Tíminn - 22.03.1989, Blaðsíða 7
Miðvikudagur 22. mars 1989
Tíminn 7
Svavar Gestsson
menntamálaráð-
herra um kjötiðnað:
Aðstaða til
menntunar
er engin
Svavar Gestsson menntamála-
ráðherra segir aðstöðu til
menntunar í kjötiðnaði nánast
enga hér á landi, en brýnt sé að
koma henni upp. Fyrir liggi samn-
ingur milli Kópavogsbæjar og
menntamálaráðuneytisins um að
komið verði upp kennsluaðstöðu
í tengslum við M.K., fyrir ferða-
þjónustugreinar, kjötvinnslu,
matvælaiðnað, húshald og fleira.
Verði ekki verulegum fjármun-
um veitt til þessa verkefnis á
fjárlögum 1990, sé ljóst að Al-
þingi ætli sér ekki að standa við
þennan samning.
Þetta kom fram í svari mennta-
málaráðherra við fyrirspurn Jóns
Kristjánssonar þingmanns,
hvernig unnið hefði verið að
framkvæmd þingsályktunartil-
lögu frá 1986 um stofnun mennta-
stofnunar á sviði matvælaiðnað-
ar, hótel-, veitinga-, og almennr-
ar ferðamannaþjónustu. Davíð
Aðalsteinsson fyrrverandi alþing-
ismaður Vestlendinga flutti fyrir-
spumina ásamt fleirum af þing-
mönnum Framsóknarflokksins.
í svari menntamálaráðherra
kom fram að ekkert hefur verið
unnið að framkvæmd þessa máls
og hefur fyrst og fremst strandað
á því að fjármunir hafa ekki verið
veittir sérstaklega í þessu skyni.
Jón Kristjánsson sagðist telja
nauðsynlegt að Alþingi tæki af
skarið í þessum málum, hvort
sem það yrði með efndum samn-
ingsins við Kópavogsbæ eða með
nýtingu vannýtts húsnæðis í þessu
skyni. -ÁG
Framtíðarskipulag Laugardalsins í Rcykjavík. Örin bendir á húsdýragarðinn.
Húsdýragaröur verður opnaður í Laugardal vorið 1990:
Framkvæmdir hefjast í vor
„Húsdýragarðurinn fellur inn í heildarskipulag Laugardals-
ins og hann verður innan þess svæðis sem afmarkast af
Múlavegi, Engjavegi og Holtavegi og verður hann umhverfis
og austan við Hafrafell, fyrrverandi bústað Örlygs Sigurðs-
sonar listmálara,“ sagði Reynir Vilhjálmsson landslagsarki-
tekt.
Reynir hefur unnið að skipulagi
garðsins og kynnti tillögur sínar fyrir
umhverfismálaráði borgarinnar ný-
lega þar sem þær voru samþykktar
samhljóða.
Svæði það sem ætlað er garðinum
er tæpir tveir hektarar að flatarmáli
og verður lögð áhersla á að öll
íslensk húsdýr verði þar til sýnis í
sem eðlilegustu umhverfi húsdýra.
Síðar er ætlunin að koma upp nokk-
urs konar fræðslumiðstöð þar sem
hægt verður að veita fræðslu og
upplýsingar.
Auk húsdýranna verða einnig ís-
lensk spendýr, svo sem hreindýr,
refir, minkar, mýs og selir.
Byggð verða fjögur hús fyrir
dýrin, hvert tæpir 200 fermetrar að
grunnfleti. Þetta verða timburbygg-
ingar á steyptum grunni sem auðvelt
verður að breyta í samræmi við
hugsanlega framtíðarþróun í starf-
semi garðsins.
Gripahúsin verða byggð umhverf-
is lokað hlað, eins konar bæjarhlað.
Þar verða ýmis dýr látin ganga frjáls
um og fólk getur þar hitt þau augliti
til auglitis, nálgast þau og klappað.
Þar verður reiðgerði þar sem börn
geta fengið að sitja hest.
í útjaðri garðsins verða hólf fyrir
refi og minka og fiskeldisker. Þá
verður komið upp hólfum fyrir ali-
fugla í trjágarðinum umhverfis
Hafrafell.
Reynir sagði að hann sjálfur og
garðyrkjustjóri borgarinnar, Jóhann
Pálsson hefðu skoðað húsdýragarða
í bæði Kaupmannahöfn og Amster-
dam og væri ætlunin að hafa garðinn
í Laugardal með líku sniði og þá,
þótt vitanlega verði áherslur allar
íslenskar.
Framkvæmdir við garðinn hefjast
í vor og verður lokið við að steypa
grunna húsanna og vinna alla jarð-
vinnu fyrir næsta vetur. Garðurinn
verður opnaður vorið 1990. -sá
Leikfélag Hofsóss sýnir gamanleik:
Leynimelur 13 er
sýndur á Hofsósi
Frá Emi Þórarinssyni, fréttaritara Tímans
í Fljótum:
Leikfélag Hofsóss sýnir um þessar
mundir gamanleikinn „Leynimel 13“
eftir Þrídrang. Leikstjóri er Hilmir
Jóhannesson á Sauðárkróki. Hann
hefur áður stjórnað uppfærslum hjá
Hofsósingum, síðast fyrir tveimur
árum á „Þið munið hann Jörund.“
Leynimelur 13 er vel þekkt stykki
hér á landi.en leikritið er fyrst og
fremst gamanleikur. Segja má að
það sé ekki illa til fundið hjá leikfé-
laginu að taka slíkt verk til sýningar
um þessar mundir sem e.t.v. nær að
hrista hluta af óveðurs- og ófærðar-
drunganum sem lagst hefur á Skag-
firðinga síðustu vikur. Hlutverk í
Leynimelnum eru 17 þar af eru börn
í fjórum hlutverkum. Aðalhlutverk-
ið, K.K. Madesen húseiganda, leik-
ur Einar Einarsson. Aðrir leikarar
sem með stór hlutverk fara eru
Björn ívarsson, Fríða Eyjólfsdóttir,
Svandís Ingimundardóttir og Gísli
Einarsson. Leikritið hefur verið sýnt
þrívegis í félagsheimilinu Höfðaborg
á Hofsósi við ágætar undirtektir.
Gert verður hlé á sýningum í páska-
vikunni en síðan er fyrirhugað að
hefja sýningar á ný og heimsækja þá
jafnvel nágrannabyggðarlög. For-
maður Leikfélags Hofsóss er Fríða
Eyjólfsdóttir.
Ríkisstjórnin um Háskólann á Akureyri:
Sjávarútvegs-
braut samþvkkt
Síðastliðinn föstudag samþykkti ríkisstjórnin að frá og með
næstu áramótum skuli hafín starfsemi sjávarútvegsbrautar við
Háskólann á Akureyri. I samþykkt ríkisstjórnarinnar segir að
menntamálaráðuneytið muni í samvinnu við fjármálaráðuneytið
beita sér fyrir endurmati á þeim tillögum sem fyrir Iiggja um
fjárframlög til brautarinnar. Endanlegar ákvarðanir verða því
ekki teknar fyrr en með afgreiðslu fjárlaga fyrir árið 1990.
Undirbúningur fyrir starfsemi
brautarinnar hefur staðið í nokk-
urn tíma en skýrslu um skipulag
brautarinnar var skilað til mennta-
málaráðuneytisins í nóvember s.l..
Þar er gert ráð fyrir að fjárframlög
til brautarinnar verði á bilinu 45-50
milljónir króna.
I samtali við Tímann sagði Har-
aldur Bessason rektor Háskólans á
Akureyri að hann fagnaði því mjög
að þetta samþykki lægi fyrir.
„Beiðni okkar um fjárframlög
verður þó ekki afgreidd fyrr en við
næstu fjárlög. Með tilkomu þessar-
ar brautar er verið að stíga mjög
stórt skref og ég geri ráð fyrir að
við endurmat á tillögum um fjár-
framlög, sem voru settar fram eftir
rækilega athugun, verði haft sam-
ráð við sambærilegar stofnanir í
nágrannalöndunum sem hafa
mikla reynslu á þessu sviði. Það er
búið að vinna lengi að skipulagn-
ingu þessarar námsbrautar og hug-
myndin hefur frá upphafi verið sú
að hún verði þungamiðja í há-
skólanum hér á Akureyri. Ég lít
ekki svo á að boðun um endurmat
tillagnanna feli í sér höfnun, alls
ekki.“
Haraldur sagði jafnframt að
stofnkostnaður við deild af þessu
tagi væri mikill. „Við höfum lagt
áherslu á sparnað, t.d. hvað varðar
húsnæði og við munum alls ekki
fara þá leið að byggja dýrar bygg-
ingar sem við ráðum ekki við, en
það er ljóst að deildin þarf stórt
húsnæði," sagði Haraldur.
Eins og Tíminn hefur sagt frá
hefur komið til tals að kaupa
tilbúnar byggingar frá Noregi, e.k.
„skúra“ sem innihalda fullkomið
kennsluhúsnæði og rannsóknar-
stofur. Haraldur sagði að enn hefði
ekki verið tekin ákvörðun um kaup
á slíku en slíkt húsnæði hefði
reynst mjög vel fyrir starfsemi af
þessu tagi.
Ekki liggur fyrir hve margir
nemendur verða teknir inn á ári,
Haraldur Bessason, rektor
en ljóst er að auk þess að hafa
stúdentspróf verða umsækjendur
að hafa „legið eitthvað í salti“, eins
og Haraldur orðaði það, þ.e. hafa
reynslu af störfum við sjávarútveg.
SSH