Tíminn - 19.10.1989, Page 3

Fimmtudagur 19. október 1989
Tíminn 3
Skýrsla yfirskoöunarmanna ríkisreiknings:
Fyrirtæki og stofnanir
740m. umfram heimildir
í skýrslu yfirskoðunarmanna ríkisreiknings fyrir árið 1988
kemur fram að fyrirtæki og stofnanir sem heyra undir í
B-hluta ríkissjóðs hafa varið rúmlega 740 milljónum króna til
fjárfestinga nmfram heimildir á árinu. Þetta samsvarar til
41,5% iimfram heimildir og verður að teljast óviðunandi, að
mati yfirskoðunarmanna.
Yfirskoðunarmenn fóru sérstak-
lega fram á það við Ríkisendurskoð-
un að fá í hendur upplýsingar um
fjármál þeirra ríkisstofnana í A-
hluta sem farið höfðu meira en 20%
fram úr fjárveitingum á fjárlögum,
jafnframt því sem óskað var eftir
skýringum á umframútgjöldum í
hverju tilviki fyrir sig. 1 ljós kom að
86 embætti og stofnanir höfðu farið
meira en 20% fram úr fjárveitingum
á fjárlögum.
Þá könnuðu þeir einnig sérstak-
lega nokkur önnur málefni, s.s.
áfengiskaup á kostnaðarverði og
reglur um greiðslur á ferðakostnaði
erlendis, svo eitthvað sé nefnt.
Vilja hætta með
„sérkjaraáfengi“
Hvað áfengiskaup á kostnaðar-
verði viðkemur er það álit yfirskoð-
unarmanna að hætta beri að selja
áfengi og tóbak úr ÁTVR á svo-
nefndu kostnaðarverði til æðstu
stofnana þjóðfélagsins, eins og tíðk-
ast hefur um áratuga skeið. „Tvöföld
verðlagning á vörum býður ævinlega
heim möguleika á misnotkun, ekki
síst þegar lægra verðið er svo lágt að
mönnum finnast vörur á því verði
tæpast vera verðmæti," segir í
skýrslu yfirskoðunarmanna. Þá segir
að bókfærsla risnu ríkisins á lægra
verði en gengur og gerist í þjóðfélag-
inu torveldi einnig samanburð við
risnu annarra aðila og kalli líklega á
meira samkvæmishald en ella. Þessi
breyting hefði í för með sér að þótt
bókfæra þyrfti meiri kostnað vegna
risnu á vegum ráðuneyta og annarra
þeirra aðila sem hér um ræðir myndu
bókfærðar tekjur ÁTVR hækka að
sama skapi og því raunveruleg áhrif
á afkomu ríkissjóðs því engin. Þá
telja yfirskoðunarmenn brýnt að öll
ráðuneyti og stofnanir ríkisins betr-
umbæti bókhald það sem haldið er
um risnutilefni á þeirra vegum,
þannig að ekki geti leikið minnsti
vafi á réttmæti slíkra tilefna.
Yfirskoðunarmenn telja eðlilegt
að reglur um greiðslu ferðakostnað-
ar vegna ferðalaga á vegum ríkisins
frá 1973, verði teknar til endur-
skoðunar. M.a. í ljósi þess að í
mörgum tilvikum er ákvæði um
greiðslur sem þessar nú að finna í
kjarasamningum starfsmanna ríkis-
ins. í skýrslu ýfirskoðunarmanna
segir að það hafi tíðkast um nokkurt
skeið að æðstu menn í opinberri
þjónustu fái ríflegri dagpeninga-
greiðslur vegna ferðalaga. erlendis
en almennt gerist. í slíkum tilvikum
er oftast um það að ræða að greiddur
er hótelkostnaður samkvæmt reikn-
ingi auk dagpeninga. Almenna við-
miðunin segja yfirskoðunar-
mennimir að hljóti að vera sú að
menn beri hvorki kostnað af ferðum
sínum á opinberum vegum, né hafi
af þeim tekjur.
Tvenns konar breytingar koma til
greina að mati yfirskoðunarmanna.
Annars vegar að teknar verði upp
greiðslur samkvæmt reikningum
vegna alls kostnaðar þessara aðiia á
ferðalögum og fella þá niður dagpen-
ingagreiðslur. Hins vegar að lækka
það hlutfall dagpeninga sem greitt
er, þegar hótelkostnaður er einnig
greiddur, t.d. 2/3. Yfirskoðunar-
menn mæla með síðarnefndri
aðferð.
Ráðið í ráðuneyti
án heimilda
Þá var einnig sérstaklega könnuð
vinnuskylda ráðuneytisstarfsmanna.
í haust upplýstist að á launaskrá í
einu ráðuneytanna væri starfsmað-
ur, sem ekki gegndi þar störfum,
heldur væri starfsmaður tiltekins al-
þingismanns, Stefáns Valgeirssonar.
í framhaldi af því óskuðu yfirskoð-
unarmenn eftir því að Ríkisendur-
skoðun grennslaðist fyrir um hvort
algengt væri að starfsmenn væru
ráðnir í ráðuneytin án þess að hafa
þar vinnuskyldu. „Svör ráðuneyt-
anna bera með sér að svo er almennt
ekki,“ segir í skýrslunni. Yfirskoð-
unarmenn telja að ráðning starfs-
manna í stjórnarráðið með þessum
hætti sé án heimilda í lögum. -ABÓ
Samkort hf.:
Orkureikninga má
borga með korti
Tvær stærstu orkuveitur landsins
hafa gengið frá samningi við Sam-
kort hf. um reglubundnar boð-
greiðslur korthafa á orkureikningum
sínum.
Samingurinn felur í sér það hag-
ræði fyrir korthafa Samkorts hf. að
þeir geta nú greitt orkureikninga
sína mánaðarlega í stað tveggja
mánaðarlega áður. Þannig verða
greiðslumar jafnari og lægri. Þetta
gefur einnig gleggri mynd af föstum
útgjöldum heimilisins.
Með þessum samningi sem undir-
ritaður var í gær tekur Hitaveita
Reykjavíkur upp greiðslukortavið-
skipti í fyrsta sinn.
Með samningi þessum bætast Raf-
magnsveita Reykjavíkur og Hita-
veita Reykjavíkur í hóp fyrirtækja
sem samið hafa við Samkort hf. um
boðgreiðslur. Þar má nefna eftirfar-
andi fyrirtæki: DV, Morgunblaðið,
Ríkisútvarpið, Stöð 2 og Tíminn.
Samkort hf. hefur ákveðið að
annast milligöngu fyrir þá korthafa
sem óska eftir þessari þjónustu og
þurfa korthafar einungis að útfylla
svarseðil sem þeim hefur verið send-
ur og stinga honum í næsta póst-
kassa.
Stefnt er að því að ganga frá
samningum við RARIK og önnur
orkusölufyrirtæki fyrir n.k. mánaða-
mót þannig að öllum landsmönnum
standi til boða að greiða orkureikn-
inga sína með þessum hætti.
Fulltrúar Samkorta hf. og Rafmagnsveitu Reykjavíkur og Hitaveitu Reykjavíkur undirrita samning í gær.
Tímamynd Pjetur
Úrbætur í ullarmálum:
16% ULLARINNAR
VERÐLAUS VARA
Af þeirri ull sem lögð var inn hjá
Álafossi á síðastliðnu ári reyndust
16% algerlega verðlaus vara. Alls
voru lögð inn um 808 tonn af vetrar-
rúinni og 615 tonn af sumarrúinni
ull. Alls reyndust 226 tonn, mest
sumarrúin ull, vera algerlega verð-
laus vara.
Á síðastliðnu hausti voru lögð inn
70 tonn af haustull, nær eingöngu af
Norðurlandi, voru 43% metin í úr-
valsflokk.
Ákveðið hefur verið að hrein og
óskemmd haustull fái rýrnunarstuð-
ul 1,22 í haust sem þýðir að greitt
verður 22% hærra verð á kílóið en í
verðlagsgrundvelli.
Svokallaður ullarhópur sem tók
til starfa snemma á þessu ári að
frumkvæði Framleiðsluráðs land-
búnaðarins mun beita sér fyrir sér-
stöku kynningarátaki þar sem
áhersla verður lögð á haustrúning og
bætta meðferð ullar. Átakið stendur
yfir dagana 30. október til 2. nóv-
ember.
Haldnar verða kynningar á eftir-
töldum stöðum:
Hrafnkelsstöðum, Hrunamanna-
hreppi, Árnessýslu, mánudag 30.
okt. kl. 14:00.
Hesti í Borgarfirði, þriðjudag 31.
okt. kl. 10:30.
Samkomugerði I í Eyjafirði, mið-
vikudag 1. nóv. kl. 10:30.
Skriðuklaustri í Fljótsdal, fimmtu-
dag 2. nóv. kl. 14:00.
Kynningarnar fara fram með þeim
hætti að nokkur hópur fjár verður
rúinn, ullin skoðuð og metin og
leiðbeint verður um vinnubrögð við
frágang hennar. Þá verða frjálsar
umræður um ullarmálin í lok hverrar
kynningar. SSH
Málflutningur í Hafskipsmálinu:
Tíu tíma törn
Munnlegur málflutningur um
frávísunarkröfu fimm verjenda í
Hafskipsmálinu fór fram á þriðju-
dag og stóð í um tíu tíma. Búast
má við að eftir helgi verði kveðinn
upp úrskurður sakadóms um
kröfuna. Ljóst má vera að á hvorn
veginn sem fer, verði málinu vísað
til Hæstaréttar. -ABÓ
í tilefni af 100 ára afmæli
Félags íslenskra bókaútgefenda
verður efnt til bamabókaviku sem
hefst næstkomandi sunnudag.
Opnunarhátíð vikunnar verður í
Útvarpshúsinu við Efstaleiti kl.
15:00. Þar mun forseti íslands,
Vigdís Finnbogadóttir ávarpa gesti
og menntamálaráðherra mun opna
sýningu á bókum fyrir böm og
unglinga.
Meðan á bamabókavikunni
stendur verður ýmis starfsemi í
skólum, á bókasöfnum og í fjöl-
miðlum sem á að örva lestur barna
og unglinga.
Félag íslenskra bókaútgefenda
og menntamálaráðuneytið efna til
samkeppni meðal grunnskóla-
nemenda um ritgerð, smásögu eða
ljóð um efnið Börn og bækur eða
Heimur án bóka. Skilafrestur er til
10. nóvember og em vegleg bóka-
verðlaun í boði.
Gmnnskólanemendum hefur
verið boðið að kynna sér Útvarpið
og bókasýninguna alla vikuna fram
til föstudags frá kl. 9:00-18:00. Þar
verður úrval bóka, upplestur og
hljóðfæraleikur.