Tíminn - 09.02.1988, Blaðsíða 7

Þriðjudagur 9. febrúar 1988
Tíminn 7
„Friðrik Ólafsson vann einvígið," vitnaði Jóhann Hjartarson í Kortsnoj og hló og tók utan um hjálparhellu sína.
Friðrik Ólafsson, Jóhann Hjartarson og kona hans, Jónína Ingvadóttir, í flugstöðinni í gærmorgun. (Tíminn: Pjeiur)
Jóhann Hjartarson mun þegar búa sig undir einvígi við Karpov:
Lófatak svo undir
tók í flugstöðinni
Sigurgleði ríkti í Leifsstöð snemma morguns í gær þegar Jóhann
Hjartarson, stórmeistari, kom heim eftir frækna för til Kanada, þar
sem hann lagði að velli stórveldi í skákinni, Viktor Kortsnoj, í
æsispennandi úrslitaskák á föstudagskvöld. Jóhann Hjartarson átti
25 ára afmæli í gær og var skálað í kampavíni fyrir honum í flugvélinni
á leiðinni frá Boston.
Jóhanni var fagnað sem þjóðhetju, þegar hann steig á land.
Eiginkona hans og foreldrar biðu hans við landganginn og
menntamálaráðherra afhenti honum blóm við komuna. Þar voru að
auki æðstu menn innan Skáksambands íslands og urmull
fréttamanna. Þegar Jóhann hafði gengið landganginn á enda tók
undir í flugstöðinni af kröftugu lófataki allra viðstaddra, starfsfólks
í Leifsstöð og árrisulla ferðalanga.
Hvarvetna í Leifsstöð stóð fólk á
fætur þegar Jóhann gekk hjá og
klappaði honum lof í lófa. Lófataki
linnti ekki fyrr en Jóhann Hjartarson
og fylgdarlið höfðu búið um sig í litlu
herbergi inn af aðalsal flugstöðvar-
byggingarinnar, þar sem mennta-
málaráðherra færði honum ham-
ingjuóskir ríkisstjórnarinnar og
flutti honum þær fréttir, að götur og
torg hefðu nánast verið auð, þegar
hann tefldi síðustu skákina á föstu-
dagskvöld.
En hvernig líst sigurvegaranum á
hólmgöngu gegn Anatoly Karpov?
„Den tid, den sorg. Það verður á
brattann að sækja,“ sagði Jóhann.
Hann hefur einu sinni áður teflt við
Karpov og endaði viðureignin með
jafntefli eftirmiklarþrengingar. „Ég
get ekki sagt að Karpov sé minn
óskaandstæðingur.“ Jóhann sagði að
hann mætti verðugum andstæðingi í
Karpov, sem ekki notfærði sérbrögð
líkt og Kortsnoj, en hann taldi
ólíklegt að fallist yrði á, að einvígi
við hann yrði teflt á íslandi, líkt og
Campomanes, forseti FIDE, hefur
ýjað að. „Það er óraunhæft. Karpov
samþykkir ekki að tefla á mínum
heimavelli,“ fullyrðir stórmeistar-
inn.
Inntur eftir því hvers konar skák-
maður Jóhann sjálfur væri sagði
hann það vera sjálfsagt og eðlilegt
að bera virðingu fyrir andstæðingi
sínum. Hann sagðist ekki hatast við
mótherja sína, en hann gerði allt
sem í sínu valdi stæði til að bera þá
ofurliði á taflborðinu.
Einvígið við Karpov á að fara
fram í júlímánuði. Enn sem fyrr,
gegn Kortsnoj, spá spekingar Jó-
hanni tapi. Jóhann undirbjó sig lengi
fyrir einvígið gegn Kortsnoj og
þakkaði hann Margeiri Péturssyni
alla aðstoð þá ófáu mánuði og sagði
Margeir og Friðrik Ólafsson ómiss-
andi við næsta einvígi. Þá vildi hann
koma á framfæri þakklæti við ríkis-
stjórnina, Skáksamband íslands,
Búnaðarbankann og aðrar stofnanir,
sem hafa veitt honum ómetanlegan
stuðning.
„Undirbúningur undir einvígið
við Karpov hefst þegar á næstu
dögum," sagði Jóhann Hjartarson,
sem þrátt fyrir fyrri ummæli mun
ekki láta þeim degi sem hann mætir
Karpov nægja sína þjáningu. Því
næst lyfti hann sigursæll glasi með
félaga sínum Friðriki Ólafssyni, sem
hefur tekið skáksóttina á ný. Ekki er
ólíklegt að honum verði gert fært að
aðstoða Jóhann að sama skapi næst.
þj
Einvígi Jóhanns við Karpov:
Allir vilja
styðja Jóhann
Fjöldi fyrirtækja höfðu samband
við Skáksamband Islands í morgun
og báðu um að sér yrði sendir
gíróseðlar svo hægt væri að greiða
inn á reikning Skáksambandsins til
að styrkja Jóhann Hjartarson í ein-
víginu við Anatoly ÍCarpov sem að
öllum líkindum fer fram á Puerto
Rico í júlímánuði. Var greinilegt að
starfsfólk á vinnustöðum hefur heit-
ið á Jóhann í einvíginu við
Kortsnoj,þar sem hann sigraði svo
glæsilega.
Ríkið og Reykjavíkurborg hyggj-
ast einnig veita Skáksambandi ls-
lands fjárstuðning til að mæta kostn-
aði sem óhjákvæmilega mun fylgja
einvígi Jóhanns og Karpovs. Þá mun
Tíminn innan tíðar afhenda Skák-
sambandi íslands þá fjármuni sem
fyrirtæki og einstaklingar hétu á
Jóhann í söfnunarátaki sem Tíminn
stóð fyrir í kjölfar fréttar sinnar um
að nýtt einvígi Jóhanns gæti stefnt
fjárhag Skáksambandsins í hættu ef
ekki fengist aukið fjármagn til starf-
semi sambandsins.
Það var Birgir ísleifur Gunnarsson
sem kynnti áform ríkisstjórnarinnar
um fjárstuðning, þegar hann tók á
móti Jóhanni og fylgdarliði hans á
Keflavíkurflugvelli í gærmorgun.
Davíð Oddsson borgarstjóri til-
kynnti stuðning borgarinnar í sam-
tali við fjölmiðla í gærmorgun.
Eins og áður segir mun Jóhann
mæta hinum feiknasterka Anatoly
Karpov, sem var aðeins hársbreidd
frá því að endurheimta heimsmeist-
aratitilinn í skák nú í haust, þegar
hann náði jöfnu í einvíginu um
heimsmeistaratitilinn við heims-
meistarann Garrí Kasparov.
Önnur einvígi verða á milli Eng-
lendinganna Short og Speelman,
Ungverjans Portisch og Hollend-
ingsins Timmans, Sovétmannsins
Jusupov og Kanadamannsins Sprag-
gets. -HM
Til hamingju, Jóhann!
Fréttastofa APN í Reykjavík
náði sambandi við Anatólí Karpov
í dag og bað heimsmeistarinn fyrr-
verandi fyrir innilegar hamingju-
óskir til Jóhanns Hjartarsonar - í
tilefni af hinum stórkostlega sigri í
St. John og svo í tilefni af 25 ára
afmælinu. Karpov óskaði Jóhanni
áframhaldandi sigra í skákíþrótt-
inni og velfarnaðar í einkalífi.
Hann lagði áherslu á að það væri
sér gleðiefni að mæta hinum unga
íslenska skákmeistara á hinum
friðsama „orrustuvelli“-skákborð-
inu, en hér væri á ferðinni fulltrúi
lands, sem hefði skipulagt hinn
sögulega leiðtogafund haustið
1986, en þann fund kallaði Míkhaíl
Gorbatsjov „undanfara kjarnorku-
vopnalauss heims".
Heimsmeistarinn fyrrverandi
bað einnig fyrir bestu kveðjur og
heillaóskir til íslensku þjóðarinnar,
en hún væri kunn öllum sem hefði
áhuga á skákfþróttinni.
Reykjavík, 8. febrúar, 1988.