Tíminn - 21.10.1988, Blaðsíða 20

RIKISSKIP
NÚTÍMA FLUTNINGAR
Hafnarhúsinu v/Tryggvagötu,
S 28822
Átján mán. binding
7,5 %
SAMVINNUBANKiNN
STRUMPARNIR
HRESSA
KÆTA
Tímiiin
Alan D. Semonite eigandi eins þekktasta hótel og ferðamálaskóla í Evrópu segir möguleika
íslands sem ferðaniannalands mikla, en segir íslendinga ekki meðvitaða:
Gera sér ekki grein
fyrir möguleikunum
Möguleikar íslands sem ferðamannalands hafa verið mikið
til umræðu á siðustu árum. Samhliða umræðunni hefur
gistirými á hótel á suð- vesturhorninu nær tvöfaldast, en hins
vegar hefur ferðamaðurinn, sem allt þetta hyggist á ekki látið
sjá sig sem skyldi.
„Möguleikarnir eru margir og
stórkostlegir, en í dag held ég að
þið gerið ykkur ekki grein fyrir
þessum mögulcikum. Það mundi
taka mikinn tíma og vinnu að
koma þcssum möguleikum í
kring,“ sagði Alan D. Semonite
eigandi Hosta í samtali við
Tímann. Hosta er einn af þekktari
hótel og ferðamálaskólum í Evr-
ópu, með aðsetur í Leysin í Sviss.
Fjöldi íslendinga hefur sótt skól-
ann á undanförnum árum. Semon-
ite var staddur hér á landi í vikunni
og átti m.a. viðræður við forsvars-
ntenn í ferðamálaþjónustu og hót-
elrekstri.
Semonite sagði að ekki væri nóg
að einstaklingar stæðu í kynningu
á landinu eins og að mestu væri í
dag, heldur yrði ríkið að koma inní
og efla kynninguna verulega.
„Þetta er spurning um mikla og
öfluga kynningu til þess stóra hóps
sem ferðast, svo hún nái til þeirra
annars fáu sem áhuga hefðu á að
koma til staðar eins og íslands,
vegna þess að landið hefur ekki
það að bjóða sem fellur flestum í
geð, t.d. strendurnar og sólina.
Það verður að stíla upp á fólk sem
metur náttúruna, óspillta og
ómengaða." Hann sagðist telja að
sífellt fleiri og fleiri væru tilbúnir
að fara í ferðalög til landa eins og
íslands.
Aðspurður sagði Semonite að
síður en svo hefði uppbygging
hótela hér á landi verið of hröð
síðustu árin. „Þið þurfið á því að
halda, þegar til kemur að fullnægja
eftirspurninni og nútíma ferða-
manninum, sem krefst hótela í
háum gæðaflokki. Mérsýnist fram-
boð á gistirými frekar of lítið en of
mikið, með hliðsjón af öðrum
borgum. Ég held að þið þurfið á
þessu aukna gistirými að halda. í
dag er það of mikið, en fljótlega
verður það fullnýtt," sagði Semon-
ite.
Ásókn íslendinga t skóla Semon-
ite hefur verið gífurleg undanfarin
ár og á þessum vetri eru í skólanum
18 íslendingar, sem er sami fjöldi
og í fyrra. Á dögunum átti hann
viðræður við forsvarsmenn í Sam-
tökum veitinga- og gistihúsaeig-
enda og aðila í ferðamannaþjón-
ustu. „Þeirra viðbrögð hafa verið
Alan D. Semonite telur að framboð á gistirými í Reykjavík verði síður en svo of mikið. Tímamynd Pjétur.
mjög uppörvandi og þeir eru mjög
ánægðir með það fólk sem verið
hefur í skólanum hjá mér og er
komið hingað til starfa. Ég tel að
þetta sýni að við crum að gera góða
og rétta hluti fyrir hótel og ferða-
mannaþjónustu hér á landi, sem
mun skila sér bráðlega,“ sagði
Semonite.
Aðspurður sagði hann að síður
en svo hefðu of margir íslendingar
útskrifast úr skólanum. „Hér á
landi er mjög vel staðið að kennslu
í þjónustu og matargerð, en okkar
hlutverk er að mennta þá sem
stjórna, sem mér hefur verið sagt
að sé einmitt það sem vanti hér á
landi. Við höfum líka þjálfað
marga til að starfa að ferðamálum.
Það er vaxandi þörf fyrir 'þetta
fólk, hér eru margar ferðaskrifstof-
ur, þó svo að ferðamannamarkað-
urinn sé í svipinn ekki vaxandi.
Það er ennþá rúm fyrir fleiri, en ég
vil vera varkár í að mennta ekki of
marga og verð í góðum sambönd-
um við fólk hér á landi til að svo
verði ekki,“ sagði Semonite.
-ABÓ
___Halldór Ásgrímsson, eftir ríkisstjórnarfundinn um hvalamálið:
Engin breyting nú
á stefnu stjórnar
„Það er bara ein stefna í ríkisstjórninni í hvalamálinu og þessi stefna byggir
á samþykkt Alþingis frá 1983. Það hefur engin breyting orðið þar á,“ sagði
Ilalldór Ásgrímsson, sjávarútvegsráðherra, að loknum ríkisstjórnarfundi í
gær. Að sögn forsætisráðherrans, Steingríms Hermannssonar, var fullkomin
samstaða um að engra breytinga sé að vænta í afstöðunni til hvalveiða í
framtíðinni. „Vísindaáætlunin er endurskoðuð hvert ár og engin ákvörðun
hefur verið tekin uni það hvernig hún verður stunduð að ári,“ sagði
Steingrímur.
Sagði forsætisráðherra að ráðherr-
arnir hljóti að vera opnir fyrir öllum
sjónarmiðum í þessu máli og skoða
yrði bæði viðskiptahagsmuni og okk-
ar föstu ákvörðun um að undirbúa
málflutning fyrir umræðuna í Al-
þjóða hvalveiðiráðinu sem verður á
ráðstefnunni vorið 1990. Sagði hann
að enn væri ekkert ákveðið með
veiðiþátt vísindaáætlunarinnar á
næsta ári. „Það á eftir að meta það
hve mikilvægar veiðarnar í áætlun
okkar yrðu á næsta ári,“ sagði hann
og játaði því að eflaust yrði fjallað
meira um málið í ríkisstjórninni á
næstunni.
Sjávarútvegsráðherra benti á að
engin ákvörðun hafi enn verið tekin
um það hversu margir hvalir verða
teknir á næsta ári. „Slík ákvörðun
hefur einfaldlega ekki verið tekin og
það er ekki verið að veiða neina
hvali núna. Þar af leiðandi er mjög
erfitt að hætta við það sem menn eru
ekki að gera,“ sagði Halldór.
Árni Gunnarsson, alþingismaður,
er nú orðinn einn helsti talsmaður
gegn hvalveiðum og fyllir hann
flokkinn með þeim Hreggviði Jóns-
syni og Aðalheiði Bjarnfreðsdóttur,
borgaraflokksþingmönnum. Segist
Árni hafa upplýsingar um að vaxandi
árangurs sé nú þegar farið að gæta
um of af starfi Grænfriðunga víða
um lönd. Segist hann vita af því, að
í undirbúningi sé að hefja verulega
aðför að íslenskum hagsmunum í
Evrópu og einnig í Bandaríkjunum.
„Það ríkir stríð gegn fslandi í Evr-
ópu og víðar,“ sagði Árni og telur
að Tenglemann-málið sé aðeins
toppurinn af þeim ísjaka sem eigi
eftir að koma í ljós.
KB
14. umferðin í Borgarleikhúsi:
Margeir vann!
Margeir Pétursson gerði sér lítið
fyrir og sigraði enska stórmeistar-
ann John Nunn í 40 leikjum á
heimsbikarmóti Stöðvar 2 í gær-
kvoldi. Segja má að iögfræðileg
skarpskyggni Margeirs hafi orðið
ofan á stærðfræðilegum pælingum
enska stórmeistarans.
Gamla brýnið Mikael Tal tapaði
sinni fyrstu skák á þessu rnóti og
raunar fyrstu skákinni hér á landi,
fyrir landa stnum Beljavsky. Tafl-
mennska Tals til þessa hér á landi
hefur veriö einkar glæsileg, hann
hefur ekki beðið lægri hlut í 58
skákum í röð.
Þá náði Gyula Sax vinningi úr
skákinni gegn Andrei Sokolov í 28
leikjum.
Fjórði sigurvegari kvöldsins var
heimsmeistarinn Kasparov sem
vann skákina við Jan Tintman
nokkuð örugglega. Skáksér-
fræðingar geta sér þess til að þar
með sé heimsmeistarinn kominn á
skrið og bóka megi að eitt af
þremur efstu sætum á mótinu komi
í hlut Kasparovs.
Jafntefli varð niðurstaða í skák-
um Jóhanns Hjartarsonar og
Ehlvest, Nikolics og Portish, Jús-
upovs og Riblis, Spasskys og Korts-
nojs og Andersons og Speeimans.
Af skák Jóhanns og Ehlvest er
það að segja að til að byrja með var
álitið að Jóhann hefði ívið verra
tafl en síðan náði hann að bæta
sína stöðu og að sögn Jóns L.
Árnasonar var ekkert annað t stöð-
ttnni en „þvingað jafntefli“.
Beljavsky hefur fofystu á
mótinu mcð 9 vinninga. Næstir
koma Kasparov og Ehlvest með
8.5 vinninga. Með 7,5 vinninga eru
Timrnan, Sax, Júsupov, Jóltann og
Nunn. Þrátt fyrir sigurinn í gær-
kvöldi rekur Margeir Pétursson
enn lestina á mótinu. Hann er meö
4.5 vinninga, einum vinningi á eftir
Spassky og Portish. óþh