Tíminn - 10.01.1989, Page 7

Þriðjudagur 10. janúar 1989
Xíminn 7
Trillusjómenn fara halloka í viðskiptum við nokkra smærri fiskkaupendur á Faxaflóasvæðinu:
Bjóða hærra verð sem
ekki er staðið við
Trillusjómenn sem Tíminn hefur haft tal af að undanföru segjast
hafa farið halloka í viðskiptum við fyrirtæki sem kaupa af þeim fisk.
Hér er einkum um að ræða smærri fyrirtæki á Faxaflóa- og
Suðurnesjasvæðinu, sem bjóða betra verð í fyrstu en gengur og
gerist. Creiðslur fyrir afiann eru ábyggilegar fyrst í stað, en síðan
fer að líöa lengra á milli borgana og að lokum hafa þessi fyrirtæki
farið á hausinn. Þegar fyrirtækin eru síðan tekin til gjaldþrotaskipta
er oftast um litlar eignir að ræða og trillusjómennirnir fá því
skuldirnar ekki greiddar.
Orn Pálsson framkvæmdastjóri
Landsambands smábátaeigenda
sagði í samtali við Tímann að nokkur
dærni væru um að þetta hefði átt sér
stað. „Þctta virðist helst vera bundið
við Faxaflóasvæðið og Suðurnesin,
en á ekki við úti á landsbyggðinni,"
sagði Örn. Hann sagði að ferill
fyrirtækjanna væri yfirleitt sá sami.
„Fyrst er fiskverðið fundið út á
viðkomandi stað og síðan boðið fast
verð sem er aðeins hærra heldur en
það verð sem er. Þeir standa í skilunt
mcð fyrstu greiðslurnar, en síðan fer
að lcngjast milli greiðslna og endar
með því að engar greiðslur fást fyrir
fiskinn," sagði Örn. Þegar svo er
komið eru fyrirtækin lýst gjaldþrota
og oftar en ekki, sagði Örn, kemur
í Ijós að eignir þeirra eru nánast
engar.
„Það er spurning hvers vegna
þessi fyrirtæki dúkka upp," sagði
Örn, „ég vil nú ekki meina að þetta
sé gcrt vísvitandi. Því trúi ég ekki.
Sá sem stofnar slíkt fyrirtæki hlýtur
að hafa trú á því sem hann er að
gcra. Það er sennilega bara reynslu-
leysi í fiskviðskiptum sem verður
þessum fyrirtækjum að falli." Hann
sagði að nokkuð væri um liðið síðan
bera fór á þessu, eða í lok árs 1987.
„Það bar talsvert á þessu á nýliðnu
ári, en ég hef það á tilfinningunni.að
þetta sé eitthvað farið að minnka.
Það er fljótt að spyrjast ef menn fá
ekki greitt og menn eru þá miklu
meir á varðbergi gagnvart þeim sem
þeir eru að eiga viðskipti við,“ sagði
Örn. Dæmi um upphæðir í þessu
sambandi, nefndi Örn að síðla árs
1987 hafi einn trillukarl átt um 300
Forsætisráðherra skipar ráðgjafanefnd ríkis og
einkaaðila til átaks í markaðssetningu erlendis:
Unnið á grunni
leiðtogafundar
Steingrímur Hermannssön for-
sætisráðherra hefur skipað ráðgjafa-
nefnd ríkis og einkaaðila til að
undirbúa sérstakt kynningarátak fs-
lands á sviði markaðs og sölumála
svo og ferðamála.
Að sögn Baldvins Jónssonar aug-
lýsingastjóra sem er formaður
nefndarinnar er markið hennar að
sameina krafta opinberra aðila og
aðila innan einkageirans er vinna að
landkynningu og hvers konar kynn-
ingu á íslenskum afurðum á erlendri
grund. Nefndin er skipuð í beinu
framhaldi af starfi nefndar er skipuð
var af forsætisráðherra í kjölfar
leiðtogafundarins í Reykjavík árið
1987. Ráðgjafanefndinni er ætlað að
vinna úr gögnum þeirrar nefndar og
kanna hvað áunnist hefur við leið-
togafundinn og fylgja eftir þeirri
kynningu er ísland hlaut við það
tækifæri.
Formaður nefndarinnar er Bald-
vin Jónsson auglýsingastjóri, en aðr-
ir nefndarmenn eru Björn Theódórs-
son framkvæmdastjóri þróunarsviðs
Flugleiða, Jón Sveinsson aðstoðar-
maður forsætisráðherra, Magnús
Gunnarsson formaður útflutnings-
ráðs, Ragnhildur Hjaltadóttir deild-
arstjóri í samgönguráðuneytinu og
Stefán Friðfinnsson aðstoðarmaður
utanríkisráðherra. -ág
þúsund krónur útistandandi. Þá hafa
trillusjómenn nefnt tölur allt upp í
1400 þúsund sem þeir hafa tapað
vegna þessara viðskipta.
Aðspurður sagði Örn að ekki
heföi komið til kæru vegna þessa, að
því er honum væri kunnugt um.
Öllum fiskkaupendum ber að halda
eftir 10% af aflaverðmæti og greiða
það í greiðslumiðlun sem Fiskveiða-
sjóður hefur umsjón með. Þessi
10% fara á þrjá staði, Iífeyrissjóð
sjómanna, til tryggingamála og í
félagsgjöld hjá Landssambandi
smábátaeigenda. „Þegar fiskkaup-
andi verður uppvís að því aö standa
ekki í skiliun við sjóðinn, en hefur
sannanlega tekið þetta af manninum
þá er náttúrlega um kærumál að
ræða, en yfirleitt er reynt að fara
samningáleiðina og leysa þetta þann-
ig með öðrum hætti," sagði Örn.
Ragnar Guðjónsson hjá Fisk-
veiðasjóði sagði i samtali við Tím-
ann að rétt væri að komið hefðu upp
fyrirtæki, þó þau væru ekki mörg.
sem ekki hafa staðið nógu vel í
skiium í greiðslumiðlunarsjóðinn.
Hann sagði að alltaf væri eitthvað
um það að slíkt kæmi upp þegar nýir
aðilar væru að vinna sér markað og
bjóða hærri verð, sem síðan minna
yrði úr. „Þegar svona lagaö hel'ur
komið upp á þá er kippt í þessa aöila
og þeim gerð grein fyrir hvað það
þýðir. í flest öllurn tilfellum hefur
það verið lagfært," sagði Ragnar.
Hann sagði að á heildina litiö gengi
þetta kerfi ágætlega upp. -ABÓ
Byggöasafninu í Glaumbæ í Skagafiröi gefnar veglegar gjafir:
Tvö hús endurreist
í safninu í Glaumbæ
Frá síðasta fundi sýslunefndar. Fremri röð f.v. Rögnvaldur Gíslason, ritari
sýslunefndar, Sigurður Jónsson, Reynistað, Halldór Þ. Jónsson, sýslu-
niaður, Jón Guðmundsson, Óslandi, Gunnar Gíslason, Varmahlíð,
Valberg Hannesson, Sólgörðum. Aftari röð: Steingrímur Vilhjálmsson,
Laufhóli, Bjarni Gíslason, Eyhildarholti, Ófcigur Gestsson, Hofsósi,
Pálmi Runóll'sson, Hjarðarhaga, Marinó Sigurðsson, Álfgeirsvöllum,
Stefán Gestsson, Arnarstöðum, Ríkharður Jónsson, Brúnastöðum,
Guðmundur Vilhelmsson, Hvammi, Jón Eiríksson, Fagranesi, Sigurður
Sigurðsson, Sleitustöðum.
Byggðasafnið í Glau'mbæ í
Skagafirði á nú von á veglegri
viðbót, en safninu bárust gjafabréf
fyrir tveimur húsum þann 14. des-
ember s.l. Byggðasafnið sem er
eign Skagafjarðarsýslu býr nú við
þröngan húsakost í gamla torlbæn-
um í Glaumbæ, einkum meö tilliti
til þeirrar miklu aðsóknar sem cr
að safninu, en um tólf þúsund
gestir koma í safnið ár hvert.
Húsin sem um ræðir eru svo
nefnd Gilsstofa sem Eggert Briem
lét reisa á Espihóli er hann var
sýslumaöur Eyfirðinga en flutti
með sér og endurreisti á Hjalta-
stöðum í Akrahreppi er hann gerö-
ist sýslumaður yfir Skagafjarðar-
sýslu árið 1861. Þegar Eggcrt
Briem fluttist að Reynistað árið
1872, var húsið flutt þangaö. Þar
var fyrsti sýslunefndarfundur
Skagafjarðarsýslu haldinn tveimur
árum seinna og þar voru einnig
fyrstu leiksýningar í Skagafirði.
Gefendur Gilsstofu eru hjónin Sig-
urður Hansen og María Guð-
mundsdóttir í Kringlumýri í Akra-
hreppi.
Hitt húsið er gamla íbúðarhúsið
í Ási í Hegranesi og telur þjóð-
minjavörður það nánast hafa verið
einstaka byggingu á sínum tíma og
afar mikils virði að geta haldið því
við. Þessi tvö hús munu verða reist
í næsta nágrenni viö gamla bæinn í
Glaumbæ og ntunu rýmka aðstöðu
byggðarsafnsins til muna.
Sýslunefnd Skagafjarðar liélt
sinn síöasta fund í desember á
síðasta ári en nú hefur Héraðs-
nefnd Skagfirðinga tekið við eigum
og verkefnum sýslunefndar sam-
kvæmt ákvæðum sveitarstjórnar-
laga frá 1986. - ág
GLÆSILEGAR -
HEILSÁRSKÁPUR
30% afsláttur
Póstsendum
v/Laugalæk - Sími 33755.