Tíminn - 12.04.1988, Blaðsíða 20

Sparisjóösvextir
á tékkareikninga
með
hávaxtakjörum
SAMVINNUBANKI
fSLANDS HF
Auglýsingadeild hannar
auglýsinguna fyrir þig
Ókeypis þjónusta

•
faÍllsSSF , 686300 Tíniinn
HRESSA
KÆTA
Jón Baldvin leggur fram nýjasta skattapakkann:

Virðisaukinn á
borð þingmanna
í gær var lagt fram á Alþingi frumvarp til laga um virdisauka-
skatt, geysilega viðamikið plagg sem telur alls 63 síður. Búist er
við að Jón Baldvin Hannibalsson, fjármálaráðherra mæli fyrir
frumvarpinu á morgun.
Virðisaukinn er ekki allsendis
nýtt hugtak í umræðu um skatta-
breytingar og efnahagsmál, því að
á undanförnum tveimur áratugum
hefur oft komið til tals að taka upp
virðisaukaskatt í stað söluskatts.
Málið hefur komið margsinnis inn
á Alþingi, m.a. verið lagt fram í
þrígang í formi frumvarps, árin
1983, 1984 og 1986, en ætíð sofnað
þar svefninum langa. Hvort sömu
örlög bíða nýja frumvarpsins skal
ósagt látið, en fjármálaráðherra
telur að það njóti meirihlutastuðn-
ings í sölum þingsins, enda séu
stjórnarflokkarnir búnir að gefa á
það grænt ljós, og því megi ætla að
það verði afgreitt fyrir þinglausnir
í vor. Ef frumvarpið hlýtur óbreytt
samþykki þingsins, verður virðis-
aukaskattur tekinn hér upp frá og
með 1. júlí 1989.
Frá því að frumvarp um virðis-
aukaskatt var síðast lagt fram, fyrir
um tveimur árum, hafa eftirfarandi
breytingar helstar verið gerðar:
1. Nú er miðað við að skatthlutfail-
ið verði 22% í stað 24%.
2. Fallið er frá því að kveða á um
sérstakt skatthlutfall í landbúnaði.
Einnig er lagt til að uppgjörstíma-
bilið í landbúnaði verði sex mánuð-
ir í stað tólf mánaða áður.
3. Fallið er frá hugmyndum um
sérstaka úrskurðarnefnd í tiltekn-
um málum varðandi skattskyldu
og framkvæmd. Þess í stað er lagt
til að í þessum málum verði skipað
með sama hætti og gert er í sölu-
skattslögum varðandi kærur, úr-
skurði og réttarfar.
Eitt aðaleinkenni virðisauka-
skattsins er að hann leggst aðeins
einu sinni á sama verðmætið, óháð
því hversu oft það gengur milli
viðskiptastiga. Þetta er það atriði
sem hvað greinilegast skilur virðis-
aukaskattinn frá núverandi sölu-
skattskerfi, en uppsöfnunaráhrifa
söluskattsins gætir mismunandi
mikið eftir því hve varan eða
verðmætin fara um mörg við-
skiptastig áður en neytandanum er
náð.
Fjármálaráðuneytismenn telja
að virðisaukakerfið verði mun skil-
virkara en gamla kerfið. Þetta er
rökstutt þannig að eftirlit með
skattheimtu verði virkara en áður,
sökum möguleika á samanburði
skila hyers fyrirtækis á virðisauka-
skatti við launagreiðslur og árs-
reikninga þess.
Aukin skilvirkni kerfisins, mið-
að við söluskattskerfið, kemur, að
mati sérfræðinga fjármálaráðu-
neytis, til með að vega upp á móti
færri krónum í ríkiskassann vegna
þessa kerfis, en áætlað er að með
22% virðisaukaskatti skerðist tekj-
ur ríkissjóðs um 1200 milljónir
BHI
■hhh
BmfflMHMHHgHHaBHMaBBBHyilBILiMi'JMIwgitllf
Stórtap á tónleikum Boy George:
Split „splittar
upp“ vegna Boy
Þrátt fyrir þokkalega aðsókn
og vel heppnaða skemmtun er
Ijóst að stórtap varð á hljóm-
leikum Boy George sem haldn-
ir voru í Laugardalshöllinni
um helgina og er talið að það
nemi vel á aðra milljón króna.
Hljómleikarnir voru haldnir
á vegum umboðsfyrirtækisins
Split, sem er í eigu Bobby
Harrison og Tony Sandy, og
segja heimildir Tímans að
fyrirtækið muni nú leggja
cndanlega upp laupana vegna
þessa.
Split hefur staðið fyrir nokkrum
hljómleikum, m.a. með Bonnie
Tyler og tónleika með sænsku
hljómsveitinni Europe, sem þóttu
einna skástir. Hins vegar hefur
orðið mikið tap af flestum hljóm-
leikanna, nema hjá Europe, en
tapið á Boy George tónleikunum
étur þann hagnað upp og rúmlega
það.
Split mun því „splitta upp“ á
næstu dögum og ekki bjóða upp á
fleiri tónleika á næstunni. Fyrir-
hugað hafði verið að halda tónleika
með gömlu jöxlunum í Uriah
Heep, en það mun nú dottið upp
fyrir.
Alls mættu tæplega 3.000 manns
á tónleikana, en til að tónleikarnir
hefðu borið sig, þurftu rúmlega
3.500 manns að mæta. Miöaverð
var 2.000 krónur og sést því að
opinbert tap var að lágmarki rúm
milljón.
Ekki náðist í þá Bobby Harrison
og Tony Sandy vegna þessa máls,
þrátt fyrir ítrckaðar tilraunir.
Boy George og fylgdarlið hans
skemmtu sér konunglega eftir tón-
leikana og buðu fjölda manns með
sér í veislu á herbergi sín á Holiday
Inn, þegar þeim var lokið. Meðal
veislugesta var hópur ungra
stúlkna, sent margar hverjar voru
undir lögaldri.
Boy George var hins vegar í
annarri veislu fram undir klukkan
5 á sunnudagsmorgun, á heimili
vel þekktra tónlistarmanna, en
mætti síðan á hótelið skömmu
síðar og stóð gleðin frani undir
miðjan sunnudag. Svo fjölmennt
var í veislunni um tíma að hluti
gestanna dvaldist frammi á gangi,
þar sent yfirmaður öryggisvarða
stjörnunnar spilaði á gítar frum-
samin lög.
Hótelreglur kveða á um að ekki
megi fara með gesti upp á hótelher-
bergi og því var Jónas Hvannberg,
framkvæmdastjóri Holiday Inn,
spurður að því hvernig á gleð-
skapnum hefði staðið.
„Ég kannast ekki við að það hafi
verið utanaðkomandi gestir í veisl-
unni. Við erum náttúrlega ekki
eins og fangaverðir hérna. Þó það
læðist inn einn og einn, þá getur
verið erfitt að hafa auga með því.
Það er líka erfitt fyrir starfsfólk að
fylgjast nákvæmlega með því hvort
að viðkomandi er skráður á hótelið
eða ekki,“ sagði Jónas. -SÓL
Fjármálaráðherra og ráðuneytismenn kynntu frumvarp um virðisauka-
skatt fyrir blaðamönnum í gær. Tímamynd:Pjetur
miðað við 25% söluskatt á þessu
ári.
Til að stoppa upp í þetta gat á
ríkiskassann eru augljóslega aðeins
tvær leiðir, að styrkja aðra tekju-
stofna ríkissjóðs eða draga saman
seglin við fjárlagagerð árið 1989.
Þær tekjuleiðir, sem m.a. hefur
verið rætt um, ef ekki kemur til
niðurskurður á útgjöldum ríkisins,
eru breytingar á skattlagningu at-
vinnurekstrar, endurskoðun á lög-
um urn tekju- og eignarskatti og
samræmingar og endurskoðun á
sköttum og gjöldum sem reiknast
af launagreiðslum fyrirtækja. óþh
RALA vill foröast útbreiðslu
hringrots og kartöfluhnúöorms:
Jarðeplavertíð
á næstu grösum
Nú er að fara sá tími í hönd er menn fara að huga að garðræktinni,
þ.m.t. kartöftuniðursetningu.
í tilefni af því hefur Rannsóknastofnun landbúnaðarins sent
fjölmiðlum nokkur aðvörunarorð þar sem minnt er á að einungis
fáir framleiðendur hafí leyfí til sölu og dreifíngar á útsæði.
Hömlur á þessa sölu eru til komn-
ar til að sporna gegn útbreiðslu á
sjúkdómnum hringroti og meindýr-
inu kartöfluhnúðormi, en þessir
skaðvaldar eru veruleg ógnun við
kartöflurækt í landinu. Frá þeim
stöðum, sem þessir skaðvaldar hafa
fundist, eða sem rökstuddur grunur
er um þá, er óheimilt að afhenda
útsæði. Sé slíkur grunur ekki fyrir
hendi, eru bein útsæðisviðskipti milli
ræktenda heimil án sérstaks leyfis og
þá á þeirra eigin ábyrgð. Borið hefur
á því að ræktendur án útsæðisleyfis
auglýsi í staðarblöðum útsæði í
heimasölu. „Vara verður við slíkum
útsæðiskaupum," segir í tilkynningu
frá RALA.
Ekki er unnt að meta gæði útsæðis
eftir útliti einu saman. Það sést t.d.
ekki á kartöflunum hvort þær bera
smit alvarlegra sjúkdóma. Því er
mönnum bent á að setja ekki niður
aðkeyptar matarkartöflur, heldur
eingöngu kartöflur sem seldar eru
sem útsæði.
Útsæðisleyfi hafa nú um 60 fram-
leiðendur. Það útsæði sem völ verð-
ur á hjá dreifingaraðilum er tvenns-
konar, stofnútsæði og útsæði. Á
höfuðborgarsvæðinu verður stofnút-
sæði fáanlegt hjá Ágæti Síðumúla
34, Blómavali Sigtúni, Mata Sunda-
görðum 10 og Sölufélagi garð-
yrkjumanna Skógarhlíð 6. Dreif-
ingaraðilar og stærri framleiðendur
geta snúið sér til Búnaðarsambands
Eyjafjarðar á Akureyri með pantan-
ir í stoínútsæði. óþh
8 x í viku