Tíminn - 06.04.1988, Blaðsíða 12

12 Tíminn
Miðvikudagur 6. apríl 1988
FRÉTTAYFIRUT
þegar til bardaga kom eftir aö
vopnaöir arabar reyndu að
laumast inn í (srael frá Líb-
anon.
LONDON - Sterlingspundið
styrktist mjög gagnvart öörum
gjaldeyri í gærog setti með því
þrýsting á bnadarískan dollar.
LONDON - Búist er viö því
aö Dalai Lama, andlegur leiö-
togi Tíbeta, muni hafna tilboði
kínversku ríkisstjórnarinnar
um aö snúa á ný til Tíbet ef
hann dragi til baka kröfu sína
um sjálfstæöi Tíbets.
ARIZONA - Ríkisstjórinn í
Arizona, Evan Mecham, var
dæmdur frá embætti sínu á
mánudag, vegna þess aö hann
ráðskaðist meö peninga skatt-
greiðendanna í eigin þágu.
Þetta er fyrsta skiptið í 59 ár
sem ríkisstjóri er dæmdur til aö
láta af embætti í Bandaríkjun-
um.
AMMAN - Utanríkisráð-
herra Bandaríkjanna, George
Shultz, hitti Hussein Jór-
daníukonung aö máli í Amman
í gær. Shultz hyggst reyna aö
fá Hussein til aö samþykkja
friðaráætlun Bandaríkja-
manna í Mið-Austurlöndum.
BAGDAD - írakar sögðust
hafa skotið tveimur flugskeyt-
um að Teheran í kjölfar eld-
flaugaárásar þeirra á hina
heilögu írönsku borg Qom og
hina fornu höfuðborg Esfahan.
íranar tilkynntu að þrír hefðu
látiö lífið i Qom, en tvær eld-
flaugar hæfðu borgina.
MANILA - Bandaríkjamenn
þrýstu á endurnýjun her-
stöðvasamninga á Filippseyj-
um og hétu Corazon Aquino
forseta stuðningi sínum í upp-
hafi formlegra viðræðna um
framtíðarfyrirkomulag her-
stöðva á eyjunum.
ÍSLAMABAD - Afganska
stjórnin i Kabúl sem nýtur
stuðnings Sovétmanna heldur
nú þingkosningar, þrátt fyrir að
ekkert lát sé á stríðinu við
skæruliða múslíma sem staðið
hefur í níu ár. Stjórnin gerði
skæruliðum, sem njóta stuðn-
ings vestrænna ríkja, tilboð
um að taka þátt í kosningunum
og bauð embættismönnum
mannréttindanefndar Samein-
uðu þjóðanna að fylgjast með
kosningunum.
lllllil ÚTLÖND ' ' !■ i - ’ ■ ■ ...... v^1:.....
Najibullah forseti Afganistans og Sjevarnadse utanríkisráðherra Sovétríkjanna funda
í Kabúl:
SOVÉSKIR HERMENN
ÚT ÚR AFGANISTAN
Sovéskir hermenn munu yfirgefa
Afganistan óháð því hvort sam-
komulag næst í friðarviðræðunum í
Genf. Þetta var staðfest á fundi
Najibullah forseta Afganistan og
Eduard Sjevarnadse utanríkisráð-
herra Sovétríkjanna í Kabúl á mánu-
dag. Hins vegar halda þeir öllum
dyrum opnum ef ekki næst sam-
komulag í Genf. Þetta kom fram í
Prövdu, málgagni sovéska kommún-
istaflokksins á þriðjudag.
„Báðir aðilar staðfestu að áætlun
um brottflutning verði framkvæmd
án tillits til stöðunnar í viðræðunum
milli Afgana og Pakistana í Genf,“
sagði í frétt Prövdu af fundinum.
„Ef viðræðurnar í Genf enda ekki
með undirritun samkomulags, þá
munu Sovétríkin og Afganistan
grípa til þeirra aðgerða sem þjóðar-
hagsmunir beggja ríkjanna
krefjast."
Pravda skýrði ekki nánar frá því
hvernig og hvenær hinir 115 þúsund
sovésku hermenn í Afganistan munu
yfirgefa landið, en Sovétmenn hafa
áður lýst því yfir að brottflutningur
sovéskra hermanna muni hefjast
tveimur mánuðum eftir að sam-
komulag yrði undirritað í Genf og
að brottflutningi yrði lokið á hálfu
ári.
Nú fara fram þingkosningar til
afganska þingsins og munu þær
standa til 14. apríl. Skæruliðar mús-
líma hafa lýst því yfir að kosningarn-
ar séu haldnar til að blekkja afgan-
ska alþýðu og almenningsálitið í
heiminum.
Sovéskir hermenn í Kabúl. Nú hafa Sovétmenn og Afganar staðfest að
sovéskir hermenn verði fluttir á brott frá Afganistan hvort sem friðarsam-
komulag verður undirritað í Genf eður ei.
Þotu með 110
farþegum rænt
Flokkur arabískmælandi manna
rændi í gær farþegaþotu frá Kuwait
með 115 manns innanborðs og
neyddi flugstjórann til að lenda þot-
unni í írönsku borginni Mashhad.
Hótuðu flugræningjarnir að
sprengja þotuna í loft upp ef hún
yrði ekki fyllt af eldsneyti svo þeir
næðu til óþekkts áfangastaðar. Pá
krefjast þeir að sautján föngum í
Kuwait verði sleppt.
transka stjórnin ætlaði ekki að
veita þotunni lendingarleyfi, en eftir
að ljóst varð þotan var að verða
eldsneytislaus var lendingarleyfi
gefið. Stjórnin í Kuwait hefur farið
fram á það við stjórnvöld í íran að
verða ekki við kröfu flugræningj-
anna um eldsneyti.
Flugræningjarnir slepptu einum
sjúkum farþega frá borði. Farþegar
eru flestir frá Kuwait og eru þrír
meðlimir hinnar stóru konungsfjöl-
skyldu í Kuwait þeirra á meðal. Þá
voru rúmlega tuttugu Bretar í vélinni
auk fólks af öðru þjóðerni.
Perez de Cuellar framkvæmda-
stjóri Sameinuðu þjóðanna hefur
beint því til flugræningjanna, sem
eru fimm eða sex að tölu og vopnaðir
skammbyssum og handsprengjum,
að þeir sleppi farþegum vélarinnar.
Verkföllin í
Sovétríkjunum:
Verksmiðjur
gjaldþrota
Verkföllin í Nagorno-Kara-
bakh hafa sett fjórar sovéskar
verksmiðjur á hausinn, en hingað
til hafa gjaldþrot sovéskra verk-
smiðja ekki verð algeng. Verkföll
hafa verið í Nagorno-Karabakh í
rúma viku, en armenskir verka-
menn krefjast þess að héraðið
verði sameinað Armeníu.
Verksmiðjurnar sem eru nú
orðnar gjaldþrota störfuðu í raf-
eindatækjaiðnaði, húsgagna-
iðnaði og landbúnaðarvélaiðn-
aði. Er talið að tap verksmiðj-
anna vegna verkfalisins sé rúm-
lega fjórar milljónir rúblna.
18 þúsund
froskar í
varðhaldi
Axar-
morð
Morðingi vopnaður exi myrti hjón
í vestur-þýska bænum Weiden í
fyrrinótt og særði þrjá aðra alvar-
lega. Morðinginn lét sjálfur lffið
þegar hann ók bifreið sinni á fullri
ferð á tré.
Morðinginn, Koellner að nafni,
lenti í hörðu rifrildi við félaga sinn á
mánudagskvöld. Koellner var ekki
sáttur eftir orðaskiptin svo hann elti
félaga sinn heim og réðst á hann með
exi í heimtröðinni. Faðir fórnar-
lambsins hugðist koma syni sínum til
hjálpar, svo Koellner réðst að hon-
um með exinni og ók síðan nokkrum
sinnum yfir hann. Þeir feðgar héldu
þó lífi eftir árásina þó stórslasaðir
væru.
Eftir líkamsárásina á feðgana hélt
Koellner til heimilis kunningjahjóna
sinna, réðst að þeim með exinni og
linnti ekki fyrr en hjónin lágu örend
eftir. Þá ók maðurinn til enn eins
félaga síns, hjó hann með exinni og
stakk hann með hnífi. Maðurinn
lifði .árásina af, en Koellner hélt á
braut en fannst síðar látinn í bifreið
sinni þar sem hann hafði ekið henni
á tré, greinilega með sj álfsvíg í huga.
Átján þúsund froskum var hald-
ið föngnum á flugvellinum í Brus-
sel á mánudag. Var froskunum,
sem millilentu í Brussel á leið sinni
frá Kairó til Genfar, haldið föngn-
um á flugvellinum í níu tíma án
þe'ss að fá vott né þurrt. Hafa
belgísk dýravinasamtök mótmælt
meðferðinni á froskunum.
„Það eina sem við viljum er að
athuga flugfarma og koma í veg
fyrir fjöldamorð," sagði talsmaður
belgísku dýravinasamtakanna.
Hann sagði að þröngt hafi verið
búið um froskana í ferðinni til
Genfar. Talsmaðurinn upplýsti
einnig að ólöglegur farmur lifandi
fugla hafi fundist á flugvellinum í
Brussel.
Talsmaður Sabena flugfélagsins
sem flutti froskana staðfesti að
froskarnir hefðu verið innilokaðir
á flugvellinum í rúma átta tíma, en
hann sagði að það hafi ekki verið
sérstaklega heitur né þurr dagur
svo froskarnir hafi ekki beðið tjón
af þó þeir hafi ekki fengið vott né
þurrt þennan tíma.
Kínverjar hverfa frá te-
neyslu yfir í bjórþamb:
Brugghús
anna ekki
bjórþambi
Kínversk brugghús ná nú ekki að
anna síaukinni eftirspurn eftir bjór,
en svo virðist vera að kínversk
alþýða sé nú að hverfa frá hefðbund-
inni tedrykkju og sötri þess í stað
bjór í gríð og erg. Er nú svo komið
að kínverskir bjórsvelgir þurfa lengi
að leita til að fá glas af köldum miði.
„Komdu aftur í næstu viku. Því
miður er allur bjór upp urinn,“ var
svarið í ríkisreknum stórmarkaði
þegar falast var eftir miðinum.
“Kannski fáum við bjór í næstu
sendingu, en það er ekki víst, við
höfum ekki það góð sambönd."
í Kína eru rúmlega þúsund brugg-
verksmiðjur og framleiða þær rúm-
lega fimm milljón lítra á ári. En það
dugir ekki til. í Peking eru brugguð
150 þúsund tonn á ári. En það er um
100 þúsund tonnum of lítið.