Tíminn - 14.05.1988, Blaðsíða 11

Tíminn - 14.05.1988, Blaðsíða 11
Laugardagur 14. maí 1988 Tíminn 23 FRÉTTAYFIRUT JERÚSALEM - Israelsk óeirðalögregla skaut gúmmí- kúlum að hópum Palestínu- manna sem köstuöu að henni grjóti eftir að þrettán þúsund múslímar höfðu beðist þar fyrir, síðasta föstudag hins heilaga mánaðar Ramadan. PARIS - Forsætisráðherra Frakklands, Michel Rocard, lauk stjórnarmyndun sinni með því að skipa blökkumann, fyrr- um íþróttamann og fyrrum bylt- ingarmann í stjórnina. Gert er ráð fyrir að stjórn Rocards verði ekki langlíf og að Rocard boði bráðlega til kosninga. Reyndar hefur Rocard látið hafa eftir sér að hann vilji kosningar, en Mitterrand for- seti er að íhuga það mál. MOSKVA - Kim Philby, njósnarinn frægi, var borinn til grafar í Moskvu með viðhöfn sem tíðkast við jarðarfarir hátt- settra hermanna. AUSTUR-BERLÍN Utanríkisráherra Sovétríkj- anna, Euduard Shevardnadse, hélt stuttan fund með utanríkis- ráðherrum Varsjárbandalags- ins um viðræður sínar við Shultz. Það vekur athygli að rúmenski ráðherrann mætti ekki á fundinn. I Brussel hélt Shultz utanríkisráðherra Bandarikjanna samskonar fund með ráðherrum Natoríkja. KABUL - Sovéskir hermenn á skriðdrekum og vopnuðum flutningabílum voru áberandi á götum Kabúl í gær, en þeireru að undirbúa brottför sína frá Afganistan. Brottflutningarnir hefjast á morgun og er talið að skæruliðar muni reyna að gera árásir á sovésku hermennina. BRAZZEVILLE - Utanrík- isráðherra Suður-Afríku, Pik Botha, hélt stuttan fund með utanríkisráðherra Angólu á Brazzeville. Eftirfundinn sagði ■ hann að „þeir Afríkumenn" hafi það sameiginlega mark- mið að binda enda á stríðið í Angólu sem staðið hefur í þrettán ár. _ NIKOSÍA - Fjöldi írana ; safnaðist saman og hróþaði „dauði yfir lsrael“ og þrenndu brúður sem tákna áttu Reagan forseta til að sýna samstöðu sína viö baráttu Palestínu- manna. MEXÍKÓBORG - Sjö lét- ust og fimmtíu og fimm særð- ust þegar bygging hrundi til grunna í miðborg Mexíkóborg- ar. ÚTLÖND ÞEIR ÆFA LÍKA FYRIR SEOUL Það eru ekki eingöngu íþróttamennirnir sem æfa af kappi fyrir Ólympíuleikana í Seoul sem fram fara í haust. Nú eru sérstakar öryggissveitir Ólympíuleikanna, sem gæta eiga öryggis íþróttamannanna jafnt sem áhorfenda, í ströngum æfingabúðum og sérhæfa sig í að takast á við hryðjuverka- menn sem kynnu að vilja varpa skugga á leikana með voðaverkum. Alls munu um 120 þúsund manns sjá um öryggisgæslu í Seoul á meðan leikarnir fara fram. Af þeim eru um tíu þúsund manns, bæði úr lögreglu og her, sem verða í viðbragðsstöðu ef til átaka kemur. Þar af eru 150 menn úr lögreglunni í Seoul sem skipa sérstaka víkingasveit og hafa fengið sérþjálfun í að takast á við hvers konar hryðjuverkamenn. Þessi víkingasveit gengur nú í gegnum sérþjálfun sem menn hafa lýst sem djöfullegri, svo ströng er hún. Er talið að þessi hópur sé orðinn besta víkingasveit í heimi og enn eiga þessir lögreglumenn eftir að ganga í gegnum harða sérþjálfun. Sérstök 160 manna kvennasveit hefur nú lokið þjálfun sinni og er henni ætlað að vernda íþróttakon- urnar á Ólympíuleikunum ef hryðj- uverkamenn láta til skarar skríða. Vopnabúnaður hinna fjölmennu öryggissveita Ólympíuleikanna er ekki lítill. Alls munu um 117 þúsund vopn af 130 gerðum vera í vopnabúri sveitanna. Meðal þeirra má nefna sérstakar byssur sem skjóta ljós- og hvellsprengjum sem eru þeim eigin- leikum gættar að menn missa með- vitund ef þær springa í námunda við þá, en drepa ekki. Það er ekki að ósekju sem þetta mikill viðbúnaður er viðhafður. Enn er í fersku minni harmleikurinn í Múnchen árið 1972 þegar hryðj- uverkamenn tóku nokkra ísraelska íþróttamenn í gíslingu og drápu tvo þeirra. Þá eru fjendurnir í norðri, Norður-Kórea, ekki par hrifnir af því að Suður-Kórea haldi Ólympíu- leikana. Vitað er að Norður-Kóreu- menn hafa stutt við bakið á hryðj- uverkamönnum víða um heim og vilja stjórnvöld í Suður-Kóreu hafa vaðið fyrir neðan sig, ef það dytti í frændur þeirra fyrir norðan að vilja eyðileggja leikjahaldið með hryðj- uverkum. Turnar Gullna hofsins í Amritsar. Þýskar stúlkur: Meydómurinn fýkur fyrir allar aldir Þrátt fyrir eyðniótta og nokk- urt fráhvarf frá kynlífsbylting- unni, þá er það ekki í tísku hjá þýskum stúlkum að halda fast í meydóm sinn. Þvert á móti virðist meydómurinn fjúka fyrir allar aldir og er um helmingur sextán ára þýskra stúlkna búinn að glata sakleysi sínu. Þetta kemur fram í skoðanak- önnun sem þýska tímaritið „Bravo girl“ lét gera meðal átt- aþúsund stúlkna á aldrinum fjórt- án til tuttugu ára. í könnuninni kom fram að fjórða hver þýsk stúlka hefur misst meydóminn fyrir fimmtán ára afmælið sitt og að einungis tíunda hver stúlka hefur staðið fast á meydóm sínum til tvítugs. Enn átök við Gullna hofið Sérsveitir indversku lögreglunnar gerðu árás á Gullna hofið í Amritsar í gær og tóku tvær byggingar her- skildi, en flokkur shíka sem vilja sjálfstæði Punjab héraðs, hefur haft hofið á valdi sínu frá því á mánudag. Skotbardagar hafa verið við og við á milli indverskrar lögreglu og shíkanna undanfarna daga og hafa að minnsta kosti tuttugu og fimm manns fallið. Talið erað um hundrað manns séu í hofinu og segjast shík- arnir ætla að verja það til síðasta blóðdropa. Önnur byggingin sem lögreglan náði á vald sitt í gær er eldhús hofsins, en þaðan hafa shíkarnir fengið mat undanfarna daga. Þrjúþúsund og fimmhundruð vopnaðir lögreglumenn, þar af fimmhundruð sérþjálfaðir víkinga- sveitarmenn, umkringja nú Gullna hofið og bíða átekta. Slitnað hafði upp úr samningaviðræðum við shík- ana strax á þriðjudag og virðist því allt stefna í enn blóðugri átök. Árið 1984 urðu einmitt blóðug átök milli indverska hersins og að- skilnaðarsinnaðra shíka í heilagasts hluta Gullna hofsins. Það eru ekki aðeins íþróttamenn sem nú æfa af kappi fyrir Ólympíuleikana í Seoul. Öryggissveitir ganga nú í gegnum stranga þjálfun og má hér sjá víkingasveitarmenn við æfingar á Ólympíuleikvanginum. Suöur-Afríka: Barnungur ökuþór stakk lögguna af Margur er knár þó hann sé smár. Að þessu komst lögreglan í Suður- Afríku í gær þegar ungur bílþjófur stakk Iögreglubíla af á 150 kíló- metra hraða eftir klukkustundar eitingarleik. Það var varla að þjóf- urinn næði upp fyrir mælaborðið og fullyrðir lögreglan að ökuþórinn hafi verið einhvers staðar á aldrin- um sjö til níu ára. „Hann var svo lítill að það var eins og höfuðlaus manneskja væri að aka bílnum,“ sagði talsmaður lögreglunnar. Ökumaðurinn ungi tróð bunka af jökkum undir óæðri endann til að sjá veginn fyrir framan sig. Lögreglan missti af bílnum, sem er af Ford Granada gerð, þegar eltingarleikurinn færðist í áttina að blökkumannahverfunum í Soweto.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.