Tíminn - 21.10.1988, Blaðsíða 15
Föstudagur 21. október 1988
illlllll MINNING
Ingvar Þorsteinn
Vilhjálmsson
Fæddur 5. nóvembcr 1918
Dáinn 21. september 1988
Skoðaðu liugþinn vel, þegarþú ertglaður
og þúmunt sjá, að aðeins það, sem valdið
hefur hryggð þinni, gerir þig glaðan.
Pegar þú ert sorgmœddur, skoðaðu þá
aftur huga þinn, og þú munt sjá, að þú
grætur vegna þess, sem var gleði þín.
(Kahlil Gibran)
Hann var afi okkar og hann var
líka góður vinur okkar. Hann var
þannig að við gátum talað við hann
um alla mögulega hluti og við fund-
um að hann skildi okkur. Pað var
eins og þegar jafnaldrar tala saman.
Þannig átti hann sérstaklega auð-
velt með að setja sig í spor viðmæl-
anda síns. Þó var langt frá því að við
værum alltaf sammála um það sem
við töluðum. Og þegar svo var
komið að engin sættanleg niðurstaða
fékkst, eftir alllangt þras, stóð hann
hlæjandi upp, hristi höfuðið' og
labbaði afsíðis með bók í hönd og
fór að lesa.
Hann var sílesandi og átti mikið af
alls konar bókum og blöðum. Þegar
við vorum Iítil sagði hann okkur
ófáar sögurnar og báru þar hæst
þjóðsögur Jóns Árnasonar. Sumar
hverjar voru alldularfullar, og þegar
hann sá á okkur óttablandinn
svipinn, sagði hann að við skyldum
ekkert mark taka á þessu. Þetta varð
náttúrlega til þess að þegar við
komum í heimsókn til afa og ömmu
sátum við og Iásum þjóðsögurnar.
Hann sók stundum að sér hrein-
gerningar í Hafnarbíói á laugardags-
og sunnudagsmorgnum og þótti okk-
ur systkinunum fátt skemmtilegra
en að vera með honum á meðan.
Það var auðvitað undir því yfirskini
að við værum að hjálpa til. En
staðreyndin var sú að okkur fannst
bara svo skemmtilegt að vera návist-
um við hann.
Það fór einstaklega vel á með
okkur þremur og hann sagði okkur
sögur og við spjölluðum og hlógum
saman.
Afi var í mörg ár rakari en á seinni
árum vann hann sem dyravörður í
kvikmyndahúsi á Hverfisgötunni.
Það átti vel við hann því hann hitti
mikið af fólki og oftar en ekki þekkti
hann annan hverrvmann sem kom í
bíó.
Það er okkur dýrmæt reynsla að
hafa þekkt hann og alist upp návist-
um við hann. Við minnumst hans
með söknuði og viljum umfram allt
minnast hans eins og hann var;
góðlátlega glettinn og skemmtilegur.
Blessuð sé minning hans.
Sigrún og Jón Óskar.
Miðvikudaginn 21. september
hringdi eiginkona mín til mín í
vinnuna og greindi mér frá láti föður
síns. Mér brá óneitanleg, þó að mér
væri ljóst að hann gekk ekki heill til
skógar síðasta árið. Hjá honum
hófst dagurinn eins og hver annar
virkur dagur, hann fór að heiman í
sínum venjulegu morgunerindum og
átti ekki afturkvæmt því laust fyrir
hádegi var hann allur. Mig langar til
að minnast tengdaföður míns með
fáeinum orðum.
Ingvar var sonur hjónanna Vil-
hjálms Vigfússonar frá Hamrakoti í
Húnavatnssýslu, f. 1878, d. 1942,
kominn af Grundarætt í Skorradal
og Fjallsætt á Skeiðum og Þórdísar
Þorsteinsdóttur, f. 1878, d. 1963, frá
Reykjum á Skeiðum, af hinni kunnu
Reykjaætt. Þau hjón eignuðust níu
börn, e'n aðeins sex komust til full-
orðins ára, fimm dætur, þær Vil-
helmína gift Sigtryggi Eiríkssyni,
sem er látinn, Ingiríður, gift Salbergi
Guðmundssyni, sem er látinn, Val-
gerður, sem er látin, gift Eyþóri
Gunnarssyni, sem einnig er látinn,
Svanlaug, gift Sigurður F. Ólafssyni,
sem er látinn, og Sigríður, gift
Einari G.E. Sæmundssen, sem er
látinn, og Ingvar, sem var yngstur.
Óblíður heimur heilsaði litla
drengnum við fæðingu hans, því
Spánska veikin geisaði þá sem hæst.
Þórdís móðir hans var flutt
skömmu síðar á Landakotsspítala,
en yngstu börnin, Ingvar, kornabarn
og Sigríður um það bil tveimur árum
eldri, voru lögð inn á sjúkraskýli,
sem komið hafði verið upp í Miðbæj-
arbarnaskólanum. Þegar Ingvar
kom heim, eftir nokkurra vikna dvöl á
sjúkraskýlinu, varhann ekkert nema
skinn og bein, vegna næringarskorts
og fjarveru frá móður sinni.
Þá varð honum til bjargar elsku-
leg nágrannakona, sem hafði nýlega
fætt barn og var með mjólk í brjóst-
um og miðlaði drengnum, af hjálp-
semi, sem einkenndi samskipti fólks
á þessum hörmungartímum. Ingvar
ólst síðan upp fyrstu árin á Berg-
staðastræti 7. Hann var í skóla á
veturna og sveit á sumrin. Um
tvítugsaldur liggur leið hans til
Keflavíkur til náms í rakaraiðn hjá
Guðjóni rakara. Þar vann Ingvar
meðan stríðið geisaði. Eftir stríð
kom hann aftur til Reykjavíkur og
fór að vinna hjá Páli Einarssyni,
rakarameistara, sem lengst af var
með rakarastofu á Njálsgötu 87.
Sumarið 1947 brá hann undir sig
betri fætinum og fór í heimsókn til
systur sinnar, Sigríðar, og mágs,
Einars G.E. Sæmundssen, skógar-
varðar að Vöglum í Fnjóskadal. Þar
var þá við skógræktar- og heimilis-
störf Sigrún Sigurgeirsdóttir, ung og
efnileg heimasæta, dóttir hjónanna
á Arnarstapa í Ljósavatnsskarði,
sem þar bjuggu hlýlegu búi, þau
Anna Guðmundsdóttir, húsfreyja og
.Sigurgeir Jóhannsson, bóndi.
Þannig urðu fyrstu kynni Sigrúnar
og Ingvars. Veturinn eftir lágu leiðir
þeirra aftur saman í Reykjavík og
gengu þau í heilagt hjónaband, 21.
maí 1949, um leið og dóttir þeirra,
sem fæddist fyrr um veturinn, var
skírð.
Var henni gefið nafnið Þórdís, í
höfuðið á föðurömmu sinni, sem
mat það mikils, enda hafði amma
hennar mikið dálæti á sonardóttur
sinni.
Ingvar starfaði sem rakari, bæði
sjálfstætt og hjá öðrum, allt fram á
miðjan áttunda áratuginn, en eins
og flestum er kunnugt varð mikill
samdráttur í hárskeraiðn og hættu
margir hárskerar og sneru sér að
öðrum störfum. Ingvar fór þá að
starfa sem dyravörður í Hafnarbíói
og síðar í Regnboganum og kunni
hann mjög vel við það starf. f því
starfi komst hann í snertingu við eitt
af hans mörgu áhugamálum, kvik-
'myndir, auk þess hve mannblend-
inn hann var veitti það honum mikla
ánægju, allt fólkið, sem á vegi hans
varð, bæði samstarfsmenn og gestir
kvikmyndahússins.
Annað mikið áhugamál Ingvars
voru bækur og bókalestur. Má segja
að hann væri alæta á lesefni, allt frá
tímaritum upp í ævisögur og þjóð-
legan fróðleik. Átti hann orðið dá-
gott bókasafn. Einnig veittu aðrar
listgreinar honum ómælda ánægju.
Ekki get ég skilið svo við áhugamál
tengdaföður míns að minnast ekki á
áhuga hans á íþróttum og þá sérstak-
lega knattspyrnu. Þær voru ófáar
vallarferðirnar sem við fórum saman
eftir að ég tengdist fjölskyldunni.
Þá má ekki gleyma dálæti hans á
heimsóknum þeirra hjóna til tengda-
fólksins á Norðurlandi, en þangað
fóru þau á hverju sumri alla þcirra
sambúð og mér er ekki kunnugt um
að ferð hafi fallið þar úr enda voru
þau aufúsugestir hvar sem þau komu
þar.
Nú er höggvið stórt skarð í okkar
litlu fjölskyldu með fráfalli Ingvars
tengdaföður míns, því samskipti
okkar heimila voru óvanalega náin
sem skapaðist ekki síst af áhuga
Ingvars fyrir barnabörnunum og þar
af leiðandi er missirinn sárari fyrir
þau. Þungbærastur er þó missirinn
fyrir Sigrúnu, eiginkonu hans, sem
var hans stoð og stytta alla þeirra
sambúð, og Þórdísi, dóttur þeirra,
sem hefur borið hag foreldra sinna
mjög fyrir brjósti. Á þessari kveðju-
stund er mér efst í huga þakklæti
fyrir þær mörgu góðu minningar um
samverustundir sem við áttum
saman. Tengdaföður minn kveð ég
með söknuði og óska honum góðrar
heimkomu að handan og megi góður
Guð veita okkur styrk við þessi
vegamót.
Sverrir Guðmundsson.
t
Eiginmaður minn, faðir okkar, tengdafaðir,
afi og langafi
Játvarður Jökull Júlíusson
Miðjanesi Reykhólasveit
verðurjarðsunginnfrá Reykhólakirkju Iaugardaginn22. okt. kl. 14.00.
Jarðsett verður að Stað.
Þeim sem vildu minnast hins látna er vinsamlegast bent á Dvalar-
heimilið Barmahlíð, Reykhólum.
Rósa Hjörleifsdóttir
Helga Játvarðardóttir
Halldóra Játvarðardóttir
Ámundi Játvarðsson
Jón Atli Játvarðsson
Þórunn Játvarðardóttir
María Játvarðardóttir
barnabörn og barnabarnabörn.
Vilhjálmur Sigurðsson
Lovisa Hailgrímsdóttir
Dísa Sverrisdóttir
Þórarinn Þorsteinsson
Hugo Rasmus
Tíminn 15
Fundarboð
Aðalfundur Framsóknarfélags Kjósarsýslu verður haldinn að Hlé-
garði, Mosfellsbæ, sunnudaginn 23. okt. n.k. kl. 17.00.
Fundarefni:
Venjuleg aðalfundarstörf, þar með talið kjör fulltrúa á kjördæmisþing
og flokksþing.
Kjör heiðursfélaga.
Að aðalfundi loknum er gert hlé til skrafs og viðræðna til kl. 19.00, en
þá hefst kvöldverður.
Gestir fundarins verða:
Steingrímur Hermannsson, forsætisráðherra
Jóhann Einvarðsson, alþingismaður, og eiginkonur þeirra.
Fólki, sem ekki hefur tök á að sitja aðalfundinn, er bent á, að það er
velkomið til kvöldverðarins.
Vinsamlega hafið samband vegna matarpantana eigi síðar en þremur
dögum fyrir aðalfundinn við:
Gylfa, vs. 985-20042, hs. 666442.
Helga, vs. 82811, 985-21719, hs. 666911.
Stjórnin
Árnesingar
Hin árlega 3ja kvölda framsóknarvist Framsóknarfélags Árnessýslu
hefst föstudaginn 21. okt. n.k. kl. 21.00 að Flúðum, föstudaginn 28.
okt. í Þjórsárveri og lýkur 11. nóv. í Aratungu.
Aðalvinningur er ferð fyrir 2 með Samvinnuferðum/Landsýn.
Einnig vegleg kvöldverðarlaun.
Stjórnin.
Aðalfundur
Aðalfundur Framsóknarfélags Árnessýslu verður haldinn að Eyrar-
vegi 15, Selfossi þriðjudaginn 25. okt., n.k. kl. 21.00.
Venjuleg aðalfundarstörf, lagabreytingar. önnur mál.
Stjórnin.
Aðalfundur F.R.
Aðalfundur Framsóknarfélags Reykjavíkurverðurhaldinn fimmtudag-
inn 27. október að Nóatúni 21 kl. 20.30.
Dagskrá: Venjuleg aðalfundarstörf.
Stjórnin
Ath. breyttan fundartíma!
Akranes
Aðalfundur Framsóknarfélags Akraness verður haldinn að Sunnu-
braut 21 fimmtudaginn 27. október kl. 20.30.
Dagskrá:
Venjuleg aðalfundarstörf.
Kosning fulltrúa á kjördæmisþing.
Kosning fulltrúa á flokksþing.
Önnur mál.
Stjórnin.
Borgnesingar - Nærsveitir
Spilum félagsvist í samkomuhúsinu Borgarnesi föstudaginn 21.
október kl. 20.30.
Mætum vel og stundvíslega.
Framsóknarfélag Borgarness.
Aðalfundur fulltrúaráðsins í Reykjavík
Aðalfundur fulltrúaráðs Framsóknarfélaganna í Reykjavík verður
haldinn laugardaginn 5. nóvember n.k. að Hótel Lind og hefst kl.
10.00.
Dagskrá fundarins nánar auglýst síðar.
Stjórnin
Suðurlandskjördæmi
Kjördæmisþing verður haldið í Vestmannaeyjum 4. og 5. nóvember
n.k.
Þingið hefst kl. 19.30 föstudaginn 4. nóv. Athugið breyttan tíma.
Nánar auglýst síðar.
Stjórnin
Norðurlandskjördæmi vestra
Kjördæmisþing verður haldið dagana 29. til 30. okt. n.k. í félagsheimil-
inu á Blönduósi. Þingið hefst kl. 14.
Dagskrá auglýst síðar.
KFNV __
Vesturland
Kjördæmisþing framsóknarmanna á Vesturiandi verður haldið á
Akranesi 5. nóvember n.k.
KSFV