Tíminn - 14.05.1988, Blaðsíða 3

Laugardagur 14. maí 1988
Tíminn 3
Ýmsum brögðum beitt á prófvertíð íslenskra námsmanna:
Þóttist annar
Upp komst um svindl í prófí í Iðnskólanum í Reykjavík í vikunni.
„Það var hér einn nemandi sem tók próf fyrir annan og hann var
með meðferðis nafnskírteini þess sem hann tók prófíð fyrir,“ sagði
Ingvar Ásmundsson, skólastjóri Iðnskólans, í samtali við Tíinann.
„Þeim hefur báðum verið vísað frá prófí og öll þeirra próf á þessari
önn eru ógild. Þessi niðurstaða hefur verið staðfest af menntamála-
ráðuneytinu. Þeir geta haldið námi áfram en þurfa að taka þessi próf
aftur. Ef þeir ætla að gera það utan skóla þá þurfa þeir að sækja um
leyfi til þess og það er óafgreitt mál. Ég á nú frekar von á því að þeir
fái að gera það,“ sagði Ingvar.
Sól og hlýindi tóku á móti borgarbúum þegar þeir fóru á stjá í gærmorgun.
Og það var ekki að sökum að spyrja, ntargir skelltu sér í sólbað í
laugunum. Um eftirmiðdaginn ■ gær fór hitinn í 15 stig í Reykjavík og 16
stig á Akureyri. Það er gert ráð fyrir áframhaldandi blíðu um helgina.
Tímamynd Pjetur
Allar leiðir kannaðar með sölu á eignum Sláturfélagsins:
SPÁÐ í NÝJABÆ
Vegna þess hversu fjölmennur
skólinn er þurfa nemendur að koma
með skilríki með sér í próf, sem þeir
leggja á borðin hjá sér. Eins og fyrr
segir var viðkomandi með nafnskír-
teini þess sem hann tók prófið fyrir.
„Þeir voru nú ekkert sérstaklega
líkir en þessar myndir eru ógreinileg-
ar. Athugull kennari varð þó var við
þetta.“
Að sögn Ingvars er ekki algengt
að svindlað sé á þennan hátt. „Þetta
hefur komið fyrir einu sinni áður svo
ég viti til.“
Það er einnig fjölmennt í prófum
í Fjölbrautaskólanum í Breiðholti
og þar þurfa nemendur einnig að
koma með skilríki í próf. En hafa
komið upp dæmi um svindl af þessu
tagi þar? „Það hefur komið fyrir en
það er langt síðan og það var áður
en við tókum upp þessa reglu um
skilríki," sagði Kristín Arnalds,
skólameistari FB. „Sem betur fer er
frekar lítið um svindl almennt þó að
skólinn sé jafn fjölmennur og hann
er. Það örlar þó á því, það hefur
komið fyrir að nemendur hafi haft
með sér skrifað.
En þegar það kemst upp þá tökum
við hart á því. Viðkomandi áfangi er
þá ógildur og við látum nemendur
vita það að svindl getur haft í för
með sér brottrekstur. En refsingin
hlýtur að fara eftir eðli málsins í
hverju einstöku tilfelli," sagði
Kristín.
„Við höfum ekki lent í þessu. Það
má vel vera að það sé eitthvað um
svindl eins og gengur og gerist en við
höfum ekki staðið neinn að verki,“
sagði Sverrir Einarsson, áfangastjóri
í Menntaskólanum við Hamrahlíð.
„Ég trúi því ekki að það sé neitt
stórsvindl hjá okkur eins og gerðist
í Iðnskólanum í þessu tilfelli. Það er
sjálfsagt eitthvað um það að fólk
skrifi á handleggina á sér en það er
ekki hægt að komast fyrir slíkt.“
„Prófin eru fjölmenn en við krefj-
umst þess ekki að nemendur komi
með skilríki. Kennararnir sitja sjálfir
yfir í prófum hjá okkur og þeir
þekkja sína nemendur. Það er ekki
það ópersónulegt að einhver ókunn-
ugur geti komið inn og tekið próf.
Við höfum því ekki talið nauðsyn-
legt að grípa til slíkra aðgerða. Við
viljum treysta nemendum, þetta er
fullorðið fólk,“ sagði Sverrir.
Stefán Ólafur Jónsson, deildar-
stjóri í verk- og tæknimenntunar-
deild menntamálaráðuneytisins var
spurður um afstöðu ráðuneytisins til
svindls á prófum. „Það eru skýrar
reglur um hvernig fara skuli með
mál þar sem unr óleyfilegt framferði
í prófi er að ræða. Þessi mál þurfa
ekki að koma til okkar nema eitt-
hvað sé óljóst um viðeigandi
viðbrögð. Það er þó stundum leitað
eftir afstöðu ráðuneytisins og hvort
viðbrögðin samræmist gildandi
reglum," sagði Stefán.
Stefán var spurður um þetta til-
tekna brot í Iðnskólanum. „Við
lítum á þetta sem afskaplega gróft
brot og slíkt verður ekki liðið.
Viðkomandi er vísað frá prófi þegar
svona kemur upp. Það liggur við að
þetta sé refsivert athæfi, að þykjast
vera annar og ganga í próf sem veitir
réttindi. Þó held ég að þetta sé
viðeigandi refsing ef um fyrsta alvar-
lega brot er að ræða. Hins vegar
hefur komið upp slæmt brot þar sem
viðkomandi var búinn að fá áminn-
ingu áður. Þá getur skóli haft ástæðu
til að vilja ekki taka við nemandan-
um næst.“
Brot af þessu tagi hefur áður
komið upp í Iðnskólanum, eins og
fyrr segir. „Það var einn nemandi
sem fékk vin sinn úr Háskólanum til
að taka efnafræðipróf fyrir sig. Það
komst upp því það trúði enginn að
þessi sem átti svo erfitt með fagið
skyldi ná úrlausn upp á 10,“ sagði
Stefán.
Hann sagði að lokum að það væri
þrátt fyrir allt ótrúlega lítið um
tilfelli sem þessi að ræða, miðað við
allan þann fjölda sem er í skólum
landsins. Það þarf ekki að koma á
óvart að þegar um 10 til 20 þúsund
manns er að ræða, skuli brot koma
upp annað slagið. JIH
Eins og áður hefur komið fram
leita nú forsvarsmenn Sláturfélags
Suðurlands eftir tilboðum í ýmsar af
eignum félagsins í borginni. Vitað er
að lögð hefur verið mikil áhersla á
sölu Nýj abæjar, verslunar fyrirtækis-
ins á Eiðistorgi.
Samkvæmt heimildum Tímans
hefur ónafngreindur aðili nú gert
200 milljóna króna kauptilboð í
Nýjabæ. Hér um ræðir aðila sem
ætlar húsnæðið undir annarskonar
rekstur en verslun. Stjórn og for-
ráðamenn Sláturfélagsins munu ekki
enn hafa tekið afstöðu til þessa
kauptilboðs.
Steinþór Skúlason, forstjóri Slát-
urfélagsins, varðist allra frétta þegar
Tíminn innti hann 'eftir því hvort
formlegt kauptilboð hefði borist í
Nýjabæ. „Það hafa ýmsir möguleik-
ar verið skoðaðir, en ekki liggur enn
fyrir nein niðurstaða. Þetta er spurn-
ing um hvað við sættum okkur við,
en við höfum ekki kannað til fulls
nýja fleti á þessu máli,“ sagði Stein-
þór.
Þess má geta að brunabótamat
eigna Sláturfélagsins á Eiðistorgi er
tæpar 180 milljónir króna. óþh
Um mánaðamótin stigu
28.480 Kjörbókareigendur
eittþrepuppávið.
Og fengu 70 milljónir í staðinn.
Já, Kjörbókareigendur góðir, það kom að
því. Þeir sem átt höfðu innstæðu, eða hluta
hennar, óhreyfða í 16 mánuði fengu
reiknaða fyrstu þrepahækkunina nú um
mánaðamótin: 1,4% viðbótarvextir voru
reiknaðirá innstæðuna 16 mánuði aftur í
tímann, samtals 70 milljónir króna. Á
hverjum degi þaðan í frá bætast svo
fleiri og fleiri Kjörbókareigendur við,
sem ná 16 mánaða þrepinu.
Átta mánuðum síðar hefst á sama
hátt, útreikningur á afturvirka 24
mánaða vaxtaþrepinu.
Kjörbókin ber háa vexti auk verð-
tryggingarákvæðis, verðlaunar þá
sérstaklega sem eiga lengi inni, en
er engu að síður algjörlega
óbundin.
Landsbanki
íslands
Banki allra landsmanna