Tíminn - 09.12.1989, Page 2

2 Tíminn
Halldór Ásgrímsson sjávarútvegsráðherra:
Vill sátt um óbreytt
ástand í kjaramálum
„Hlutdeild heildarlauna í þjóðartekjum hefur á undanförn-
um árum verið hærri á íslandi en hjá þeim þjóðum sem við
berum okkur gjarnan saman við. Tilraunir til að jafna tekjur
milli launþega hafa alla jafnan gengið illa. Aðilar vinnumark-
aðsins hafa nánast gefist upp við að leysa þetta vandamál, í
besta falli varpað því yfir á ríkissjóð.“
Þetta var meðal þess sem Halldór
Ásgrímsson sjávarútvegsráðherra
sagði á spástefnu Stjórnunarfélags
íslands. Umræður manna á spástefn-
unni snerust mikið um þá staðreynd
að spáð er að árið 1990 verði þriðja
samdráttarárið í röð á íslandi, á
sama tíma og spáð er að 1990 verði
áttunda ár samfellds hagvaxtar í
OECD-löndunum.
Halldór Ásgrímsson sagði að sjá
hefði mátt það fyrir að sú þensla sem
varð á árunum 1986 og 1987 yrði
ekki varanleg og að menn hefðu átt
að taka tillit til þess, en það var ekki
gert í mörgum tilfellum.
„Áform um fjárfestingar og frek-
ari uppbyggingu fyrirtækja voru iðu-
lega teknar í þeirri barnalegu bjart-
sýni að þensla líðandi stundar væri
sá grundvöllur sem byggjandi væri á,
jafnvel þó um væri að ræða fjárfest-
ingu sem átti að endast í áratugi.
Það er eins og það vilji oft gleym-
ast að við lifum í litlu opnu hagkerfi
sem er að mestu háð ástandi fiski-
stofnanna þar sem brugðið getur til
beggja vona. Yfirstandandi óvissa
varðandi ástand loðnustofnsins sýnir
þetta vel.“
Halldór vék lítillega að banka-
kerfinu og sagði að stefna bæri að
því að hér yrðu aðeins tveir bankar.
Hann taldi einnig að ekki yrði komist
hjá því að breyta fjárfestingalána-
sjóðunum og stefna bæri að því að
hér risi einn sterkur fjárfestingalána-
sjóður. Með slíkum breytingum
myndi skapast meira samræmi í
útlánum.
Halldór sagði að margt benti til
þess að efnahagur landsmanna væri
nú að færast í heilbrigðara horf og
vísaði þar til þess að vöruskiptajöfn-
uður er nú hagstæður og betra
jafnvægi er á peningamörkuðum.
„Efnahagsstefna ríkisstjórnarinn-
ar mun á næstunni taka mið af því
að varðveita þau rekstrarskilyrði
sem hafa verið að skapast að undan-
förnu. Nauðsynleg forsenda fyrir
því að slíkt takist er að þeir kjara-
samningar sem eru framundan í
byrjun næsta árs taki mið af þeim
efnahagslega raunveruleika sem við
búum við. Ef það er ekki gert eykur
það aðeins á vanda komandi kyn-
slóða með nákvæmlega sama hætti
og þegar tekið er of mikið úr fiski-
stofnunum.
Það er mikill misskilningur sem
sumir reyndir stjórnmálamenn hafa
látið hafa eftir sér að undanförnu að
hægt sé á sama tíma að bæta lífskjör
og rekstrarskilyrði atvinnuveganna.
Forsendur fyrir bættum lífskjörum
skapast ekki nema okkur takist að
auka hagvöxt á ný og styrkja undir-
stöðuatvinnuvegina.
í þeirri stöðu sem þjóðarbúið er í
dag tel ég mesta óvissu tengjast þeim
kjarasamningum sem blasa við í
upphafi árs. Mikil hætta er á því að
kröfur um launahækkanir kollvarpi
þeim árangri sem þegar hefur náðst.
í þessu sambandi er ábyrgð aðila
vinnumarkaðarins mikil og er nauð-
synlegt að gerðir verði raunhæfir
samningar sem krefjast ekki sífelldra
afskipta ríkisvaldsins til að ná fram
tilsettum launajöfnuði.
Ég er þeirrar skoðunar að við
getum komið verðbólgu niður í 5%
á næsta ári. Það byggist hins vegar á
því að hér takist sátt um óbreytt
ástand á vinnumarkaði sem gæti í
senn forðað meira atvinnuleysi en
nú er og skapað grundvöll fyrir
bættum lífskjörum í framtíðinni.
Takist slík sátt verður hægt að lækka
raunvexti verulega í upphafi næsta
árs,“ sagði Halldór. -EÓ
Gríðarleg eftirspurn í A-Þýskalandi eftir ákveðnum íslenskum límmiða í bílrúður:
„Skynsemin ræður“
orðið frelsis-
tákn í Þýskalandi
„Ég hef undanfarið fengið
gríðarlega mörg bréf þar sem
verið er að biðja mig um þessa
límmiða með áletruninni
„Skynsemin ræður“ og voru ein-
kunnarorð samnefnds klúbbs.
Ég er bara löngu búinn með þá
sem voru hér í húsinu svo ég hef
ekki getað sinnt þessu lengi. Ég
hef verið að hugsa um að láta
prenta miðana í haugum og
senda út til að fá frið fyrir
bréfaflóðinu,“ sagði Júlíus Vífill
Ingvarsson framkvæmdastjóri
Ingvars Helgasonar h.f.
Eins og margir muna gekkst
Gunnar Bjamason fyrrum ráðunaut-
ur fyrir stofnun klúbbs eigenda og
aðdáenda Trabantbifreiða á íslandi
og hét klúbburinn Skynsemin ræður
og klúbbmeðlimir lfmdu miða með
þeirri áletrun í afturrúður bíla sinna.
Gríðarleg eftirspurn hefur verið
eftir þessum límmiðum í A-Þýska-
landi og fjölmargir Trabantar sem
nú aka um austurþýska vegi og
raunar um vesturþýska vegi - á
undanþágu frá mengunarlögum-
bera þessa áletrun. Almennt er litið
á þessa íslensku áletrun á Trab-
öntunum sem mikilvægt frelsistákn
beggja vegna hins nú marklausa
jámtjalds.
Gunnar Bjarnason sagði að upp-
hafið að klúbbnum Skynsemin ræður
hefði verið það að hann festi á sínum
tíma kaup á Trabant og stofnaði
klúbbinn til þess að ögra því snobbi
sem tíðkast kring um bíia, einkum
af svokölluðum fínni tegundum.
Fjöldi manns var í klúbbnum eða
meirihluti allra Trabanteigenda og
hittust þeir reglulega og ræddu
áhugamál sitt, Trabantinn og for-
ystumenn klúbbsins heimsóttu Eis-
enach, þar sem Trabbinn er fram-
leiddur.
Svo fór að innflutningurTrabants-
ins var stöðvaður á þeim forsendum
að eldsneytistankurinn væri þannig
staðsettur að eldhætta stafaði af.
Síðan hefurstarfsemi klúbbsins legið
niðri að mestu.
Starfsemi og tilvera klúbbsins
vakti talsverða athygli á sfnum tíma
í A-Þýskalandi og sagði Júlíus Vífill
að hann hefði oft fundið að A-Þjóð-
verjum hefði þótt vænt um starfsemi
hans og tilvist.
Júlíus sagði að ekki væri loku fyrir
það skotið að aftur yrði byrjað að
flytja inn Trabant og raunar stóra
bróður hans Wartburg einnig. Trab-
antinn hefur nú verið búinn fjór-
gengisvél frá V-Þýskalandi og er það
sama vél og er í Volkswagen Polo.
Bensíntankurinn hefur einnig verið
fluttur úr vélarrýminu aftur í bílinn
og gírstöngin er komin í gólfið í stað
þess að koma út úr mælaborðinu
miðju. Þá hefur Wartburginum verið
breytt einnig og er hann búinn sömu
vél og standardgerðir Volkswagen
Golf. Bílarnir eru nánast óbreyttir í
útliti. -sá
OPNAÐ HEFUR VERIÐ gistiheimili á Sauðárkróki undir nafninu: Áning
- gistihús. Að rekstrinum stendur Áning - ferðaþjónusta hf. en undanfarin
tvö sumur hefur Áning rekið sumarhótel í heimavist Fjölbrautaskólans á
Sauðárkróki.
Áning - gistihús, er til húsa að Kaupvangstorgi 1. Boðið er upp á gistingu
í fimm herbergjum og morgunverð.
SKYTTURA
VEIÐISLÓD
Út er komin bókin „Skyttur á
veiðislóð" eftir Eggert Skúlason og
Þór Jónsson. Bókin er alfarið helg-
uð skotveiði, eins og nafnið bendir
til. Níu skotveiðimenn víðsvegar
af landinu segja frá veiðiferðum
sínum, veiðiaðferðum og útskýra
þær. Viðmælendur sem margir
hverjir hafa stundað veiðimennsku
frá blautu barnsbeini koma víða
við og miðla af áratugalangri
reynslu sinni. Engin bráð verður
útundan í frásögnum þeirra:
Hreindýr, refir, gæsir, rjúpa,
endur, selir, svartfugl og skarfur.
Þeir sem segja frá eru; Sólmund-
ur Tryggvi Einarsson fiskifræðing-
ur, Ari Albertsson refaskytta og
sjómaður Ólafsfirði, Snorri Jó-
hannesson refaskytta og bóndi á
Augastöðum í Borgarfirði, Magn-
ús Kristjánsson bankamaður í Vík
í Mýrdal, Sverrir Hermannsson
bankastjóri, Karl Bridde bakari,
Sverrir Scheving Thorsteinsson
jarðfræðingur, Markús Stefánsson
verslunarmaður og Páll Magnús-
son fréttastjóri.
Bókaútgáfan Iðunn gefur bókina
út. Fjöldi mynda prýðir „Skyttur á
veiðislóð." Páll Stefánsson tók for-
síðumyndina.