Tíminn - 06.01.1988, Side 20

Auglýsiiígadeild hannar
auglýsinguna fyrir þig
Okeypis þjónusta
SAMVINNUBANKI
ÍSLANDS HF.
086300 Timinn
Tíminn
Hlutabréf í islenska Myndverinu hf. til sölu:
Leitað að kaupendum
Samkvæmt heimildum
Tímans hafa forráðamenn
íslenska Myndversins hf.
Krókhálsi 6, sem er annað
tvegga fyrirtækja sem standa
að Stöð 2, leitað fyrir sér að
undanförnu með kaupendur að ;
allt að 49% hlutabréfa í
fyrirtækinu. Þessar sömu
heimildir herma að Sambandi
íslenskra samvinnufélaga hafi
verið boðin hlutabréfín, en
forráðamenn þess hafi enn
ekki tekið afstöðu til kaupa á
þeim.
í samtali við Tímann vildi Ragn-
ar Guðmundsson, framkvæmda-
stjóri fslenska Myndversins hf.
hvorki játa þessu eða neita.
„Hvernig svarar maður svona fyrir-
spurn blaðamanna, jú sennilega er
rétt að segja að ég vilji engar
upplýsingar um ntálið gefa,“ sagði
Ragnar. Hann var inntur eftir því
hvort rætt hefði verið um sölu 49%
hlutabréfa í fyrirtækinu til Sam-
bandsins. Og svarið var stutt og
laggott; „Ég vil ekkert um málið
tala, þetta er innanhússmál".
íslenska Myndverið hf. er sjálf-
stætt fyrirtæki og á það öll tæki og
allan búnað sem notaður er við
útsendingar Stöðvar 2. Auk þess
vinnur fyrirtækið á sviði auglýs-
inga- og myndbandagerðar fyrir
aðra aðila. íslenska Myndverið hf.
Tímamynd Pjelur
er að stofni til fyrirtækið Texti hf.
Hjá Myndverinu vinna nú nálægt
50 manns.
Ragnar Guðmundsson og Vald-
• imar Steinþórsson og konur þeirra
eiga skráð 49% hlutafjár í íslenska
Myndverinu. en íslenska sjón-
varpsfélagið 51%. Skráð hlutafé
fyrirtækisins nú er 7 milljónir króna
en aðalfundur í febrúar mun taka
formlega afstöðu til aukningar
hlutafjár þess.
Auk íslenska Myndversins hf.
stendur íslenska sjónvarpsfélagið
að Stöð 2. Litið er á þessi tvö
fyrirtæki sem rekstrarlega heild og
allar helstu framkvæmdir eru rædd-
ar á sameiginlegum fundum for-
svarsmanna fyrirtækjanna.
t>að kom fram hjá Ragnari
Guðntundssyni að fyrirtækið hafi
lagt út í miklar fjárfestingar í
tækjum við stofnun Stöðvar 2.
Hann áætlaði að fjárfestingin hafi
numið um 130 milljónum króna.
Tæki Texta hf. voru melin á um
20 milljónir, þannig að heildar-
verðmæti tækjabúnaðar fyrirtækis-
ins er um 150 milljónir. Hann sagði
að sumt af fjárfestingunni væri
tekið á kaupleigu. „Þetta er sá nýi
máti sem hefur verið notaður mikið
í dag, þótt þessi viðskiptakjör séu
að versna óðum, vegna laga um
30% bindingu á lánsfé innanlands.
Þriggja prósenta, lántökugjald
þyngir líka róðurinn,1' sagði Ragn-
ar Guðmundsson. óþh

Greiddi ekki skuldabréfin, en seldi sjálf vörurnar:
Verslunin vildi ekki
þiggja barnabætur
„Ætli viö töpum ekki um 100 til 200 þúsund krónum á ári með
þessu móti,“ sagði framkvæmdastjóri húsgagnaverslunar í Reykja-
vík, sem í hverjum mánuði felur lögfræðingum verslunarinnar
innheimtur fjölda skuldabréfa og víxla sem gjaldfalla. Úr þessari
verslun var að fá dæmi um ósvífna viðskiptahætti þar sem
viðskiptavinur gengur á rétt kaupmannsins.
ÞUNGUR R0DUR
í KVÓTAMÁLINU
Fyrir tæpum þremur árum kom,
kona ein í verslunina og keypti vörur
á afborgunum fyrir nokkra tugi þús-
unda króna. Skemmst er frá að segja
að skuldabréfin voru ekki greidd á
tilsettum tíma og innheimtuaðgerðir
lögfræðinga báru engan árangur.
Svo var að lokum komið að inn-
heimtan svaraði ekki kostnaði og
skuldin var afskrifuð. Upplýsingar
fengust um að konan ætti engar
eignir, - ekki einu sinni þær sem hún
hafði keypt í húsgagnaversluninni!
og sæti í Síðumúlafangelsi fyrir
önnur brot. Húsgögnin hafði konan
selt og veðsett.
Hálfu öðru ári síðar, þegar hún
hafði tekið út refsingu sína, heim-
sótti hún þessa sömu verslun í fylgd
bróður síns og vantaði hann
húsgögn. Nú var rætt við annað
afgreiðslufólk en í fyrra skiptið. Að
sjálfsögðu lék hún sama leikinn, en
bróðir hennar var einnig eignalaus
og greiddi ekki sínar skuldir. Versl-
unareigendur uppgötvuðu það of
seint og féllu í sömu gryfjuna aftur.
„Við treystum ekki mikið á van-
skilaskrárnar," sagði framkvæmda-
stjórinn. „Þær eru svo óáreiðanleg-
ar. Stálheiðarlegt fólk hefur verið
fært inn á vanskilaskrá, því að það
hefur ábyrgst einhver bréf, sem hafa
farið í vanskil."
Bíræfni konunnar var svo kórón-
uð fyrir tæpu ári þegar hún skipti við
verslunina í þriðja sinn. Þá beitti
hún sambýlismanni sínum fyrir sig
við kaup á hjónarúmi. Sölumann
grunaði, að ekki væri allt með felldu,
og vildi tryggja sig með því að láta
konuna, sem var í fylgd með honum,
ábyrgjast bréfið. Það er hins vegar
sjaldnast gert.
En sami grautur er í sömu skál.
Skuldabréf þeirra fór í vanskil og
náðist ekki að innheimta nema hluta
þess. Eftir þessa vanskilasögu mætti
ætla að konan léti kyrrt liggja, en
það er öðru nær. Næst þegar hún
vildi kaupa í versluninni bauðst hún
til að ávísa á barnabæturnar, sem
hún fengi frá tryggingastofnun. Hér
varð verslunareigendum nóg boðið
og höfðu samband við viðkomandi
banka, sem greiddi út bæturnar. En
þetta þótti bankamönnum ekki nýjar
fréttir. Hún hafði leikið þann leik
við marga aðila að tryggja mönnum
skilvísar greiðslur með því að þeir
fengju greitt beint frá bankanum
þann 10. hvers mánaðar.
„Slíkt var dómgreindaleysið hjá
henni,“ endar framkvæmdastjórinn.
„Sem betur fer sjáum við þetta ekki
oft, en það má segja að svona
nokkuð gerist fjórum til fimm sinn-
um á ári.“ þj
Fjögur nefndarálit komu frá
sjávarútvegsnefnd neðri deildar,
þegar hún skilaði málinu til annarr-
ar umræðu í neðri deild Alþingis í
gær. Umræðu var frestað um
kvöldmatarleytið og verður fram-
haldið klukkan 10 árdegis.
Kjartan Jóhannsson mælti fyrir
áliti meiri hluta nefndarinnar, sem
skipaður er auk Kjartans þeim
Alexander Stefánssyni, Guðna
Ágústssyni og Ólafi G. Einarssyni.
Meiri hlutinn gerir breytingartil-
lögur við þrjár greinar frumvarps-
ins.
Þar koma fram nokkrar breyt-
ingartillögur við 10. grein frum-
varpsins, trillubátagreinina svo-
nefndu.
I fyrsta lagi er lagt til að bann-
dögum línu- og handfærabáta verði
fækkað á sumar- og haustmánuð-
um.
í öðru lagi er lagt til að bátum,
sem stunda færa- og línuveiðar,
verði gefinn kostur á að sæta
veiðitakmörkunum með aflahá-
marki í stað banndaga eftir eigin
vild.
í þriðja lagi er gerð tillaga um að
allar útgerðir sem hafa stundað
þorsknetaveiðar á árunum 1986 og
1987 á bátum undir 6 lestum eigi
kost á leyfi til slíkrarveiði áframí
stað þess að einungis verði miðað
við þá sem leyfi fengu til netaveiða
á þessum tveimur áruni.
Meiri hlutinn telur að drög að
reglugerð um veiðar smábáta séu
til mikilla bóta varðandi viðmiðun-
arár, sem verður nú 90% meðaltals
af veiðum tveggja betri áranna af
þremur, í stað 90% meðaltals allra
þriggja áranna í eldri lögum. Einn-
ig vill meiri hlutinn breyta stærðar-
flokkun báta á bilinu 10 - 50 lestir,
því lítill stærðarmunur valdi allt of
miklum mun í aflahámarki á þorsk.
Þá vill meiri hlutinn að endur-
skoðunarnefnd laganna sem lagt er
til að stofnuð verði með bráða-
birgðaákvæði fjalli m.a. sérstak-
lega um með hvaða hætti unnt sé
að taka tillit til byggðasjónarmiða
við stjórn fiskveiða og úthlutun
veiðiheimilda.
Matthías Bjarnason formaður
sjávarútvegsnefndar neðri deildar
lagði fram eigin breytingartillögur,
sem um flest eru í samræmi við
tillögur Karvels Pálmasonar sem
fram komu í efri deild.
Hjörleifur Guttormsson, Hregg-
viður Jónsson og Kristín Einars-
dóttir gerðu síðan grein fyrir tillög-
um sinna flokka áður en umræðu
var frestað. Framhaldið verður
erfitt, því meiri hluta stuðningur
við frumvarpið eða einstök atriði
þess getur hangið á einu atkvæði.
ÞÆÓ