Tíminn - 21.10.1988, Blaðsíða 2
' I I , <
2 Tíxtiinn
Föstudagur 21. október 1988
Ritgerðasamkeppni framhaldsskólanna „Ferð til friðar“:
Þrjár: stelpur á
„Ferð til friðar"
Verðlaunaafhending í ritgerða-
samkeppni framhaldsskólanema
„Ferð til friðar“ fór fram í gær. Veitt
voru þrenn fyrstu verðlaun og fern
önnur verðlaun. Samkeppnin var
haldin í tengslum við samnefnda
alþjóðlega ráðstefnu sem fram fer í
Vancouver dagana 23. -27. október
nk. þar sem frú Vigdís Finnboga-
dóttir verður heiðursforseti ráð-
stefnunnar.
Pátttakendur gátu valið um tvö
ritgerðarefni: Annars vegar „Ferða-
lög - afl til friðar“ og „Ferðamanna-
landið ísland". Þau sem hlutu fyrstu
verðlaun voru Gerður Gestsdóttir,
19 ára úr Reykjavík, Þorgerður
Björnsdóttir, 18 ára úr Reykjavík og
Heiðdís Lilja Magnúsdóttir, 16 ára
frá Sauðárkróki. Verðlaunin eru
ferð á ráðstefnuna í Kanada og
50.000 krónu í Gullbók í Búnaðar-
bankanum.
Þar sem mjög margar góðar rit-
gerðir bárust var ákveðið að bæta
við einum verðlaunum og hlutu því
fjórir önnur verðlaun, sem eru flug-
far til London með Flugleiðum og
20.000 krónur í Gullbók í Búnaðar-
bankanum. Önnur verðlaun hlutu
þau: Jón F>ór Ólafsson, 20 ára úr
Mosfellsbæ, Eva Gunnlaugsdóttir,
19 ára úr V-Húnavatnssýslu, Anna
S. Baldursdóttir, 18 ára úr Stykkis-
hólmi og Særún Harðardóttir, 16 ára
úr Biskupstungum.
Stúlkurnar þrjár sem hlutu fyrstu
verðlaun, halda til Kanada í dag,
með viðkomu í New York. Pær taka
þátt í ráðstefnunni í Vancouver þar
sem þær dvelja í boði þeirra aðila
sem að ráðstefnunni standa. Mark-
mið ráðstefnunnar er að aðilar í
ferðaþjónustu leggi sitt af mörkum
til friðsamlegrar þróunar í heimin-
um. Meðal dagskrárliða má nefna
sérstakan fund ungs fólks sem hlutu
verðlaun í ritgerðasamkeppni hinna
ýmsu landa. Nk. laugardagskvöld
verða íslensku verðlaunahafarnir í
boði og á tónleikum sem Þjóðrækn-
isfélag fslendinga í Vesturheimi
heldur til heiðurs forseta fslands. Þá
mun ræðismaður íslands í Seattle
bjóða þeim í heimsókn til borgarinn-
ar þar sem þær heimsækja m.a.
háskólann í Waskington. Verð-
launahafarnir koma heim til íslands
31. október.
Tilgangurinn með þessari rit-
gerðasamkeppni var að vekja um-
ræður ungs fólks á friðarumleitunum
í heiminum og hvernig ferðalög geti
stuðlað að auknum samskiptum og
skilningi milli þjóða.
Það voru Búnaðarbankinn, Flug-
leiðir og Ferðamálaráð sem stóðu að
samkeppninni. -ABÓ
Þær voru að vonum ánægðar stelp-
urnar þrjár sem hlutu fyrstu verð-
laun í ritgerðasamkeppninni „Ferð
til friðar“. í dag leggja þær upp í ferð
sína til Kanada, þar sem þær taka
þátt í alþjóðlegri ráðstefnu í Van-
couver, f.v. Gerður Gestsdóttir,
Þorgerður Björnsdóttir og Heiðdís
Lilja Magnúsdóttir. Tímamynd Gunnar
Bréf til Sverris Scheving Thorsteinssonar frá Veiðiklúbbnum Landsliðið:
Um ósannindi og rógburð
Sverris Sch. Thorsteinssonar
Kæn Sverrir
Það er okkur félögunum mikið áfall að þú, sem fyrrverandi
formaður Skotveiðifélags íslands, skulir geta gert sjálfum þér
þennan mikla óleik sem lesa má um á baksíðu Tímans þann
19. október sl. Okkur er það með öllu óskiljanlegt hvaða
hvatir búa hér að baki, en við skulum vona að það sé ekki
öfund eða hroki, heldur minnisleysi og frumhlaup eða slæm
inflúensa, því að ósannindi og rógburður er ekki til þess að
auka hróður manna, sem slíkt bera út. Það er svo annað mál
að þeir sem til þín þekkja koma sík skrif ekki á óvart eftir því
sem okkur er sagt.
Það er rétt hjá þér, að samkvæmt
lögum er bannað að elta uppi fugla
á vélknúnum ökutækjum. Það er
líka það eina sem er rétt hjá þér í
greininni.
Umræddan dag fórum við þrír
félagar úr Veiðiklúbbnum Landslið-
ið til rjúpnaveiða í fullu leyfi landeig-
anda og notuðum við fjórhjól til þess
að komast að veiðistað. Við töldum
það farsælla að fara á um 200 kg
fjórhjólum eftir blautum vegarslóð-
anum, sem liggur að veiðistaðnum,
heldur en að fara á 3ja tonna jeppum
eins og þú og fleiri gerðu, enda var
það að ósk landeiganda og leyfis-
gjafa sem við höfum fengið leyfi hjá
í fjölda ára, að svo yrði gert. Þess má
geta að landeigandi varð miður sín,
er hann frétti af öllum þeim fjölda
jeppa sem böðlaðist eftir vegarslóð-
anum þessa helgi í óleyfi og óþökk
landeiganda og gróf í sundur blautan
jarðveginn.
Það er ósatt hjá þér Sverrir, að við
hefðum notað hjólin til þess að hafa
meiri yfirferð, eins og þú segir í
greininni. Það er einnig ósatt hjá þér
að við hefðum elt uppi rjúpuna á
fjórhjólum eins og þú gefur í skyn.
Fjórhjólunum var lagt við rætur
veiðisvæðisins og gengið þaðan til
veiða, enda annað ógerlegt. Okkur
er spurn, sást þú annað? Sverrir, það
vorum við sem komum akandi á
þessum ógurlegu fjórhjólum eftir
vegarslóðanum og keyrðum fram á
þig þar sem þú beiðst í 3ja tonna
jeppa ykkar, en ekki þú sem gekkst
fram á okkur við veiðar. Aftur á
móti gekkst þú fram af okkur og
eflaust fleirum með þessu púður-
skoti þínu í Tímanum. Lífsviðhorf
þín eru okkur óviðkomandi með
öllu, en kærur á hendur okkur og
fullyrðing um lögbrot eru aftur á
móti okkur viðkomandi og alvarleg-
ar ásakanir.
Ef þú, Sverrir Scheving Thor-
steinsson, jarðfræðingur, telur að
við félagarnir höfum brotið lög,
viljum við ráðleggja þér það eitt að
gera það eina rétta í málinu sem
dómgreind þín segir þér að gera
Svo er það þetta með hundana.
í fyrsta lagi er það nýmæli að
flokka hund sem útbúnað við veiðar,
alla vega í okkar veiðiklúbbi.
í öðru lagi teljum við það ekki
lögbrot, né neitt óeðlilegt að hafa
góðan veiðihund með sér við fugla-
veiðar.
f þriðja lagi höfum við félagarnir
hvorki hunda né ketti með okkur við
veiðarnar og eigum ekki slík dýr.
Hvar allir þessir hundar voru sem þú
sást er okkur hulin ráðgáta, því að
ekki sáum við neina hunda, nema ef
vera skyldi að það hafi verið hundur
í þér Sverrir, eftir enn eina mis-
heppnaða veiðiferðina. Skýringin er
því komin á því hvers vegna „veiði-
hundinn vantar á myndina“ eins og
segir í myndartexta með umræddri
Rjúpnaskyttur tuttugustu aldarinnár?
Sitja á fjórhjólum
við rjúpnaveiðamar
Þrátt fyrir ad bannað sé að elta
ppi fugla á vélknúnum ökutækjum
ru alltaf einhverjir sem nota vél-
leða eða fjórhjól við rjúpnaveiðar.
Um sfðastliðna helgi var hópur
ckktra skotveiðimanna við vciðar í
laukadalsskarði og notaði hluti
cirra fjórhjól til að hafa meiri
fírferð.
Sverrir Schcving Thorsteinsson,
arðfrxðingur og framámaður f
kotveiðifélagi fslands, gekk fram á
•rjá menn á fjórhjólum sem voru við
júpnaveiðar á sunnudag. Sverrir
nyndaði þremenningana og fékk
'fminn mynd til birtingar. Sverrir
tafði þegar samið myndatexta með
ayndinni og fylgir hvoru tveggja hér
neð.
Sverrir segir það ekki samræmast
og skildu hjólin eftir sig sár I jarðveg- finnur bráðina sem „veiðimaðurin
inum og fossaði vatn f hjólfðrunum skýtur. Hundurinn nær í fuglinn
líkast þvf sem Ixkir hefðu myndast. færir húsbónda sínum. Fjórhjó,
óneitanlcga vakna spurningar riddarinn situr sem fastast og þ:
þegar slfkt athxfi er fest á filmu. ckki að hafa áhyggjur af öðru en
Veiðimaðurinn situr á fjórhjóli sfnu verða kalt eða að farartækið vei
sem fer um vegleysur. Hundurinn uppiskroppa með bensín. -I
Grein sú er birtist í Tímanum, síðastliðinn miðvikudag og er tilefni bréfs j
Landsliðsins. Tíminn vill taka fram að hér er um að ræða frétt sem
blaðamaður skrifaði eftir samtal við Sverri Sch. Thorsteinsson.
grein, en textann samdir þú sjálfur.
Jæja Sverrir, þá eru það sönnunar-
gögnin í málinu. Maður situr á
fjórhjóli sem er á vegarslóða og er
að setja á sig vettlinga.
Til upprifjunar fyrir þig, ef þú
skyldir nú vera búinn að gleyma því,
þá stóð 3ja tonna jeppinn ykkar við
hliðina á fjórhjólinu þegar myndin
var tekin. Þú stökkst út úr bílnum
þegar „einn þremenninganna úr sér-
s\(eit Landsliðsins" eins og þú komst
að orði, kom akandi til baka eftir
vegarslóðanum, eftir hálftíma rölt á
tveimur jafnfljótum í hlíðinni fyrir
ofan. Auðvitað stöðvaði ökumaður-
inn farartækið þar sem þú vildir
augsýnilega eiga tal af honum, enda
kom það á daginn að svo var.
Spurðir þú ökumanninn hvort hann'
hefði séð til félaga þinna, enda
byrjað að rökkva og allir lagðir af
stað til byggða nema þið.
í leiðinni smelltir þú af mynd,
sönnunargagni í þessu máli. Athæfið
var fest á filmu, eins og þú segir í
greininni, maður situr á fjórhjóli og
er að setja á sig vettlinga. Maðurinn
var, eins og félagar hans, í fullu leyfi
landeiganda og byssan í lokuðu
hulstri á hjólinu.
Að lokum þetta Sverrir.
Ósannindi og rógburður um okkur
félagana erum við ekki tilbúnir til
þess að meðtaka og biðjum þig því
vinsamlegast að hugsa þig tvisvar
um næst þegar slíkur andi kemur yfir
þig þín vegna.
Með ósk um að veiðigyðjan fari
að verða þér hliðhollari í framtfð-
inni.
Með vinsemd en takmarkaðri
virðingu.
Veiðiklúbburinn Landsliðið
Laxveiðin í sumar:
Næstbesta
laxavertíð
Veiðimálastofnun hefur sent
frá sér fréttatilkynningu, þar sem
greint er frá laxveiðinni í sumar.
Samkvæmt bráðabirgðatölum
veiddust 47.500 laxar á stöng í
sumar og 23.500 laxar veiddust í
net. Þessar tölur gera síðastliðið
sumar að næstbestu laxavertíð,
frá því að reglubundnarskráning-
ar á veiði hófust. Aðeins sumarið
1978 veiddust fleiri laxar, eða
52.679 á stöng og 25.946 í net.
Alls endurheimtust úr hafbeit,
60.000 laxar. Er þetta besta ár
hafbeitarmanna til þessa og nær
þreföldun á besta ári fram til
þessa, er var 1986, þegar endur-
heimtust 24.100 laxar. Sleppingar
í fyrra voru þær mestu hér við
Iand til þessa og endurspeglast
það eðlilega í fleiri endurheimt-
um löxum.
Ef einstök kjördæmi eru
skoðuð, með tilliti til stangaveiði
kemur í ljós að í öllum kjördæm-
um, utan einu varð veruleg aukn-
ing milli ára í laxveiði. Á Suðvest-
urlandi var aukningin mest, eða
63 prósent aukning frá í fyrra.
Þar er stærstur hlutur Laxár í
Kjós, sem gaf af sér mesta afla
laxa frá því athuganir fóru af
stað. Á Vesturlandi varð aukn-
ingin 38 prósent, á Vestfjörðum
52 prósent, á Norðurlandi vestra
21 prósent, á Norðurlandi eystra
5 prósent. Á Austurlandi var
verulega minni veiði en í fyrra,
eða samdráttur upp á 20 prósent.
Loks ber að nefna Suðurland, en
þar varð aukning á milli ára 20%.
U^\ Hafírðu
smakkað vín
- láttu þér þá AIIlREI
detta í hug
að keyra!
yar*"