Tíminn - 16.08.1988, Blaðsíða 13

Þriðjudagur 16. ágúst 1988
Tíminn 13
Aðeins rúmlega helmingur kjósenda tók þátt er Ronald Reagan var kosinn forseti. Nú er talið að kosningaþátttakan
verði enn minni.
Kosningaþátttaka í Bandaríkjunum fer sífellt minnkandi:
Innan við helmingur
kjósenda mun velja
forseta í nóvember
Minnkandi áhugi almennings í Bandaríkjunum á stjórnmáium hefur valdið
því að kosningaþátttakan þar er nú minni en í nokkru öðru lýðræðisríki í
heiminum.
Síðastiíðin 20 ár hefur þátttaka í
kosningum stöðugt farið minnkandi
þrátt fyrir sífellt stærri auglýsinga-
herferð og meiri gauragang í kring-
um kosningar þar í landi.
Því er nú spáð að meira en
helmingur þeirra sem eiga rétt á að
kjósa muni ekki mæta á kjörstað
þann 8. nóvember næstkomandi
þegar valinn verður nýr forseti.
„Það er fyrirsjáanlegt að kosn-
ingaþátttaka í nóvember muni verða
minni en hún hefur verið síðastliðin
40 ár, jafnvel sú minnsta í 60 ár. Það
kæmi mér ekki á óvart að þátttakan
færi niður fyrir 50% en slíkt hefur
aldrei hent í forsetakosningum hing-
að til,“ er haft eftir Curtis Gans,
stjórnmálafræðingi og yfirmanni
nefndar sem framkvæmt hefur víð-
tækar kosningarannsóknir í Banda-
ríkjunum undanfarin ár.
Gans telur að fjölmiðlar eigi ein-
hverja sök á áhugaleysi aimennings,
þar sem þeir hafi lýst kosningabar-
áttu þeirra Mikhaels Dukakis og
Georges Bush sem kapphlaups milli
aðila sem báðir væru jafn slæmir,
svo ekki skipti máli hvor bæri sigur
úr býtum.
Sumir stjórnmálafræðingar halda
því fram að ekki sé hægt að bera
kosningaþátttöku í Bandaríkjunum
saman við þátttöku í öðrum lýðræð-
isríkjum, þar sem bandarískir kjós-
endur verði að láta skrá sig, hafi þeir
hug á að taka þátt í kosningum en
það sé hins vegar ekki skilyrði annars
staðar. Þessar staðhæfingar stangast
hins vegar á við þá staðreynd að
kosningaþátttaka í Norður-Dakóta-
fylki í Bandaríkjunum, þar sem
skráningar er ekki krafist, hefur
hrunið jafnvel enn hraðar heldur en
í öðrum fylkjum ríkisins, samkvæmt
niðurstöðum nýlegra rannsókna.
Almennar kosningar fara fram á
tveggja ára fresti í Bandaríkjunum
en forsetakosningar fjórða hvert ár.
Þátttaka í almennum kosningum
féll úr 48.1% árið 1962 í 37% árið
1986, sem þýðir að 104 milljónir
Bandaríkjamanna hirtu ekki um að
kjósa fyrir tveimur árum.
Þátttaka í forsetakosningum féll
úr 62.8% árið 1960 í 53.1% árið
1984. Til samanburðar má nefna að
kosningaþátttaka á íslandi er oftast
yfir 90% og þátttaka í Finnlandi,
Danmörku, Noregi, Svíþjóð, Vest-
ur-Þýskalandi, Austurríki, ísrael, og
Hollandi feryfirleitt ekki undir80%.
í Frakklandi, þar sem skráningar
kjósenda er krafist eins og í Banda-
ríkjunum, er þátttökustigið jafnan
yfir 70%. Jafnvel Mexico er með
hærra þátttökustig heldur en Banda-
ríkin.
„Ég var vanur að segja að þátttaka
hér væri aðeins meiri en í Botswana.
Það er hins vegar ekki rétt lengur því
kosningaþátttakan í Botswana er nú
orðin meiri en hér,“ segir Gans.
„Á kaffihúsum víðs vegar um
heiminn er rætt um stjórnmál og
ástandið í þjóðmálunum, hér hins
vegar ræðir fólk um hafnabolta," er
haft eftir stjórnarerindreka í
Washington. IDS
Aðalstöðvar friðargæsluliða
verða í Bagdad og Teheran
Fyrstu liðsmenn úr friðargæsluliði
Sameinuðu þjóðanna sem fylgjast
eiga með framkvæmd vopnahlésins
milli frana og íraka komu til Bagdad
í gær frá Kanada. Hinar 23 þjóðirnar
sem aðila eiga í friðargæsluliðinu
undirbúa nú jafnframt brottför
þeirra til íran og frak, en fyrirhugað
er að í liðinu verði 350 aðilar frá 24
löndum.
Eftirlitsmönnunum á væntanlega
ekki eftir að verða kalt á Persaflóan-
um því þeir koma þangað á heitasta
tíma ársins, er hitinn getur farið allt
upp í 50 gráður á celsius.
Útvarp mun leika stórt hlutverk í
því að koma eftirlitssveitunum í
samband við aðalstöðvarnar beggja
vegna landamæranna, en landamæri
íran og írak eru 1.200 kílómetra
löng.
Stjórnvöld í Sviss hafa lagt til
þotu, sem flytja mun yfirmenn milli
íran og írak og seinna munu þyrlur
jafnframt gegna því hlutverki, er
haft eftir fréttaskýrendum Samein-
uðu þjóðanna.
Vonast er til þess að allir meðlimir
friðargæslusveitarinnar verði komn-
ir til íran og frak á miðvikudag, en
vopnahléið gengur í gildi aðfararnótt
næstkomandi laugardags, um
klukkustund eftir sólarupprás.
Embættismenn sendiráða Ung-
verjalands og Bangladesh í Bagdad
sögðu að eftirlitsmenn frá löndum
þeirra yrðu komnir innan 24 klukk-
ustunda.
Slavko Jovic, yfirmaður friðar-
gæslusveitarinnar er væntanlegur til
írak á miðvikudag.
Haft er eftir embættismönnum
Sameinuðu þjóðanna að aðalstöðvar
friðargæsluliðsins verði bæði í Bag-
dad og Teheran.
IDS
Mandela við góða heilsu
Blökkumannaleiðtoginn Nelson
Mandela er sagður við ágæta heilsu,
en hann var fluttur úr fangelsi í
Suður-Afríku á sjúkrahús fyrir fá-
einum dögum, vegna krankleika í
lungum.
Talsmaður Tygerberg sjúkrahúss-
ins í Höfðaborg, sem aðspurður
þvertók fyrir að Mandela væri með
krabbamein, sagði að hinn 70 ára
gamli fangi braggaðist vel í meðferð-
inni á sjúkrahúsinu.
Síðastliðinn laugardag var tekið
vefjarsýni úr lungum blökkumanna-
leiðtogans sem leiddi í ljós að hann
þjáist ekki af illkynja sjúkdómi.
Yfirmaður sjúkrahússins, J.
Strauss, sagðist ekki vita hversu
lengi Mandela yrði látinn dvelja á
sjúkrahúsinu en endurtók fyrri yfir-
lýsingar um að hann þjáðist ekki af
sársauka eða nokkurs konar óþæg-
indum.
Mandela hefur setið í fangelsi
síðan 1964 fyrir ráðagerðir um að
steypa stjórn hvíta minnihlutans.
IDS
FLUGMÁLA STJÓRN
Útboð
Flugmálastjórn ríkisins óskar eftir tilboðum í gerð
flugstöðvar á Sauðárkróki. Útboðið nær til bygg-
ingarinnar allrar, utan húss sem innan. Húsið er
timburhús, að grunnfleti 241 m2.
Útboðsgögn verða afhent á skrifstofu Flugmála-
stjórnar 3. hæð, flugturninum, Reykjavíkurflugvelli
gegn skilatryggingu kr. 10.000. Tilboðin verða
opnuð á sama stað miðvikudaginn 31. ágúst kl.
10.00.
Kennarar
Grunnskólann í Grindavík vantar kennara fyrir
starfsdeild svo og í almenna- og stuðnings-
kennslu.
Staðaruppbót og gott húsnæði í boði.
Nánari upplýsingar veita yfirkennari í síma 92-
68481 og formaður skólanefndar í síma 92-68304.
Bændur athugið!
Tökum að okkur málningu á útihúsum og einnig
sprunguviðgerðir.
Vönduð vinna. Upplýsingar í síma 91 -7845 Sigþór
og 91-71134 Gústaf.
0LL VINNSLA
PRENTVERKEFNA
Við í Prentsmiðjunni Eddu tökum að
okkur hönnun og vinnslu á stórum og
smáum prentverkefnum.
Höfum yfir 50 ára reynslu í prentverki.
Reynið viðskiptin.
iPRENTSMIDJANi
\Ci
Smiðjuvegi 3, 200 Kópavogur.
Sími 45000.
VERTU í TAKT VIÐ
Tímann
ÁSKRIFTASÍMI 68 63 00
t
Eiginmaður minn, faðir og tengdafaðir
Sverrir Guðnason
Miðtúni 3, Höfn, Hornafirði
lést laugardaginn 13. ágúst.
Erla Ásgeirsdóttir
Birkir Birgisson Elín Ragnarsdóttir
Sjöfn Sverrisdóttir Hrafn Úlfsson