Tíminn - 10.06.1988, Blaðsíða 20
RÍKISSKIP
NÚTIMA FLUTNINGAR
Hofnorhúsinu v/Tryggvagötu,
S 28822
Auglýsingadelld hannar
auglýsinguna fyrir þig
Ókeypís þjonusta
Tíminn
STRUMPARNIR
Tíniinn
Helmingur alls útflutningsverðmætis íslendinga
er færður til bókar hjá aðeins þremur fyrirtækjum:
Sölumiðstöð hraðfrystihúsanna (10.270 millj.), Sölu-
sambandi ísl. fiskframleiðenda (8.622 millj.) og
Sambandi ísl. samvinnufélaga (7.277millj.). Samtals
nam útflutningur þessara þriggja fyrirtækja um
26.170 millj. króna af 50.053 millj. kr. heildarverð-
mæti útfluttra vara frá landinu árið 1987. Aukning
útflutningsverðmætis þessara þriggja fyrirtækja var
20,5% frá árinu áður. Að viðbættum ísal (5.117
millj.) og Járnblendifélaginu (1.476 miUj.) eru
tæplega 62% útflutningsverðmætanna talin.
Hagtíðindi birta töflu yfir 50
helstu útflytjendur landsins. Af
þeim eru 40 aðallega í útflutningi
sjávarafurða. Hinir eru, auk stór-
iðjufyrirtækjanna: Iðnaðardeild
SÍS (994 millj.), Álafoss (407
millj.), Manvilíe hf. (294 millj.),
Hampiðjan (149 millj.), Hilda
hf. 146 millj.), Hagfeldur sf.
(minka- og refaskinn 141 millj.),
Vikurvörur (vikur og rauðamöl
119 millj.) og Loðskinn hf. (82
millj.). Af þessum fyrirtækjum
eru Vikurvörur nýjar á þessum
lista, en fyrirtækið hefur flutt út
um 41 þús. tonn af fósturjörðinni,
sem að viktinni til svarar til
þriðjungs af öllum saltfisknum.
önnur fyirtæki sem ekki voru
á 50 fyrirtækja listanum á síðasta
ári eru m.a. Gámavinir í Eyjum
sem nú eru í 19. sæti. Gámavinir
fluttu úr 7.828 tonn af ferskum
fiski fyrir 381 millj. kr. og hafa
því fengið 48,72 kr. fyrir kílóið
að meðaltali. Næst í röðinni er
Tryggvi Pétursson og Co, Mar-
fang hf., Svanur hf., R. Hannes-
son hf., ístess hf., Íslandssíld hf.,
Islenskur gæðafiskur hf. og Sam-
herji hf. Öll hafa þessi fyrirtæki
komist inn á listann vegna út-
flutnings sjávarafurða.
Hjá fimmtungi fyrirtækjanna
var útflutningur mun minni held-
ur en árið 1986. Aðalútflutningur
flestra þeirra er mjöl og/eða lýsi
og fryst rækja. Mest var hrapið
hjá Síldarverksmiðjum ríkisins
sem 1986 var 6. stærsti útflytjand-
inn með 1.001 millj. en fór niður
í 17. sæti með 529 millj. á síðasta
ári. Eina undantekningin frá
fiskinum er Hilda hf., sem seldi
nú ullarvörur fyrir 146 millj. kr.
en fyrir 200 millj. kr. árið áður.
-HEI
Ríkisstjórn:
Forystumenn fjalla
um landbúnaðardeilu
Á ríkisstjórnarfundi í gærmorgun
komu m.a. til umræðu þau fjögur
mál, sem mikið hafa verið í þjóðfél-
agsumræðunni að undanförnu og
heyra undir landbúnaðarráðuneytið.
I fyrsta lagi er um að ræða álit
starfshóps, sem forsætisráðherra
skipaði fyrir skemmstu um vanda
fiskeldisins, í öðru lagi tillögur land-
búnaðarráðherra um úrlausn á
vanda loðdýraræktarinnar, í þriðja
lagi tillögur um 300 milljóna auka-
fjárveitingu vegna niðurgreiðslna og
í fjórða lagi tillögur landbúnaðarráð-
herra um viðbótarframlag vegna
riðuniðurskurðar upp á 40 milljónir
króna og 400 milljóna lántaka vegna
útflutningsbóta.
Litlar umræður urðu um þessi mál
á, ríkisstjórnarfundinum en þess í
stað ákveðið að forystumenn stjórn-
arflokkanna, Halldór Ásgrímsson,
Friðrik Sophusson og Jón Baldvin
Hannibalsson, fjölluðu um þau. At-
hugun þeirra þremenninga á þessum
málum hófst þegar að afloknum
ríkisstjórnarfundi í gær og verður
fram haldið í dag. Fastlega er gert
ráð fyrir að ákvörðun um öll þessi
mál verði tekin á ríkisstjórnarfund-
um á þriðjudag eða fimmtudag í
næstu viku. Friðrik Sophusson,
starfandi forsætisráðherra, segir að
það sé mjög knýjandi að ákvörðun
ríkisstjórnar um þessi mál liggi fyrir
sem fyrst.
Af þessum orðum má ráða að
reynt verði til þrautar í dag og um
helgina að leita málamiðlunar milli
stjórnarflokkanna um þessi atriði,
en eins og kunnugt er er djúpstæður
ágreiningur um þau milli Jóns Helga-
sonar, landbúnaðarráðherra, og
Jóns Baldvins Hannibalssonar,
fjármálaráðherra. óþh
Raunvísindastofnun Háskólans:
Banvænar eiturgufur í
fosfórefnasprengingu
Slökkviliðið i Reykjavík var í
gær kallað út á tilraunastofu á
Raunvísindadeild Háskólans, eftir
að efnasprenging hafði orðið þar.
Slökkviliðið fékk tilkynningu urn
atburðinn rétt fyrir klukkan 14, en
sprungið hafði járnhólkur með fos-
fórefninu ph3, scm er mjög súr
blanda af fosfórhýdrídi. Sú blanda
er ætíð talin mjög óstöðug og
varasöm og stíga af henni eitraðar
gufur.
Tveir reykkafarar fóru inn í
tilraunastofuna eftir að starfsfólkið
hafði flúið út, en þá hafði cldurinn
slokknað, en eiturgufurnar léku
enn lausum hala. Reykkafararnir
hreinsuðu glerbrot og annað sem
dreifst hafði um stofuna og síðan
voru eiturgufurnar hreinsaðar út
með reykblásara, sem venjulega er
notaður til að ná út reyk eftir
eldsvoða. Engum varð meint af
sprengingunni.
Rannsóknarlögreglan, lögrcglan
í Reykjavík og Vinnueftirlit ríkis-
ins komu líka á staðinn og könnuðu
málið.
Engar verulegar skcmmdir urðu
út af óhappinu. en súr og vond lykt
mun verða til staðar á tilraunastof-
unni í nokkra daga enn. -gs/SÓL
Hér sjást reykkafarar fara inn á tilraunastofuna í Háskólanum í gær eftir
að banvænar eiturgufur mynduðust þar í kjölfar efnasprengingar.
Tímaniynd: Pjetur