Tíminn - 01.03.1989, Síða 10

10 Tíminn
Miðvikudagur 1. mars 1989
(þróttir
Tólf réttir í getraunum 1x2:
„Ulla á gíró-
seðlana sína
Hópur „tippara" datt heldur betur
í lukkupottinn þegar síðasti pottur
var gerður upp. Þeir fengu einir tólf
rétta og unnu rúmlega 4,5 milljónir.
Hópurinn samanstendur af átta
einstaklingum og kallar sig
dagskokk. Þeir hittast í Inghóli á
Selfossi hvert föstudagskvöld, hver
leggur fimm hundruð krónur í sjóð
og fyrir hann er „tippað“. „Þetta er
hópur kátra pilta sem hittist einu
sinni í viku til að freista gæfunnar.
Það er langt því frá að við leggjum
eitthvað upp úr skokkinu þó nafnið
bendi til þess. Það er samsett úr
upphafsstöfum okkar allra og kemur
svona skemmtilega út,“ sagði Sig-
urður Grétarsson, einn þeirra
heppnu, í samtali við Tímann.
I vikunni áður fengu þeir ellefu
rétta og unnu áttatíu þúsund krónur
og lögðu því heldur meira upp úr
„tippinu" í síðustu viku en venju-
lega. „Tippuðu" samtals fyrir sextán
þúsund krónur. Kerfið sem hópur-
inn nota er á getraunaseðlinum
„þetta er útgangskerfi 1605 raðir að
því mig minnir, með tíu útgangs-
merkjum" sagði Sigurður.
Þó hópurinn leggi ekki mikið upp
úr skokkinu núna eru í honum
fyrrverandi íþróttamenn, bæði úr
knattspyrnunni og landsliðinu í lyft-
ingum. Þeir hafa áður verið með tólf
rétta, fyrir þremur árum og fengu þá
130 þúsund krónur. Dagskokk ætlar
sér ótrauður að halda „tippinu"
áfram. Sérstaklega líta meðlimir
björtum augum til komandi sumars
sem verður fyrsta sumarið sem get-
raunirnar verða starfræktar. „Sumir
ákváðu nú bara að fara heim og ulla
á gíróseðlana sína þegar við fréttum
af vinningnurh," sagði Sigurður.
jkb
Handboltinn rúllar á ný
Eftir tæplega tveggja mánaða hlé
á keppni í 1. deild íslandsmótsins í
handknattleik, verður flautað til
leiks á nýjan leik í kvöld. Grótta og
Breiðablik leika á Seltjarnarnesi og
hefst leikurinn klukkan 19:30. Með
þeim leik hefst ellefta umferð 1.
deildar.
11. umferð verður kláruð á sunnu-
dag, en þá leika Fram-Valur, Stjarn-
an-KR, KA-FH og ÍBV-Víkingur.
Tólfta umferð verður leikin mið-
vikudaginn 8. mars og mætast þá:
Valur-Stjarnan, KR-KA, FH-ÍBV
og UBK-Fram. Síðasti leikur um-
ferðarinnar verður leikinn fimmtu-
daginn 9. febrúar en þá leika Grótta
og Víkingur. -ES
Skíðafélag Reykjavíkur 75 ára
Sunnudaginn 26. febrúar sl. voru
75 ár liðin frá stofnun Skíðafélags
Reykjavíkur. Skíðafélagið á að baki
merka sögu og í tilefni af afmælinu
fer hér á eftir stutt ágrip af sögu
félagsins.
Aðalhvatamaður að stofnun
Skíðafélags Reykjavíkur var Lor-
entz H. Múller, sem talinn hefur
verið faðir skíðaíþróttarinnar í
Reykjavík. Múller fluttist frá Noregi
til íslands og settist að í Reykjavík
árið 1906. Hann varð fljótt virkur í
í íþróttalífi bæjarins enda mikill
áhugamaður um íþróttir, útivist og
ferðalög. Skíðaskóla kom hann á fót
á Kolviðarhóli og árið 1913 fór hann
í mikið skíðaferðalag með tveimur
ungum mönnum, þeim Herluf
Clausen og Tryggva Magnússyni,
sem niikla athygli vakti. Gengu þeir
yfir 200 km á 5 dögum.
L.H. Múller sagði svo frá stofnun
félagsins í ræðu á 20 ára afmæli
félagsins: „Veturinn 1914, eftir jól
var mikill snjóavetur, og á hverjum
sunnudegi var heill hópur skíða-
manna sem mættust í Ártúnsbrekk-
unum og einmitt þar kom fyrst fram
hugmyndin um stofnun skíðafélags.
Undirbúningsfundur var haldinn í
Bárubúð 23. febrúar 1914 og á þeim
fundi voru mættir Axel Tulinius
forseti ÍSÍ, Guðmundur Björnsson
landlæknir, Jón Þórarinsson fræðslu-
málastjóri, Ólafur Björnsson rit-
stjóri og ég. Við undirbjuggum
frumvarp til laga fyrir félagið og
urðum ásáttir um að boða til stofn-
fundar 26. febr. 1914. Ca. 60-70
áhugasamir menn mættu á fundinum
og Skíðafélag Reykjavíkur var
stofnað og lög þess samþykkt."
L.H. Múller var að sjálfsögðu
kjörinn fyrsti formaður félagsins en
með honum í stjórn voru kosnir:
Steindór Björnsson, Herluf
Clausen, Tryggvi Magnússon og Pét-
ur Hoffmann.
Fyrstu skrefin
Stjórn félagsins lét þegar hendur
standa fram úr ermum. Fyrsta
Sala getraunaseðla með ensku
knattspyrnunni lokar á laugardögum
kl. 14.45.
9. LEIKVIKA- 4. MARS 1989 III 11 11
Leikur 1 Sheff. Wed. - Charlton
Leikur 2 Southampton - Norwich TENINGUR
Leikur 3 Birmingham - Oxford
Leikur 4 Bradford - Barnsley
Leikur 5 Brighton - Blackburn
Leikur 6 C. Palace - Bournemouth
Leikur 7 Hull - Stoke
Leikur 8 Ipswich - Swindon
Leikur 9 Leicester - Walsall
Leikur 10 Plymouth - Portsmouth
Leikur11 Watford - Man. City
Leikur 12 Fulham - Swansea
Símsvari hiá getraunum á laugardögum
eftir kl. 17:15 er 91-84590 og -844§4.
BR0SUM /
og ¥
alltgengurbetur ^
verk hennar var að efna til skíða-
námskeiðs eða skíðaskóla fyrir
nokkra pilta. Kennarar voru L.H.
Múller og Steindór Björnsson.
Kennsla fór fram á kvöldin og var þá
með „teoretísk kennsla“ sem fram
fór í leikfimihúsi barnaskólans.
Einnig fór kennslan fram í Ártúns-
brekkunum. Morgunblaðið segirsvo
frá 9. mars: „Skíðafélagið fer vel af
stað. Námskeið stendur yfir þar sem
allt er lært sem að skíðaför lýtur. í
morgun mættum vér hr. L. Múller í
fylgd með 10-20 drengjum og ungl-
ingum á leið upp í Ártúnsbrekku.
Ætluðu þeir að eyða deginum þar.“
Um svipað leyti sendi stjórnin frá
sér áskorun til allra um að veita
skíðaíþróttinni lið. Áskorunin hófst
með þessutn orðum: „Vér undirrit-
aðir skorum hér með á alla, konur
sem karla, unga sem gamla, að
hjálpa til að efla skíðaíþróttina hér
á landi og koma henni í það gengi
sem hún á með réttu skilið". Margir
urðu til þess að lýsa yfir stuðningi
sínum við áskorun félagsins og með-
al þeirra voru Hannes Hafstein ráð-
herra, Jón Þórarinsson sem áður var
nefndur, Þorsteinn Gíslason ritstjóri
og stjórnarmenn ÍSÍ.
Um páskana þennan sama vetur
gengu betri skíðamenn félagsins yfir
Kjöl og til Reykjavíkur eftir að hafa
farið með skipi inn í Hvalfjörð. Var
þetta fyrsta skíðaför félagsins en þær
áttu eftir að verða fleiri.
Sprengisandsferð
Veturinn 1925 fóru L.H. Múller
og þrír félagar hans úr Skíðafélag-
inu, Reidar Sörensson, Axel Gríms-
son og Tryggvi Einarsson, mikla
frægðarför á skíðum úr Eyjafirði
suður yfir Sprengisand. Þótti ferð
þeirra félaga hið mesta afrek. Árið
1927 færðist mikið líf í félagið enda
var þá mikill snjóavetur. Eftir það
fór félaginu að vaxa fiskur um hrygg
og félagsstarfsemin jókst með ári
hverju. Veturinn 1929/30 fór félagið
t.d. 13 ferðir og voru þátttakendur
705.
Skíðaskálinn reistur
Eitt merkasta framtak Skíðafé-
lagsins var bygging Skíðaskálans í
Hveradölum sem vígður var þann
15. september 1935. L.H. Múller
var hinn drífandi maður í því máli
sem öðrum hjá félaginu. Fé til
byggingarinnar var safnað með ýmsu
móti, m.a. mcð sölu rnerkja og
svokallaðri „krónuveltu" eða „tú-
kallsveltu", sem auk þess að vera
ágæt auglýsing fyrir skálann, vakti
almenna athygli og ánægju, því blöðin
Formenn Skíðafélags
Reykjavíkur
L.H. Miiller
Kristján Ó. Skagfjörð
Stefán G. Björnsson
Leifur Muller
Jónas Ásgeirsson
Páll Samúelsson
Matthías Sveinsson
Páll Samúelsson
Guðni Stefánsson
1914-1939
1939-1947
1947-1968
1968-1975
1975- 1976
1976- 1978
1978-1984
1984-1988
1988
birtu nöfn þeirra sem skorað var á
og urðu að greiða 2 kr. (minnst) og
svo koll af kolli. Allur efniviður í
skálann var keyptur í Noregi og kom
hann til landsins í lok maímánaðar
1935 ásamt nokkrum húsgögnum í
skíðaskálastíl. Skíðaskálinn var sá
fyrsti sem reistur var sunnanlands og
bygging hans eitt hið mesta átak í
íþróttamálum þjóðarinnar. Hann
var strax vel sóttur af skíðafólki og
ekki leið á löngu þar til félagið hafði
fengið norskan skíðakennara til
starfa við hann.
Fyrsta skíðalandsmótið
í marsmánuði 1937 efndi Skíðafé-
lag Reykjavíkur til fyrsta skíðamóts-
ins hér á landi með þátttöku víðs
vegar að af landinu. Þetta mót var
Landsmót skíðamanna. Þessi félög
sendu keppendur á mótið: Skíðafé-
lagið Einherjar ísafirði, Skíðafélag
Siglufjarðar, Skíðafélagið Siglfirð-
ingur (síðar Skíðaborg), KR, Ár-
mann og að sjálfsögðu Skíðafélag
Reykjavíkur. Á mótinu var keppt í
göngu og stökki. Auk einstaklings-
greina var í göngunni keppt um
sveitarverðlaun, „Thule-bikarinn“,
sem Vátryggingafélagið Thule hafði
gefið.
Sigurvegari í göngunni (18 km)
varð Jón Þorsteinsson úr Skíðafélagi
Siglufjarðar. Hann var þá aðeins 15
ára að aldri. Skíðastökkið vann hins
vegar Alfreð Jónsson úr Skíðafélag-
inu Siglfirðingi. Hann var aðeins
tveimur árum eldri en Jón. „Thule-
bikarinn" vann sveit Skíðafélags
Siglufjarðar.
Skíðafélag Reykjavíkur hélt aftur
mót árið eftir og var það kallað
„Thulemót" enda þótt „Thulegang-
an“ væri aðeins ein keppnisgreina.
Á þessu móti var keppt í svigi í fyrsta
sinn opinberlega á íslandi. Siglfirð-
íngar unnu „Thule-bikarinn“ öðru
sinni og síðar til eignar.
Ólympíumeistari
í heimsókn
Á 25 ára afmæli félagins 1939, var
efnt til afmælismóts á Hellisheiði og
jafnframt var Thulemót. Tilraunir
stjórnar félagsins til þess að fá kepp-
endur frá Norðurlöndunum á mótið
báru ekki árangur en henni tókst
hins vegar að fá norska skíðakapp-
ann Birgi Ruud til að koma til
landsins. Hann var þá Ólympíu-
meistari í skíðastökki, reyndar tvö-
faldur, því hann hafði sigrað á
vetrarleikunum í Lake Placid 1932
og í Garmisch-Partenkirchen 1936.
Koma hans til landsins vakti óhemju
athygli og fjölmenntu áhorfendur á
afmælismót félagsins. Birgir sýndi
svig og skíðastökk á mótinu og einn
daginn stökk hann heljarstökk á
skíðum.
Formannsskipti
Árið 1939 gaf L.H. Múller ekki
lengur kost á sér í embætti formanns
enda hafði hann verið formaður þess
óslitið í 26 ár. Við formennsku tók
Kristján Ó. Skagfjörð sem átt hafði
sæti í stjórn félagsins um 20 ára
skeið. Eins og L.H. Múller var
Kristján mikill áhugamaður um
skíðagöngu og fjallaferðir. Hann
átti um árabil sæti í stjórn Ferðafé-
lags Islands og var fararstjóri í ótal
ferðum þess. Formannstíð Kristjáns
í Skíðafélaginu stóð í átta ár eða til
ársins 1947. Þá tók Stefán G. Björns-
son við formennsku.
Kristján Ó. Skagfjörð lést í sept-
ember 1951 og í aprílmánuði árið
eftir lést L.H. Múller. Báðum þess-
um íþróttafrömuðum reisti Skíðafé-
lagið veglegan minnisvarða við
Skíðaskálann.
{ formannstíð Stefáns Björnsson-
ar keypti Reykjavíkurborg Skíða-
skálann og rak hann í nokkur ár eða
til 1985. Þá var skálinn seldur veit-
ingamanni og Skíðafélagið missti
þar með húsnæði sitt. Félagið hefur
fengið inni hjá Bláfjallanefnd - eða
nánar tiltekið í gamla Borgarskálan-
um í Bláfjöllum. Þetta fyrirkomulag
er mjög gott og skíðamót og æfingar
fara fram með góðri aðstoð Þorsteins
Hjaltasonar, stjórnanda í Bláfjöll-
um. Skrifstofa félagsins hefur síð-
ustu hárin verið á Amtmannsstíg 2.
Þar eru bækur félagsins og þar fara
fram fundir og námskeið.
Skíðafélagið hefur aðallega skíða-
göngur á dagskrá og margir bestu
skíðagöngumennirnir hafa gegnum
árin keppt fyrir félagið og unnið.