Tíminn - 23.02.1989, Blaðsíða 12

Fimmtudagur 23. febrúar 1989
12 Tíminn
FRÉTTAYFIRLIT
KAÍRÓ — Sovétríkin og ísra- I
el greinir á í viðræðum um
hugsanlega friðarráðstefnu í
málefnum Miðausturlanda, en
hafa þó tekið upp þráðinn á ný
og ætla að vinna saman að
ýmsum verkefnum eftir tuttugu
ára kuldalegt viðmót hvor í
annars garð. Þetta er niður-
staða viðræðna Eduardes
Shévardnadze utanríkisráð-
herra Sovétríkjanna og Moshe
Arens utanríkisráðherra israel,
en þeir ræddust við í sovéska
sendiráðinu í Karíó.
PRAG — Tékkneska lögregl- I
an handtók talsmann Charter
77 mannréttindasamtakanna á
sama tíma og mál sjö annarra
baráttumanna fyrir mannrétt-
indum var tekið fyrir í dómstól-
um.
WASHINGTON - Verð
bólgan i Bandaríkjunum óx
um 0,6% í janúarmánuði og er
það mesta aukning verðbólgu
í einum mánuði síoastliðin tvö
ár.
TOKYO — Þjóðarleiðtogar
heimsins munu ræða málefni
Afganistan, Kampútseu og
Miðausturlanda á meðan þeir
dvelja í Japan vegna útfarar
Hirohitos keisara.
NIKOSÍA — Ajatollah Ruoll-
ah Khomeini segir að dauða-
dómur hans yfir Salman Rush-
die standi hvað sem tautar og
raular.
PEKING — Deng Xiaoping
gaf í skyn að hann hygðist
hætta fljótlega afskiptum af
stjórnmálum og sagði að Zhao
Siyang formaður kommúnista-
flokksins og forsætisráðherr-
ann Li Peng væru reiðubúnirtil
að taka endanlega við stjórnar-
störfum.
NEW YORK — Lögregluyf-
irvöld telja að flett hafi verið
ofan af meiriháttar kínverskum
eiturlyfjahring og að náðst hafi
heróín fyrir milljarða dollara
eftir að kínverskur kaupsýslu-
maður og milljónamæringur
var handtekinn.
JÓHANNESARBORG-
Svartur Suður-Afríkani viður-
kenndi að hann hefði myrt
lækni sem hafi verið mikilvægt
vitni í morðmáli þvi sem líf-
verðir Winnie Mandela eiga
aðild að.
NAIRÓBÍ — Alþjóðadeild
Rauðakrossins ákvað að hefja
á ný flutninga á matvælum
með flugvélum til hungursvæð-
anna í suðurhluta Súdan, en
þeim flutningum var hætt eftir
að Þjóðfrelsisher Súdan hafði
krafist nánari útskýringa á mat-
vælaflutningunum.
BEIRÚT - Yfirmaður krist-
inna manna í her Líbanon
bannaði flutningaskipi að
leggjast að bryggju á svæði
hersins og mun.þessi ákvörð-
un geta stefnt samningi her-
manna hans og harðlínum-
anna í hersveitum kristinna
manna í hættu.
ÚTLÖND
Illlllli
fer halloka
Skæruliðar Tígrishreyfingarinnar
í Eþíópíu fullyrtu að þeir hefðu náö
á vald sitt sterku vígi stjórnarhersins
í Inda Selassie eftir að hafa sigrast á
30 þúsund manna setuliði þar. Tals-
maður skæruliðanna í Nairobi sagði
að bænum hafi verið náð á laugardag
eftir harða bardaga í tvær vikur.
Talsmaður skæruliðanna Aziz
Abdullah sagði að hersveitir stjórn-
arhersins hefðu reynt að brjótast út
úr herkví 4. febrúar og ætlað að ná
þjóðveginum til bæjarins Axum sem
skæruliðar hafa haft á valdi sínu. Sú
ætlan hafi brugðist og skæruliðar
þess í stað náð Inda Selassie á sitt
vald.
Tígrisskæruliðar nutu dyggs
stuðnings Þjóðfrelsishreyfingar Er-
ítreu í þessum bardögum, en hún
berst fyrir sjálfstæði Erítreu sem
liggur næst Tíger héraði.
Talsmaður Þjóðfrelsishreyfingar
Erítreu í London staðfesti að skæru-
liðar frá Erítreu hefðu tekið þátt í
bardögunum við hlið Tígerskæru-
liða.
Inda Selassie var sterkasta vígi
stjórnarhersins í vesturhluta Tíger-
héraðs en skæruliðar hafa haft svæð-
in í kringum bæinn á valdi sínu.
Hafa vopn og vistir verið fluttar til
bæjarins með flugi.
Skæruliðar Tígrishreyfingarinnar náðu bænum Inda Selassie hinu sterka vígi herliðs marxistastjórnarinnar í Eþíópíu
á vald sitt um helgina eftir harða bardaga. Því eru líkur á að hamarinn og sigðin í þessari varðstöð við bæinn hafi
verið jöfnuð við jörðu.
Greinilegt cr að verulega hefur marxistastjórnarinnar í Addis Aba- undanförnu og hafa skæruliðar meg-
hallað undan fæti fyrir stjórnarher ba í Tígerhéraði og í Erítreu að inhluta þessara héraða á sínu valdi.
í Tíger
Stjórnarher Eþíópíu
Daniel Ortega forseti Níkaragva gerir upp fortíðina á 55
ára dánardægri þjóðhetjunnar Augusto Sandínó:
1700 þjóðvarðlið-
ar Somoza náðaðir
Daniel Ortega forseti Níkaragva
skýrði frá því í gær að hann muni
fara fram á það við þing landsins að
það náði sautjánhundruð pólitíska
fanga sem í haldi hafa verið frá því
Sandínistar veltu einræðisherranum
Anastasio Somoza af stóli árið 1979.
Fangarnir sautjánhundruð voru
allir í hinu illræmda Þjóðvarðliði
Somoza sem hélt Níkaragvabúum í
greipum óttans um áraraðir með
grimmdarverkum sínum.
Ortega skýrði frá þessu í hjart-
næmri ræðu er hann hélt á fundi 30
þúsund stuðningsmanna sinna á
Byltingartorginu í Managva þar sem
minnst var að 55 ár eru liðin frá því
Þjóðvarðliðar myrtu Augusto Ceres
Sandino þjóðhetju Níkaragvabúa.
Ortega skýrði einnig frá því að á
meðal þeirra er hann vilji náða séu
meðlimir í Þjóðvarðliðahóp þeim er
drápu bróður hans, Camilo Ortega
árið 1978.
-Þrátt fyrir að hjarta okkar geti
ekki sætt sig við náðun, þá segir
hugur okkar að við gerum rétt með
því, sagði Ortega meðal annars.
-Ég mun leggja beiðni um náðun
sautjánhundruð þjóðvarðliða fyrir
þingið þann 28. febrúar.
Þjóðþing Níkaragva verður að
staðfesta náðun ríkisstjórnarinnar,
en talið er næsta víst að þingið verði
við beiðni Ortega, enda ráða Sand-
ínistar 61 þingsæti af 96.
Ortega sagði einnig að þeir tvö-
þúsund skæruliðar Kontra sem í
haldi eru í Níkaragva yrðu leystir úr
haldi um leið og búðir Kontraliða í
Hondúras yrðu leystar upp.
Mannréttindasamtök segja að
megnið af þeim átjánhundruð þjóð-
varðliðum sem í haldi hafa verið í
Níkaragva hafi verið dæmdir að
ósekju og sannanir gegn þeim hafi
ekki verið nægar. Hins vegar styðja
þeir stjórnvöld í Níkaragva í því að
halda um eitt hundrað þjóðvarðlið-
um áfram í fangelsi þar sem þeir séu
ekki einungis í haldi af stjórnmála-
ástæðum heldur hafi þeir sannanlega
drýgt alvarlega glæpi.
ta
Skaut fjöl-
skyldu sína
vegna arfs
Fjölskylduerjur við matarborð
á heimili einu í Napólí á ftalíu
enduðu sorglega í gær. Tæplega
fimmtugur iðnverkamaður Vinc-
enzo di Costanzo missti sjórn á
skapi sínu er hann deildi við
frænku sína og eiginmann hennar
um arf sem þeim hafði áskotnast.
Vincenzo greip til riffils, skaut
frænku sína og eigninmann henn-
ar og börn þeirra tvö, stúlku á
áttunda ári og tólf ára dreng.
Vincenzo gaf sig síðan fram við
lögreglu.
UMSJÓN:
Hallur
Maqnússon
BLAÐAMAÐ
Finnland:
Kynlífsorlofsferðir
lausn á streituvanda
Heilbrigðisyfirvöld í Finnlandi
hafa skorað á stjórnvöld að koma á
fót sérstökum kynlífsorlofsferðum
fyrir borgara sem þjást af alvarlegri
streitu vegna nútíma lífsmáta.
-Fólk er þjáist af streitu ætti að fá
tækifæri til að fara f kynlífsorlofs-
ferðir til að það geti gleymt áhyggj-
um sínum og einbeitt sér í erótísku
andrúmslofti, segir í nefndaráliti
nefndar á vegum heilbrigðisráðu-
neytisins finnska.
Hugmynd þessi mun verða rædd á
fundi heilbrigðismálastjórnar
finnska ríkisins í næsta mánuði.
-Fáar frístundir og hinar ýmsu
félagslegu skyldur samfélagsins eru
helstu hömlur á eðlilegu kvnlífi
fólks, segir einnig í fyrrneíndu
nefndaráliti.
Sérfræðingar þeir er sátu í nefnd-
inni leggja einnig til að erótískar
bókmenntir, tímarit og listaverk
verði aðgengilegri í finnsku samfé-
lagi. Telja þeir að stefna beri að
erótískara og kynlífshvetjandi and-
rúmslofti.
Hins vegar segir í nefndarálitinu
að streitusjúklingarnir þurfi sjálfir
að finna sér mótaðila í kynlífsleiki
sína. Hið ríkisrekna heilbrigðiskerfi
Finna muni ekki sjá um þá hlið
þessarar sérstöku sjúkrameðferðar.