byggð á fag-
legri úttekt á viðkomandi starfsemi
og ber að harma slík vinnubrögð.
Sömuleiðis virðist skorta skilning á
eðli þessarar starfsemi og aðstöðu til
fjármögnunar,“ segir í tilkynningu
náttúrufræðinganna.
Benda þeir að lokum á að líklegt
sé að margvíslegar undirstöðurann-
sóknir falli niður verði af framkomn-
um áformum. - SÓL