Tíminn - 06.01.1988, Blaðsíða 12

12 Tíminn
Miðvikudagur 6. janúar 1988
FRÉTTAYFIRLIT
TEL AVIV — Israelskir her-
menn skutu að minnsta kosti
einn Palestínumann til bana
og særðu sjö aðra í nýjum
átökum á Vesturbakkanum og
Gazasvæðinu.
JERÚSALEM — ísraelskir
embættismenn lýstu yfir reiði
sinni vegna ummæla David
Mellors sem ferðast nú á veg-
um breska utanríkisráðuneyt-
isins um herteknu svæðin.
Mellor gagniýndi Israelsstjórn
harðlega fyrir stjórnun á þess-
um svæðum.
LUNDÚNIR — íranar hafa
framlengt um fjóra mánuði her-
skyldu allra þeirra sem kvaddir
hafa verið í herinn. Þessar
fréttir koma á sama tíma og'
sögur eru á kreiki að Iranar
hyggist hefja nýja stórsókn
gegn Irökum.
RABAT — Hassan Marokkó-
konungur er veikur og hefur
það sett spurningarmerki við
hvort af sérstakri ráðstefnu
þjóða Múhameðstrúarmanna
verði. Þar er ætlað að ræða
atburði síðustu vikna á her-
teknu svæðunum, Gazasvæð-
inu og Vesturbakkanum.
RIYADH — Fahd konungur
Saudi Arabíu hefur hætt við
áform um að skattleggja tekjur
útlendinga. Slíkurskatturhefur
ekki veríð í gildi síðustu tólf ár
og fréttir um að konungurinn
hefði í hyggju að taka hann
upp aftur urðu til þess að
margir spáðu því að útlendir
menn myndu flykkjast brott frá
landinu.
NAIRÓBI — Margrét Thatc-
her forsætisráðherra Bretlands
og Daniel Arap forseti Kenya
urðu sammála um að verða
ósammála varðandi hvaða
stefnu ætti að taka gagnvart
Suður-Afríku. Thatcher er á
móti öllum viðskiptaþvingun-
um en Arap og aðrir Afríku-
leiðtogar vilja koma þeim á til
að þvinga stjórn S-Afríku til að
hverfa frá kynþáttaaðskilnað-
arstefnu sinni.
TOKYO — Fésýslumenn í
Japan hvöttu forsætisráðherr-
ann Noboru Takeshita til að
leita leiða til að gera
Bandaríkjadal stöðugari í verði
á gjaldeyrismörkuðum þegar
hann hittir Rónald Reagan
Bandaríkjaforseta í Washing-
ton í næstu viku.
DÚSSELDORF, Vestur-
Þýskalandi - Líbaninn Abbas
Ali Hamadei neitaði að vera
viðriðinn rán á tveimur Vestur-
Þjóðverjum í Beirút þegar
réttarhöldin hófust yfir honum
og hvatti til þess að þeim sem
enn er haldið í gíslingu yrði
sleppt.
ÚTLÖND
Fréttabréf Amnesty Internationai:
Þúsundir barna
eru fórnarlömb
pyndinga og morða
Þúsundir barna, sum rétt nýfædd, eru fangelsuð, pynduð og drepin
af stjórnvöldum víðsvegar um heim allan. Þetta kom fram í
fréttabréfi mannréttindasamtakanna Amnesty International sem út
kom í gær. Þar var sagt að sakleysi og varnarleysi virtist ekki vera
nein vörn gegn misnotkun valds.
Mannréttindasamtökin tiltóku átján lönd þar sem
grundvallarréttindi barna eru þverbrotin og hvöttu sitt fólk til að
beita sér fyrir því að pólitísku ofbeldi gagnvart börnum yrði hætt.
Þá voru Sameinuðu þjóðirnar hvattar til að vinna betur að réttindum
barna.
Sum börn eru pynduð til að fá upp
úr þeim upplýsingar eða til að neyða
foreldra þeirra að tala. Önnur börn
voru hreinlega drepin eins og fram
kom í fréttabréfinu.
Hermenn börðu hinn átta ára
gamla Alberto Alarcon frá Ecuador
illa og nærri drekktu honum með því
að halda höfðinu í vatni, allt vegna
þess að rifli hafði verið stolið frá
þeim. Atburður þessi átti sér stað
síðasta vor.
Lögreglan í Tyrklandi pyndaði
fjóra unga drengi frá suðausturhluta
landsins, þar sem aðskilnaðarsinnar
úr hópi kúrda láta mikið að sér
kveða, með því að gefa þeim raf-
magnsstuð í munninn.
í Surinam var þriggja ára gamall
drengur skotinn til bana í örmum
móður sinnar í litlu þorpi. Atburður-
inn átti sér stað árið 1986 og her-
mennirnir sem skutu drenginn vildu
víst upplýsingar út úr fólkinu.
í Suður-Afríku er talið að ellefu
þúsund blökkubörn hafi verið sett í
fangelsi á árunum milli 1984 og
1986, sum þeirra allt niður í sjö ára
gömul. Mörg þeirra máttu þola
pyndingar ýmiskonar s.s. barsmíðar
og svipuhögg auk þess sem sumum
var gefið rafmagnslost.
í ísrael hafa mörg börn Palestínu-
manna á Vesturbakkanum og Gaza-
svæðinu verið handtekin og sum
sögðust hafa verið barin af ísraelsk-
um hermönnum á meðan þeim var
haldið föngnum.
Mörg börn hreinlega hverfa eins
og í Argentínu þar sent enn er ekki
vitað um afdrif hundrað barna er
hurfu í hinu svokallaða „skítuga
stríði“ í lok síðasta áratugs.
Börn eru fórnarlömb fjöldamorða
víða um heim sem hersveitir fremja.
Konur og börn voru t.d. í hópi
þeirra rúmlega 200 manna sem her-
sveitir Sýrlendinga drápu í Ifbönsku
borginni Tripóli árið 1986 og sögðu
vitni að sum fórnarlambanna hefðu
verið skotin í höfuðið.
í írak voru um 300 börn og
unglingar handtekin árið 1985 og
virtist sem ástæðan væri pólitískar
gjörðir ættingja þeirra. Að minnsta
kosti 29 þessara ungmenna hafa
verið líflátin, sum með augun rifin
út. Líkum sem skilað hefur verið til
ættingja sýna að pyndingar áttu sér
stað.
Vestræn ríki eru ekki hvítþvegin í
þessu sambandi. í Bandaríkjunum
hafa ungmenni verið dæmd til dauða
og tekin af lífi fyrir glæpi sem þau
fröntdu þegar þau voru alit niður í
fimmtán ára gömul.
Börn í Pakistan, Bangladesh,
írak, fran og á Barbados hafa einnig
verið dæmd til dauða og tekin af lífi,
sagði í fréttabréfi Amnesty Internat-
ional um misnotkun ríkisstjórna á
valdi sínu. hb
Á bak við lás og slá: Þúsundir barna víða um heim eru fórnarlömb pyndinga
og morða.
Kína:
Spilltir kommúnistar
Þeim félögum innan kínverska kommúnistaflokksins sem
ástunda svindl ýmiskonar hefur fjölgað frekar en hitt og spillingin
veldur flokknum og fólkinu í landinu gífurlegum skaða. Þessu var
haldið fram í Dagblaði alþýðunnar í gær sem sagði að meðal
glæpamannanna væru sumir háttsettir menn innan flokksins.
Blaðið sagði að rekja mætti suma glæpina til þeirra breytinga
á efnahagslífi landsins sem unnið hefur verið að síðan árið 1979.
lætur sig meiru skipta glæpi sem flokksmenn tengjast heldur en
aðra glæpi,“ sagði í Dagblaði alþýðunnar.
Spillingin hefur aukist hin síð-
ustu ár og blaðið tiltók sem dæmi
smygl, mútur, siðleysi, misnotkun
valds. klíkuskap og uppljóstrun
ríkisleyndarmála. Síðastnefnda
atriðið er eftirtektarvert þvi þótt
blöð í Kína birti oft fréttir um
valdníðslu og spillingu hefur því
sjaldan verið haldið fram að flokks-
félagar létu af hendi skjöl er inni-
héldu ríkisleyndarmál.
Aganefnd flokksins sagði í októ-
bermánuði að tæplega 152 þúsund
flokksfélagar hefur verið reknir úr
flokknum fyrir agabrot á árunum
milli 1982 og 1986. Meðlimir
flokksins telja 46 milljónir.
Dagblað alþýðunnar sagði að í
sumum héruðum hefði flokksvald-
ið ekki tekið á augljósum glæpum
í mörg ár. Blaðið hvatti heiðvirða
embættismenn til að vera hugaða
og berjast gegn spillinganetinu.
Þá var þess einnig getið að hraða
þyrfti umbótaáætlunum því óljós
lög og reglugerðir gerðu svindlur-
unurn kleift að notfæra sér smugur
í þeim.
Harðlínumenn innan kommún-
istaflokksins hafa aftur á móti verið
duglegir við að gagnrýna umbóta-
stefnuna og einmitt bent á aukna
spillingu scm afleiðingu hennar. hb
Bandaríski gjaldmiðillinn hækkaði í
verði á gjaldeyrismörkuðum í gær
og nú bíða menn spenntir frétta af
tölum yfir viðskipti Bandaríkjam-
anna í nóvembermánuði.
Fjármál og viðskipti:
Seðla-
bankar
kaupa
dali
Bandaríkjadalur hækkaði
nokkuð í verði gagnvart öðrum
helstu gjaldmiðlum heims á
gjaldeyrismörkuðum í gær og
mátti rekja ástæðuna til mikilla
dalakaupa seðlabanka helstu
iðnaðarþjóðanna sem reyndar
hófust strax í byrjun vikunnar.
Hlutabréf hækkuðu einnig í
verði en þrátt fyrir það bjuggust
margir fésýslumenn ekki við að
uppsveiflan myndi verða langlíf.
Bandaríski gjaldmiðillinn var
hæst skráður á 1,6155 mörk sem
var fimm pfenningum hærra en
á mánudag þegar dalurinn hafði
aldrei verið lægri gagnvart
vestur-þýska gjaldmiðlinum.
Fésýslumenn vöruðu hins vegar
við bjartsýni og sögðu að dökku
hliðarnar á bandarísku efnahagslífi
þ.á m. gífurlegur viðskiptahalli ættu
eftir að þrýsta á lækkun gjaldmiðils-
ins á nýjan leik.
„Afskipti seðlabankanna hafa
ekki læknað það slæma í Bandaríkj-
unum en þau munu eins og vanalega
kaupa mönnum tíma,“ sagði einn
háttsettur fésýslumaður í bandarísk-
um banka í Lundúnum.
Aðrir voru þó bjartsýnari og
margir efnahagssérfræðingar búast
við að tölur yfir viðskipti Banda-
ríkjamanna í nóvembermánuði, sem
birtar verða um miðjan mánuðinn,
sýni að viðskiptahallinn hafi minnk-
að verulega frá methallanum í októ-
ber er var 17,63 milljarðar dala.
Það er víst að minnki viðskipta-
hallinn svo einhverju nemi, samfara
því að engar slæmar pólitískar fréttir
berist frá Washington, mun slíkt
styrkja menn í þeirri trú að dalurinn
hafi lækkað nóg. Einn fésýslumaður
í Lundúnum sagði að slíkar fréttir
myndu jafnvel verða til þess að
dalurinn hækkaði upp í 1,68 vestur-
þýsk mörk. hb
ÚTLÖND